影片
营业时间
今日营业
16:00 - 00:45
星期一至日
16:00 - 00:45
以上资料只供参考，请与餐厅确认详情
主打串燒同雞煲火鍋！眾所周串燒同雞煲都係即做嘅，所以係無唔好食既！出色嘅地方串燒真材實料啖啖肉，最鍾意食佢個燒牛俐，燒雞泡魚乾，送酒無得彈，款式多仲無減料係港式口味個種，仲有時令海鮮燒！開到凌晨三點，三五知己食下野歎下啤酒吹下水認真一流！再講火鍋料都係新鮮，本人除左食雞煲仲推甄胡椒豬肚湯火鍋，胡椒味濃，豬肚夠淋又入味，成日都食雞煲，試左一次胡椒豬肚，估唔到一樣出色！價錢就平常價，唔好同深圳比，事關上水就真係好近深圳，但答車錢同時間都係返度，👍燒皇
继续阅读
🟠 藥膳雞煲（$158）因為唔想食辣，朋友又唔食椰子同豬肚，所以得番藥膳雞煲可以揀😂呢個藥膳湯底都算幾足料，有好種唔同既藥材，不過有d我就唔知係咩藥材，如果可以寫埋係餐單就好啦😆半隻雞既份量都算幾多，唔會話食2舊就無哂，而且肉質嫩滑👍🏻將所有材料落煲之後，到最後湯底勁好飲，又唔話好重藥材味到好苦既感覺🙈🟡 白膳片（$88）膳片每舊都幾大舊，而且有8-10舊，肉質都鮮味，加埋藥膳湯底，味道入味得黎都幾夾😽🟢什菜拼盤（$38）拼盤黎講，比想像中既菜少種類，得3種菜，分別係娃娃菜、生菜同油麥菜，菜既份量亦唔算好多🙃不過當菜熟左，唔點豉油，用左枱上一樽辣粉食，都幾好味，不過辣粉唔係話好辣個種。🔵川燒蒙古羊肉（$19/串） 汁燒原隻魷魚 （$38/串）羊肉一串有6舊，肉質嫩，而且羊味重，好好食😋魷魚好大串，肉質彈牙，醬細汁好入味，好食👍🏻2串串燒都叫左少辣，真係好少，唔會話太辣。
继续阅读
話說仲未整到回鄉證，又掛住深圳個椰子雞，最後搵到間上水串燒椰子雞煲試試佢！🔴燒皇燒烤雞煲專門店間舖唔算大，大約10張枱左右，星期六日晚飯時間去預一定要等位。有好多款串燒揀，眼見有人係淨係食串燒飲下酒，佢亦有多款雞煲底揀。🔸椰子雞煲(半隻雞) $208首先佢個椰子雞煲有大大塊椰肉，亦有雪耳同紅棗枸杞，滾起後可以飲碗湯先，個湯十分清甜。雞肉亦唔會太柴，配上佢個辣椒豉油一絕！🔸美國頂級安格斯肥牛(小) $168佢係自己手切出黎的，所以唔會太薄，食落有口感之餘、牛味亦有！肥瘦適中！ 略嫌份量有點少，大約7塊左右🔸白鱔片 $88鱔片份量頗多，不過每塊鱔片都好多細骨，食時要注意！🔸配料-特大鮮竹笙 $52竹笙配椰子雞湯係最佳拍檔，每啖竹笙都感受到濃濃既椰子雞湯，正🤤 健康又好味！🔸配料雙拼 - 貢丸及芝心獅子狗 $40比較少地方有芝心獅子狗，可以雙拼每樣試少少係幾好既選擇，貢丸就一般貨色！份量都係略嫌有點少。🔸串燒 - 燒蜜糖芝心丸 $13唔怪得幾多人叫串燒，佢串燒係燒得幾好！仲要都幾多野食揀，可走辣、小辣、中辣同大辣！ 總結個椰子雞煲同串燒都可以一試！佢有兩間分店，一間新蒲崗同上水，地點唔算太方便，去開附近可以試試！推薦指數🌕🌕🌕🌗🌑抵食指數🌕🌕🌕🌑🌑燒皇燒烤雞煲專門店(上水）地址：上水符興街3號地舖燒皇燒烤雞煲專門店(新蒲崗）地址：新蒲崗衍慶街34號地舖Like, share & follow@binlocouple #hkfoodie #hkfoodblog #hkfoodpic #香港美食 #香港打卡 #香港foodie #香港美食 #火鍋控 #火鍋 #上水美食 #椰子雞煲
继续阅读
來到這區食飯也沒有預計會找到一間那半麼性價比高的串燒+火鍋餐廳。這家店非常多人幫襯，幸好我一早便長已去霸位，一坐低便柯打了幾串串燒，接著便柯打了一個豬肚雞㷛，味道非常可口
继续阅读
好少喺北區食到好食嘅串燒，同同事打邊爐諗住抱住試下嘅心態就book咗呢間試，見到有串燒叫咗份牛肋肉試下，我哋六個人食，二百靚蚊叫咗一份當小菜都夠食，。燒得夠香、夠牛味、仲保持到肉汁。好難得係北區食到呢種質素嘅串燒
继续阅读