焱川

营业中

休息中

星期五收工與幾個同事聚餐，同事推薦焱川。灣仔地區居酒屋真的多不勝數，各間各有特色之處。焱川地點較為隱蔽，不容易找到，店舖細小環境逼狹，座位不多，有些微侷促感，有兩位服務員忙前忙後。Happy hour $98 －個人包括三文魚刺身或芝士廣島蠔…蠔，及自選三款限定串燒和一款酒精飲品。牆上面還有其他串燒價錢方面不算貴，食物水準還算可以。咁嘅價錢非常之經濟。推薦大家飲品方面選擇梅酒加點冰塊口感清新涼爽，不要點芝士廣島蠔（個人體會是－般蠔仔），傳銷方面推介山葵牛舌、雞軟骨、豬頸肉、燒飯團。

炎川是一家日式居酒屋，坐落在灣仔，提供豐富的日式清酒和串燒。這裡的用餐環境非常舒適，讓人感到放鬆和愉悅，好適合三五知己收工後去Happy Hours。如果你想要嚐試不同的刺身，如果你肚餓了，也可以選擇拉麵或燒飯團等美食。最正係可以飲住Asahi啤酒再大口大唔咁食串燒，讓整個用餐體驗更加完美。總之，如果你喜歡日式清酒和串燒，那麼炎川是一個非常值得考慮的用餐選擇。這裡能夠提供一個舒適、愉快的用餐環境，而店內的多種美食選擇，也能夠滿足不同口味的需求。個人非常推介燒鰻魚同埋燒冬菇！

收工都已經晚上8:30，和老婆在灣仔，因為實在比較肚餓，經過呢間，看見 counter 有位就馬上坐下。日本啤酒價錢合理，馬上叫一支！ 還有小小的日本啤酒玻璃杯，喝一口，冰凍非常。啱啱過咗歡樂時光，原來是去到8:30的，沒有辦法吧。很多豬肉傳銷都已經售罄，有點失望！點了幾款，其他肉類。印象最深刻都係，雞皮包海老，很有特色。雞皮也燒得很爽脆。金菇牛肉卷就比較失望，賣相和味道是一樣的。另外吃了一隻芝士蠔，很不錯。另外見師傅，燒油甘魚頭，非常新鮮。服務很貼心。下次應該歡樂時光再來，因為套餐頗吸引。

【中伏了！炸物唔脆？牛肉無味既定食？】去開灣仔食個lunch，叫咗三個定食，三樣都麻麻，唔得wo和風雞扒定食 $80首先雞扒肉質唔係嫩滑嗰種，有d Un有啲甜豉油雞皮有啲做到燶燶哋嘅效果，但係燶到淋左薄燒牛肉定食 $95牛肉入邊係有蔥同蒜蔥蒜味好濃但係牛肉出晒事牛肉冇調味，無味，好plain，而且肥肉同瘦肉分得好明顯一係就好韌，一係就好肥吉列豬扒滑蛋飯定食 $80話明係吉列豬扒，應該係要脆嘅但係點知佢個甜嘅味日本味淋甜汁，浸住咗個豬扒？！！本身脆嘅都俾佢浸到淋晒啦…好怪💭點評食物真係麻麻哋，調味出晒事收你80幾蚊，$90完全唔合理👅味道：2/5🌌環境：3.5/5👍🏻推薦：0/5今日試伏專員，報告完畢想睇邊度有試伏分享嘅花生，就follow我如果大家覺得我review得ok，可以follow (📍灣仔) 焱川灣仔麥加力歌街1-19號加達樓地下D舖

同同事行遠啲搵食，原本唔係想食呢間，但嗰間無位就黎左呢間。餐廳比較暗，本身係小小既居酒屋，都幾有氣氛，不過影食物就要麻煩同事幫我打燈😂。🔅網燒牛扒定食 ($105)牛扒燒得ok，份量都唔算少。可惜無乜汁偏dry，但倒碟既汁落飯又太鹹…好彩有少少椰菜絲balance下。🔅燒牛肉飯定食 ($95)牛肉雖然份量都多，燒得都夠香，加埋芝麻仲香，但有少少筋同埋有啲燶。呢個一黎就已經有埋汁，撈埋飯食食下會食左好多。不過預先落既汁都係偏鹹同埋落太多就搞到個底鹹到傻😵‍💫…食開重口味既我都覺得鹹😂。🔅薄燒牛肉定食 ($95)呢個set既牛肉燒得啱啱好，每片牛都卷住大量蔥蒜，所以好香。牛既肥瘦都適中，唔韌。唯一缺點係食完會口臭😂。🔅鰻魚飯定食 ($95)鰻魚份量唔算好多，但有雪味同腥味，同埋都偏燶☹️。💬定食全部都有味噌湯，一碗中華沙律同白飯，飯後甜品係一粒雪米糍😂。不過無咩服務但要收加一就覺得麻麻…食物都普通但性價比唔高，咁既價錢會expect更多，所以有啲失望。不過同事話之前試過其他飯類都ok的，下次有機會會再試下😎。

其實我一直幫襯開焱川，佢既happy hour串燒抵食又好味，但今次叫外賣真係好出事。叫左個角刺刺生丼定食，首先麵豉湯係暖的，唔夠熱，我已經係foodpanda叫仲早左去拎外賣，但個湯係唔熱。之後無提供豉油，食刺生飯唔俾豉油，番工個d係咪發緊夢。好彩我公司有僅存兩包豉油。但最離譜係，食左2/3，發現疑似曱甴仔既野係魚生度.......即刻唔食dum左佢呢個餐要$68.......好離譜.......

這間位於灣仔的小型居酒屋，晚上八點前做的The Happy Hour優惠非常推薦，$100的價錢擁有多款選擇，這次已經是第二次來到這邊小酌一番。The Happy Hour的價錢包了一客三文魚刺身、自選三款串燒給一款酒精飲品。極度推薦大家選擇啤酒，因為不是平時的小枝啤酒，而是一大支麒麟啤酒，也建議大家選擇熱清酒。是應該先上一盤蔬菜拼盤，有紅蘿蔔青瓜及菜，以及一碟調味料。三文魚刺身非常高質，魚油及很香牛脷也非常嫩 如果怕不夠飽，可以選擇燒飯團，感覺也很特別最後我們叫了一個冷稻庭烏冬，非常好吃，除了一般的湯汁外，這裏很特別還加了鵪鶉蛋，增加了不同的層次感。總結，大家放工後經開灣仔區，不坊一試

焱川 Hikawa📍灣仔 Wan Chai.⭐️ 呢間串燒店嘅午市套餐好抵食 跟麵豉湯 雪米滋 通常午市時段都要等一陣 佢哋嘅串燒定食亦都好岀色 下次要試試😋.🥩 薄燒牛肉定食 Pan-fried Beef Set $85: 牛肉薄薄一片 夾入大量蒜和蔥 面頭仲加上一粒粒嘅黑椒 非常惹味香口😍.🍛 吉列豬排滑蛋飯定食 Deep Fried Pork Chop w/ Scrambled Egg Rice Set $85: 滑蛋豬扒都幾正 豬扒入味又軟熟 個汁甜甜哋 仲有配菜如洋蔥、紅蘿蔔、紫菜 送飯一流🥰.🍣 免治蔥呑拿魚腩飯 Minced Fatty Tuna Rice w/ Spring Onion $85: 魚生算新鮮 冇雪味 份量啱喘好👌🏻

今日下午黎到灣仔食日本菜，揀左黎焱川食。我地兩個人大約12點半去到，啱啱好唔洗排隊，直接有位，遲我少少到嘅人就要排隊喇侍應安排我地坐左係bar枱，對住串燒同刺身嘅廚房。由於廚師不斷喺我地面前燒烤，所以我地食完飯身上面都有陣燒烤味。我order左吉列豬扒滑蛋飯定食。滑蛋豬扒都幾高質，豬扒好入味，而且好軟熟。個汁亦煮得好好，甜甜地，唔會太鹹。亦有好多洋蔥、紅蘿蔔同紫菜做配菜，好豐富。成個定食我最欣賞嘅係下面呢碟前菜，有蘿蔔同牛肉，個汁酸酸地、甜甜地、亦有少少辣味，味道好豐富，我食完仲好想再食多一碟呀！麵豉湯就正正常常，不過不失。午餐仲有甜品添，就係維記嘅芝麻雪米糍啦，都唔錯架！

之前已經食過呢間餐廳，後來先知原來搬左鋪。搬左之後仲好似企理過以前，所以就去試試佢個lunch啦。入到去鋪頭唔大，但原來有樓上，所以都唔會等太耐，我地就被安排係bar枱，面對住師傅，可以睇到佢整魚生同燒串燒。唔好嘅係，件衫同頭髮都會吸哂油煙嘅味。佢有lunch menu，都幾多選擇，我揀左薄燒牛定食（$85），佢會包埋湯、一個前菜同甜品。前菜係泡菜汁煮蘿蔔牛肉粒，酸酸地都幾開胃。薄燒牛中間會夾左大量蔥蒜，食落都幾香嘅，牛肉都好鬆軟亦都有牛味。只係佢個飯真係令整個定食失色，煮得過軟，水量過多，完全係同個餸唔夾。而甜品方面係迷你版雪米糍，無咩特別，勝在食完成餐refresh下。

Food is alright but considering the price there is a lot of options out there that you’re more willing to spend your money on extremely poor attitude from the staff must be very generous to spend even a penny on tips plus a set of sashimi requires more than an hour to serveCreating this account is just to write a review for this restaurant

我希望呢間鋪頭的老闆會睇到。員工的服務真的好緊要，我地一行二人晚餐吃了超過$600，一小時已吃完埋單走，都唔太差的客人！落了單才發現原來有個Happy Hour 套餐，剛好我們點的食物其中有些在happy Hour 單上，於是問店員可否轉落去，佢只話唔可以！我以為份量是不一樣，問佢又話係一樣。食物份量一樣，落單時又唔提我地有呢個餐，客人發現了又唔比轉，即係咩大家都明！我以為可以揾到個周未飯堂，說實話，錢我估只係爭二、三十元，此員工為了維護三幾十，令公司聲譽受損！

寫好咗唔知咩事冇晒再寫過，之前食完飯散步經過，見有日式午餐已經想試，今日想咁啱經過就試一試。想食熱食，叫咗網燒牛扒定食，牛扒質素不俗，生熟適中，調味夠餸飯，不會太濃，前菜好吃，面豉湯就正常，有一粒雪米滋做甜品，一人12點半不用等，2人以上建議先訂位。灣仔都少有這種日式居酒屋，最重要係食物品質，服務亦不錯，上餐算快，不可以當快餐評論，不過唔會等超耐，鄰坐女仕叫魚生飯亦相當吸引，坐吧枱有少許窄，不過都夠位食飯。下次再來試魚生飯定食，蔥吞拿魚定食先

焱川搬左去新地址後，今次是第二次吃新地址在地面，比以前細左，少左點裝飾，但食物質素沒有改變我叫左我每次都吃的燒鯖魚定食，條魚都好大塊，但重點是圖片右下角個個小吃，是牛肉和蘿蔔加木魚，少少辣，但好入味鯖魚個皮好脆，放在旁邊的蘿蔔蓉 磨得好細，好好吃，麵鼓湯好足料，有蔥，豆腐，海帶，但我覺得咸了少許牛肉定食，個日同同事吃午餐，成間餐廳有三分一人都係叫呢個食，配上椰絲，同事說呢個好食，性價比高，我就沒有食了。同事仲叫左個茶碗蒸，蛋好滑，只需加15蚊👍🏻

灣仔其實有好多好食的餐廳，分佈係橫街小巷中，係等你發現。今次去呢間係公司好多女同事都話好食的日式餐廳，先睇餐牌，價錢都算合理，就叫左角切魚生飯。點完菜就黎左個小食同湯，今日個小食係炸三文魚皮！睇落係下欄野，但佢整得好好食好香口，同埋魚皮最緊要夠脆！呢份魚皮十分好！到魚生飯，黎到賣相唔算好特別，同其他餐廳差唔多，但食落又係另一個故事。平時魚生飯其實好少魚生，通常都係飯多過魚生，但呢間個飯同魚生比例真係差唔多一比一，我食曬飯仲有魚生係度，侍應話可以添飯，就即刻叫多碗！講真，魚生算新鮮，無雪味，以一碗魚生日黎講真係合格以上！美中不足係今日無曬甜品，下次再試～