焰淑泰國餐廳 (已結業)

尼排特別鐘意食泰國菜，可能係夏天既關係，想食d酸辣野，又開胃又好味，前日放左工去銅鑼灣，食左間嚮登龍街既“焰淑泰國餐廳”， 一入餐廳店員好親切地安排卡位，然後就詳細介紹佢哋餐廳嘅食品同埋特色。佢哋每一日有兩款特價菜式可供選購， 只要你點一個普通正價菜式就可以點選一款，六人以下限選一款，連星期六日都有， 超級抵食，我哋嗰日係星期一，所以有粉絲大蟹煲同埋柚子大蝦沙律選擇。柚子大蝦沙律 $49因為我哋得兩個人，所以唔想食粉絲蟹煲咁多，而揀選咗柚子大蝦沙律作為一個前菜，呢個沙律份量都唔少， 滿滿嘅一碟充滿柚子肉，柚子微酸帶甜，令到非常開胃，而且沙律加左一個特式醬汁，令到柚子更加帶出甜味，更加好味，而大蝦都有好多隻，爽口彈牙十分抵食。豬肉炒河粉 $88因為另外兩樣 菜式已經有大蝦，所以原本想食大蝦炒金邊粉都轉一轉選擇，我地剛咗豬肉炒河粉，濕炒嘅豬肉河粉唔會帶濕非常可口，豬肉分量好多，加埋芥蘭一齊炒，十分好味， 如果喜歡辣嘅可以加埋辣粉會更加好味。鮮蝦冬陰功湯 $108我哋點咗一個大嘅冬陰功湯，冬陰功湯嘅辣度稍為偏辣，對於我喜歡辣嘅人嚟講非常啱口味，原煲嘅冬陰功湯用細火保持住佢嘅熱度 非常好唔需要

猶記得早陣子到此食lunch是一家越南餐廳，現今已換成這家泰菜食肆。晚上有幾款套餐，另外還有半價優惠餐牌，菜式每晚不同。如果點了套餐，就不能同時享用以半價優惠。柚子大蝦沙律可以揀辣度，小辣對我們來說剛剛好。大蝦數量不少，夏天吃柚子夠開胃，沙律還有作了有咬口的花生。套餐的椰汁雞湯（細）好有椰香，雞件又嫩滑、草菇夠爽口，各人也很讚賞。很喜歡炸魚餅的醬汁，酸酸甜甜香草豬手燘得頗腍，味道也沒有太濃，符合香港人口味大蝦炒金邊粉比較濕，以致部分金邊粉黏作一團。馬拉盞炒通菜是水準之作。甜品賣相不俗，有（右起）綠豆糕、山竹椰汁糕、椰青啫喱、龍眼啫喱，其中以椰青啫喱最清甜。

星期日睇完戲行去登龍街揾嘢食，講真係好多食店，但來來去去唔係拉麵就都係拉麵，行到橋底時，見到有間都幾新既泰菜，咁就try try la~! 環境係舒服，因為樓底高，冇咁壓迫超低優惠，晚晚有半價優惠！我㨂咗軟殻蟹咖哩咖哩汁唔辢，但好香咖哩同香料味，最重要係夠熱，軟殼蟹沾上咖哩汁，又香，又熱，又脆！仲要配埋法飽，完全連D汁都KO晒！木瓜沙津其實有D surprise, 出面果D汁唔係太濃就直頭冇味，呢度係調得剛剛好 ~ 馬拉盞通菜味道剛剛好，而且冇出面咁咸嘏醬味，但佢用咗蝦乾，反而好香，值得try try! 烏頭魚係必食，魚需然係雪，但係一定唔係千年雪魚，魚肉冇雪味，最有心係佢哋會俾定一碗湯你，唔夠時可以自己加，唔會煮乾。欣賞佢哋嘅蝶豆花凍檸梳打，唔會加好多糖，夏天飲超舒服！另外見到佢哋個8人餐，真係吸引喎！$1500每人二百都唔洗，低過食$158韓燒lor~!

今期興去銅鑼灣大玩尋覓新食趣😋😋因為開咗太多新野囉～無辦法唔跨區睇下咩環境。🤓🤓坊間大部分泰國菜館都標榜自己是正宗泰式料理，但偏偏呢家新開的“焰淑泰國餐館”，卻以迎合香港人健康飲食態度，與來自泰國正宗的主廚，一起鑽研及改良健康新口味。 務求令到食品不油及不重泰口味， 帶領著每位食客穿梭泰港兩地之間的飲食新世界。😇😇好囉～介紹完餐廳嘅理念，我又要開飯啦!! 😉😉😉唔知點解個海南雞飯非常吸引，好似不停在呼喚我，唔叫唔得咁，哈哈~海南雞肉質很嫩滑，沾上秘製的醬汁，相當惹口，再配上雞油飯， 簡直perfect match 👍🏻😎 果然係呼喚的力量。朋友食的鮮蝦冬陰功湯河，湯底不算濃烈， 香料不多，很少有清新而不濃的冬陰功，竟令人有清怡的感覺。 .炎炎夏日我見到蝶豆花檸檬梳打，真心冇辦法拒絕，一定要飲番杯嚟消消暑暑，嘿嘿😆😆😆小食方面呢～我哋叫了炭燒豬頸肉🐷🐖，係小食畀嚟講份量已經好十足，味道都很不錯。再加上佢哋嘅秘製汁後， 豬頸肉變得非常出色，令平凡的食物加添一份新滋味。另外特式春卷都ok, 最驚喜都係個醬汁，因為有🍊橙味架，天啊～點解可以咁match架，好味到只想用醬汁撈飯食呀，哈哈~🤣🤣🤣

最近登龍街新開了V City,新添了很多餐廳，見到地舖有間泰式餐廳，感覺不錯，決定來試試！有別一般泰式金金黃黃的裝修，這間餐廳以灰啡色為主調，再加上少量高貴的裝飾，令人感覺舒適。而且座位寬敞，環境寧靜，很適合朋友相聚。餐廳有各式各樣的泰式食品，如串燒、小食、沙律、咖喱、冬陰公、炒粉麵飯等，我們選了二人餐沙嗲鴛鴦串（雞及豬）賣相吸引，串燒香味撲鼻，雞肉及豬肉都肉質鮮嫩，配上燒過的香味及醬汁，令味道昇華！很欣賞它的那個酸酸甜甜的醬汁，十分開胃！椰汁雞湯是香料味比較重的雞湯，2人份量剛好，沒想到這雞湯的雞肉及雜菌份量也是頗多的！泰式肉碎生菜包最緊要是生菜夠新鮮、肉碎味道夠豐富！每一口都有爽脆的口感，配上淡淡肉汁，整體不錯！而且份量也是頗多的！馬拉盞炒通菜這個通菜炒得夠鑊氣！上菜時已嗅到陣陣香味，沒想到這個是頗辣的，不吃辣的人要注意⚠️ 但好像我喜歡辣的人就覺得這很惹味大蝦炒金邊粉沒想到它用了蛋花包起了整個金邊粉，非常吸引的視覺效果！這個金邊粉口感不錯，不會太濕，而且甜到剛好，加上花生及辣椒碎更完美！大蝦爽口彈牙，值得推介！精選甜品左邊的藍色白色令人看呆了！經理說藍色的是碟豆花，白色的是椰汁，這

我和老公今晚去返登龍街v Point地下果間越南餐廳食晚餐，老公話之前食過好味，但當我們去到上址，已經變左另一間泰國菜館，名叫焰淑泰國餐廳，裝修設計時尚，燈光柔和，座位寬敞舒適，門口放有餐牌，每天晚市有不同菜式半價優惠，今天星期一，有大蟹半價，立即吸引到我們入座，試試這新店！入座後，侍應招呼週到，並介紹餐牌上的細節，原來只要在餐牌上選擇一款正價食品，就可以叫返當天半價的指定菜式。鮮蝦炒金邊粉，賣相相當美麗，用蛋網包住金邊粉，鮮蝦放在蛋網頂，碟旁還放有花生碎和辣椒粉，可隨意加入，金邊粉炒得好香，鮮蝦爽口。半價咖哩大蟹，侍應說肉蟹重約一斤多，都好大隻，咖喱味香濃帶甜味。蟹肉鮮甜，抵食！炸蝦餅比較細舊，外層酥脆，蝦膠鮮味！點泰式酸甜醬，味道更好。店家還有甜品送，是蝶豆花椰汁糕，蝶豆花含豐富天然花青素，是非常有益的，加埋椰汁糕一齊食，椰汁味香蝶豆花有益，健康甜品之選。老公話象啤味道比較濃，好好飲！

今日經過呢間新餐廳 又忍唔住衝入去試下🤣🤣餐廳嘅設計格局好西餐廳feel，就咁睇都幾唔簡單❤️先黎杯泰式奶茶同埋龍眼冰，一d都唔死甜，淡淡嘅奶茶同埋新鮮龍眼，飲落特別消暑解渴❤️❤️熱辣辣嘅鮮蝦冬陰功湯河，夠酸夠辣。但係一啲都唔會好鹹同埋油膩❤️可粉夠彈牙，索埋啲湯汁，好好味呀😋而且鮮蝦都夠曬大隻，食落鮮味十足💋午餐可以叫呢款小食，豬頸肉燒得夠香，口一啲都唔會好肥，肥瘦適中。而且佢哋個汁非常之特別，唔係得個鹹字，酸酸辣辣幾好味👍👍呢個蝦餅亦都夠曬彈牙，而且佢哋個汁有少少回甘，有啲似加咗少少橙或者橘子落去🤤🤤而呢個咖哩一啲都唔會好辣㗎，軟殼蟹嘅份量都幾大隻，加上佢本身都好結身，係我最鍾意嘅咖哩汁😍😍食咖哩點可以冇蒜蓉包，見到真係有一粒蒜蓉嗎😋😋我最鍾意係佢哋個椰汁糕，因為佢哋加咗啲新鮮香芋落去，所以食起上嚟好夠泥，好香💖而且佢哋逢星期一至日晚市都有啲特價優惠係做緊半價格，同埋佢哋廚師真係泰國人嚟嘅，所以盡量做到泰國嘅風味但係啱香港人嘅口味😎😎

今次嚟到銅鑼灣V point食嘢，原來呢間泰國菜餐廳開咗冇幾耐，而廚師都係泰國人🤔出面有自助吧，有小食同湯😆Lunch set#鮮蝦炒金邊粉 ($88)😋好味指數：(7.5/10)炒金邊粉好大碟，同朋友仔share一流😆側邊有啲辣椒粉同花生粒係到，所以食落去會有少少辣🤔另外食落去粉嘅質感唔會太乾又或者太濕😎👍🏼#軟殼蟹咖哩配法包 ($188)😋好味指數：(7/10)去食泰國嘢一定會嗌呢個例牌菜🤤咖哩味食落去甜甜地，食落去咖哩味又唔算辣🤔個人就覺得辣多小小會好啲🌶😙軟殼蟹食落去好厚肉，可能放咗陣先食，所以唔算好脆😫配蒜蓉包真係我最愛😍加埋咖哩更好味，好想嚟碗🍚呀😋#泰式小食拼盤 ($148)😋好味指數：(6.5/10)老闆話比我地嗌晚市先有嘅半價優惠😍拼盤裡面就有蝦餅、魚餅、春卷同串燒😛配酸辣同沙嗲醬😙蝦餅配酸辣醬好夾😆魚餅襯沙嗲醬又唔差咼😎春卷就冇咩特別🤔但係串燒食落就有少少乾身😫甜品係椰青啫喱同綠豆椰青啫喱，清清地幾好食😍個人比較喜歡椰青啫喱😚.⭐溫馨小提示📌晚市優惠《只要嗌主餐牌一個菜式就可以用半價嗌指定菜式😍》

銅鑼灣收工突然落起大雨，唯有同同事急腳走入餐廳醫肚避雨。餐廳係原來新開無耐，裝橫走現代派新穎路線，位置都幾寬敞~見到今日嘅dinner special有得用半價$84換購泰國明爐檸檬烏頭魚，超扺😍烏頭魚嘅份量幾大條， 由於怕heat住煮會無咗啲湯， 服務員上菜嘅時候 ，仲會另外配多一碗湯，非常細心！魚嘅配料有好多：瘦肉、 紅蘿蔔絲、西芹、大蔥、薑等等，味道豐富。 湯底飲咗酸酸甜甜，濃味得黎又有種小清新，魚肉好嫩滑，肉質實而不散，而且唔多骨，啱晒我呀~😎香辣蝦醬炒飯齋睇賣相已經好加分❤雖然同跟蝦醬同泰式醬料一齊炒 ，但飯炒得唔會太濕，乾身且但幾入味！ 臘腸香得嚟又唔會太油膩，唔錯！泰式鳳爪沙律無骨鳳爪上去啖啖肉，肉質爽脆，加上泰式配料，食落香口入味，非常開胃👏🏻泰式燒牛肉好有牛味，食落唔會太韌，煮得啱啱好！馬拉盞通菜配搭馬拉盞炒，炒得好香好惹味，亦好夠火喉！而且通菜好新鮮食落莖嘅部分爽口，葉嘅部分有非常嫩！😍泰式奶茶有別於傳統嘅泰式奶茶，糖份係明顯減少 ，唔會咁甜，奶味較濃 ，而且飲落去好香滑👍🏻菜色比起傳統嘅泰國菜都係偏向無咁濃味， 健康得來又不失泰式嘅風味。最後要提一提呢度既服務員態

銅鑼灣 V Point 有間新開的泰國餐廳，Shopping 完行到攰就黎開餐吶有卡位坐幾舒適～可以食啲嘢好好休息下叫左幾款野食，先黎左熱騰騰香噴噴的泰式鴛鴦串，有兩款分別是豬肉同雞肉串燒～火侯拿捏得剛好，唔會燒到好乾身，咬落去仲有肉汁店員話遲啲會推岀串燒拼盤，咁就可以一次食晒牛豬同羊嘅串燒～點一些醬汁來吃更加惹味呢個係軟殼蟹咖喱配法包，賣相一流～～軟殼蟹炸得金黃酥脆，份量也不少哦黃咖哩嚐起來不辣味道温和，很濃椰奶香，咖哩吸附在新鮮焗起的法包上，口感很捧，愈吃愈滋味當然不少得吃泰菜必點的鮮蝦炒金邊粉，用網狀的蛋皮包裹著，賣相很可愛。旁邊放了花生碎和辣椒粉，還有青檸可以加一點青檸汁在金邊粉，吃起來帶點酸酸甜甜的很清新，很適合夏天吃蝦肉爽口彈牙，金邊粉炒得很香～最後是非常精緻的甜點，一份是椰子大菜糕，一份是斑蘭糕，清甜好吃吃完涼透入心～～～滿足

今日老公帶我黎銅鑼灣食泰國菜，餐廳裝潢好有情調，坐位寬敞。餐廳晚餐有新推出2人餐，4人餐，8人餐。我地一家三口點了二人餐。二人餐只係$388，好抵食，而且份量岩岩好。沙嗲鴛鴦串2串豬，2串雞，串燒跟沙嗲永遠是絕配，我特別喜歡這間餐廳的沙嗲醬，有濃濃的花生味，好香好滑。椰汁雞湯超足料，有香茅，雞，草菇，車厘茄，好香濃的椰汁味道，有點酸又帶點甜。泰式肉碎生菜包肉碎有點失水準，因為肉碎出晒水。原個菠蘿炒飯材料豐富，有腰果，雜豆，提子乾，菠蘿肉，肉鬆，臘腸粒，用原個菠蘿盛載炒飯，菠蘿的香味溶於飯中，菠蘿酸酸甜甜，好開胃馬拉盞炒通菜夠鑊氣，香辣惹味。蝶豆花椰汁糕蝶豆花顏色實在太靚😍😍😍，期待下一次再黎食甜品。餐廳食物味道不會太濃味，適合香港人的口味，而且侍應服務態度好好。

今晚和好姐妹出來行街，竟然在附近發現一間店鋪有半價優惠推出今晚選擇這間啦好清新的柚子味，大蝦啖啖肉，加埋其他配菜，好香，食左超醒胃勁大條烏頭魚，有好多配菜：大蔥，蒜，紅蘿蔔絲，薑片，西芹，野菜，碎豬肉等等，一起滾滾食一块魚肉，超嫩滑，配料香味好突出，好好味，店鋪老闆唔會入太多貨，賣完就再入貨，整條魚都好鮮美滋味用蛋制作網狀包圍住金邊粉，幾特別，有幾隻大蝦配搭，金邊粉炒得好香，味道適中，好吃椰青大大個，飲一啖，好爽，清甜好易挖到椰肉食，好味道碟豆花出名，飲落清新，甜度可以由自己調較食埋甜品，好滿足環境舒適7點半後就超多人，座無虛席

今日同朋友喺銅鑼灣行街，忽然間好想食泰國菜。咁我就知道原來喺時代廣場，登龍街嗰度開咗間新嘅泰國菜。餐廳裝修得舒適簡潔好，適合我同朋友聚會傾計。一打開個餐牌我就比嗰個小食拼盤吸引左！個拼盤有炸春卷，魚餅，炸蝦餅, 唔油膩，而且係新鮮炸出嚟！ 我哋order 咗個鮮蝦炒金邊粉！好好食！個金邊粉炒得好香同分明，唔會炒到黐住。外層仲有一層蛋格作裝飾，令到外相好吸引！新開張優惠，每日會有優惠價菜式選擇。星期日係軟殼蟹咖喱配法包。個咖喱汁令軟殼蟹更加香口，放喺蒜蓉包上面一齊食更加有口感。最後我覺得呢度服務好好，我亦都好欣賞水加咗班蘭葉，好友東南亞風味！

焰淑泰國餐廳前身係越南仔，佢一改越南仔坐得唔舒服嘅作風加適量擺設，好舒服。佢每一晚都有兩個菜色係做緊special price，我哋當日係星期日，我哋揀咗軟殼蟹咖喱配法包。芥蘭苗炒脆肉脆肉個皮整得勁脆，完全冇比個汁整到淋曬泰式肉碎生菜包肉碎比較重口味 偏咸偏辣 用新鮮生菜包住肉碎剛好香辣蝦醬炒飯淨係睇啲配菜都加晒分 香甜木瓜絲 泰式甜辣腸 紅蔥頭 惹味蝦米 先食個齋飯試吓個原味 然後再加配菜食 一個價錢兩個享受軟殼蟹咖喱配法包軟殼蟹勁多膏 索晒啲咖喱汁 配飯又得 配法包又得 得左泰式燒牛肉沙律同生菜包一樣比較重口味 店家亦提供新鮮生菜比客人包住食最後奉上少甜甜品 啱晒最怕甜嘅我 店家話甜品係每日新鮮由泰國員工用心炮製 數量有限 同埋你下次嚟食未必同我食嘅係一樣㗎佢哋亦都有提供午市同下午茶 仲有八折架

放工後，約左朋友到銅鑼灣行下時代廣場。朋友十分喜歡食泰國菜，所以我地周圍睇下有邊間泰國餐廳，最後搵到剛剛新開既焰淑泰國餐廳。泰式辣汁炒蜆：每個星期會有不同既菜式半價優惠，今次既二選一，我揀左炒蜆。炒蜆好夠鍋氣，醬汁非常惹味！蜆沒有帶沙粒，食客可以放心食用，辣汁不太辣。鮮蝦炒金邊粉：份量足夠供給二人食用，同樣金邊粉彈牙又惹味！鮮蝦共有四隻，尚算爽口。個人喜歡加入少許青檸汁在金邊粉中，食味道更為特出。泰式小食拼盤：炸蝦餅很香脆，當中蝦味濃郁！另有，炸魚餅，但味道一般。沙嗲串點埋醬汁很惹味，沙嗲味道濃郁。特色春卷外皮脆身，入面蔬菜為多。芒果糯米飯：泰國餐廳必叫的甜品，芒果非常甜，當中很多肉汁。糯米飯不會硬身，中層還有少許椰汁啊！