燒味滷師 (大廈街)

营业中

休息中

話說今晚要去好朋友屋企食飯！聽講都有其他親友，所以上去之前就去他家樓下看看有什麼好餸加加料！見到新開了燒味滷師，好多人排隊，之前去長沙灣都幫襯過，真心好食，CP值超高！店舖出邊都見到d燒味好吸引我買了4款東西，應該大人細路都啱食！6點幾去到超多街坊幫襯！必食一定是至尊燒鵝，全部都是即燒出爐，掛出來都已經見到好靚，鵝皮令立立，色澤好好，油光飽滿！店內仲排咗好多隻未燒既鵝，睇來真係好暢銷。親友的評價一致讚好！皮下不會有厚厚脂肪，但肉質好嫩好稔！加埋佢既酸梅醬，食多幾件都不感油膩！好出色！燒味佬叉燒送飯一流，香甜的麥芽糖佈滿叉燒，燒得剛好，半肥瘦，肉質細緻不柴！而且質素同百幾二百蚊既有得揮。排隊等的時候好多街坊都要客家鹽焗雞，半隻只賣$25，超抵食！雞肉好滑，味道咸香！十足係黃油雞，有客來加隻雞髀都唔肉痛。再加多一盒海蜇拼泰式鳳爪，天氣熱吃點涼拌菜最好，辣辣地好開胃，海蜇非常之爽脆！整體來講食物質素好好！唔怪得之咁多街坊都排隊都等！

不久之前偶然嘅機會下喺長沙灣店買過，味道唔錯，當時有頗多人排隊，呢日喺大窩口，見到竟然都有分店，仲好似係新開，咁就決定食過番尋味😆- $25嘅「客家鹽焗雞(半隻)」：真係冇眼花，真係 $25 半隻😆，係分店開張大特價😆；呢個「客家鹽焗雞」皮黃肉白，非常有鹹香😋，特別係雞皮，我破例食咗兩塊，超香滑充滿雞油香味😆- $45嘅「泰式鳳爪拼海蜇」：鳳爪同海蜇都幾爽脆，凍凍地，有少少辣，食落好開胃😋- $40嘅「燒味佬叉燒」：叉燒瘦得嚟又幾軟熟😆- $110嘅「至尊燒鵝(上庄)」：等咗15分鐘，就係等燒鵝出爐，攞到返屋企嘅時候，燒鵝皮仲脆脆哋，又熱熱哋😋呢度真係抵食街坊價錢，唔怪得知我等嘅時候，見到真係客似雲來😆

行過見到有一堆人排緊隊，原來係有間新開嘅燒味店 - 燒味滷師咁岩今晚返屋企食飯，就買咗幾樣拎返屋企加餸 (由於唔係即刻食，開飯前叮咗30秒)  ▲ 至尊燒鵝(上庄) $110 翻叮之後，燒鵝皮依然香脆，唔會變得又油又淋，讚！ 燒鵝肉依然JUICY，味道剛剛好唔會太鹹，鵝肉到達喉嚨時鵝味會有回甘． 今次第一次試先買1/4隻，其實因為半隻先$180更加抵食，下次再買． ▲ 燒味佬叉燒 $40 初時見到咁瘦嘅叉燒，確實又擔心又失望． 其實我好鍾意食肥膏同時又擔心肉會好硬同鞋，不過放落口就安心哂．肉質鬆軟，但唔係用完鬆肉粉個隻鬆，依然有咬口但唔痴牙． 叉燒仲有肉汁，表層嘅蜜糖甜度剛剛好  ▲ 客家鹽焗雞 半隻 $25  新開張，做緊promotion $25 半隻雞唔怪之得咁多人排隊，我當然唔執輸．買咗半隻客家鹽焗雞，滑滑既雞肉，雞肉沒有雪味，而且就算雞胸肉都唔會鞋，附送沙薑醬，$25 絕對抵食！  ▲ 泰式鳳爪 $45 海蜇爽口彈牙，SIZE 有咬口，唔會太瘦太細條．麻油味道比例剛好． 鳳爪對食開"清湯"嘅我就有啲辣，爽口有咬口，重點非常新鮮，整體唔會太酸．其實食燒味有樣野好驚，就係怕味精，

今日經過大窩口街市，見到新開了間燒味舖，門口大排長龍，原來新張優惠，鹽焗雞$45/隻，叉燒$78/斤，單雙拼飯盒$22/盒，怪不得門口人山人海啦！本著唔好執輸的心態，我都斬料返屋企開餐。要了$25半隻鹽焗雞，當第二日的午餐，偷食了一件，雞處理得唔錯，唔會有雪味，少少咸味滲入肉內，雞肉都算嫩滑，性價比最高。叉燒半斤$40，用了梅頭肉所以很腍，蜜汁味濃，醃得入味。燒鵝要了上庄$110，鵝皮雖然不脆，但很厚肉，還有些皮下脂彤，肉質較結實有咬口，不過都幾有肉汁，味道唔錯。最後加多一份泰式鳳爪拼海蜇，夏天食超開胃，鳳爪已去骨，酸酸辣辣入口超爽。

之前係長沙灣果間分店食過一次一直心思思想食多次🙈今次開正係朋友屋企附近！😱上朋友屋企玩順便加加餸啦😆見間舖頭原來係新開張🤭🤭仲做緊新開張優惠，吸引勁多人排隊😶😶🥢海蜇拼泰式鳳爪（半磅）$45我勁鐘意食海蜇同鳳爪😆作為前菜開下胃非常唔錯💯酸酸辣辣好惹味，而且個辣度適中唔會噴曬火咁😂🍗至尊燒鵝（上庄）$110之前係長沙灣分店食過返尋味😋叫左個上庄有啖啖肉食🤪燒鵝皮好香，加落電飯煲蒸熱D油份同飯勁夾😍😍🍖客家鹽焗雞（半隻）$25新張優惠先$25！唔係唔買來試下啊？🥳平還平水準都仲係度😍師傅雖然好忙，但都會斬得好靚俾足半隻雞你！唔會求其斬d頭頭尾尾👍🏻👍🏻🍴燒味佬叉燒 $40$40有咁大舊叉燒真係抵到爛！😝而且肥瘦分明！叉燒就係要食半肥瘦😜瘦既部分都唔會瘦，完全唔痴牙😌