熨烤達人 (已結業)

今日約左舊同學食飯，因為我地都係食肉獸，一齊食燒肉就最岩我地！於是今日揀左位於旺角洗衣街的熨烤達人。招牌有個熨斗，好容易認。一坐低，店員就奉上泡菜等小食，而且喺爐邊淋左蛋漿－－一邊燒肉，一邊煮熟Ｄ蛋，真係睇到都流口水～另外仲可以加Ｄ栗米同芝士落去，太邪惡了！水牛城雞翼 $58等緊個爐變熱的時候，好適合點呢個雞翼～味道辣得來帶點酸甜，同時又唔太油膩。芝士燉飯 $68就算幾膩都覺得好味，大概就屬芝士了。這芝士燉飯真係落足材料，每啖都拉哂絲咁，香濃又滑溜。寒冰水冷麵 $68想Fresh D就可以選擇水冷麵，微微酸味加埋冰凍麵條，食落透心涼～別出心裁的地方是那條水果冰條，有草莓、奇異果同埋火龍果，好睇又好食！特級雪花牛 $108調味牛排肉 $88終於入正題，來熨烤達人的重點當然係燒肉！唔知大家平時覺唔覺，韓式燒肉通常都係豬肉好味過牛肉，所以見到呢兩款牛肉的肉質咁靚，真係好驚喜！牛味夠香濃，咬落口感好好，正～！調味豬頸肉 $58又係賣相贏在起跑線的例子～竟然將豬頸肉砌成玫瑰花形狀，我也是醉了這豬頸肉的調味做得很好，個人覺得即使不點太多醬汁也很夠味。無論係咩燒肉，建議包生菜最好味！草莓cider

記得早兩年嘅時候同朋友一齊黎食熨烤達人，當時仲係要排隊等入座嘅🙈今時今日韓風係咪已經過去呢？完全唔洗等! 今日突然間想食返熨烤達人，所以就嚟咗呢度😁坐低待應放低Menu，原來menu都唔同左添,好得意係Ironman 嘅公仔!而且多左不同的菜式！我地睇咗陣餐牌，侍應好細心逐一介紹唔同嘅名菜！我哋牛肋骨$188 有牛味，軟硬適中！特級雪花牛好重牛味，脂肪均勻🤙🏻🤙🏻推介同埋補充骨膠原嘅豬皮🤤係燒豬皮嘅過程個熨斗發揮好好嘅作用，令到你可以燒到一塊好脆嘅豬皮！另外試咗一個新菜式自暴自棄即食麵，個名真係冇改錯🙈超級多芝士食完唔肥就假😆不過食完先算啦!可以一試！Like Facebook 專頁仲可以送枝裝汽水或者乳酸飲品！

之前係鑽石山荷里活商場見到呢間有金仔做主題嘅韓式熨烤店，諗住食但見到太人氣太多人等位所以放棄左。最近旺角行街經過發現佢係旺角開左分店，又遇啱唔係太多人等位 ，於是就即刻試下 。雖然依家係天熱，但都無阻愛食韓燒嘅我。店內裝修好得意，之前係金仔，依家轉左做iron man 咁嘅熨頭人 。佢有一塊用黎熨肉嘅鐵版都有印有個iron man 公仔 ，印落塊肉應該會好攪笑。睇左餐牌一陣，佢就算唔燒都仲有好多選擇。於是我地叫左大隊腸支支、燒牛肋骨、炭燒半熟韓牛、極上牛舌條同埋寒冰水冷麵。佢本身仲有爐邊蛋送埋，大鄉里嘅我係第一次食呢樣野，煮左一陣店員提醒我地要放芝士同粟米。見個蛋差唔多形成就食得 ，幾滑幾好味。 跟住就開始食重點，先講炭燒半熟韓牛。韓國人不嬲有食生牛肉嘅文化。但其實唔係個個接受到，但佢呢個半熟就幾好 ，佢係四邊燒熟 留中間位置係生 ，食起上黎中間係有一種比突別好似啫哩咁嘅質感，加埋佢嘅醬汁就好好味。可以令人易接受生牛肉嘅鮮味。跟住係燒牛肋骨，佢燒得啱啱好 。肉好淋醃得好入味。夾埋生菜包住食仲正。而極上牛舌佢本身係高質牛舌同厚切，所以燒起黎都係肉汁香濃。你見到未燒前佢牛舌嘅紋理同脂肪都好

之前經過鑽石開店無耐，見到超多人等位，所以放棄咗，今日到旺角店7點鐘都唔多人，可以試到喇！裝修幾花心思，用好多美國隊長嘅公仔一坐低就放低3款前菜，有泡菜，豆芽同白蘿蔔片(可以免費任添食嘅)，仲跟埋爐邊蛋，有粟米同芝士做配料，整有拉絲嘅效果架！仲有一藍菜都係送嘅，開個頭就幾好幾吸引！Like 店fb專頁，仲有飲品送，4款口味乳酸梳打可以選擇，今次揀咗蜜瓜同藍莓味炭燒半熟韓牛$108 - 話明半生熟，佢係當前菜當沙律咁食，唔使燒嘅，肉質不錯，有牛味，點埋個醬汁味道不錯😋😋極尚牛舌條4條 $118 - 係牛舌中心的厚切，厚肉多汁，就咁食都唔會滯，當然可以加埋生菜包住食就清新點😋😋寒冰水冷麵 $68- 我都係俾條彩色水果樣的雪條吸引咗而叫，因為實在好得意，佢其實係湯底嚟嘅，但當你食食下麵食嘅時候有舊水果食下，又幾清新，幾鬼正架喎！湯底唔會係得d無味冰，咸中帶點酸，麵質又幾好，配菜有黃瓜，青瓜絲咁，幾抵食！燒牛肋骨$88 - 好肥香，因唔係全熟，肉質唔會老，加埋少少辣，好味喎呢個😋😋😋，用菜包住食好正！不過接受唔到有少少生嘅朋友就要考慮叫唔叫喇！大隊腸支支$88- 豬腸夠肥，我個人覺得好正😆😆，

慶祝父親節唔一定要食中菜嘅，同爸爸食韓國嘢都得！今晚我哋就嚟咗熨烤達人開餐！原來熨烤真係用熨斗㗎食韓燒當然唔少得要食爐邊蛋呢度嘅爐邊蛋係可以免費添嘅！仲有芝士同粟米俾你自己加落去呢舊磚頭五花肉真係必點！佢一上台，我哋都俾佢個size嚇親！堅係大件！喺度諗緊點燒嘅時候，侍應已經好主動來幫我地手搞掂佢首先要用個熨斗壓住佢，等佢啲熱力可以均勻啲咁燒，而且會快啲熟！隔咗一陣，侍應就會過嚟將舊肉切開一件件。之後再用熨斗壓住黎燒，燒到外皮有少少脆。然後再切開細細件，放喺爐邊再燒多陣就食得五花肉肥瘦均勻，口感一流，點小小辣醬就更加惹味好食到停唔到口！除咗呢個招牌五花肉，我哋仲叫咗特級雪花牛。侍應會換個網先燒牛肉。牛味都幾濃，如果有碗飯就一流跟住我哋仲有一份芝士炸雞一份八件，分量十足！放喺爐上邊燒左一陣之後，啲芝士溶晒，味道好香～侍應會來幫你將啲拉絲芝士捲着啲炸雞，超級邪惡，但真係好好味！雞肉炸完都好滑，配埋芝士同蕃茄粒，口感味道都好正依家Like Facebook 仲會送飲品！夜啲食仲有折！下次可以叫埋班貓頭鷹老友黎開餐

This is a cute Korean bbq restaurant. We were warmly greeted once we entered. The boss was super talkative and down-to-earth. He recommended us the food selections and serves us with small Korean dishes (kimchi and other pickled veggies) before we had ordered!We had the fatty beef, beer chicken, braised beef brisket, and some side dishes: Korean roll (it was like the Japanese maki rolls) shredded chicken with sesame sauce and baked portobello mushrooms.I liked the braised beef the most. Tender a

素來同朋友都好愛吃烤肉，特別係韓燒，因為我係大隻仔，好刷得，無肉食會死! 今日PK仔約左我來呢間MK韓燒，話有新式燒法用熨斗，幾新奇，試下無妨。入到去，環境唔錯，無咩油煙，食下D前菜開下胃，泡菜真好味。先叫D濟洲牛，西冷，豬腩肉，豬皮，雪花牛，扇貝…先先自己燒，燒到半熟店員主動過來出熨斗神功，壓下多餘油份爆出，燒到表面焦焦地，所有肉都好了香口，油花多，好好好食!扇貝好新鮮好甜，我都叫左幾轉，D肉全部不錯，是靚肉優質，無介紹錯。我地叫了士多啤梨特飲，配D烤肉好正。D肉其實包埋生菜食會無咁膩，我覺得夾埋泡菜更開胃，又吊到肉味。食完食埋自己整的爐邊蛋，超多粟米，芝士，泡菜，但係掛住食肉，忘了吃，蛋燒得太乾，味道失了色，嫩D會好正!呢餐做左飽鬼!

$108任食五花腩! 睇落好抵，不過究竟你可以食到幾多呢(？)叫左個$108 五花腩另加$80牛舌，平心而論五花腩都算ok, 第一碟超肥，第二，三碟肥瘦適中，不過有部分筋，肉類又唔算太濃，只能話ok. 不過我哋两個人去，食三碟已經食到盡! 不斷肉肉肉，太難受了， 雖然唔係太飽，但一啲都唔想再食了。最尾加左個沙律同雜菌，食返少少菜感受先好啲，埋單每人二百幾，其實一啲都唔平，下次都係單點好過。而且感覺服務好一般阿，水要問才有，不過環境尚算可以的。

今日同個Friend去行街街, 佢話好想食韓燒我就唯有大熱天時都陪佢食啦！我地ＢＯＯＫ左位都要等成３０分鐘可以真係太多人黎潮聖既關係所以冇計. 終於都有位啦我地睇一睇ＭＥＮＵ發現到有好多好好笑既野所以除左燒肉都忍唔住叫左黎玩下呢個沙律既presentation 好靚好整齊, 有沙律醬吞拿魚蛋黃醬同青瓜絲. 有Ｄ似過年既撈起, 跟左２個雪糕CONE同２隻手套俾我地. 店員叫我地用手套拌勻晒所有的配料再搓到佢一個波波型放上去個頂度,當雪糕咁食！不過咁多配料又點可以用２個雪糕CONE去食晒, 如果就咁食又真係有點咸既,呢個係食Gimmick 唔算係好味既野.  之後就係呢個雪條水冷麵,水冷麵食得多有埋雪條既都係第一次. 佢地將水果加水雪硬, 上枱時先將雪條插在麵中. 旁邊有半蛋同青瓜絲. 味道都係好一般都係食Gimmick多Ｄ. 不過燒肉質素就好好所以都算可以balance 番

據聞韓式古法嘅燒烤，喺會將一塊熨斗狀嘅鐵塊壓嚮肉嘅上面，將肉汁鎖緊，令到肉質更加鮮嫩。調味豬頸肉 HKD75、肩胛肉 HKD120肩胛肉同豬頸肉一向都係我嘅最鍾意食嘅燒肉部位。肩胛肉嘅肉質鮮嫩，油花入口即溶，而豬頸肉就燒到好爽口，調味亦都恰到好處，味道濃郁滋味～！厚切五花肉 HKD158韓燒除咗要食牛肉之後，五花肉亦都係一個唔可以放過嘅肉類。呢件五花肉無論係顏色，定係脂肪嘅分佈都好靚。本身見佢咁大件，都怕要燒好耐先食得，但搵鐵熨斗壓住佢嚟燒，受熱均勻咗，明顯地比平時熟得快，未食就已經聞到好香嘅油香～不過總括嚟講食物價錢偏貴，唔算抵食，只喺燒烤嘅方式比較新奇有趣。

之前聽過呢間野，今次第一次食。一係半放題，一係就散叫。我嗰日唔係好肚餓，加上食肉好快飽，所以決定散叫。半放題都唔平成$300一個，散叫經濟啲。叫左厚切豬腩肉、豬頸肉同手搞飯。前菜任食，點完野食，店員即刻整爐邊蛋。首先，熨烤豬腩肉，等嘅期間手搞飯黎左，就食左先。其實係蟹籽沙律撈飯，再扮雪糕放入雪糕筒。頭幾啖都ok，再食已經唔得，好膩。跟住轉食豬腩肉，由於散叫，係冇生菜送。咁我就點完醬油夾泡菜食，幾開胃。食完腩肉，就加芝士落啲蛋度，幾正。其實食完呢幾樣野已經飽飽地，好在個豬頸肉薄薄地，加泡菜食唔係好膩先食得哂。最後個手搞飯係食唔哂嘅，同埋唔係好好食，不過係友人想試先叫。整體黎講間野都ok嘅，不過唔算好特別。

小聚會5個人早一日book左要台食韓燒聽說五花腩同韓國運黎既肥牛都好正....嗌左個$298 既任點肉放題可以燒2粒鐘....慢慢燒 都幾有韓國風味呢個跟4樣熟食出一次比左d烤肉精華大家睇先....系味好吸引呢....系好肥美既五花腩同埋牛粒，韓燒點少得烤波蘿只要烤得好岩岩好香口。原來早一日訂位送一份海鮮咖😽😽 好鮮甜啊加錢都系28蚊人.不過一加就成台人加～D蛋好好味啊有泡菜同芝士粟米，蛋無限次添加.....Last order 果陣我地要多幾塊和牛啦....誰知咁大塊...就黎大過我塊面啦....燒啊燒 燒完既烤肉再好就系咁食有炸雞...在坐各位都話炸雞好味佢既蜜糖介未醬配雞味道很好仲有部隊鍋，味道正常冇話特別仲有沙律都系正常既開胃菜仲有一碟吾記得左影 好似系豬既物體整體不錯呢☺️☺️

烤肉set（五種肉類）, 580HKD,裡面包含了最有名的厚切五花肉，和之前從來沒有試過的豬皮。五花肉非常大塊，把鐵板壓上去熟的會相對快些，同時也能很好的鎖住肉汁，但因為肉太厚的緣故還是覺得有點老啦。豬皮很意外的好吃，烤到焦脆的狀態，不會那麼油膩，入口回味無窮。

俾88蚊任食靚靚濟州五花腩，平心而論，作為一名女子，你到底食得幾多片?莫講話女人，男人又能夠對付到幾多?先嚟一個撈麵，有吞拿魚、蟹子、茄汁豆同青瓜等，撈埋一齊放入雪糕筒度食，都幾飽飽滯滯再啲主角土燒腩肉，肥瘦適中，肉味好濃，食咗幾件已經頂唔順同行男人唔夠喉，再嚟一件美國穀飼牛扒，份量十足，建議咪烤得太熟，好易靱配菜反而好清新，亦俾我清晒雪芭造型夠特色，唔太甜，好飲附有手套俾你自己撈，呢part最過癮呢個燙斗就係俾你壓住佢嚟烤，可以迫到啲油出嚟，不過小妹都係嫌太油膩總結而言，餐廳環境有啲迫，油煙太重，坐得唔太舒服，但埋單其實都要二百幾，應該重有好多選擇。

上社交平台見到有88蚊任食 就打算去試由於係星期六中午 所以要118然後 一去到 本身以為門未開 （因為無開門 入面又暗） 但較早前已book位然後打入去問啦 其實有開. .太早 得一兩個職員.一黎佢就幫我地倒蛋 比前菜 再開爐 比牛扒同五花腩然後我地就繼續叫牛扒 有兩塊 再叫就一塊一塊咁上我地係未食曬就叫 因為要解凍. 佢真係成塊冰拎出黎.我心諗 明知有人黎 都唔解定凍 叫到第3/4碟 佢地（職員）開始無視我地 .真係要講職員服務態度.真係聾 聽唔到我地講野 人？唔見曬 有一刻打埋就咁走就算 真係無人打算同我地埋單 夠鐘都未比單 因為佢地3點落場 2:45左右比單 我地放好曬錢 都無人收我真係躁地左. 心諗你唔想做午市 可以唔開 真係得我地一台. 做佢地員工真好 唔洗做 不斷聽韓歌 .食物方面 一般. 我份人對食要求唔高. 我講一般 其實已經好難食 但牛就還可以 爐邊蛋😍😍😍 爐邊蛋係必食（爐邊蛋都差既話 我建議唔好去） .上次去元朗既熨斗達人 散叫較美味 我建議唔好叫任食 散叫都唔好去依間（聽朋友講 旺角依間較差🤭）