燒味滷師 (富榮花園) (已結業)

靚裝燒味店【燒味滷師】愈開愈多，短短2年間已經有6間分店，喺大角咀、慈雲山、長沙灣、葵涌、荃灣同屯門都見倒佢地Sharp醒嘅黃底招牌。今日喺大角咀同朋友Tea，臨走經過富榮花園嘅【燒味滷師】，就斬料番屋企加餸。至尊燒鵝 上莊 ($110)家人鍾意肉多又唔太肥，所以買左上莊。燒鵝顏色焦紅燒得好均勻，個皮番到屋企雖然已經冇咁脆不過唔會乾柴。鵝肉肥瘦啱啱好食落有脂香，點埋D甜酸醬更加惹味。玫瑰鼓油雞 半隻 ($35)貴妃雞、鹽焗雞 、鼓油雞一律$68一隻，$35半隻。鼓油雞色水好靚，平日唔食雞皮嘅我都忍唔住食左幾塊。雞肉好嫰滑，加埋甜甜地嘅鼓油汁，送飯一流。燒味佬叉燒 半斤 ($40)叉燒比較瘦，不過食落都唔會硬崩崩，少少燶邊最惹味。蜜汁甜甜鹹鹹，忍唔住又食多左幾舊泰式鳳爪 半磅 ($45)因為太飽，結果鳳爪雪到第二日先食，冰冰凍凍更加入味。鳳爪去晒骨，彈牙肉厚食得好爽。泰式醬汁酸酸辣辣好醒胃，加埋D青瓜消暑一流。

有時同屋企人食飯，都好鍾意再斬料加燒味。今次放工黎到奧運附近，臨收工經過呢間燒味店，一試之下發現呢間真材實料！至尊燒鵝 上莊 $110夠曬火喉既燒鵝，食落去勁多汁，唔洗沾其他配料都已經食到燒鵝啖啖都係肉汁，燒鵝皮夠曬香口，真係比得上啲貴價酒樓，好好食！客家鹽焗雞 半隻 $35金黃色外皮嘅鹽焗雞，用鹽焗得又香引非入味，而且熟透程度啱啱好，令到雞肉有彈性唔會太老，加埋啲蔥油送飯真係好正！燒味佬叉燒 一斤 $40叉燒肥瘦比例一半一半，啖啖都食到肥瘦之分，叉燒汁又夠曬入味，最令我驚喜係叉燒既燶邊真係好好食，夠曬邪惡！泰式鳳爪 一盒 $45叫多個開胃冷盤加餸，甜甜酸酸再帶丁點既辣度，呢個無骨鳳爪非常開胃，尤其又青瓜同埋洋蔥醃製，清新既感覺好吸引！價錢非常大眾化，而且食材真係真材實料，真心抵食！

燒味滷師 (富榮花園) (旺角)地址：旺角海庭道16號富榮花園1期地下B號舖今日放工經過燒味店，見到佢大排長龍，個個都讚好食，我都買返幾盒返屋企加餸！燒味睇落好吸引，而且香噴噴。1.至尊燒鵝(1/4隻)店舖自設工場，會自己製作燒鵝，所以特別新鮮。燒鵝皮香脆而充滿油光，鵝肉嫩滑。今次仲食脾位，啖啖肉充滿油香，簡直一流。2.燒味佬叉燒(半斤)叉燒佈滿蜜汁，甜甜地。叉燒肉質鬆化，帶點肥肉，軟硬適中，食落更好味。3.客家鹽焗雞(半隻)鹽焗雞雞肉好滑，一啲都唔柴，點埋薑蔥食特別滋味。配搭一流！4.泰式鳳爪(半磅)泰式鳳爪分量多，有洋蔥同青瓜作拌菜，食落不太辣， 反而酸甜同麻油味重啲，個個都啱食，令人開胃。

『燒味滷師』開到奧海城附近喇🤩之前買過其他分店外賣依稀記得價錢唔貴又幾好食今日竟然俾我遇到新店又試下水準先🤭裝修新淨又夠光猛餐牌、價錢夠清晰店員做嘢都好快手讚👍🏼👍🏼👍🏼【泰式鳳爪】$45一盒份量都算多鳳爪入味口感爽彈整體調味唔會太辣平時唔食辣嘅食到👍🏼【至尊燒鵝】$110燒鵝係招牌，一定要買！斬得勁靚仔👍🏼皮薄唔肥肉質唔會過實仲好濃鵝香😋【燒味佬叉燒】$40全家都讚呢份叉燒😂賣相好吸引蜜汁夠入味偏瘦嘅叉燒絕對唔會又乾又硬送飯一流😍40蚊黎講性價比超高！【客家鹽焗雞（半隻）】$35整得好入味但唔會過咸肉質好嫩雞皮夠薄又唔肥正👍🏼👍🏼

「禾是窮鬼whita 醉愛買抵野」🛖 燒味滷師 (富榮花園) (旺角)📍 旺角海庭道16號富榮花園1期地下B號舖💰 ～共$250性價比:🐘🐘🐘🐘/5(窮鬼表示食到一間乾淨企理燒味舖好難得🥰)由於舖頭係新開張，成個感覺真係好企理，光線好充足，係乾淨嘅感覺💗好多人唔食燒味係因為覺得佢污糟！推薦試吓呢間～個感覺應該易接受好多🤩燒鵝（半隻)燒鵝每一件都切到好厚🤤皮下亦都唔多肥膏～食每舊都啖啖肉！記住一定要點埋佢配咗嗰個酸梅醬！即刻提升到另外一個層次✨😜客家鹽焗雞（半隻）隻雞滑捋捋～😍以燒味店來講算高質！🤩叉燒（半斤）半肥瘦叉燒真係超正！😍😍 下邊仲有勁多甜甜嘅蜜汁~如果撈埋飯食就真係不得了🤤🤤唔怕肥嘅可以試吓呢個食法❣️泰式鳳爪（半磅）酸酸甜甜嘅汁食落好開胃~肉質唔會淋！好爽口！🥳可以媲美泰國菜嘅餐廳🫣#大角咀 #大角咀美食 #燒味店 #性價比之選

佢哋嘅燒鵝真係幾正。今日係旺角行街買餸，😊平時見到哩一間鋪頭都幾受歡迎。所以一於買返去，同屋企人試下。😚買咗燒鵝叫咗下莊，因為我好鍾意食燒鵝髀❣️佢成隻切件真係好滿足。食入去食落個皮好脆，😍而且鵝油好香，加埋肉質夠實。醃得夠好，所以帶出少少鹹香味，真係好過癮👍👍另外我都買咗一斤叉燒，🤓叉燒晶瑩剔透，而且應該加咗蜂蜜，所以食起身有少少甜嘅感覺，🥳我都好鍾意。#旺角 #takeaway #燒味

今晚上朋友屋企食飯 ，諗住斬料加餸，見到呢間燒味店好光猛，好乾淨，於是入去望下，見到佢原來係自己鋪即燒燒鵝，咁即刻試試先。果然自己鋪頭燒完即刻買係最新鮮好食，燒鵝做到皮脆多汁，好好味。义燒最驚喜係真正平靚正，40蚊兩大條，仲要係靚梅頭，靈魂嘅蜜汁一啲都唔慳，保證你食到尾都仲有汁蘸。白切雞 $35 半隻 抵食又滑泰式鳳爪$45 惹味唔太辣，又爽又脆好開胃，作為前菜，非常好味。新開張，好多優惠，22蚊盒燒味飯好抵，下次一定會再嚟帮襯。

燒味滷師唔同區分店已經食過幾次，驚喜發現公司附近新開左間地點好方便，沿住奧海城行多兩步就到，啱晒大熱天時免得過都唔想出戶外嘅我。燒鵝上庄 ($110)勁足料，成盒都係滿滿嘅肉。 淨係睇橫切面就知鵝肉完全唔乾有肉汁，燒鵝皮好香口，有足夠脂肪但唔會厚到成口肥膏咁。 屋企人食嘢勁腌尖都讚好食，主要係鵝味真係好香，肉味好濃又入味。鹽焗雞 ($30)抵到痴線，基本上好多所謂方便餸雪藏雞都唔止呢個價，何況真係嫩口唔乾有雞味。 隻雞本身都幾大隻，雞髀啖啖肉，焗到僅僅熟，點埋沙薑汁真係好惹味。叉燒 ($40)夠晒香甜惹味，最正當然係有少少燶邊，明顯見到面頭有物質包裹住每一塊叉燒，性價比好高。泰式鳳爪 ($45)有驚喜，首先去哂骨食得好方便，鳳爪仲要好厚肉唔會切到碎濕濕，大啖大啖食得好爽。 可能怕太鹹，鳳爪本身醃料唔算好濃味，但點埋個泰式酸辣醬真係正到爆，完全一秒有種泰式生蝦水準嘅感覺。

天氣咁熱，叫咗朋友嚟食飯，唔想煮咁多最好就係斬料， 見附近開咗間燒味舖好似都幾受歡迎，又跟住買來試吓。至尊燒鵝夠香又有少少脆皮，入口油香味十足，有肉汁唔會乾～沙薑鹽焗雞熟度剛好，入口雞肉夠嫩滑嘟嘟，雞皮夠薄入晒味，唔錯～叉燒份量夠睇頭，叫師傅俾偏瘦嘅都無托手踭，咬落一樣鬆軟，食到d燶邊位香口又好味！泰式鳳爪係朋友指定想食嘅，酸酸地做涼菜幾開胃，最緊要係唔會太辣啱晒我～呢間鋪都有幾多款式，而且燒味飯非常經濟實惠，真係街坊抵食之選～

去朋友屋企玩，發現原來去旺角都已經開咗分店。呢間嘢開咗咁多分店知咩料啦🤣咁勁都經過梗係外賣返屋企食加送啦。其實之前已經買過燒味滷師🙌🏻食物分量全部超多，最緊要係價錢好抵食👍🏻燒味佬叉燒 最鍾意食半肥瘦嘅叉燒😜，外皮有着蜜汁嘅光澤🤩肉味香濃。散發着淡淡的炭香味👍🏻👍🏻👍🏻砂礓鹽焗雞 話就話係半姐，個份量多到我以為佢俾咗一隻我😂😂就咁食已經好夠味，外皮好嫩滑再配上薑蔥油一流。至尊燒鵝 入去買嗰陣都已經可以喺櫥窗見到掛喺嗰度嘅燒鵝😍食落去燒鵝好多肉汁，外皮香脆，最鍾意食燒鵝🥰每次去都一定會買！泰式鳳爪 -酸酸甜甜好正，好重麻油香味😆又平又抵食😂其實除咗一般燒味，仲有涼拌豬耳，麻辣鵝掌，夫妻肺片等等，都很不錯👍🏻👍🏻👍🏻

至尊燒鵝（下莊）我其實好鐘意食燒鵝，但係香港搵好食嘅燒鵝真係一啲都唔容易…今次呢間燒味舖真係有驚喜！呢隻燒鵝個皮好脆，一咬成陣鵝香伴隨油脂係嘴度化開，加埋鮮嫩多汁既鵝肉，真係好好味！燒味佬叉燒半斤每次食燒味都唔可以錯過半肥瘦嘅叉燒，叉燒鹹甜適中，就算瘦嘅部位都唔會太乾或者鞋得滯客家鹽焗雞半隻再試埋鹽焗雞，雞肉煮得啱啱好，仲好香嫩，雞肉都入晒味，配埋彈牙爽脆嘅薄薄雞皮，好味泰式鳳爪半磅起晒骨，超方便，酸酸甜甜有少少辣，相當開胃

依家去街市買餸煮飯其實都唔平，特別係豬肉，價錢真係好貴！今晚有親戚嚟食飯，一於去燒臘舖買餸，輕鬆啲唔使煮😂呢度嘅至尊燒鵝唔會好肥，鵝肉味道甘香，用嚟送啤酒真係一流！！！跟住仲買咗半斤燒味佬叉燒，味道都唔錯，稍為偏甜咗少少。 小朋友鍾意食雞，咁就買半隻客家鹽焗雞啦。一定一定唔可以錯過佢哋嘅醬汁，點咗之後正好多！然後臨走見到泰式鳳爪賣相好好，又買咗一盒！呢個好食，鳳爪爽口，味道酸甜有少少辣味，係一個好開胃嘅小食。

燒味滷師分店愈開愈多😍終於有一間近我喇！想斬料就方便得多。今次晚餐就斬料返去同家人食☺️✪ 至尊燒鵝(下莊) ⌫ 💲120食燒鵝一定會叫下莊，因為大大隻鵝髀先係精華，肉質滑嫩多汁，愈嚼愈香！皮薄又香脆，帶少少肥脂真係好邪惡。✪ 燒味佬叉燒(半斤) ⌫ 💲40蜜汁叉燒半肥瘦。醬汁好多，甜甜地，送飯一流！叉燒肉質軟腍，邊位不算燒得太焦。✪ 客家鹽焗雞(半隻) ⌫ 💲30估唔到份量好多。味道上唔算太咸。✪ 泰式鳳爪(半磅) ⌫ 💲45已經去骨嘅鳳瓜，啃軟骨好有嚼口。泰式醬汁酸酸甜甜，好開胃。【 燒味滷師 】📌旺角海庭道16號富榮花園1期地下B號舖

一直都係*燒味滷師*忠實粉絲。發現原來大角咀富榮花園有分店。斬料加餸又多個選擇了❣️。多款燒味做緊優惠。吸引大批街坊幫襯😯。我同豬仔🐽係無飯主婦。加送斬料係例行公事🤣🤣。今晚買咗至尊燒鵝。泰式鳳爪。客家鹽焗雞。叉燒。全部大大份。價錢唔貴。燒鵝啖啖肉。肉質唔會鞋口。叉燒半肥瘦。食落淋身易入口，泰式鳳爪酸酸辣辣好開胃🤪。鹽焗雞唔會死鹹。味道調得不錯。整體我都幾滿意😬。下次經開再試下其他先😎😎。

💖燒味滷師越來越多間，旺角呢間幾近奧海城同地鐵站，又多左個地方買外賣🥡加餸！1️⃣至尊燒鵝(上庄)🦢 $110💖阿媽至愛😹，每次必食！肉肥又帶油香味，脆皮令面幾香口。配埋酸梅醬更開胃，balance番肥膩口感。2⃣️燒味佬叉燒🐷 $30💖份量多好抵食。蜜汁香甜，肉質有咬口，肥瘦相間，加餸必食🤤。3⃣️客家鹽焗雞(半隻)🐔 $30💖半隻$30幾抵食，份量多而且雞件嫩，食落鹹香唔會太油膩。4️⃣泰式鳳爪🇹🇭 $45💖估唔到呢度都有泰式鳳爪！無骨🦴食起來好爽脆，冰涼🧊食起黎更開胃清新，另外仲有啲青瓜片🥒。💖佢地仲有賣燒味飯，$22一盒做午餐夠飽又抵。伙計做嘢好快手，等幾分鐘就有。