影片
营业时间
今日营业
07:30 - 21:30
星期一至日
07:30 - 21:30
公众假期
07:30 - 21:30
公众假期前夕
07:30 - 21:30
以上资料只供参考，请与餐厅确认详情
是日來到西九的熊貓小雲吞，想試下佢嘅雲吞同餃子，分店不大，大概30個座位左右啦，目測只有一位店員負責收銀同樓面，另外廚房有兩人，小店十分忙碌。見咁忙，就坐低用手機掃枱上qr code落單啦，但手機餐牌同櫃面餐牌有出入，食物大致相同，只係叫法唔一樣啫。⭐芫茜豚肉餃子先來份餃子，要咗芫茜口味，冇失望入口真係幾有芫茜味，皮有咬口餡料多，點埋個醋同辣醬真係幾好食😋⭐一口韭菜豚肉雲吞再嚟咗份20隻嘅小雲吞，今次要韭菜口味，韭菜鮮嫩冇揸，一口一隻小雲吞啱啱好，仲有個原味鮮魚湯都幾正呀。⭐麻辣手撕雞川式涼麵仲有川式涼麵一客，主菜係麻辣手撕雞，另外仲配咗涼拌海帶絲、手拍青瓜同香辣菜脯。涼麵要咗中辣但都唔夠辣喎，加啲枱面上嘅辣醬撈一撈先😋⭐招牌手工涼皮追加一份手工涼皮，同食開嘅涼皮外貌唔同，但呢度都好好食，有咬口加上麻麻辣辣好惹味。⭐熊貓紅糖冰粉最後仲有紅糖冰粉，有花生碎、提子乾同酸梅醬（？），個酸酸甜甜嘅醬汁唔知用咩做呢😆幾好味喎。食咗咁多辣嘢，飲返碗甜甜哋又冰冰涼涼嘅紅糖冰粉，真係好正。除咗嘢食嘢飲可以外賣之外，小熊貓嘅醬料、菜脯、花生同炸黃豆等都有樽裝可以買走㗎。
继续阅读
深水埗西九龍中心一向有平民美食天地之稱，曾到訪過Food Court 享用素食。今次朋友邀請到三樓的熊貓小雲吞享用晚餐。我們點了「幸福共味」二人餐和招牌一口豚肉雲吞。「幸福共味」二人餐包括主食兩款、小食兩款和兩款飲品。主食選了肉燥熱撈麵和傳統川式涼麵，小食選了芝麻鹽焗手撕雞和香脆紅糖糍粑，飲品選了氮氣香桃茶和氮氣西柚柚子茶。兩款麵配料均有青瓜絲、蔥花和黃金脆脆豆。肉燥熱撈麵配有肉燥碎，與麵和配料拌勻一起吃，濃稠味道。相反傳統川式涼麵，味道較清新，麵質有彈性，有QQ口感，非常適合夏天吃。至於兩款小食很出色，芝麻鹽焗手撕雞份量充足之餘，雞肉滑嫩配上青瓜絲一同吃很美味。第一次吃紅糖糍粑，想不到糍粑那麼好吃，外層香脆與內裡軟糯，配上紅糖醬和紅糖粉，為淡味的糍粑帶點甜味。極力推薦大家點這兩款小食^^算自己見識少，不知道近來有氮氣飲品出售。上網查看原來氮氣有助防止飲品氧化，怪不得這兩款茶保留了水果和茶香味。招牌一口豚肉雲吞我們選了最貴的黃金鮑魚豚肉雲吞😆，湯底是櫻花蝦、紫菜，一小口吃著黃金鮑魚豚肉，一小口喝著湯底，味道充足。
继续阅读
我同敏仔都係熊貓小雲吞嘅老客戶啦，平時想食吓手工涼皮同雲吞，我都會揀呢間，分店夠多，性價比高，味道仲唔錯添。敏仔最鍾意佢哋嘅粟米豚肉一口雲吞，貪佢一啖一粒，仲有唔同嘅湯底揀，我哋眼見附近幾枱嘅小朋友都係點呢一款粟米小雲吞。一口粟米豚肉小雲吞湯底有辣有唔辣，我哋揀咗清湯係魚湯嚟嘅，另外仲有蝦皮紫菜湯、蕃茄湯、麻辣湯及酸辣湯。手工涼皮酸酸辣辣嘅手工涼皮，涼皮口感煙靭帶有些少爽口，感覺好清爽，加上青瓜、黃金豆及辣菜脯，風味十足。鹽焗手撕雞小食鹽焗香味加上芝麻粒，雞肉嫩滑，老少咸宜。氮氣雪梨茶非常清新，但有些少梨的香氣。食評總結：因為我真係好鍾意食黃金豆，最後我都買咗一樽返去。而食物方面，性價比超高的熊貓小雲吞，除咗一口豚肉雲吞，涼麵都好食，見到冰粉都好吸引，不過太飽啦，下次會再嚟食。
继续阅读
：/西九龍中心：主打雲吞、四川涼伴菜/上次行西九嘅時候已經見到呢間雲吞店好想試下，不過嗰時就訂咗枱食飯就冇機會試到，今晚收工就捉埋🐻❄️一齊過嚟食🤣 呢到主打係食雲吞、餃子丶四川涼伴菜、涼麵🤤🥟雲吞粉麵餐 $46<<高麗菜•鮮蝦>>每款各三隻**湯底方面揀咗人氣酸辣魚湯👅酸辣係比較溫和既辣就算飲埋佢啲湯都冇問題😆配上紅薯粉～好鍾意佢哋嘅雲吞夠薄身～一啖就可以放入口。豚肉同蝦既調味岩岩好鹹鮮味恰到好處～💕孜然椒麻炸雞翼 $25炸得夠脆 鎖到肉汁而且肉質夠嫩味道有小小辣～😈傳統手作涼麵 $32呢個幾有驚喜麵條有嚼勁夠彈牙本身已經有麻醬再加辣變相就更好食同惹味~配料就有青瓜絲. 花生. 菜甫💕紅油炒手 $29係我最愛既菜式 😍呢度紅油炒手都可以揀自己想食嘅餡揀咗韭菜餃估唔到都幾好食好香嘅韭菜😙🌟麻辣雞腎 $35 呢個係咁多款之中最辣不過幾爽口~🥃冷泡古早味紅茶 $22呢個有少少甜既茶比較濃啲😬🥃冷泡御翠烏龍茶 $22呢款就無糖既清清地既烏龍茶咁～佢仲有好多款唔同飲品，有甜冇甜都有🤤🤤同埋！門口有自家製醬料同生餃子賣🥟如果食完鐘意食既話可以買返屋企食㗎😝另外，佢仲有個二人套餐提供$148，方便哂咩都想食既你～～🌟熊貓小雲吞 (西九龍中心)深水埗欽州街37K號西九龍中心3樓319號舖
继续阅读
店舖以熊貓作主題裝飾，特色牆上有可愛熊貓圖像同店舖名稱，座位舒適，坐得舒服👍鮑魚雲吞 $50我同朋友叫左招牌一口豚肉雲吞，揀左鮑魚雲吞，雲吞大小適中，岩岩好一啖一粒，而且皮薄餡靚，入面既豬肉好嫩好多汁，好味！二人幸福套餐1.肉燥熱撈麵肉燥熱撈麵有青瓜絲、肉碎、花生、黃金脆脆豆，撈埋一齊食，口感好豐富，調味調得岩岩好，唔會鹹，麵條又有口感，好食！2.重慶涼麵 $148重慶涼麵有青瓜絲同蔥，加埋佢既醬汁，感覺好清新，麵條比較彈牙，好開胃👍3.鹽焗手撕雞手撕雞肉質唔錯，嫩滑，有少少鹽焗味，加埋啲芝麻，好香好味👍4.紅糖糍粑之前未食過糍粑，估唔到幾好味，外面有少少脆，入面軟軟糯糯，口感唔錯，又甜甜哋，做甜品非常好👍5.西柚茶&香桃茶朋友話西柚茶酸酸哋幾好飲，我飲既香桃茶有淡淡既桃味，唔俗，味道清新好飲👍呢餐唔使$200，我哋已經食到好飽好滿足，推介俾大家👍
继续阅读
您可能会有兴趣的...