無肉食 (堡壘街) (已結業)

周末去吃饭，8点入座时话9点收食物，觉得一个钟都够了，ok。结果原来食物一直都不会增加。就是说，8点的时候有几个菜已经差不多无了，到9点都不会增加，后来的人就唯有无得食。食到噶几个菜味道都可以。不过吃完饭一直吵架口渴，觉得可能有味精咯....

保疊街有2間素食，都設自助餐，我兩間都未試過。無肉食自助午餐以$68 免加一比另一便宜，再加上人流來計，應該先食無肉食比較穩當。入到去見到老闆一個人好忙，又要安排坐位，清潔枱面，收銀，管理全店員工，仲要聽埋啲booking 電話。。。真係唔該大家醒少少，午市同晚市都好忙，請不要喺呢兩個時段打電話訂枱。。。見到老闆咁忙，我們倆乖乖地等之餘，順便幫老闆睇住個門口😂😂😂環境簡潔，木枱木椅。食物種類，因為是素的關係，不外乎豆腐，瓜，菜，薯仔之類，但唔會係平時去齋鋪食嗰啲“扮晒肉”嘅麵粉。最驚喜係，皮蛋豆腐好好食，醬汁調得不錯，還撒上芝麻。冷盤除豆腐外，還推紅菜頭，薯仔沙律。炸物，推煎堆仔，腐皮卷。熱盤，唔好意思，不吸引，幾乎全部都係菜。。湯，我嗰日飲的是椰子湯，清甜滋潤。到甜品有糖水，比較可推的是紅豆糕 食完甜品快樂地結束這餐，雖然限時75分鐘，但我們一個鐘頭已吃得飽飽，refill食物非常快，食物質素不錯，值得一提，炸物很脆不油膩最後，老闆還問我們啲食物岩唔岩食，非常親切！值得支持💪補充一點，太斯文的朋友就最好不要來囉！😂😂😂 說笑！拎食物時切記要有禮貌，要懂禮讓，小心老友記同小朋友。🤗

無肉食! 咪唔食肉囉! 這一個是我茹素的宗旨。每一天的飲食，有肉不妨食，一天三餐沒有肉，又唔會食唔到飯的。是日家庭聚會，我們大伙兒就來到位於北角堡壘街的一家名字就叫《無肉食》的餐廳。《無肉食》，即係呢間餐廳唔會 serve 肉啦，唔 serve 肉，也即是這一家是素食餐廳。 其實，這餐廳早已經具有名氣，我絕對是遲來品味的一批素食朋友之一。餐廳名氣高的主要原因，就是他們是長期做自助餐的。而且價錢不貴，所以《無肉食》開張的初期，日日夜夜都有好多人排隊。 餐廳，就以近來極流行的工業風來做內部的裝修。簡簡單單的餐室，自助的食物就放在餐廳的正中心，無論你坐在餐廳的任何一方，都可以方便地取食。 無肉食，所以我們看到的就是簡單的蔬菜粉麵。蕃茄麵筋，炒麵，非常之受歡迎。 當然，炒河粉也是一個人人喜愛食的東西。畢竟，這些是主食。但當我夾起河粉時，才發現是河粉加腸粉，吃起來感覺更加之豐富豐足。 主要的熱食，其實都是蔬菜居多，以菜伴麵伴河粉，不需要素肉，不需要味道濃厚。素食向來就是清新加健康，多吃蔬菜，就是這餐廳帶給大家的訊息。 全是菜，冇啖好食。(好多未能茹素的人一定會咁講。) 事實上，此店提供不少的

閒日放假，專登和朋友兩人搭車去到北角站，然後行去保壘街食素菜自助餐，收費只需$68免加一。估唔到晏晝接近兩點都仲咁多人食緊，好彩我哋去到啱啱有一張吉枱，餐廳環境好有工業風味，一坐低我就即刻攞嘢食，估唔到$68嘅自助餐都可以有咁多款菜食，仲有飯、炒麵、炒粉、煎及蒸嘅糕點、甜品、茶、水、湯等等，完全啱哂喜歡食素菜嘅我，好多菜式都煮得好好味，我個人好欣賞鮮蕃茄煮南瓜豆腐，送飯真係一流，甜品又唔會太甜，最主要好少炸嘢，所以好啱注重健康嘅朋友們食，當日我都算做食得多，但萬萬都估唔到竟然有位婆婆仲食得多過我，哈哈，所以決定下次一定帶埋媽媽去食。總結：好味又抵食，絕對值得推介！千祈唔好要求有太多嘅服務，我個人就好鍾意呢種自助形式，個個食完都會自動自覺地收拾好張枱上嘅碗碟，食完才行過去付款，老闆又後生，又有善，令人覺得至於地點位置就真係未必個個識去，因為如果坐港鐵就啱啱係北角及炮台山兩個站嘅中間，如果照住張卡片上嘅地圖行，都算易搵嘅。

又要接受訂枱，又要無位比人，等咗勁耐！一係你就唔好接，接咗你就唔好齋叫人等啦！痴線咩～！雖然話係自助餐啫，都係要比錢㗎～！係我見過最差入座安排嘅齋舖囉！貼錢買難受！問佢仲要話全世界都要等！

晚上8點半到餐廳，吧枱上的食物都所剩無多，熱盤，湯類，基本上枱面嘅食物都係凍嘅，春卷又多油又凍，問職員可否加點食物，職員回答：沒有。這樣的食物和服務態度，完全不知所謂。離開自助餐餐廳食完都係肚餓，真係勁。

雖然今日唔係Green Monday, 但偶爾食下素食都係對身體好，今日去左無肉食試下佢地的素食自助餐。平日晚餐價錢係$108免加一，餐廳環境感覺舒適，入座後一切自助。菜式相對健康，棄用加工素肉，不過素食味道始終較一般自助餐單調。素食口味有甜有鹹有濃有淡，任君選擇。食物款式包括沙律、 炒菜、炸品、糕點全部齊，炒面、炒河仲有埋甜品。必食推介：炸春卷，芝士撻，沙律，炒粉，中式糖水基本上涼菜熱菜都好好食，而且不停添加食物，雖然冇肉食，但都絶對係豐足的一餐。食飽後要自己執拾碗筷及倒掉剩餸，客人依照指示分類收拾好。整體而言，餐廳的概念值得支持，食物種類都都唔少，而且幾好吃！不過中午會抵食D。

年紀漸長, 特別注重健康飲食, 尤其是長者們。爸媽茹素多年, 我也照樣習以為常, 但偶爾就會放肆一吓！屋企附近新開咗兩間素食餐廳, 平日經過, 總是排晒長龍！難得近期熱潮稍微過, 一於孖住爸媽去食素……話雖如此, 始終都係book定位好啲, 星期六、日walk in嘅話, 去到就預咗要有排呆等嘞！三人行, 星期日中午12點準時到達。餐廳内已坐滿六、七成客人, buffet枱亦出現咗人龍排隊拎嘢食, 侍應生安排咗靠近門口嘅位置畀我哋。食完先畀錢, 客人毫不客氣一窩蜂咁橫掃, 難怪我哋一出去就已經無乜嘢食啦！好彩餐廳醒水, 會不停refill番, 算係咁！68蚊免加一嘅自助餐, 大家唔好expect係啲新派fusion素菜呀！大部份嘅素菜都係以瓜菜、豆腐、菇菌類為主食, 而且味道清淡, 一啲都唔重口味, 係切切實實嘅"素食主義"呢！一盤盤唔同款嘅純炒菜, 計有炒菜心、炒白菜仔、炒菠菜、炒唐生菜等等, 非常住家feel！另有菇菌豆腐類嘅雜炒苦瓜、豆角、西芹、黑木耳、翠玉瓜、勝瓜、菜餃、西蘭花、椰菜花等等嘅家常菜, 不過煮得較為油膩！也有炆南瓜、白蘿蔔、豆腐卜、豆腐角等等啦, 送飯啱晒！清淡

今天午飯時往北角辦點事，到兩點才有時間去醫肚，本以為已2:00過後人較少，但完全錯了！$68 任食的素食餐廳，全自助，頭盤、主菜、甜品、湯、飯、炒粉麵全素食，水準似一間飯堂，但十分新鮮，$68任食要求當然不能要求太高。要讚的是：此餐廳教育到每位顧客都自覺性收拾桌面，而大部份客人要添食的時候，都會拿回同一隻碟使用，很有環保意識。要推介的是他們的炸點心，全部新鮮很脆。用素煲的湯也得不錯，估不到不用肉煲也很好味。

我們一行六人訂了晚上七點的座, 但六點半未齊人時入去問, 平日晚上非齋期或特別日子時, 可以不計時間, 所以我們未齊人也可先入坐, 吃些點心和飲些飲料坐著等。這裡的自助餐真的要自助, 除了拿食物要自助外, 收碗碟, 倒廚餘都是需要自己去做的。食素的人也多不介意, 多數人甚至會拿吃過的碟出去再拿食物, 以減少清洗的消耗。放食物的地方不算很大, 大慨也有四五十款食物, 有湯有飲品有菜, 也有不少點心, 中西日式的都有, 以素菜來說我覺得算是很多選擇的了, 不過甜品的選擇比較少, 只有兩款糖水, 芝士撻, 紅豆糕和馬蹄糕。但見食物不斷的添加, 有時還會換款式。炸的東西因為新鮮熱辣, 都很好吃, 芝士撻和雜果沙律則是其他朋友一致覺得最好吃的。我每樣試一些已很飽了, 坐著喝茶聊天坐了差不多三小時。埋單每人才108, 實在很經濟。環境方面, 店裡空間雖不多, 枱也頗密, 但樓底很高, 感覺開揚, 坐得算舒服。當日有一群六十多人的人在一起聚餐, 就比較吵, 不過我們坐在一旁聊天還可以。

位於炮台山港鐵站附近的「無肉食」於2015年7月正式開張，餐廳乃素食店及採用素食自助餐形式運作。餐廳老闆阿邦非常年輕，自己體會過素食的好處後，就決定開辦這間餐廳，希望更多人知道素食選擇可以好豐富、有好多變化。餐廳以自助形式經營，目的是讓客人學會惜食，「食幾多、攞幾多」。食材方面以天然瓜菜為主，全無素料、無葱蒜，餐單日日不同，每餐都有近40款餸菜和冷盤輪流上場，熱盤有各式炒粉麵、豆腐、番薯、番茄炒蛋、糕點包點等，另有粥品、湯品、白飯任裝，晚市的食物則更為精緻，會供應點心、蒸餃、糖水等。無肉食力行減廢惜食，既不用即棄餐具，要求食客自己執碗，從中感受惜食不浪費。餐廳更聯同一眾熱心義工，抱著環保惜食概念，每晚將剩下飯餸派到有需要人手中。 由於餐廳的自助午餐HK$68一位今時今日實在超值，所以每天正午12時開門營業前，門外已有人龍排隊等入場，客人入座前須付款，食飽後要自己執拾碗筷及倒掉剩餸以節省人手，故樓面員工不多，只有老闆及一位侍應。而自助吧枱設在餐廳中央，除了剛開場時人頭湧湧外，基本上還不算擠迫，且補充菜式速度亦算快捷。 午市素食自助餐 HK$68 (入座分12pm-1:15

一直聽朋友講呢間buffet幾高質,見復活節假決定同屋企人呀公呀婆佢地一齊黎食,今次一行九人前幾日已經book 定位,lunch用餐時間係12-3,不過只可以揀12/1:15入座,所以揀左1:15老人家12點幾已經到達,不過知道未夠鐘所以係附近坐下先1:05左右行去餐廳,門口已經有好多人!反而隔離素食店好少人,應該真係好好食門口一早排左好多人,所以我入去同佢講book 左位1:15,點知佢都要我係出面排隊等入座.既然佢同得我講有2個入座時間,唔係應該你私入座果陣已經清晒上一埸ge 客人?佢叫我慢慢排,終於入到去,佢一直未比到枱我,最後只比左張4人枱我,之後我地企晒係度,佢最後再比二人枱我,我地已經好嬲,有咩可能一早book左位,你唔係留座比我?仲要我地分開3張枱,點照顧d老人家?野食唔算得別好食,一般,係有少少特色好可惜冇出芝士撻,佢個炸年糕唔錯唔會再有下次

要清假嘅關係！下就放假😊就好好享受個午餐先！突然好想找素！就諗起北角堡壘街嘅素食店！同一條街有兩間素食店。晏就都做自助餐。收工出到去北角13:30lu另一間分時段11:30-13:00同13:00-14:30。而無肉食就由12:00-1500 $68時間長啲。感覺抵啲嘛😂全自助。自己搵位。自己拎野飲野食。自己收拾餐具！13:30到。都有9成滿架！二話不說拎野食先上次食過紅豆糕。好岩我。唔甜又夠哂紅豆味！食左好多件！推薦必食仲有。薯仔沙律，芋頭春卷，蓮藕花生，凍豆腐！仲有炒麵都唔錯。但炒腸粉就油左啲！另外有好幾樣炸物。白飯白粥。檸檬水同茶。糖水等等！食左一個鐘。已經超飽嚕！$68 超full lunch! 唔錯丫！下次試埋另一間。比較下先！

北角素食甚多間，好多選擇，而宜家食素食一啲都唔便宜，想平平地咁去食素，北角堡壘街嘅“無肉食”便是其中一間不錯的選擇此間有提供素食自助餐，亦都有素食火鍋呢間店鋪，店如其名“無肉食” 以熟食為主煎炸食物有：炸咖哩角，炸春捲，椒鹽炸豆腐，煎蘿蔔糕，煎芋頭糕等等……蔬菜類有：有各式各樣炒青菜，炒瓜，炒蓮藕唔想食太油膩，亦有部份沙律菜提供仲有多款炒飯炒麵，炒河，白飯各式各樣嘅蒸素包，蒸素餃有時還有齋pizza食飽仲有有湯，糖水飲值得一提大家，用膳後請自己將碗筷碟收起到廚房分類

呢間素食係屋企人book位去食，，平時上網啲人都讚佢， 去到有啲驚喜佢啲點心味道唔錯 ，不過啲餸就肥嚟咗啲， 小啲油就好， 價錢有中午食飯價錢又平 六十幾蚊一位小童就40幾蚊不過， 長者冇優惠 好多間素食自助餐老人家都有同小童同價。 我最鍾意食佢嗰啲煎堆 ，同蘿蔔糕 不過地點有 難搵， 附近有難泊車， 有老人家 腳骨力唔係咁好真係唔方便去 服務態度又好 要個爆。。。。。。。。。。。。。。。。。。。。。。。。。。。。。。 連我媽最唔鍾意食熱氣嘢佢都唔勁食啲炸嘢， 連阿媽都話抵食