熊貓小雲吞 (鯉魚門廣場)

营业中

休息中

今日打風唔出去咁遠食飯，買外賣，屋企附近一間之前食過都唔錯，今次再幫襯。我同老公點了5樣食物share,食得又飽又滿意。馬蹄冬菇豚肉水餃（8隻）$48 有8隻，大隻，餡料足，水餃皮薄，馬蹄入口好爽，唔錯。啖啖肉豬扒油酥熱撈麵（幼麵）$56塊豬扒有手掌咁大塊，個油酥撈麵入口食落好煙靭，醬料味道夠濃郁。老北京擔擔麵（BB辣）$35個擔擔麵點了BB辣，辣得好香，麵同樣煙靱，配合青瓜絲好清爽。涼拌松花皮蛋$23皮蛋叫了不辣，勁多芫荽，個皮蛋好香。炸雞翼5隻（蜜汁芥末）$36外皮炸得脆香，黃金色好吸引，連同芥末醬惹味，外脆內嫩，好好味既小食。

平時諗住唔想食飯咁飽，都會食下其他野呢間都幫襯過幾次，對上叫剩鮮蝦雲吞+蕃茄湯蕃茄湯味精味較重，但雲吞都OK份量都OK今次ENROCE再叫剩韭菜豚肉雲吞，今次就清湯但就加左$8要個菜點知落單時阿姐已經話加左價，但雲吞大粒左嫁咁所以都照叫，結果黎到碗野就係咁，加左$8要個菜又只係得一小條(我諗拼埋有1條呱)個款同平時都有既伴菜差唔多因為外賣，以為俾漏左，打電話問阿姐︰佢話係咁嫁啦，係得咁多嫁啦，咁你宜家想點???其實呢，就真係無咩想點，就算你俾返我我都驚加料，但態度真係幾差問左我幾次想點???同埋加左價都唔知見粒雲吞係大粒左，如果真係+$8先得咁既菜，奉勸大家都唔好加勒。

超好食小熊貓呀😍😍😍🔸20粒粟米豚肉小雲吞可以揀個餡同湯底揀左粟米小雲吞 一口細細粒 一啖食哂但個餡依然足料 啖啖配埋粟米都好甜呀🔸肉燥熱撈麵涼麵麵質彈牙 好Q彈而我就揀左小辣 淋上麻油和肉燥,香氣四溢肉燥香甜不膩 都好夾呀🔸孜然雞翼兩隻雞翼外酥內嫩,肉質鮮嫩多汁,孜然的香氣更是提味綴芳🔸紅糖糍粑糍粑外層酥脆，酥脆的表層遇上綿密的內餡加埋黃豆粉 口感煙煙韌韌 甜而不膩🔸重慶酸辣粉豆芽 花生粒 香蔥 酸菜 花椒、芫茜 好多好多配料~味道又辣又酸 好開胃薯粉都好有嚼勁 呢個好岩鐘意食辣既大家呀熊貓小雲吞油塘鯉魚門道80號鯉魚門廣場1樓128號舖

約咗朋友響油塘攞嘢，佢身為街坊街里嘅佢推介一間小館，都有啲北方小食可以買返屋企同老細分享～望下菜單都幾多選擇，今晚晚餐就一於咁搞掂啦！！首先叫個主食：鹽焗手撕雞冷麵便當，除咗手撕雞，仲有冷麵，配菜有海帶、菜脯，同埋拍青瓜～其實都好豐富～我自己叫咗個紅油抄手，一碗十粒～仲有四款雲吞口味可以揀～我揀咗鮮蝦～小食又點少得豬手粒呢？！嘩！佢呢個豬手粒係泡椒味～果然夠哽！🥵雖然好辣～但係食到停唔到口😅😋叫多一個涼拌青瓜～呢個係微辣嘅口味～仲有黃豆同埋花生，加埋芫茜碎，十分惹味！！我一定會食嘅係涼拌雲耳～最鍾意貓耳朵嘅大細～又爽口～個麻辣醬都好好味！佢有唔同嘅茶可以揀～我揀咗香桃茶🍑果然好香…好味！茶底應該係水仙或者茉莉，味道唔太甜～啱曬我！！佢仲有唔同嘅配菜～一罌罌裝好畀你外賣～我揀咗香脆花生（老細至愛🥰👍🏻）仲有菜脯…有辣有唔辣…同埋北方涼拌唔少得嘅“脆黃豆”，真係包羅萬有！！

前幾日經過熊貓小雲吞聞到陣陣香味，忍唔住買咗幾份外賣，果然keep住都幾好食，速度快同埋整體嘢食質素都唔錯😍叫咗個二人套餐，有鮮蝦雲吞20粒、重慶涼麵、鹽焗手撕雞、熊貓涼粉兩份同埋兩杯特飲 超豐富😆個人最鍾意個鮮蝦雲吞，蝦肉大大粒，而且個辣湯好惹味😍另外個鹽焗手撕雞都好有驚喜，鹹鹹香香而且肉質鮮嫩，餸主食一流☺️飲品方面叫咗香桃茶同豆漿，桃味突出，而且甜度適中😚套餐以外仲嗌咗個手拍青瓜，超大份而且青瓜好爽脆好食🤤仲叫咗原味炸雞翼三隻，雞翼超大隻，好多肉好Juicy🤩另外仲見到佢有辣椒油賣，心思思都要埋😌

今個星期係測驗週， 要留係屋企陪小朋友溫書， 冇時間煮飯， 所以係附近買外賣， 簡單快食就.好多時快同簡單都會揀d 間， 因我地一家三口都幾鍾意食d 間既小雲吞， 特別係我囡囡， 細細粒， 又有多款選擇， 今次選咗高麗菜， 鮮蝦同粟米雲吞， 皮薄餡多， 而湯底都有幾款供選擇， 上湯， 紫菜湯同蕃茄湯都清清地， 幾適合小朋友.芝麻鹽焗手撕雞： 芝麻味好出， 唔算好咸道， 手撕雞唔鞋口， 肉質鮮嫩黑醋涼伴木耳： 酸酸地好開胃， 木耳爽口， 食唔停臨走仲買咗樽伍仁菜脯丁， 諗住下次煮麵可以配搭埋黎食

💡親民川菜小店今日行完魔鬼山去搵野食，見到油塘大本型有間好突出的熊貓圖案，見到都幾多人排隊，即刻試下先，款式選擇，而且仲好抵食。🍽一口鮮蝦豚肉雲吞(20隻)🦐呢到嘅招牌菜之一，湯底揀咗雞湯，濃濃雞湯味。雲吞皮薄多餡，又薄又滑，蝦肉結實得黎又有鮮味，值得一試。🍽川味金錢肚金錢肚俾得好足料，整得好入味，食落夠曬彈牙。🍽黑醋涼拌木耳木耳爽口， 醬汁惹味，相當開胃。🍽芝麻鹽焗手撕雞🐔呢個真心超好食，份量都幾多，芝麻令到手撕雞更香，味道亦都岩岩好，雞絲夠嫩滑。🍽黑糖脆炸糍粑外面香脆，內面煙韌，加埋適量嘅紅糖同黃豆粉，令口感層次更豐富，就愈食愈唔停口。

今天去探訪住油塘的朋友，決定順道先往鯉魚門廣場的熊貓小雲吞買外賣到她家一起吃。餐廳面積雖然不大，但環境簡潔光猛，下次可以考慮堂食呢。💥二人優惠套餐$138～包括粟米雲吞(10粒)、肉燥撈麵、鹽焗手撕雞、紅糖糍粑，烏龍茶及雪梨茶。粟米雲吞選了蝦米紫菜湯湯底，清甜可口。雲吞專門店果然不是浪得虛名，雲吞皮薄足料。肉燥撈麵🍜麵質煙韌，麵條掛汁，肉燥不會太鹹。紅糖糍粑軟糯Q彈，甜度適中。🥟鮮蝦雲吞(10粒)$33～番茄湯鮮蝦雲吞的蝦肉彈牙，爽口美味。🥒手拍青瓜$25～青瓜爽脆清甜，伴以菜甫，花生及香葱同吃，口感更佳。

想平平地叫外賣做晚餐會諗起呢間餐廳，價錢平民又多選擇。⭐️啖啖肉豬扒撈撈粗麵粗麵彈牙有嚼勁，豬扒煎得唔錯。仲有其他配料，有五仁菜脯丁、灼生菜和豆腐串豐富了口感。⭐️芝麻雞手作涼麵 涼麵好清爽，芝麻雞肉嫩滑，其他配料有五仁菜脯丁、涼拌青瓜和涼拌海帶，清涼又開胃。⭐️雙拼雲吞套餐叫了韭菜及粟米各10粒，雲吞皮薄，細細啖都可以一口食完，好方便。⭐️青蘋果茶⭐️香桃茶⭐️雪梨茶唔會好甜，幾清爽解渴。⭐️香辣菜脯丁

熊貓小雲吞pandawonton_hk抵食川菜人均$100🥡食到飽🥡主打手工小雲吞、川式涼皮、串串鍋叫左二人套餐可自選主菜、小食跟埋飲品🥢一口豚肉雲吞～有多款湯底同餡料選擇我簡左鮮蝦豚飲雲吞🐽啖啖肉～一啖一粒配上清雞湯味道口感唔錯🥢重慶涼麵～可以自選辣度～夠哂惹味撈麵配上炸黃豆、辣油菜脯同秘製製醬料🥢鹽焗手撕雞涼拌菜～細細份作為餐前小食幾開胃🥢軟糯香甜紅糖糍粑 每次必叫🫰🏻即叫即炸～外脆內軟跟餐有多款冷泡茶 叫左雪梨茶同柚子茶～飲落清新解膩另外叫咗個涼拌豬耳同涼拌皮蛋喜歡佢哋個麻辣汁又香又惹味👏🏻熊貓小雲吞 📍油塘鯉魚門道80號鯉魚門廣場1樓128號舖#油塘 #熊貓小雲吞 #招牌菜#麻辣 #pandawonton #外賣 #ーロ雲吞 #熊貓 #撈麵＃食辣#麻辣＃串串香辣鍋＃麻辣雞絲＃酸辣粉 ＃紅糖糍耙#一口豚肉雲吞＃涼麵#涼皮

🥢雙拼雲吞套餐(韮菜豬肉&鮮蝦豬肉) $61🥢雪梨茶小雲吞一口一粒 食得好方便雙拼雲吞每款10粒 好抵食😋鮮鰕同韮菜都好新鮮湯底有4款選擇 我就揀左紫湯雲吞&紫菜湯係標配！餐飲本身想揀香桃茶 可惜賣哂於是揀左雪梨茶估唔到又幾好飲 有雪梨香得黎茶味唔澀平時就咁外賣一樽解喝都唔錯🤭***🥢酸辣肥牛金菇紅薯粉 $65🥢雪梨茶揀左BB辣 誠不欺我！只係落左好少好少辣油終於食到一間餐廳係真BB辣🤩肥牛份量都多 滿足***🥢泡椒豬手 $39豬手好爽口 雖然係泡椒但係唔會好辣👍🏻***🥢紅糖糍粑 $33食辣嘢點少得紅糖糍粑🤤食一件即係解哂辣🤭***🥢香辣菜甫丁(1樽) $22食餐廳菜甫覺得好好食 好有咬口見佢有得一樽樽咁買於是買左1樽返屋企送飯✨

耐唔耐都會想食吓啲川辣嘢刺激吓，「熊貓小雲吞」都有好多間分店，鯉魚門分店唔算大，環境光猛整潔，半開放式廚房，可以睇到店員姐姐炮製食物，自助形式購買。餐牌都好多種配搭，落單時我仲心大心細，店員姐姐都好有耐性介紹同埋唔會催我。人均幾十蚊都已經可以食到好多嘢，好抵食。◉ 二人套餐 $138計落都好抵食，已有2款主食，1款小食，1款甜品同2款飲品。⦿主食 (4選2款)✣ 10粒豚肉雲吞用得小雲吞做店名，梗係要試吓雲吞。有韭菜、小棠菜、高麗菜、粟米同鮮蝦選擇，最鍾意韭菜獨特香氣同豬肉嘅無敵配搭，粒粒飽滿，一口size，咬開有湯汁。湯底都有六款選擇，我揀咗爆汗麻辣湯，BB辣呢個程度好啱我，有麻有辣得嚟又唔會辣到食唔到。✣肉燥熱撈麵肉燥味濃郁，麵條有彈性，我揀咗BB辣，撈埋青瓜絲、菜脯、芫荽、花生、炸黃豆一齊食口感豐富又惹味。所有辣都可以選擇辣度，可以走辣，鍾意食辣嘅朋友可以試吓挑戰魔鬼辣，都係唔夠喉嘅話，枱面有自家製辣菜脯可以自行再加辣。⦿小食 (2選1款)✣芝麻鹽焗手撕雞份量都多，無需吐骨啖啖肉，雞肉嫩滑多汁唔肥膩，味道鹹香，配青瓜絲一齊食好清爽。⦿甜品 (2選1款)✣紅糖糍粑糯米糍外脆內軟，加

冬季來臨，天氣持續寒冷，要吃些暖胃的東西保溫找到了主打四川涼麵、雲吞、撈麵、涼拌小食等的小店室內裝修整齊清潔，牆上有國寶大熊貓作點綴有多款自製醬料包括麻辣醬、香脆花生、黃金脆脆豆、辣椒油、五仁菜脯丁及香辣菜脯丁等秋冬暖胃之選素菜串串鍋激抵率先試$38，可再追加配菜麻辣控至愛重慶酸辣粉附蔥、芫荽、花生、黃金豆及菜脯，可根據個人嗜辣程度選擇辣度小食黑醋涼拌木耳內有蒜粒及芝麻，口感爽脆涼拌松花皮蛋加上調味料醬油、醋、花椒等，麻香十足又醒胃麻辣手撕雞，醬汁滲透雞肉，帶出雞肉精華味道

收銀個個人態度前所未聞嘅差，未見過有人可以咁嘅表情同態度，茶記啲人都好過佢多多聲，服務業辛苦大家都知，都唔洗咁嘅態度嘛。啲豬耳擺明凍傷晒，每片豬耳都一半正常，一半似塑膠咁乾晒硬晒。唔會再嚟

因為工作關係，好多時都會係油塘食埋晚飯返屋企，今日路經一間川菜餃子麵店，店名熊貓主題，店內都有熊貓標記都幾得意。坐位唔多但都幾多人買外賣，我地呢D”外地人”梗係堂食啦！首先係POSTER吸引我，限定聯乘安記鮑魚，唔係不知名既品牌比較有信心所以必點😋我點左個一口鮑魚豚肉雲吞有20粒，雖然細細隻但都幾飽肚，鮑魚同肉味混埋一齊好香，而且大細剛好一粒放入口原汁原味，仲見到姨姨即包即煮，我仲配左紫菜蝦米湯好鮮好味。老公就叫左另一點名推介鮑魚雲吞雞絲撈麵，四川風味雞絲香辣肉嫩不錯。小食種類都好多撰擇，我地叫左手拍青瓜同海帶絲，一致覺得青瓜最好食，除左特製醬汁，仲有自家品牌既五仁菜脯丁，野味之餘仲好香脆。最後我地仲買多樽菜脯丁返屋企諗住煮麵或炒菜🤭飲品方面我鐘意雪梨茶，唔知點解除左梨香我仲飲到花香😅麥茶就正常味啦！後來先發現原來佢地係連鎖店，有七間分店港島同九龍都有，各地點都好方便！好適合快餐之撰👍