影片
港铁铜锣湾站 E 出口, 步行约7分钟
继续阅读
营业时间
星期一
全日休息
星期二至日
10:00 - 20:00
以上资料只供参考，请与餐厅确认详情
去開中央圖書館，見有少少肚餓但又未到晚飯時間，就去食啲小食。沙茶魚蛋係我同年回憶，以前喺中央圖書館溫書肚餓必食，而家搬咗去隔離街營多舖入邊，味道依然～張梁點餐👦🏻🧒🏻1）$15 《沙茶魚蛋撈麵》評分（10分滿分）：8⃣食評💬：性價比算高，價錢平過七仔，仲要好食過七仔！沙茶醬即係沙嗲醬啲朋友，惹味啲～2）$16 《炸魚片頭撈麵》評分（10分滿分）：8⃣食評💬：炸魚片頭外脆內軟，好有魚蛋味。撈麵有得揀辣定唔辣，都係營多入面啲味粉，辣嘅話都幾辣！不過可以嗌少辣～煥林粉麵食店 (銅鑼灣)📍銅鑼灣信德街1-7號美蘭閣地下A舖營多店舖內
继续阅读
煥林雖然我未至於由細食到大，但的確睇住佢搬左幾次舖，曾經有一次搬左之後就無再開舖，好彩我朋友有佢FB，所以知老闆的近況，例如無開舖之後同老闆娘去玩等等，都可以知道，而最開心的消息就係佢地係銅鑼灣營多入面開左舖，煥林又重新了，所以好開心，我地又去左幫襯好多次，因為佢的沙茶醬撈面同格仔餅真係好正，我最愛的就係格仔餅，不過搬左去營多的煥林就變左星期一休息。今次我去煥林就叫左豬扒沙茶撈麵，再加左一個新產品鹽酥雞，先講下豬扒撈麵，塊豬扒真係好好味，而且佢煮的撈麵軟硬又適中，不會太淋，所以撈起來好好食，老闆亦會問埋你地要唔要加沙茶醬，加左真係好好味，不過上次老闆再加左隻泰式醬仲更加好食，如果今次有，五星推薦都可以有。之後就係鹽酥雞，係之前我嚟的時候未有的產品，當然我唔知佢推出左幾耐，畢竟呢排少左出銅鑼灣，但係呢個鹽酥雞真係好正，脆卜卜，調味都適宜，不會過鹹。以下評分以5⭐️為滿分推介⭐️⭐️⭐️⭐️
继续阅读
好多年前已經是煥林的fans......由中學吃到大學吃到出來工作，仍然最喜歡這家小店的撈麵和墨魚丸。每次煥林關店，我都超級擔心以後冇得食煥林撈麵！好開心今次雖換了地點，好味程度依然不變! 高度推介: 沙茶醬撈麵墨魚丸加泰式辣醬每次吃完都有幸福的感覺
继续阅读
喺天后出沒開嘅大家一定知道煥林小食， 喺十字路口而且夥記同老闆手腳又快， 醫肚 真係快靚正㗎。 新頂咗佢鋪喺嗰間就。。。。 煥林之前換個舖位去到 後巷，但最後呢就入咗去間印尼超市。 見返老闆真係好開心㗎即時買番個夾餅嚟慶祝。姐姐較定時間黎整，等左8分鐘左右。接到手 熱辣辣, 軟熟悉中 餡料絕不偷工減料， 咬落去有啲脆又有香軟， 真係好開心。不過可能隻袋嘅問題通唔到分好快 就淋咗lu。 另外如果我可以嘅話想叫多醬好鍾意好多砂糖喺口颯颯聲嘅聲音。我諗我哋要嘅唔單止係醫飽我哋嘅美食仲係嗰份人情味。
继续阅读
讀書時期，經常同老友去中央温書。温到餓餓地，梗要走過對面街揾煥林醫下肚。最岀名嘅食物非沙茶撈面莫屬。早兩年因為加租嘅關係，見證煥林結業一刻。最近老友話煥林重新開業，即刻約埋一齊去撐下場，回味一下沙茶撈面嘅味道！新地址其實就係舊址附近，但佢實際係搬左入去營多店裡面。環境當然比以前好，有冷氣有台，大熱天時食撈面都唔洗身水身汗。我叫左份撈面加多條司華力腸，保持一貫高質水準，我敢講呢個撈面係全香港最好食！以後落開銅鑼灣一定會去食，極力推薦！
继续阅读