熨烤達人 (已結業)

約左班frd聚舊，揀左呢間無限時的韓燒，可以盡情吹水一坐低侍應就幫我地set好個爐，上前菜，倒蛋漿，前菜同芝士烤蛋係任食的，味道唔錯呀（芝士蛋加泡菜原來係好好味的）菜單上有2個2-3人套餐，分別係$480、$580，睇落唔係好抵，所以決定散叫！我地叫左以下菜式，同大家分享下：雪花牛 - 肉嫩有牛味雞扒 - 大大塊幾抵食，味道唔錯，用熨斗壓住黎燒等佢受熱均勻啲，配合熨烤達人的主題牛舌 - 唔夠分無食到，睇個樣應該Ok牛肋骨 - 一份有兩條，肉質嫩滑，唔錯！單骨雞翼 - 正常一起撈過的日子 - 呢個撈飯幾特別，有青瓜、蛋絲、蟹籽、脆脆、雪糕筒、唔知咩豆，撈沙律醬，味道幾得意，甜甜地脆脆地，不過沙律醬太多有啲「漏」，下次筆走一半沙律醬就啱啱好！炆牛肋骨 - 炆得幾淋，好味！炸芝士蕃薯波 - 佢叫做邪惡到爆，但本人覺得唔算好邪惡。我無點醬汁，覺得無乜味，點左醬應該會好味啲！芝士菇 - 正常芝士炸雞 - 好多芝士，炸雞大大件，炸雞撈埋芝士味道剛剛好，唔會太鹹，芝士拉絲足足拉到3呎高，呢個先係邪惡的癲峰，最後成盆芝士清晒埋單每人$242，食到個個捧著個肚，食物質素好過一般任食韓燒，又唔限時，都算抵

在旺角經過時曾注意到有間韓式燒烤料理店「熨烤達人」，看落似乎和一般傳統式韓燒店不同，因此今晚便特意帶親友們來品嚐一番。晚上開始多人食飯，而本人較喜歡泡菜併盤的前菜，酸酸甜甜很開胃，包括酸芽菜等，聽人講食泡菜對身體略有益。首先將食物放上熱鍋上，再放些蛋醬及栗米於韓式燒烤爐邊，可烤製成蛋餅。新穎的感覺，熟食時有些部份會香口些，又會食到軟身的蛋香及栗米，都幾健康。然後將芝士燉於飯端上，一陣濃香撲鼻而來，原來是芝士味的燉飯，是秘製。師傅沒有透露材料，唯有用舌上的味蕾感受一下。至於江南UPO，被其薄餅外脆內軟吸引。一啖之後，細味咀嚼，肉結實、醬油味很配合，食落真叫人食慾大增。而寒冷水冰麵，店員指出雪條可以即食或溶在冰麵作湯水。見到美味的雪條流口水，我唔想再等了，已急不及待食了半支雪條，餘下半支才放湯中熔化。冰麵本身很滑身，有著雪條味的清香，成為其主要特式。

同朋友諗唔到食什麼，就入咗呢問烤肉店，裝修也不錯，起初無想過會有人幫我們燒，但職員的反應及態度也不錯，另我喜出望外，加上食物質素也不錯，飲品亦都新穎吸引，會再次光顧的👍

環境：餐廳位於太子旺角美術用品街附近那邊, 都算方便, 地鐵站行去都係10-15 分鐘. 餐廳服務好好, 員工會常常幫你燒肉和加材料. 另外, 餐廳很適合同朋友聚會吹水, 不過有時會好大煙.食物：食物份量都算多, 今次叫左個燒肉套餐, 有兩大舊五花腩, 剪開一舊舊黎燒其實都已經幾碟肉, 絕對岩鍾意食肉既朋友. 跟餐亦配上生菜, 燒肉夾住生菜係一流. 除左五花腩, 仲有牛肉都唔差, 好幾滑同唔硬.不過要推介佢個芝士飛碟, 芝士好多同埋同個薄餅食起黎係好夾, 黎到一定要試試.價錢：唔算平, 平均每人$200, 可能叫埋酒飲再貴d. 不過200 幾蚊食得都飽既, 因為真係好多肉, 而且有得用熨斗燒下燒下都幾特別.

4個人, 食左9百幾蚊, 燒豬皮係第一次, 硬到入唔到口,其餘質素都好一般, 個套餐$580, 豬肉OK, 但牛肉唔多得 ,個澳州牛扒還可以。整體黎講係比較失望

🍔係韓國交流返黎都一段時間，開始掛住韓國嘅燒烤🤤今次叫埋朋友同我試試今次係旺角嘅依間韓燒店。其實韓燒係香港唔難揾，但質素都幾大差距🤷🏽‍♀️差嘅肉唔似肉咁，而今次依間處於中上水平，可能全靠熨斗依樣嘢🤪-為左避免選擇困難症發作，🍔擇左$480嘅Set,入面有磚頭五花腩，牛肩胛，一口雪花牛粒，調味豬皮同M9霜降西冷🥩 牛肩肉好軟淋，所有牛肉都幾重牛肉味🐮，冇乜筋。調味豬皮嘅醬料味好香，好煙韌！而五花腩真係成舊磚咁，份量十足！識燒嘅一定係皮向下，加上餐廳主打嘅熨斗工具幫手壓住舊肉，做到皮脆嘅效果❤️五花腩包住餐廳提供嘅泡菜，芽菜，再用生菜包住成舊塞入口，滿足👍🏽-飲品方面沙冰為主，顏色都幾吸引😍而烤肉唔少得嘅啤酒同燒酒🍔當然有叫，冇酒點叫韓燒㗎😏

一奉到週六或週日，就自然非常想食好西了！平時每日晚餐可能都係食粥粉面飯比較多今晚決定去食熨烤達人，非常期待，因為好耐冇食過燒肉。坐到埋位最開心嘅莫過於可以食到前菜同埋爐邊蛋，我個人最鍾意就係食芝士爐邊蛋，好似覺得路邊蛋嘅配料包括芝士同粟米可以任加就覺得非常抵食啦！由於我哋係三個人一齊食嘅關係我哋選擇咗嗌套餐，我哋帶咗超級熨斗烤壓嘅套餐，入邊包括有M五牛肉眼扒、牛肋骨（一件）、特級雪花牛、厚切五花肉片同埋調味豬皮。除咗超級熨斗烤壓套餐之外，我哋仲嗌左一個寒冰水冷麵，同埋有兩杯免費，佢哋係梳打水嚟既，一杯係士多啤梨口味，以另一杯係藍梅口味。成個套餐入邊我最最最欣賞係特級雪花牛同埋M五牛肉眼扒，因為佢哋嘅脂肪分布得非常之完美，而且入口即溶，箇中口感同埋質感真係令我覺得非常難忘非常同非常好食呀！至於寒冰水冷麵，一個比較有創意嘅料理都幾新穎幾得意㗎！總括依然熨烤達人食物幾有創意，味道亦都唔錯，而且服務態度有咩事佢都一定過嚟幫你例如幫你燒烤咁！有機會會再次去探訪：）

今日女友話想食韓國野，上網搵左呢間一戰。門面光鮮特別，入到去都好有特色，懷舊工業風。我地已經預早6點食晚餐，餐廳已經有唔少人，人氣旺。餐牌圖文並茂，好多選擇，有韓燒，有韓菜。一場黎到，緊係咩都試下。另外佢d 菜名都好過癮特別。平時好少食韓燒，完全唔識點搞個鐵板，落料同點食。個侍應十分好人，好耐心咁教我地先落蛋同芝士，之後點d 蛋汁食。點左一客特級雪花牛，真係物有所值。勁有牛味，又淋，勁好食。加埋d 芝士蛋汁，一流呀。仲有個真露煮蜆，d 蜆鮮味一流。份量唔少。叫左一個特別野，大園手攪飯，未見過未試過。有得玩又有得食。食落好試d 沙律飯，太大份量，一個人食唔晒架，記得叫多d 人去試。另外試埋個韓式飯，汁咪濃，好味，份量ok。最後建議大家叫多幾個人一齊食，今次得我地2個人，真心試唔到好多野，因為佢好多好多菜式都好似好吸引，而且份量偏大，抵食。

今日路過呢間韓燒餐廳發現入邊嘅裝修幾精緻，餐牌價錢唔貴就入咗去試啦。呢度嘅裝修行工業風路線，抽油煙機系統做得幾好，即使入邊坐滿食客都唔會覺得煙霧離漫。枱嘅空間亦都足夠，擺得曬一陣間叫嘅嘢食，坐得舒服唔逼。落左單之後好快店員就幫我地煮爐邊蛋，最重要係有得俾我哋隨自己興趣落粟米同芝士我好鍾意食泡菜，仲encore左幾碟。我哋叫咗個熨斗烤壓套餐，入邊有唔同肉類，當然重頭戲就係磚頭五花腩啦。原來個套餐個名嘅由來係用個巨型嘅熨斗烤壓住五花腩，令到五花腩係燒嘅同時可以鎖住肉汁。食韓燒最怕就係自己燒嘅手勢唔好浪費左上等嘅肉，呢度就唔使驚啦因為店員係會全程幫我地燒巨大嘅五花腩，總會幫我地切埋，超好服務，做個懶人等食就可以啦。睇見張相都流晒口水，五花腩烤得金黃，一咬落去肉汁就出晒黎，口感一流。其次值得讚嘅就係一口雪花牛粒，唔多筋，頗有牛肉鮮味。Like佢哋Facebook就送一杯梳打，總括來講呢個套餐幾抵食，價錢唔太貴但肉質頗有保證，值得一試。

今晚約咗舊同事聚餐，諗住打探一下有無咩好路數，係旺角搵間靚餐廳招呼一下呢位伯樂。伯樂提議食返佢上次食過覺得好正嘅熨烤達人。餐廳好近旺角東站，一落地鐵行五分鐘就到。裝修好Colourful, 好有 Iron Man 風格，又夠型。前菜唔少得韓國菜必備的泡菜、芽菜同埋蘿蔔。店員會係爐邊加上蛋汁，可以自己再落粟米、芝士。店員話即場 like Facebook, 可以送指定特飲，有得揀藍莓/草莓 Calpis Soda炭燒半熟韓牛重點推介，牛味十足，肉質鮮美，真係好驚喜，咬落好有口感調味豬頸肉上碟時好有心機，以為係一朵花。切得薄薄地，好適合燒烤，肉質鮮美寒冰冰冷麵凍冰冰、酸酸地，好 fresh。冰條有三種水果：草莓、奇異果、火龍果，睇得又食得。黑松露明太子蛋卷黑松露蛋卷同明太子蛋卷各一，明太子味道好夠濃！芝士炸雞可以就咁食，夠晒香脆；店員亦都會等芝士處於半融狀態，將炸雞捲上芝士，仲有得拉絲，真係好邪惡。食飽飽，很滿足！

之前經過熨烤達人已經俾佢門面個熨斗吸引住，咁岩朋友呢輪想食韓燒，就即時諗起試下呢間。餐廳除左韓燒以外仲有其他熟食可以叫，於是我地叫左d燒肉同熟食share食😬黑松露明太子蛋卷分別有黑松露同明太子蛋卷各一件，黑松露味香味濃郁，食落好滋味。明太子蛋卷亦十分足料，唔錯。寒冰水冷麵伴麵有條鮮果雪條，創意十足，同時可以保持冷麵效果，值得一試。炭燒半熟韓牛呢個大推，店員表示可以即食，但係由於食唔慣咁生，所以都燒一燒先食。食落入口即溶，口感好好，一食都覺得係靚牛，好好味。調味豬頸肉上碟時十分有心思，以花型鋪設，食落一d都唔韌，味道不錯。芝士炸雞十分大盤，差唔多有十件。可以選擇先試炸雞，炸得十分香脆，唔怕熱氣可以一試。炸熱放係炸爐上，芝士慢慢溶，然後慢慢用炸雞捲上芝士，即刻出現邪惡拉絲炸雞，正。另外Like Facebook 有野飲送，抵晒。

一直以為這家餐廳只是普通韓燒，原來是用熨斗烤肉，侍應說這樣壓著肉燒會更均勻，而且侍應們都非常熱心幫我們烤肉。我跟朋友都不太吃牛，就點了牛舌試試看，很爽口，肉厚，好吃。調味五花肉非常多汁，腌過的很惹味，燒到香脆時吃可以吃得到外面脆，裡面多汁的效果，用生菜包著吃可以增加口感層次。啤酒雞排是我最喜歡的，烤過以後還可以保留啤酒的香味，肉質結實，味道帶點甜，餐廳很貼心去掉了雞皮，適合怕肥的人吃。玉子一客包含兩種味道，有明太子和黑松露，明太子味道比較鮮明，建議大家先吃黑松露，蛋的質地很軟，即叫即做，蛋味夠香，中間夾了芝士，看到芝士流出來。黑松露和明太子份量都非常多，所以味道濃郁，很驚喜。柚子沙冰是漂亮的薄荷藍，柚子味道很清新，配烤肉能解膩，驚喜的地方是沙冰裡有加牛奶，原來跟柚子味道和沙冰口感配搭很好，再來一定要再喝。

同男朋友講話想食韓燒都講咗三個星期！我真係好掛住韓燒味道呀！ 佢終於都肯帶我嚟食！ 去既時間比較早，都未係好多人。不過坐下坐下就已經滿曬。我覺得佢本menu好得意，因為圓形嘅。 今日嘅目標除咗係韓燒五花腩之外，仲有呢個芝士炸雞！嗰個都推介話好好食！好期待呀！店員話like facebook送呢支嘢飲，標價都要成四五十蚊，咁梗係秒like啦！前菜幾碟我以以都食曬啲大豆芽！泡菜我麻麻。蘿蔔同埋大豆芽都真係勁好食！同埋我好開心佢有準備一大堆既生菜，同我一齊準備一陣“大開殺戒” Wahahaha！叫咗一個牛一個雞，其實仲有叫左豬！但係我掛住食豬，完全唔記得咗幫佢影遺照可憐的豬！ 牛既油脂分佈得好好！非常好食！ 但真係唔可以燒咁耐！燒到變色就要拎起，如果唔係就開始韌！雞扒真係勁大塊，差啲大過個爐！個雞扒係用啤酒浸過架！感覺好得意！好鍾意食酒味雞扒，肉質又真係唔同D！返屋企都試下用啤酒Yip雞扒先！呢個係我既滄海遺珠五花腩！ 用生菜包住黎食真係特別好食！豬嘅香味出哂黎！而且唔會覺得太肥，食完好有罪惡感！芝士炸雞帶領咗今日嘅高潮！佢係成個盤咁樣放喺個爐上面燒！芝士開始融落炸雞到既感覺真係好正呀！特別

係大街隔離既鋪，不過入到餐廳唔會嘈唔會熱爐邊蛋係任添，芝士就應該唔係(食哂都飽，無問到)好typical既涼菜，味道都唔錯，無雪味個人好欣賞呢個餐廳既設計，包左一層鐵皮。其實呢個設計都幾高成本，因為咁樣包令到餐廳室內嘅空間減少咗。雖然係咁，不過因為餐廳本身提供嘅枱都唔算多，所以餐廳入面唔會好迫，真係好似去咗韓國食咁。店舖嘅優惠，like咗佢哋嘅facebook可以有梳打一杯。食韓燒熱辣辣配返一杯真係爽呀！雪花牛肉，其實呢一款價錢唔算好平。雖然係咁，不過亦都值回門票價！雪花牛肉脂肪同肉比例恰當，有油脂之餘亦有肉味，非常之平衡。燒香兩面，食落口好滿足！啤酒雞扒，呢個大大塊性價比極高。個人建議成塊拎去燒，熟咗之後再剪開，咁樣可以保留肉汁！除咗韓燒之餘，呢度亦都提供熟食。呢個係醬煮牛仔骨，價錢都唔算貴，甚至可以講得上係抵！有四大塊牛仔骨，醃得好入味，唔韌，食過返尋味！極邪惡，極邪惡！炸雞夠邪惡喇？再加埋芝士仲唔係超級究極邪惡？炸雞本身喺下面已經放左芝士，拎走咗韓燒個爐之後，將佢放上火上面，另外再加芝士煮，實現完美嘅拉絲效果！呢個就係煮好咗芝士之後嘅效果。個炸雞唔係一般食嘅韓式炸雞，外面用左類似

今晚即興飯局又俾人拉咗出黎食韓燒侍應會倒d蛋漿係爐邊，一邊放左泡菜加蛋漿，而另一邊就淨蛋漿，等到啱啱熟既時候食，蛋又嫩又滑，而且仲有好香濃既蛋味我地揀左豬牛都各一D，肉有啲有調味有啲冇，可以由淡到濃去食，一層一層上，食出肉既鮮味不過呢個只係建議，最緊要食得開心，因為到之後基本上，每樣都交錯地咁食一兩塊試，哈哈，完全無按章辦事，只係一味喪隊 烤調味牛排骨，味道濃郁，肉質都幾嫩，鐘意啖啖肉個人實非常喜歡。夾唔夾菜食都得，我個人認為就咁食肉味已好出，夾左菜反而沖淡左肉既鮮味同肉汁因為等唔切自已燒肉，索性先現點熟食既牛肋骨肉，牛味好顯著，而肥瘦適中，有埋調味料甜甜，輕輕燒到8成熟左右，夠晒惹味。 五花腩，肉質好淋，望落脂肪好似好多，所以特意剪到一少一少舊，燒減輕個肥膩嘅感覺。 店員會好主動過來幫忙燒脂肪比例非常均勻，放到爐上面燒，側面既脂肪會慢慢溶化，等到剛剛熟既時候夾起，肉質好軟熟，入口即溶仲點多好多小食，呢個芝士雞份量真係好霹靂，芝士好香濃，拉晒芝，雞件酥炸得外皮脆由是份量特大，建議3至四人一齊些牙仲有呢UFO芝士飛碟，外皮帶脆囗，入面係肉醬芝士點左酒飲，韓燒必備品呢度烤肉時，因為環境裝修