熱記大排檔

营业中

休息中

早前約左朋友食飯想搵個地方聚下舊傾下計飲下啤酒，朋友岩岩係日本番黎想食中餐，我哋咁啱行行下發現一間大排檔，就入去試下，真係估佢唔到喺土瓜灣竟然有一間服務態度又好食物又唔錯嘅大排檔！事先聲明本人本身對中餐冇乜興趣…嘩佢哋嗰啲小菜簡直令到我哋有個意想不到嘅感覺🤣🤣火喉又夠味道又唔會太鹹值得一讚👍佢哋服務態度又好，我同朋友都食得好開心！仲有好多菜式好想食但我哋太少人食唔落啦😂下次有機會一定同朋友再嚟😋😋我哋叫咗尖椒魚卜，佢哋啲魚卜脹卜卜大大舊，啲尖椒又夠辣喎用鐵板上熱辣辣好吸引😋我朋友出咗名鍾意食蝦，所以叫咗碟豉油王蝦，佢啲蝦我朋友一路食一路話好食最後佢一個人食咗差唔多大半碟蝦tim🤣跟住嗌咗三碟菜一個係好特別嘅名佢叫想食椰菜花😂聽到個名都想食，佢好特別仲用煲仔上，一路食一路滾住熱辣辣，正👍小炒王同埋羅漢齋味道都唔錯個小炒王仲落咗啲辣鍾意食辣嘅我好惹味好開胃送飯一流😃👍爭啲漏咗佢哋有個招牌嘅雞叫鹹雞煲開頭以為會好咸點知佢都好特別係用炸雞做嘅係入面加咗啲好似椒鹽既落去煲仔度，食落脆卜卜，雞肉又嫩滑喎😋

浪費金錢浪費時間，虾又話新鮮又霉蒜蓉又難食炸大腸放左几日咁，又黑又柴，咬都咬吾到，而家食左d罐頭波蘿，剩番嘅蠔仔粥d米係好生，要等放好耐，先食到卤水拼盤，好似垃圾甘，又吾新鮮，冇下次及提提大家咪去！？！

是日相約四粒好友相聚，隨心叫了幾樣小菜之後，發現未到嘅隔離枱面出現一包應該係手信既黃金魚皮！隨即訊問待應有無得賣，店員笑容燦爛，非常幽默又有禮貌地回應：「想要可以幫你問下賣唔賣呀。」小菜如往日般出色，蠔餅脆炸度剛剛好、豬紅實的的，而一餐小菜最最最重要嘅茶底同樣出眾。同伴們，對於老黑茶茶底讚賞有加，厚身回甘，表示「非常好飲」！當晚有點喉嚨乾澀的朋友飲完都表示「非常潤」！整餐飯，以淳厚回甘的老黑茶畫上完美句號。

今日朋友心情唔好，要飲酒啤一啤，行吓行吓去到熱記，入到去都好多人，坐左2人枱開始點餸，黎到熱記必叫的餸蜜椒鱔球～入口甜蜜蜜，爽口好味，必食鵝片拼盤～拼盤都算豐富份量多，鵝片，墨魚，紅腸，豬耳，豬腸，豆腐,可惜個鹵水汁唔得，如果個鹵水汁加多少少花椒，八角去煮個鹵水汁會較好，浪費左個大拼盤。薑蔥桶蠔煲～好似有6粒，都好食同大隻，夠味道，用沙煲上。椒鹽鮮魷～鮮魷夠新鮮，外層個皮唔厚粉，脆身，唔係間間做椒鹽鮮魷都好食，呢間做得唔錯。如果大家想食大排檔，呢間服務都唔錯,價錢正常，又多選擇。

今日同朋友經過土瓜灣肚餓，見到間熱記大排檔仲開緊，就入去試吓。本來諗住都係麻麻哋，點知真係好好食！鹵水鵝滷得入味，鵝肉又嫩又滑，避風塘炒蟹嘅蒜香同辣椒油嘅香氣真係好惹味。滷水鵝嘅鵝肉滷得好入味，鵝皮又滑又香，唔會太肥膩。鵝肉嘅肉質都好嫩，唔會太老，一咬落去真係好滿足。避風塘炒蟹嘅蒜香同辣椒油嘅香氣真係好惹味，蟹肉都好鮮甜，唔會太乾身。炒得好香好入味，真係好正！套餐嘅價錢都好抵食，兩個人食一餐都唔使$300，真係好划算。下次有機會一定會再嚟食！

早前朋友入伙, 朋友推介下在其新居附近的一間店鋪進饍, 未有什麼特別裝潢, 就是類近室內大排檔的感覺, 所以會有點狹窄, 可以跟朋友有親密接觸 🤣 此店除了一般小炒外還有潮洲滷味可供選擇。反轉蜜椒雞中翼 $98外形弄得像雞腿般, 所以得其“反轉”二字, 實際是單骨雞翼, 肉都在兩邊, 剛剛煮好熱騰騰, 雞翼微微脆口, 非常入味 😍 整隻雞翼都是滿滿的蜜糖黑椒味, 很惹味!! 😋咕嚕肉 $98醬汁酸酸甜甜, 蠻開胃, 豬肉未有炸過龍, 算不錯, 不過就太大粒, 口感不太好 😗 而且一般切細點會更加入味脆皮炸大腸 $108個人覺得可以炸得再脆口一點, 另外炸大腸不夠熱, 不過佢洗得乾淨, 沒有異味 😀 不過都高下立見, 澳門順德公炸大腸真係好吃得多 😅黑椒牛仔骨 $98黑椒味醃得不錯, 不過未有太大驚喜, 牛肉骨不會只有骨頭, 而且不會很韌。椒鹽鮮魷 $108 椒鹽豆腐 $88兩類同款的椒鹽炸品, 一般都是我很喜歡的食物, 魷魚彈牙, 豆腐都滑, 唯一問題就是偏淡 🥴 從來都是惹味的炸品竟然不再惹味, 有點出乎意料, 尤其椒鹽豆腐! 😮‍💨口水雞 (半隻) $138醬汁微微的辣, 而且很

路過這店時候，看他餐牌上的午餐選擇，看見一個平時在別的地方吃不到的 滷水鵝蝦籽鵝油撈蝦子麵 吸引進店了。入店的時候，看見沒有單身的客人來吃，我便好奇一問一個人來吃可以嗎，服務員很親切地說有很多一個人的，不要害羞，服務態度也不錯啊。有講有笑。環境不是很高級，就是很實際食飯的那種，我看在餐廳裡麵食飯的至少都是40歲以上，應該代表是一個很實際不多花巧的餐廳。可惜下單時，他們說沒有蝦子麵只有飯，我看這個配搭跟飯還是覺得有一點怪，反正都已經入店了，便看看有沒有其他好食的。我看看廚房，見到他們說他們的滷水是馳名的，所以決定叫滷水相關的。再看看他們的滷水餐牌，他們有單拼雙拼，種類多難以一時選擇。最後我看見他們有一個叫豐盛拼盤飯有齊所有選擇，我便知道我需要選擇這個了。首先這個套餐有例湯，這個湯是有點味道的，不是溝水的那種湯，味道尚可。飲品叫了熱檸茶。最後主角豐盛拼盤飯來了，真的很豐盛，什麼也有一點，可以嘗試不同的食材。總括鹵水的味道很好吃，我談談比較指標性的大腸，他沒有大腸的味道，洗得很乾淨，不是原汁原味的那種，所以可以吃得很放心。還有是兩個醬汁，一個是普通的潮州醋和潮州辣椒油。值得一題的是那個辣椒油

剛剛的父親節因為無訂枱，所以臨時去了一間小炒食晚餐。佢的鹵水鵝好好味，但唔記得影相，有機會一定要試。嘈另外叫了豉汁蒸魚頭，魚頭好滑，火喉剛剛好，另外佢地介紹一個鹽焗螺，都好好味。下次再嚟試下其他菜式先。

今日經過土瓜灣肚餓，同啲朋友入去試吓諗住都係麻麻哋，點知好好食價錢又唔貴嗌咗個避風塘炒蟹，味道好好黃金蝦上到嚟仲熱辣辣 仲有好多膏辣子雞都好出色 另外都嗌咗其他嘢食冇諗過土瓜灣有呢啲質素 下次會同朋友再去

入場坐底未夠三秒催我落單，係咁推海鮮，一陣又膏蟹一陣又龍蝦，係咁話自己好食，我話睇睇先，佢行開一分鐘又返轉頭，想叫個豉油皇蝦，就叫我嗌大頭蝦，問幾錢就話要188，我諗一諗，未試過呢間野又未知咩質素，就同佢講就咁得啦點知碟野嚟到得八隻，仲臭串咁走過嚟講「你要豉油皇蝦嘛？豉油皇蝦囉！」望一望碟野，上嚟仲要暖唔係熱，呢度168，抵唔抵就睇自己啦，反正我無下次囉醫肚醫正成肚氣，土瓜環仲美食沙漠過馬鞍山🫠食七返去仲要食宵夜

夜晚行到果頭搵左間仲開緊餐廳就入左去，加上有朋友食過應該無死啦。唉我都唔知講咩好，想食水煮魚酸辣魚呢啲，見到有咪叫囉，落單過程職員已經好奇怪，問我哋要唔要條靚啲嘅魚加錢轉條斑，我心諗食咁濃味唔駛啦，咪無加囉，我估唔到食左咁多次水煮魚，會有一次食到條又臭又厚既......過程好唔對路，已經唔想食，頂唔順兩啖都食唔落同職員講條魚有腥臭味，佢好似講咗句叫咗你哋換㗎啦，算啦，最後佢冇收到呢碟嘢嘅錢。估唔到呢種打冷都會翻車。仲有一碟金銀蛋菜（無影），正常野，不過胡椒味好重仲有一碟好鬆肉味嘅肉

香港係街既大排檔已經買小見小，熱記直頭係有冷氣既大排檔，今日叫6個餸6個都係水準之作。食大排檔最緊要係人氣，鑊氣同酒氣，呢度3樣都有，伙記老闆都好熱情，場地好似大排檔咁熱鬧😂唔單只有啤酒（重有有最小4個牌子）重有清酒，連清酒都幾個牌子，岩哂飲酒既人，我地今日食左以下6個餸1.鳳凰焗魚腸--我諗香港都真無無咩地方有得食，面頭既油炸鬼真係有畫龍點睛既作用，鍾意食魚腸真係唔可以放過。2.招牌滷水鵝片--鵝片厚身但肉質軟淋，不得不講係佢碟低個豆腐，入味不但只，軟滑果下過分，同行友人就係食過要再食為豆腐🤣3.啫啫通菜煲--野味，菜入味，送飯一流4.蠔餅--用料大方，蠔仔飽滿，唔點任何野都好食，食天婦羅咁呀5.咕嚕肉--新鮮夠鑊氣，唔會太酸，皮夠脆好送飯6.黃金大蝦球--成粒蝦球都有旦黃，咸香，最重要係佢無出面食果啲咁膩，食哂都唔會膩以上係我地3條友食，係食哂既，大家不彷去試下。

叫個唔使點煮的滷水飯，等左20分鐘原來漏單，叫滷水鵝拼牛展,又比錯墨魚，想點？仲要話：你食就食，唔食先同你換，午飯時間就過，我死忍！最後仲同我講，墨魚仲貴過牛展！咩料呀？

熱記放工想約班中同食飯 聚一聚口痕想食大排檔就去左呢間熱記 叫左6 7 款餸 超級驚喜！樣樣都好食 特別係呢個鵝 啲肉好入味 送飯一流埋單一人160/170 都可以接受呢間一定會encore !

早排去星廚坊食龍蝦伊, 味道唔錯, 原本想話同家人再去幫襯, 打電話訂枱時表示要休業, 裝修數星期....好多時D餐廳話裝修, 到最尾都係轉手, 唔知今次係咪又改名轉手.....新葉記入咗我嘅 black list, 楚撚記地方窄坐得唔自在, 餘下選擇唔多, 於是轉去熱記, 好彩訂到枱, 因為好多時 walk in 都話爆場無位, 否則要轉去另一區搵餐廳.點咗椒鹽九肚魚, 椒鹽雞軟骨, 蠔仔肉碎粥, 上湯浸娃娃菜, 蒜蓉粉絲蒸蟶子, 鳳凰焗魚腸.  優點:1, 不同師傅整嘅炸漿都唔同, 椒鹽九肚魚外層嘅炸漿係我最喜歡嘅, 夠脆, 食上去內軟, 超 like!2, 椒鹽雞軟骨份量足無偷工減料, 當然重有好好味好脆嘅外層.3, 蠔仔粥嘅蠔比一般嘅 size 大隻, 口感嫩滑.4, 我老母好中意整焗魚腸食, 腥到一個點! 簡直係天下第一難食, 但佢又食到津津有味, 所以我唔食焗, 今次嘅魚腸一D都唔腥, 起碼我都食到. 5, 蒜蓉粉絲蒸蟶子只有大蟶子, 肉嫩無過火.6, 上湯浸娃娃菜最安全, 上湯清甜, 娃娃菜入口爽脆, 無問題.缺點:1, 雖然坐近門口! 但門經常關上, 冷氣都極度不足!