焰淑泰國餐廳 (已結業)

-人生第一次寫食評-背景：上網見到時代廣場附近一間泰國餐廳做緊$68蚊下午茶1.5小時任食，結果剛才同屋企人去食，發現餐廳有超多問題：1）Etiquette 超差，待應邊行邊將餐牌掉在枱上，做任何動作前不預先告知客人2）第一round 點嘅牛油雞翼一隻分兩舊，外貌奇怪，但第二round居然靚好多，感覺上第一round俾差d嘅嘢食客人，務求食飽佢地個肚，服務水準不一致3）食咗九個字（三點開始放人入去，但我walk-in要排到三點三，三點九開始要last order,其實只係食咗半個鐘）已經要全場五分鐘內last order,並在落單時表明牛肉串燒同春卷賣哂（但佢成個order list只係得十様八様野），我地唯有改其他串燒。一直等，侍應從來冇主動通知所有串燒賣哂，直至我地催促！4）因為食物供應管理差，客人積存大量怨氣，侍應不斷接到投訴5）侍應語氣差到極點，就算字眼上冇鬧過客人，但語氣帶呼喝成份，甚至連打電話黎想訂枱嘅客，都遭受不客氣態度對待 6）屋企人忍唔住想投訴，俾我㩒住佢，因為我唔想益咗佢，反正我以後唔會再黎。結果埋單時屋企人都係忍唔住講咗句「你都係唔適合做老闆」，結果「老闆」超級面

係今日鵝頸橋附近食左一間質素幾高既泰國菜, 餐廳樓底幾高, 坐得好舒服通 菜 就 是 用 馬 拉 盞, 用 馬 拉 盞 來 炒 的 。 加 入 蒜 肉 、 蝦 米 碎 , 一 碟 通 菜 未 進 嘴 裏 ， 已 先 滿 足 了 客 人 的 眼 睛 和 鼻 子, 較 有 口 感 和 味 道 較 濃 香泰國凍擰茶, 茶底與港式茶底有不同, 感覺比較特別, 檸檬茶味道清香不太甜, 不錯不錯海南雞飯, 肉雞口感鬆軟, 因為肉又香又細滑, 雞飯, 飯粒粒分明, 不會太油蝦餅」的口感香脆又紮實，蘸醬吃來更是酸香開胃, 有酥脆麵包粉外衣，咬開則口感彈Q、蝦味鮮濃

同朋友都鐘意食東南亞既野食，特別係泰國菜。但我地又唔想去九龍城食，咁岩發現銅鑼灣呢間泰國餐廳，見門裝修優雅幾有泰式feel，就入去試下。因為我地都比較早去餐廳唔算太多人，環境都叫舒適，餐廳佈置都幾精緻。因為出面都幾熱下，所以我地一黎menu都未睇就叫左椰青先。椰青都解渴清甜，兩個椰青都算多椰肉。椰青 $38馬拉盞炒通菜 $68我地先叫左個馬拉盞炒通菜，另外個侍應話岩岩番左啲蜆好新鮮，就叫左個泰式辣汁炒蜆。泰式辣汁炒蜆 $118碟通菜不過不失，唔會話好咸；而我同朋友都好鐘意碟炒蜆，好惹味，炒完嘅蜆肉唔會話縮曬水。特別係我朋友唔係好食得辣，但佢都覺得OK，如果啲汁撈飯應該好正。另外，間餐廳每日都做緊唔同既晚市半價優惠，我地果日星期二去，泰式明爐烏頭魚同小食拼盤都做半價，見差不多枱枱都有叫鳥頭，我地都唔執輸，叫埋一份。間餐廳都好有心思，佢地大概滾15分鐘左右就會熄火，如果唔係會滾到啲魚肉好老下。條魚夠大條，但又幾入味。半價真係好抵食。我地兩個都唔算好大食，所以叫左三樣野食已經好飽下。最尾仲有個甜品，係泰國師傅自己研發既，一個係龍眼，一個係茫果，質感少少似啫哩但又唔會話太甜。問番個侍應，佢話遲

通常星期一夜晚肥妹仔都會同肥妹仔嘅老死一齊食飯，今日我哋就去咗銅鑼灣搵食。經過時代廣場見到對面有一間食肆嘅大廈， 有好多餐廳，不過肥妹仔就畀地下嘅一間食泰國菜嘅舖頭吸引到，於是就決定入去試下啦。入邊嘅裝修都好新潮，好型格， 一啲都唔陳舊! 而且座位闊落，坐得好舒服。酸辣炒咖哩配大蝦 $98肥妹仔叫呢一個咖哩其實係想點印度薄餅食嘅，不過佢呢一個咖哩好特別，唔似我哋平時喺出麵食開嘅黃咖哩!因為佢呢一個咖哩係酸味比較重，有少少似泡菜嗰種酸味嘅感覺，入邊嘅蝦雖然唔算好大隻，不過份量就好多，而且肉質爽口彈牙，吸咗咖哩嘅辣味同酸味，食落去好醒胃! 佢嘅咖哩唔算太杰身，有少少似湯咖哩嘅感覺，所以食落去一啲都唔漏。印度薄餅 $38呢個印度薄餅肥妹仔同朋友都一致贊同同覺得好好食!因為佢呢個薄餅係好重牛油味，外皮係煎到好鬆化好酥軟，點埋個酸辣咖哩食簡直就係一流，冇得輸!蛋包大蝦炒金邊粉 $98澱粉質人士嘅我叫嘅!佢嘅蛋包大蝦炒金邊粉份量都幾多先，金邊粉食落去好彈牙，麵條炒到剛剛好，唔會好乾，都幾濕潤!金邊粉嘅醬汁有少少似茄汁，酸酸甜甜，撈埋旁邊嘅花生碎嚟食好香亦都好有咬感! 金邊粉嘅外面仲有一層薄薄嘅蛋包

登龍街以家變左條美食街，今晚煩惱緊食咩時候 見到街頭有間新開既泰國餐廳，裝潢都幾新潮華麗！見到個餐廳有個下午茶自助餐非常抵食，下次下午茶可以黎試下！叫左一份爆炸蝦，爆炸蝦係類似避風塘炒蟹既做法，夾雜住香矛，香味十足！賣相都好令，蝦身都好大隻 蝦頭仲有蝦膏，味道十分惹味 蝦肉又夠彈牙！海鮮拌粉絲，呢個係一個凍盤，醬汁係酸酸辣辣非常開胃，海鮮包括青口 魷魚 蝦等，分量十足，我覺得作為前菜就岩哂！炸蝦餅，首先賣相已經炸得好令，外金黃香脆，內裡好足料，蝦肉好爽口，又唔會太乾，配埋甜酸醬汁一d都唔油！飲品叫左杯香橙芒果沙冰，飲得出個芒果係泰國芒，芒果味濃郁唔酸，加左少少香橙感覺更清新 消暑一流！

今日同朋友出去銅鑼灣覓食，朋友話想食泰國野，於是我地就搵左哩間泰國餐廳來撐下台腳啦！哩度環境都唔錯，檯面係大理石紋，都好靚，經理也很熱情咁同我地介紹返新出既菜式，服務態度都唔錯！話咁快我地點既小食拼盤（細）就到啦，內有炸春捲、魚餅、炸蝦餅、仲有串燒。炸蝦餅味道唔錯，蝦味濃郁，春捲外脆內嫩，唔錯，串燒點埋個醬汁好juicy，值得一試。仲有個咖喱牛肉都唔錯，哩隻咖喱味道都很濃郁，牛肉好嫩滑，裡面還有薯仔跟一些蔬瓜類。個咖喱汁配埋最近新出既薄餅，真係好惹味，個餅本身都好香，好香牛油味，煎得啱啱好！仲有哩個炒飯，味道好特別，材料都好足，好多隻蝦係入邊，D蝦好新鮮，仲好貼心咁去了半殼，食落好方便，蝦肉好爽口，唔錯！我杯野飲都好好飲，香橙芒果冰沙，好香芒果味，不會太甜，夏日消暑解渴正！另一杯係珍多冰，味道都很清香。最後哩兩個啫哩聽經理接受係用新鮮椰青水做出來，另一個就加左斑蘭，一入口有驚喜，真係好清新既味道，睇得出係用心製作，唔錯

見到晚市有優惠，自然吸引左我黎食星期一至日都有指定菜式半價優惠，是日係星期二，所以我地叫左個小食拼盤。半價，74元，十分抵食，分量好多春卷同虾餅好味，炸得好脆，五油膩，虾餅好足料至於串燒，有三串，分別牛，豬，雞。我最中意雞串燒，雞肉好滑點埋個沙嗲醬，正！大蝦泰式炒金邊粉！上碟好靚牙！而且有個蛋包住，好特別。呢個粉味道恰到好處，五會太咸通菜炒馬拉盞！好惹味！凍泰式奶茶，呢杯奶茶五會似泰國個d甘。甘甜！甘哂我口味椰汁珍多冰，陳生話好濃椰汁味！補充一下，見到呢個下午茶優惠，都幾抵！下次放假試下先！

今晩吹泰風，友人剛從泰國旅遊回來，手信少不免，相約晚飯都要食泰菜，佳因那邊泰菜太回味，她的心靈上仍然想停留在泰國喎！真無奈！剛好得知銅鑼灣有間新開泰菜，一於就試下。店內裝潢捨棄傳統泰風，加入新派元素，坐位舒適。接過手信當然要點菜了。價錢沒想像中貴，因地點在銅鑼灣區，比預期的有驚喜！咖哩是首選，揀了一個黃咖哩豬肉配蒜茸飽。黃咖哩味道比較溫和，辣度不霸道，甜度又剛好。蒜茸飽烤得脆脆，蒜味香，蘸著咖哩汁吃超正！泰式海南雞值得推介。皮下脂肪不多爽滑。雞肉嫰滑無比，肉味滿溢。半隻份量頗多，食得滿足。原來每日有兩款特價菜，可選一款。我們選了明爐檸檬烏頭魚。邊煮邊食，熱辣辣。魚肉質不嚡口，啖啖肉，吸收了湯汁精華確滋味。配菜的酸，甜，鹹味共融，好㚒！最後是甜品芒果糯米，糯米軟糯香甜，黏黏的有嚼口，配搭芒果真一流。

泰國控嘅我隨時隨地都想食泰國菜😝今日身處銅鑼灣，經過時代廣場發現一間新開嘅泰式餐廳，入去挑戰下先😃呢度裝修摩登，風格時尚，價錢亦都十分合理。叫咗個二人set，睇菜單都覺得豐富。沙嗲鴛鴦串❤️有牛同豬，肉身嫩滑唔乾身，沙嗲醬好惹味鮮蝦冬陰公湯❤️椰汁味香濃，香料好足，每人可以飲到兩碗，大滿足！😛香草豬手（必點）❤️豬手拆骨，啖啖肉。秘製醬汁好特別，甜甜地同豬手好夾。誠意之作👍大蝦炒金邊粉❤️唔會太濕又唔會太乾身，剛剛好！味道上可以更酸，就100分喇😊值得一讚嘅係蛋絲鋪得好靚😍馬拉盞炒芥蘭❤️大愛！重口味，芥蘭新鮮冇渣😚椰青沙冰❤️又係誠意一作，將椰青嘅肉刮晒出嚟，再將椰青水變為沙冰。夏天解渴既清新又清涼❄️最後再追加左是日半價精選，泰式明爐檸檬烏頭魚❤️酸酸地好開胃，湯底清甜，骨有少少多但可接受😋

聽朋友講新開嘅V Point地下有間望落幾靚仔嘅泰國餐廳, 所以約埋一行四人去試下。一去到個環境好靚, 空間夠大, 枱同枱之間嘅距離都好足夠, 好適合一班朋友嚟傾計。而野食嘅款式都幾多, 而且每一日都會有唔同嘅優惠, 最尾我地揀左四人餐。餐廳上菜速度都好快, 首先嚟一個鮮蝦冬陰功湯鮮蝦冬陰功湯入面嘅材料主要係大蝦, 而酸甜度亦都適中，好適合香港人口味。軟殼蟹咖哩好香, 好creamy, 但係味道上重咗少少, 如果就咁食嘅話就會鹹得滯 配埋法包食就啱啱好。沙嗲串燒賣相唔錯, 肉質嫩滑,  配埋秘製嘅沙嗲醬好好食。辣汁豬頸肉沙律個人嚟講就覺得酸咗少少, 但係其他朋友就話ok, 咁可能係個人口味問題啦。泰式青咖哩我哋就配咗牛嘅, 牛肉就略為乾身, 但係個青咖哩好香, 好食。泰式肉碎生菜包, 肉碎保留咗少少肉汁唔會太乾身, 配埋爽脆嘅生菜食就啱啱好, 而且啱啱食咗啲咁濃味嘅嘢, 有返小小清淡啲嘅菜清一清都唔錯。大蝦炒金邊粉嘅賣相好靚, 而金邊粉亦都唔會炒得太乾身, 整體上嘅味道唔錯。野飲嘅部分我哋總共嗌咗兩款嘢飲兩款嘢飲都唔會太甜, 清得嚟又保留番材料本身嘅味道。最後嘅甜品係用咖啡嚟做嘅千層糕

講起登龍街好多時都係食拉麵，但係附近其實都有好多好嘢食，今次同朋友試呢間焰淑泰國餐廳，好有驚喜，我哋叫咗個四人套餐，大約七百幾蚊，估唔到呢個銅鑼灣可以用呢個價位，食到咁靚又咁正宗既泰國菜。一入到去裝修都幾精緻，而且座位都闊落，客人之間唔會太近，可以好好地咁傾偈。港女就緊係試下呢排好興既蝶豆花飲品啦，呢杯係蝶豆花青檸梳打，店家好細心咁將糖水另上，可以自己控制甜度，加左糖水之後，飲品會由藍轉紫，女仔見到必定心心眼。飲落好清新，青檸味好出，食辣嘢最啱。大蝦冬蔭功呢個冬蔭功用小火鍋裝住，下面有爐火滾住，保持湯既溫度，就算傾計耐左都無問題，非常細心。而且味道好正宗，好重香料味，但又唔會太辣，而且好香椰汁味，味道啱啱好。大蝦既size 足足有手掌咁大隻，肉質夠實，個湯飲落好甜好有蝦味。串燒一共有六串，有豬肉同雞肉，表面燒得夠乾身，有啲脆邊，但仍然保留到肉質，加埋醬汁一齊食，夠曬香口惹味。大蝦炒金邊粉金邊粉用蛋網包住，單論賣相已經好精緻，好唔捨得拆開佢啊，不過食落口感同一般金邊粉唔同，比較煙韌，但係都幾好食，而且好清爽。青咖哩牛肉有唔同既蔬菜，例如豆角，茄子仔，牛肉切得好薄，咖哩入曬味，但係唔會太辣

是日與友人到食店林立的登龍街覓食,剛好經過V Point這家新開泰菜,於是就進去一試了晚市有指定菜式半價優惠,也有套餐供選擇我們有點懶得想,於是就點了個二人套餐~炸蝦餅: 蝦餅新鮮即炸的, 由於太餓的關係差點被燙到咬下去是實在的蝦肉,而由於是手打的關係,甚為彈牙。自家調配的醬料帶鹹鹹酸酸的青檸味,挺開胃的。椰汁雞湯: 椰汁味香濃, 湯的材料都很足料, 雞肉也不會煮得太老。雞湯是加了芫茜一起熬煮的, 不喜歡芫茜的人要注意啊。招牌海南雞: 肉的份量剛好,如果肉質再嫩滑一些就更好了大蝦炒金邊粉: 蝦的質感蠻爽口, 十分新鮮。金邊粉可以再炒得入味一些馬拉盞炒通菜: 味道夠香,小蝦乾更添鮮味甜品: 賣相精緻!可能是主菜的味道比較重, 配合的甜品則較淡而清新,以作平衡。椰青味果凍特別清,以新鮮的椰青水及椰青肉挖造而成,所以有在吃椰青的感覺,很refreshing,口感也很好。至於班蘭味果凍,有著清香的班蘭味,用作一餐的總結,實最好不過了

今日經朋友介紹，去左v point 果頭食飯，喱間焰淑泰國餐廳應該係新開，之前都唔覺眼呢度附近有呢間餐廳。唔使點等就已經入到去，我哋都覺得呢度嘅環境唔錯，幾大，同埋都幾靚， 最適合成班朋友嚟嘅gathering 。呢度都有幾多嘢食，同埋佢每一日都會做優惠，有啲主食會做半價優惠。 星期日就有咖喱軟殼蟹配法式麵包同埋香葉燒烏頭魚。我哋就揀咗咖喱軟殼蟹，因為淨係可以揀一樣。嘢飲方面我哋就叫咗椰青沙冰同埋蝴蝶豆特飲。首先上咗嘢飲，個沙冰好清甜，好好飲，推介大家叫。而個蝴蝶豆特飲都幾得意，到左啲青檸汁落去，就會有藍色變做紫色，都幾有特色，但未到就略甜，我都係鍾意椰青沙冰。個冬陰公湯好好飲，同埋有好多材料，佢啲蝦係大蝦，味道都好好，出乎意料咁好食。個咖喱軟殼蟹都唔錯，炸得幾好，個咖喱都唔錯，但有啲咸，要點麵包先啱啱好。個生菜包肉都幾惹味，但有啲辣，要送下飯先得。至於個phad Thai 都幾好味，最鐘意佢嘅蛋網。個芒果糯米飯都幾好味，芒果幾甜，仲有斑斕糯米飯，都幾特別。仲有個好特別嘅3色甜品，但有啲甜。人均消費大概$200 左右，都幾扺食。

得悉V Point 樓下新開了間泰菜館Imsook, 跟爸媽在銅鑼灣shopping 後順道來吃完晚飯才回家。我們點了個二人餐、$388 有小食、主菜、炒菜、飯、甜品、份量確實不少、好豐富呢！柚子大蝦沙律好多柚子、酸酸甜甜好開胃、大蝦都爽口。椰汁雞湯好香椰汁味、濃郁美味、唔會奶味太重太膩、雞肉嫩滑、加埋車厘茄同菇好正！炸魚餅比想像中細件、不過沾點酸辣醬好香好惹味～香草豬手切件、豬手皮唔肥好有膠質、彈口感爽滑。大蝦炒金邊粉賣相唔錯、味道亦不過不失。馬拉盞炒通菜夠惹味👍🏻甜品shot 由師傅花上幾小時製作、絕不馬虎。左邊的龍眼凍是我最喜歡的、清甜不膩、惹味泰菜以這龍眼凍一清味蕾最好不過！中間的椰青凍以新鮮的椰子水和椰肉製成、好清甜！旁邊還有山竹凍和馬豆糕。

唔係朋友介紹都唔知呢度開咗間泰國餐廳～ 入座時未算好多人，員工服務同好nice同好細心介紹有咩好食。依家做緊優惠，每日有特選菜式半價～我哋就揀咗個軟殼蟹咖哩配法包，另外再加咗個大冬蔭公、生菜包同炒金邊粉。冬蔭公係預料之外嘅好飲！味道有調過比較適合香港人口咪，但好足料，飲咗兩碗都唔夠喉🤣軟殼蟹咖哩配法包就好大盆，淨食蟹會咸咗啲，但配埋法包就啱啱好，好開胃～（生菜包我無咩記憶）炒金邊粉都好食，最重要係上菜時個樣夠靚😍然後飲品叫咗椰青沙冰，係用椰青水雪做冰再磨，好清甜消暑嘅呢～最後甜品當然唔少得芒果糯米飯～係黑白糯米一齊上，但個人都係鍾意食白糯米多啲～