無老鍋

营业中

休息中

第一次食無老鍋在台北。驚為天人。 Covid 後香港開了分店。 說實話巳經覺得味道同台灣不一樣。 今日天氣凍諗住去打邊爐。 點知等了個半鐘。覺得唔對路。入去点店中發現有吉枱. 都唔俾你，你戇居居. 今次食發現味道差更多! 鸭红無味. 冰琳豆腐 唔点。 其實見佢地不停promotion 的已经觉得可能係最後一次食。 今晚之後幾sure 無下次🤬🤬🤬🤬🤬 $1000 套餐2人餐野食以少。 又唔夠人做嘢， 這個價个錢大巴地方食火锅

無老鍋係大陸冇分店，特登來香港食。最近光顧頻率實在是太高而且用餐時間只有90分鐘但是依然值得強烈推薦！！！很好吃！好吃到每次都忘記拍照！我同老婆每次黎都能炫好多牛肉🐂🐂吃的我哋非常之開心😃鍋底：很乾淨！通常會點鴛鴦鍋！有股非常淡的中藥味讓人感覺很健康很養生，哈哈哈～鍋裡的鴨血和麵包豆腐，不限量供應，很入味必點：無骨牛小排雪花牛肉手切牛腹肉海鮮拼盤水蓮我哋兩個人飯量好大，通常人均500hkd

雖然食物質素好,但服務真系唔得,這日星期四,客人唔多,話可以食野唔使計時,我6：15 pm 點餐,食到7：30 已問再有無加,無就埋單,就算經理都話無問題,真是無下次

無老鍋好耐之前已經喺台灣食過，嗰時真係覺得好好食，之前喺香港試過鼎王，同台灣食嘅爭好遠，所以雖然知道無老鍋喺香港開咗好耐，都唔敢去試！費事失望！但今日朋友話好想去試吓，咁就晏晝一齊去食！當然價格就比台灣貴好多，當日中午去到，完全唔需要訂位，成間舖頭得兩三台人客，睇今日情況就知道而家飲食界真係好難捱！用OpenRice訂位，仲有啲折頭添，大家都記得要用吓！去到見到有啲午市套餐，但一心嚟到，就梗係想食佢啲豆腐同埋鴨血，如果跟餐嘅話，就冇得任食，所以我哋決定唔跟餐叫！直接嗌鍋底！叫咗個鴛鴦鍋底，一個係麻辣，一個係無老鍋湯底，再嗌埋個冰淇淋豆腐。坐低一陣，湯底就到！出邊亦都有自助嘅調味料，當然冇大陸嗰啲選擇咁多，正正常常！呢度嘅白飯係任添嘅，配豆腐送白飯都唔錯！而我亦都有嗌下啲小食同牛肉，始終要幫襯一下！坦白講，啲鴨血同豆腐真係好好食，勝過其他小食同牛肉，所以呢餐我可以係食豆腐食飽的！呢度嘅冷氣都好充足，食完唔會一陣味！服務方面都算幾好，整體係唔錯！食過一次之後對佢嘅信心返晒嚟，一定會再試！

尖沙咀這家店環境裝修都很不錯，走進來有種溫馨的感覺。台式鍋底也超級讚的，我點的是鴛鴦鍋，冰激凌豆腐口感都超級綿密，入口即化，非常之好食物。牛肉拼盤588hkd都超級抵，肉質鮮美，口感好。還有必備的鵝腸，酥酥脆脆，每次必點。最有特點的還是水蓮，第一次吃，太驚艷了。

台灣無老鍋同埋上海鼎王無老鍋都食過好多次，香港第一次食，不過覺得貴好多同埋冇咁好食。我哋四個女仔叫咗個牛肉拼盤，四款每款四片，一個海鮮拼盤，三款，每款三四件，一碟丸，一個菜籃，一個老油條，四杯嘢飲，2千幾蚊埋單。$58杯飲品味道麻麻地，杯檸檬茶，唔知點解有朱古力味。海鮮拼盤，急凍未溶雪，無味。老油條超硬，好似粥舖朝頭早賣剩咁，連我最鍾意飲嗰杯沙冰都麻麻哋，應該係碟丸最好食了。有啲失望，應該唔會再考慮過黎。

火鍋店設$750最低消費，服務員堅持二人枱給四人坐; 有四人空桌，卻只可留給六人座。 有空桌也不安排，車已泊入停車場🥶現場多張6人桌卻坐了4個人，不解！服務員只重覆這是公司規定。

麻辣鴨血湯底同安格斯牛肉都好好食仲有大大杯日本生啤環境唔錯，窗景欣賞倒K11，店內裝修都好簡約時尚最後送左個蜜桃冰沙，好清爽雖然有d貴，最後三人埋單二千蚊但對得住價錢既，可以再戰

聽過無老鍋呢間餐廳好多次，一直想試，星期五終於約到朋友去食！ 尖沙咀分店o係尖東地鐵站隔離，尚算方便我地book 左8:30pm，去到餐廳都依然坐滿，現今市道都幾難得！ 餐廳裝修新淨，樓底高，坐位都唔算迫，就算坐餐廳坐滿都唔會太嘈。我地點左鴛鴦鍋（冰淇淋豆腐鍋 + 無老辣香鍋) ，湯底出色，鴨血和豆腐無限任加，白飯也是自己於醬料區旁任添的。另外，我們還點了安格斯肥牛，梅花豬肉拼雞脾肉，花枝片，響鈴，綜合丸，娃娃菜等食材。整體食物質素新鮮，穩打穩紮！ 店員還介社交平台打咭可送一款自選肉類，我們選了牛腱，都幾大碟！ 最後，餐廳還安排每人一細杯水蜜桃沙冰解辣！ 埋單人均消費四百幾，唔算太貴，適合朋友聚會，美中不足的為餐廳有用餐限時！

由細到大都好鍾意打邊爐，但係食親嘅一間有一間咁執笠，所以都唔知邊間好食。有一次喺台灣食過無老鍋之後，發覺呢間嘢真係不得了，非常之好食。之後喺香港搵得到佢嘅足跡，就二話不說咁入去試。叫咗鴛鴦鍋，真係超級好食，任食豆腐同埋鴨血，淨係食呢兩款已經非常之惹味，再加上個湯底，就咁飲咗一啲都唔會覺得鹹，然後聽個店員推介，叫咗個牛嘅拼盤，啲牛好新鮮勁香牛味，唔似出面嗰啲舖頭，俾啲急凍有陣雪藏味牛肉你。然後再加多個丸嘅拼盤，啲丸又係好好食，全部都好彈牙，應該全部都係自己間舖頭整出嚟。其實仲有嗌咗個排骨酥，個排骨酥真係一定要推薦你去試，因為係舖頭自己整，好有台灣風味，好食到不得了。仲有嗰個雪糕豆腐，唔想講太多，因為真係好好食，起碼加添咗三次！佢本身張枱都包咗壺茶，茶已經好好飲，唔使再額外叫咩特別嘅飲品，除非真係好想飲啦

1. 整體店員欠主動，不主動加湯、豆腐、鴨血，亦沒有主動添茶水，完全沒有營造賓至如歸嘅感覺，跟台灣大不同。2. 在顧客提醒後，個別店員有黑面情況，語氣甚為「趕客」，顧客只是提出合要求，何以要「貼錢買難受」？3. 餐廳有漏單情況，店舖沒有措施杜絕相關情況，店員沒有跟進，令人失望。4. 食物質素符合預期，惟只能歸功於連鎖經營之生產線，與本分店關係不大。5. 特別表揚用餐當日銅鑼灣分店過檔之男性職員，待客之道及態度遠勝一籌，甚至能認出回頭客，份外親切👍6. 整體用餐體驗遠遜於銅鑼灣分店，宜改之，性價比甚低

終於食到大名鼎鼎的無老鍋, 相信好多人都知道無老鍋係台灣黎香港的過江龍!而過江龍最怕就係質素有走樣 我地今次唔係叫左特別多但無論湯底同埋肉, 我地都覺得係好食既!唔錯

知道香港終於都開左無老鍋已經好想黎食架喇懷念台灣既味道等熱潮無咁犀利個陣我地終於BOOK到喇個環境都好靚都坐得好舒服湯底我地嗌左鴛鴦鍋麵包豆腐白湯鍋+無老辣香鍋白湯夠哂味 豆腐好索湯辣鍋個麻辣好香 又唔會太辣加埋鴨血一齊食超夾我仲叫左份上選牛小排一份花枝片一份手工瑤柱滑一份萵荀其實已經好夠食因為鴨血同豆腐可以任加店員都會好主動問你要唔要加鴨血豆腐食到我地捧住個眶走真係好滿足

自從個客帶完我食完，成日心掛掛無老鍋陣味🤣1.打邊爐無論咩湯底，作為重口味既我非常在意調味料bar，蒜蓉係我一定要既醬，原來無老鍋係冇蒜蓉架～係蒜水😀又幾好喎！啲麵包豆腐點個汁超正！又啱我口味😋😋😋2.第二次食無老鍋，都係再食麵包豆腐鍋，飲完個湯先落野食😋好濃好香豆腐、雞味3.一個人叫咗個lunch set，好飽食唔哂有一碟牛、一碟豬、一份蝦滑、鍋底嘅豆腐同鴨血無限添食🤤 4.成日打完邊爐個口難免有浸蒜味，好鍾意佢哋喺客人完餐後，上一杯蜜桃沙冰，可以去除咗陣蒜味😂賣完單送咗個叉電器俾我，話係一周年紀念品，細細個都幾好用👍🏽

「人間仙境桃花源」作意境「以客為尊」的服務態度在台灣已經食過這間超受歡迎的火鍋店 ，今次同朋友聚會在香港食。ε٩(๑> ₃ <)۶з鴛鴦鍋（冰淇淋豆腐鍋+無老辣香鍋）點呢個鍋一次過可以品嚐兩種風味，兩款湯底各有千秋，豆腐白湯鍋使用雞骨、豬大骨、洋蔥、青蔥、薑、蒜頭等優質食材，造就鮮美湯頭，裏面亦都有少少中藥香辛料味。無老辣香鍋的辣只是微辣，比較濃郁香醇，中藥味都幾重，因為使用特製中藥香辛料熬製，仲加了洋蔥、青蔥、薑、蒜頭、雞骨、豬大骨........無老辣香鍋的風味令我想起小肥羊的湯底，可能大家同樣使用了中藥配料。湯頭特別造就了無老鍋的成功，鍋底入面仲添加獨特的「麵包豆腐」，豆腐吸收了湯底的精華，配合的特殊口感，超級美味。(｡◕∀◕｡)鴨血超級滑溜，可以無限添加。$588牛併盤 + 手工丸（牛邊抓 / 封門柳/ 牛頸脊/牛黃喉）牛頸脊位於牛頸與肩胛之間，其雪花紋分布細緻，有適量油花、肉質嫩滑又有咬口，肉味濃郁 。封門柳牛味濃郁，味道鮮甜。爪邊肉包著牛助骨的部位，牛脂比例豐富，肉味香，有質感。牛黃喉 是牛的通往心臟主動脈血管建議煮10-12秒，口感爽脆冰淇淋豆腐需下鍋煮1