燒洒一族 (恆安商場)

营业中

休息中

之前都喺燒洒一族買過烤焗燒味 今次就試下冷盤小食✨所有樽裝小食開蓋就可以即食 加餸同宵夜一流😈.📌麻辣鴨舌 $96係全新推出嘅辣過癮麻辣系列 用上秘製麻辣醬, 豆蔻同八角等超過十款嘅辛香料製成 麻香同辣夠晒濃郁🌶️仲有少少甜味 中和番個辣勁 濃香得嚟又唔會太over🙌🏻每罐有成18至20條咁多 口感好爽脆 又入味🦆.📌麻辣豬耳 $46豬耳同麻辣味同樣好濃郁 豬耳爽脆彈牙 軟骨位唔會太硬咬唔到🐽.📌酒醉燻蹄 $45試埋深受歡迎嘅酒醉系列🥰打開已經聞到陣酒香 食落濃濃花雕酒甘苦味🥃配上皮爽肉嫩嘅燻蹄 凍冰冰食 超正🍖.📌酒醉海蜇 $45海蜇鮮美爽口 好好咬 低熱量又有營養功效🪼含有豐富嘅膠原蛋白 仲可以降低血壓同清熱化痰 絕對係健康嘅口痕之選😚

之前食過燒洒一族嘅德式豬手同燒腩仔真係次次屋企有人黎都會買返份, 次次食完個個like, 今晚又有fd黎, 見大家都係好辣之人, 即刻落街市整返幾款冷盤返去開餐先.🥢咁大個雪櫃, 擺滿多款洒醉/麻辣小食, 每一罐易拉蓋份量好足, 價錢勁親民地30幾蚊至50幾蚊就有一款; 雞軟骨, 鴨舌, 豬耳, 雞翼尖, 牛展, 金錢肚, 薰蹄, 腎片通通有齊.🥢Mix n match地每2款買5蚊抵食!!🔥🌶️麻辣系列金錢肚嘅格格紋掛上豐富嘅麻辣汁, 每一件都啖啖口感; 而雞軟骨嗰種爽口, 每啖有軟骨+小小肉嘅口感, 加上入哂麻辣味食到停唔到口, 真心辣, 俾人秒清ed.🍶😋洒醉系列Beer Beer佢梗係要搭埋洒醉小食: 豬手粒, 腎片海蜤都要大推. 豬手粒會唔會勁大粒同埋啖啖肉呀好正🤤, 腎片爽口得不得了, 平時醉雞嘅花雕洒香出現喺爽口腎片度味道真係好夾, d海蜤條條脹卜卜口感超爽滑, li d下次真係要encore.

恆安街市一向都多野食住開馬鞍山，間唔中都會過去買下燒賣食行過呢間專賣酒醉小食同燒味的小店佢的酒醉小食好吸睛👀係用一個膠樽裝住感覺好衛生，保質期可以放長少少價錢大約$30-$50，以$45為主而且買兩樽可以減$5，好吸引🤑今次試左4款，共5樽總括而言，佢的酒醉產生好入味每樽份量唔少，樽樽都係裝滿哂的份量而且啖啖肉😋而最讓我驚喜的是雞軟骨本身食開的雞軟骨都係炸的小食心入面都諗酒醉的味夾唔夾架點知一食就停唔到口😍原來好夾，而且佢每粒都好爽口好適合做小食🤤我仲試左酒醉豬手、醉雞同埋薰蹄都做得好入味值得一試👍🏻

平時傳統燒味食得多呢一間燒味係西式燒味將傳統燒味混入西式煮法鍾意去款式多價錢平。揀咗德式燒豬手（細），豬手好正！外皮好夠脆，而且肉質鹹鹹地又夠腍。出邊食呢啲德國豬手真係好貴，呢度就真係抵食！黑糖焗叉燒，叉燒充滿黑糖味甜甜地，叉燒味道亦都唔錯，半肥瘦。另外買咗啲小食宵夜一流。揀咗兩款：酒醉雞翼、酒醉鴨腎。兩款嘅酒醉味都好香，鍾意佢調味料分開，返到屋企先自己落。鴨腎真係做宵夜一流，食唔停！呢度仲有好多唔同款嘅燒味，下次再嚟買！

父親節返老家食飯慶祝，去街市睇下有乜買上去。嘩，好耐都無黎過老家樓下街市，變左好多，仲見到呢間燒洒一族啲野食幾新穎，仲有阿爸最鐘意食既酒醉系列。酒醉系列好多款揀，揀左熏蹄同少見既鴨舌。個汁調味啱啱好，唔會太濃酒味，又唔會太甜，好鐘意呀。熏蹄既皮好彈牙，而鴨舌軟軟滑滑，食過唔停。黑糖叉燒，叉燒半肥瘦好腍好入味，用上黑糖甜而不膩。蜜味同辣味雞脾各一隻，雞脾大大隻，雞肉又嫩。呢度咁多唔同種類，真係唔會厭。

🔥高質西式燒味🔥推介指數 ❤️❤️❤️❤️❤️恒安街市可以話係美食沙漠嘅綠洲，除咗買餸價錢經濟，仲隱藏唔少美食～ #平民美食 今次分享新派西式燒味店，將西式食材及烤焗方式為傳統燒味行列加添新元素玻璃display 櫃整齊擺放各式西式燒味、冷櫃酒醉系列、燒味飯HKD32+ 仲可以選擇醬汁及追加其他食物🇩🇪德式燒豬手 HKD88 (大)✨大大力推介必食之選，拎外賣時烤焗香氣撲鼻，店員細心提醒豬手仲熱盒蓋要保持打開，否則皮會腍✨返到屋企豬皮仲卜卜脆、肉嫩且入味，細心附送honey mustard 同sauerkraut；特大都係+HKD10 ⏱慢煮美式豬肋骨 HKD58 (大)✨肉質軟滑，豬肉味濃又唔騷，面層蜜糖燒烤醬惹味又唔會過甜過鹹，好味🐽自家製燒腩仔 HKD45/條✨皮香肉滑且鬆化，份量比想像中多，附送中式mustard，滿足🇯🇵沖繩黑糖焗叉燒 HKD48/條✨與傳統蜜汁叉燒比較，外層少了黏立蜜汁，黑糖食落甜度唔係死甜，唔錯🌟整體份量比想像中多且高質，下次想試燒味飯、醉蝦、醉雞翼… 咁就飯都唔洗煮啦🥳🥳.··🚪 燒洒一族 🪑 馬鞍山恆錦街1號恆安商場地下恆安街市48號舖

有時放工懶煮，鍾意買熟食加料😝有時唔單止斬大嚿叉燒，其實我都好鍾意食酒浸乜乜乜，我見佢除咗燒味，仲有好多酒浸嘅系列都幾抵食，所以今次我買全部都係酒香系列加餸，佢哋會好細心另外配咗幾包花雕酒俾我😋.💛酒醉花雕雞半隻$65雞肉質都幾滑，而且煮得唔會過熟，可能有啲人見到佢中間有少少紅色會覺得唔夠熟，其實嗰個位係已經熟晒，雞皮好爽，雞肉吸收晒花雕酒嘅香味，味道甘香👍.💛酒醉鴨舌$45鴨舌肉質好爽脆，加埋花雕酒味道好香濃👍而且$45嘅份量都幾多，呢度有好多隻鴨嘅舌頭啦😅💛酒醉雞翼尖$16夠滑溜入味，鍾意損骨嘅人士至愛💛酒醉溏心蛋$18同樣係煮得啱啱好，粒粒都溏心，浸得都夠入味。咁除咗花雕酒醉系列，我當然都要試吓佢其他嘅燒味，我買咗佢一條沖繩黑糖焗叉燒$48咋，味道係唔錯嘅不過我就略嫌肉質有少少硬同埋乾，因我鍾意食比較鬆化同埋腍身嘅叉燒。不過整體來講都唔錯呀，都算幾抵食，呢度買咗咁多嘢$200有找。

作為馬鞍山既師奶一員，隔日就出入街市，恒安街市不嬲都被街坊話係全馬鞍山最抵買既街市，有時夜放工又會揸車過黎小食街買宵夜。佢主要賣燒物/酒醉呢間燒洒一族既新派燒肉店，之前係大圍都見過，佢係馬鞍山開左之後，一直未有加餸既需要未幫襯到，但近排晚晚有波睇，要買野送啤酒，又唔想晚晚食薯片，於是決定試一試。冲繩黑糖焗叉燒 $48我想講而家燒臘舖嘅叉燒都唔平，但係呢一個沖繩黑糖，比一般燒臘舖嘅更多汁嫰滑。德式燒豬手（大）$88其實仲有特大，只係多$10，不過買咗其他嘢， 怕食唔晒。呢個豬手超好食，影相嘅時候已經偷食咗一舊，塊皮超脆，又唔算超級鹹，仲有特色芥末醬，同埋酸菜送，嘩睇波嘅時候，屋企人根本唔信我喺街市買。自家制燒腩仔 $45屋企人睇完menu 講到明要呢個，因為櫥窗入面燒腩仔塊皮脆卜卜，佢斬嘅時候都聽到嗰啲皮嘅脆聲。 肥瘦岩岩好，半場波都未完就比人搶食哂。一場嚟到，買多兩盒酒醉小食，佢哋話食唔晒可以擺落雪櫃隔多晚，咁當然場波完之前乜都食晒啦。花雕味好濃厚，凍食好清新，同佢既炸物一齊食可以幫喉嚨抖一抖。佢仲有飯盒賣！同一般既燒味飯差唔多價，咁好抵。買左兩大袋番去睇波 ～超開心

經常出入街市嘅媽咪通常都去開馬鞍山2大街市, 今日喺恆安街市發現左li間遠一遠都聞到燒肉香味嘅”燒洒一族”梗係睇睇有咩揀.🔥原來有雪櫃擺左好多款”酒醉”系列, 有好多都係坊間無咁多嘅選擇例如雞卷, 鴨舌, 豬手粒都有, 價錢仲非常之抵食, 有某幾款洒醉冷盤仲有大/細包裝揀, 多人gathering或者一家幾口食都揀到.🔥德式燒豬手豬手勁香!! 加上姨姨大力地推介, 所以今晚3個人食就加餸加隻細嘅(特大真心大). 熱辣辣, 上左老公車即刻偷食左豬皮脆到卜卜聲超正呀!!! 返到屋企都仲係脆卜卜, 啲肉好嫩好正👍驚喜點係: 喺街市買到嘅燒豬手好食不特止, 竟然連包honey mustard都好味仲要認真地跟埋包Sauerkraut, 絕對會encore.🔥慢煮醬烤豬肋骨勁有叉燒feel, juicy之餘食落有少少甜甜酸酸feel好好味, 咬落去d肉夠哂腍軟易甩有口感, li d實係經慢火烤焗先做得到, 68蚊勁大條呀!!!🔥洒醉雞軟骨, 酒醉薰蹄店家嘅酒醉系列都係encore之選, 首先係平👉🏻又多款, 我鐘意食雞軟骨個咬口感, 老公like薰蹄真係why not both😹, 食後感係:

位於馬鞍山恆安市埸， 今晚約咗屋企人嚟我屋企食飯，咁我咪去咗「燒洒一族」斬料加餸。$207埋單，非常抵食！半隻酒醉花雕雞：夏天食最啱因為係涼拌，份量足夠，花雕酒味香濃，雞香又滑！慢煮醬烤豬肋骨（大）：豬肋骨醃醬料好味，恰到好處，唔會太過咸，我覺得用嚟送啤酒一流！燒腩仔：燒腩仔一咬落去係鬆化，非常好味！半隻酒醉薰蹄：夏天食一流，極力推介，非常好味，酒味香濃，薰蹄爽口！叫了半隻唔夠喉，下次要買全隻，哈！

啲糖心蛋好入味 有酒香🤟🏻.叉燒好淋 又唔會太肥 啱啱好🤤 仲要份量都幾多 加餸一流!!👍🏻.惹味香辣雞腿我覺得超好食!! 好食過KFC嘅燒雞好多!! 超大隻雞髀又真係辣辣地🤤 好惹味!!! 而又保留到juicy嘅口感🥳.酒醉花雕雞半隻份量都幾多👀 仲有啲醉雞汁俾你加上去👍🏻 雞都幾滑✌🏻.本來想食海哲, 但賣曬🥲 就試咗腎片~ 點知又好好食!!! 酒香好重🤤 下次會想試埋海哲🙆🏻‍♀️ overall都好高質

已經好耐冇寫食評 但係今日真係忍唔住要出黎俾個負評呢間我有幫襯開 每次都係用外賣app 食物質素OK 所以都有keep住幫襯好欣賞佢嘅燒豬手 外皮香脆但今日燒豬手暫停供應又好想食喎所以叫咗燒豬肋骨飯加蒜蓉汁加糖心蛋x2份另外加多個燒腩仔外賣送到 打開 其中一個飯冇加到蒜蓉汁已經有啲失望點知原來係好彩 因為今日個蒜蓉汁鹹到爆炸好彩只有一個飯落咗蒜蓉汁唔係兩個飯都一半食唔到一啖咬落燒腩仔到 個皮好韌😵😵‍💫一定唔係新鮮燒起!!! 結論: 好失望

經常性去買豬手，外皮好夠見脆，肉質唔會太乾！好味！仲有值得一讚既係醉薰系列既肉食，酒味夠濃，仲另外比多包花雕酒！諗唔到煮咩就會去佢度買熟食！不過可以改善一下既就係個紙盒，薄左啲同細左啲😂😂

朋友介紹話好食，今日專登黎試下。- 慢煮醬烤豬肋骨（大）真係好大份，已經切好一條條，好方便唔洗自己切，燒得好好味！- 沖繩黑糖焗叉燒呢個叉燒都好正，個叉燒汁好惹味，肥瘦適中，推介！- 招牌燒豬手飯果然係招牌野，最鍾意呢個飯，跟咗蜜糖豉油，個味同豬手好夾，而個豬手外皮好香脆，肉質好鮮嫩，超好味！另外加多隻溏心蛋，好滿足～- 酒醉雞卷個酒汁好香濃，雞卷索滿啲汁再擺入口真係好正，雞肉都好滑～- 酒醉糖心蛋咬開入面有蛋漿流出，整得好好味！整體黎講樣樣都好好食！

今日朋友嚟屋企玩，差唔多到晚飯時間就諗下食咩好，Pizza 果啲真係食到厭，堂食又只係開到十點，無得坐耐啲傾計，所以就齊齊去街市睇下有咩外賣，見到呢間鋪頭好多人排隊實無死錯人。鋪頭原來 1930 就收工，所以好多食品都賣哂，不過好彩我哋想食果啲重有得賣趕到尾班車 ☺️ 買咗酒醉溏心蛋、酒醉雞翼尖、酒醉薰蹄、慢煮醬烤豬肋骨、蒜味醬烤五花腩、沖繩黑糖焗叉燒。酒醉溏心蛋 ($18) : 每隻溏心蛋切開後都係半熟透同流心效果。😋酒醉薰蹄 ($38/半分)，酒醉雞翼尖 ($16) : 薰蹄夠爽口之餘重有香醇嘅酒味係肉裏慢慢滲出，口感同味道都超正 😋 雞翼尖份量亦幾多，肉質軟滑多肉之餘重有淡淡既酒香，送酒佳品小食。蒜味醬烤五花腩 ($45) : 五花腩夠肥又夠香，而且烤完嘅五花腩外脆內軟油脂豐富，重帶點蒜香醬汁味，真係超級邪惡。🤤慢煮醬烤豬肋骨 ($48/細) : 好貼心將豬肋骨切好哂，所以食起上嚟唔會整到隻手污糟晒。👍🏻沖繩黑糖焗叉燒 ($48) : 用黑糖比蜜糖相對健康，不過如果叉燒係半肥瘦嘅話就更滋味喇。😋