熨烤達人 (已結業)

剛開張時食過，當時覺得好好食，所以放工後心血來潮，又黎食下。首先，啲泡菜唔吸引，味道差少少。叫牛肋骨，無，改叫牛雪花同牛舌，都幾細碟，感覺唔值依個價錢。芝士炸雞唔算非常好食，但cp值高囉，平過連鎖店咁滯，芝士有拉絲，算有啲驚喜。

約朋友都幾鍾意食韓燒，lee間環境又韓又地度嘅餐廳，不坊一試同朋友兩個叫左一份2人餐 $538 - 有 穀子牛五花、 牛肋條、 牛胸腹、 鹽麴牛舌片、 柚子厚五花肉、漬壺牛粒、調味雞件、菜另套餐送一份小食，我地點左泡菜芝士餅hmm…… d 肉就真係無味且鞋，又易燒燶，每件都唔太吸引。反而個小食幾ok。當晚店員哥哥主動送我地一枝啤酒，飲落……好味喎……一間食店最出色竟然係啤酒🙈環境: 🌕🌕🌕🌗🌑食物: 🌕🌕🌑🌑🌑服務:🌕🌕🌕🌗🌑打卡: 🌕🌕🌕🌕🌑

呢間韓燒除咗烤肉外，佢嘅熟食款式都好多！今次黎到，決定唔燒烤，淨係叫熟食～雖然我地唔燒烤，諗住唔使開爐，點知原來叫芝士炸雞都會開火，等芝士慢慢熱熔😍 本身就咁食炸雞都已經覺得好好食，炸粉薄身，炸得好鬆脆，雞肉嫩滑，裡面鎖住咗肉汁，咬落juicy。芝士好香，做到拉絲效果。其實芝士份量唔少，不過因為炸雞太多，所以食到臨尾會唔太夠芝士😌 部隊鍋份量好大，底層有好多蔬菜，中和咗芝士炸雞嘅油膩感。公仔麵索盡湯汁，又辣又香！

本人係今日晏就3點左右打算入去呢間店度食出面寫明午市去到4點 門口位侍應問我會唔會燒肉我一話唔會就即刻好似唔想做我生意咁跟住一直係門口等 都完全冇招待到位侍應行出門口 以為佢終於都招呼我入去點知一眼都冇望過我 原來個老闆企左係門口個侍應問個老闆做唔做我生意期間個老闆同侍應都係一眼都冇望過我我同我女朋友繼續萬無目的係個門口度等終於肯去執檯 終於都叫我地入去咁好啦 睇完食咩 諗住叫野食係咁嗌係咁叫都冇人理 我眼見咁大間鋪就得兩個侍應兩個侍應都係完全冇理過我地一個就淨係掛住行黎行去 一個仲好笑 望到都唔過黎由我同女友企係門口等果刻我已經一直忍住等左咁耐入到黎諗住叫野姐 都可以冇人理就算係要用QR CODE落單 係咪都要比個QR CODE我先呢叫我地坐低之後又係一句野都唔講結果真係忍唔住大聲嗌 "唔食喇" 之後就走左我覺得呢間店既員工 係完全冇禮貌冇工作態度不過冇辦法 連個老闆都係完全冇禮貌既人冇食過你地既野 唔評論好唔好味但你地就連最基本既接待都唔會做我入黎食野我都要比錢架 點解攪到好似乞咁?總結入到去真係乜都唔洗食就已經飽真係谷到一肚氣食都冇食過 但唔會再去

位於鑽石山荷里活商場嘅韓國餐廳7點半去到，好多位，但話要8點半先可以韓燒肚餓嘅我地又唔想再搵，就入左去食冇晚市套餐或餐牌，同午餐牌一樣，但少左餐飲叫左個牛肉炒粉絲、豚肉鍋、小丸子味道還可以，冇咩驚喜兩杯飲品🥤朱古力爆谷冰沙，打卡唔錯，但好甜，飲到一半就冇飲。另一杯紅藍色一般般

今日約左朋友係鑽石山食晏，其實又無咩餐廳特別想食，諗左陣發現好似好耐無食韓國野😂所以就去左熨烤達人到食.午餐有提供一人韓燒套餐同飯麵類，牛餐亦有堂食優惠就係惠顧任何飯類套餐白飯同飲品都係任添，我哋無叫燒肉套餐只係叫左兩個飯.醬燒牛舌伴飯 $98天氣轉冷最岩就係食返碗熱辣辣既石鍋飯，牛舌份量都幾多，煮到好淋唔會好韌，配上醬汁食唔錯.韓醬炒豬頸肉 $88一上到枱就feel到佢熱辣辣，真係好岩冬天食😝由於朋友唔食牛所以就叫左豬頸肉，個醬有少少辣幾惹味

行過韓燒店，諗住試一試，餐牌價錢有少少貴，叫左2個肉做韓燒，1個豆腐湯年糕同薄餅。 意外 有位男店員好細心燒豚肉，真係燒得好靚，加埋燒汁，十分好食。另外，牛肉自己燒就味道差啲。 豆廚湯年糕湯底十分好飲。 值得推介，會再幫襯。

呢間係荷里活廣場嘅韓燒餐廳，我哋喺門口見到有幾款唔同套餐 而且有二人餐 就入咗去試下。佢有一碟燒肉拼盤 有牛肉豬肉，有飯卷或者泡菜芝士餅，二選一 我哋揀咗泡菜餅😋 泡菜餅，煎得脆脆地幾好食！不過佢個爐側邊有爐邊蛋位置，但結果係咩都冇 有啲失望 以為有得食😂😂😂 另外舖頭送咗個海膽蒸蛋 送來計都算係咁！佢個餐本身有個蔬菜拼盤 一直都冇上俾我哋 好彩記得問佢攞返🤦🏻‍♀️🤦🏻‍♀️🤦🏻‍♀️ 但係我見另一台 好似真係冇比😂 食物味道都OK嘅 另外比現金仲有九折，即係當免+1啦，試一次都OK嘅

本身見到都有幾多正評，於是打電話去訂位，一接通電話，話想訂位，咁好正常食店實會問你日期同時間，當我一講日期，時間都未講，食店就即刻話：得喇，唔駛訂位，walkin實有位。（其實應該聽到呢句之後都覺得怪怪哋，打電話訂位咁多次，第一次聽到咁嘅回覆，一般餐廳就算知道自己個場唔爆，都好少咁講，點都會扮吓嘢幫你訂，佢咁嘅回應即係同客講自己唔多人幫襯。）當晚入到去，個侍應啲態度都已經麻麻，真係覺得一般茶餐廳仲好過佢。個場裝修係幾特別，不過坐得一啲都唔舒服，張枱矮，鐵桶凳，超硬。打開餐牌選擇唔多，於是叫咗個2人套餐，帆立貝同真雪花牛。講到食物，其實都好普通，無咩特別，就算個雪花牛食落口都無肉味。到埋單嘅時候，當然係舉手同侍應講埋單，一般餐廳都會拎張單埋你等你俾錢，但呢度嘅回應係：得喇，出嚟收銀度俾啦，咁樣同茶餐廳真係無分別。不過分別就係，我今餐成千二蚊，但係佢嘅服務仲衰過茶餐廳，而且仲要加一，真係完全唔明喺零服務之下，連俾錢都係自己行出去俾，咁多仲要俾加一服務費，呢間餐廳真係完全唔得，建議大家真係唔好去幫襯，以免中伏。

🥘 韓式牛粒石鍋飯 $98天氣變涼，好岩食熱辣辣既石鍋飯👍🏻，牛肉粒份量多，有肉汁，略嫌韌左少少，石鍋飯仲有蛋🍳、洋蔥🧅同芝麻，半熟蛋加分😝，建議一定要加醬或者mix泡菜食，如果唔系會偏淡味✨除左燒肉套餐，仲有其他韓食😆，門口放左肥Captain Kim figure，好易認，餐廳行工業風，加插左鐵欄分隔，好似圍籠，隨身物品可以放櫈入面

周末七點左右到，見未有太多人排隊，等了15分鐘左右有得入.先吃吃送的小菜，白蘿蔔，泡菜，辣芽菜.服務人數似乎不足，只有兩個人，但態度也很好..不介意客買飲的在內飲..唔想太熱氣所以冇叫燒嘢食，哎左..1. 達人沙津 $68好青新，士多啤梨沙律汁混沙律菜青瓜同烚蛋，甜甜的，遮到草青味2. 辣死人炸雞 （半份）$118一啲都唔辣，雞都夠脆，都好大舊，酸酸甜甜的還好.3. 芝士燉飯 $ 68本身想芝一芝佢，佢賣相的確好芝，都有拉絲，但食落竟然冇咩芝士騷味，反而多辣醬味，但又不太辣，不喜芝士濃烈的可試..4. 鰻魚蛋卷 $88中規中矩， 蛋有蛋味鰻魚有鰻魚味5. 草苺乳酸梳打 $58好似有啲過甜，起初以為要stir下會冇咁甜，但都冇溝淡..可能迎合大眾或香港口味，其實所講真係有辣嘅嘢食都唔太辣，只係有嗰種辣味

份量都算多，每種肉類都有幾件，所以我哋四個人 share 都OK，鍾意呢度嘅肉來都比較厚身有咬口，唔會薄薄一塊肉嘅質量都好可以，有肉味同埋燒完之後都keep到 Juicy 不過燒肉塊鐵板比較容昜黐住，但係店員會好好咁幫你換過另塊，同埋生菜包都只係需要加＄8！

餐廳位於鑽石山荷里活廣場三樓，好方便🤩係餐廳門外望左一陣，決定入去試下食其他韓國菜式但唔食燒肉🤣🤣今日星期五6點半左右入座，客人都已經坐滿成間餐廳，我同朋友今次order左豬肉飯卷、芝士燉飯、城南醬炸雞（即蜜糖味）同埋一杯Cider Special-藍莓🫐，味道相當好食👍炸雞叫左$118半隻，全部都係無骨，大約有7-8位大大塊雞，飯卷同芝士燉飯有少少辣，味道都ok✨️咁熱嘅天氣一定要飲杯凍飲，Cider special 有好多種味道，今次選擇左藍莓味，好解喝🥰有機會一定會再去嘗試燒肉💗

同老婆兩個人黎食，睇左12點開門時間，黎到大概12點10分見未開門，就問下一位金髮肥女士既店員，請問開門未，佢答未呀，等多陣啦。唔緊要，同老婆係門口睇下餐牌先。再等多十分鐘，見有客人入左去，再問同位店員，請問開左未，佢答，開啦！再加上淩厲既眼神啤住我太太，請管理層正視一下。講番野食，叫左兩個lunch set,一牛一豬既燒烤餐，兩款都ok,138蚊呢個價錢cp值算高，肉份量夠，男女都夠飽，但服務咁就唔會再黎了。

今晚6點半入座，客人未算多，侍應招呼周到，呢個係我一直鍾意落去嘅原因，例如會為我哋煎豬腩肉，之後再剪開一件件，叫你等多一兩分鐘就食得；去到7點幾，入座人數增多，佢哋仍然為每枱客人煎肉、換烤碟，食物慢慢上，無話一次過上曬食物就逼你食哂好走，泡菜好味，我都添咗一次，無酒精飲品跟set叫可以打七折，抵飲！地獄煮蜆$60有大約十隻，個湯夠辣，差啲飲晒！希望佢可以擴充業務，咁萬一我下次唔係頭輪食客，我都唔使等咁耐。