燒肉屋 (清風街)

💡性價比高的燒肉+榴槤放題今晚同班friend去咗天后呢間燒肉放題店，燒肉食材高質之餘價格親民，只要$348 就可以120分鐘，任飲任食多款燒肉，而且前菜竟然有麻醬牛舌！最正係有埋榴槤放題，啱晒我呢個榴槤控。🥩 肉類精選▪️ 荔枝牛肩胛串串：牛肉捲住荔枝一齊燒，果甜+肉香超夾！▪️ 澳洲和牛M67牛板腱：油花靚到似雪花❄️，黑椒鹽最襯原味▪️ 精修牛舌芯：厚切超過1cm👅，爽脆多汁必encore▪️ 醬汁特選美國牛五花：韓式醬汁醃得入味，可以包生菜食🥬🐷 豚肉系列▫️ 厚切果汁黑豚：帶微微果香，燒到邊緣焦脆最正▫️ 黑椒鹽五花肉：簡單調味突出肉香，夾蒜片食💯🍗 雞肉類🔸 摩薩醬汁雞肉：日式照燒風味，嫩滑唔乾柴🔸 韓式雞肉：辣醬醃得夠惹味🌶️🦐 海鮮/其他► 蒜蓉牛油帆立貝：牛油蒜香超濃🧈，貝肉鮮甜彈牙► 泰式生蝦：刺身級新鮮！酸辣醬汁好開胃► 燒菠蘿：烤過後甜度爆升🍍，解膩一流🍈 榴槤放題馬來西亞D24榴槤無限任食，凍食似雪糕口感🍦，熱食更香濃。

終於到星期五，要食D開心野，預約左榴槤+燒肉放題！洋蔥牛肉燒到少少燶真心正，當時諗配碗飯就最正，當然無咁做，因為仲有好多野要試😆扇貝大大隻，配上牛油蒜蓉，又香又好味，呢個點左幾轉 。榴槤好香滑，真係無限添加😋店員的服務態度超好，仲鼓勵我地食多啲😂甚至還提醒我們別忘了享用雪糕，非常貼心❤️店面雖然不大，但坐位安排得剛剛好，讓整個用餐體驗輕鬆愉快。當今社會經常聽到對香港服務業的批評，但其實還是有很多態度非常好的店員存在。這間燒肉屋的服務質素和美食都值得推薦！呢餐食得好滿足👍🏻

朋友介紹，難以置信有咁抵食嘅「榴槤燒肉放題」，$348食120分鐘，包飲品（有好多款）同雪糕 。餐廳個經理姐姐非常好服務介紹，同熱情。就算係任食，食物一點就好快上，餐廳唔會”dum”你時間，完全無漏單，非常之值得一讃！！Encore好多次叫咗以下幾款肉：醬汁特選美國牛五花，肥瘦相間的紋理如大理石般細膩優雅。經秘制醬汁悉心醃制，將肉香與醬香完美融合。炙烤後，油脂在高溫下悄然融化，入口鮮嫩多汁，濃郁的風味在舌尖層層綻放，每一口都是味蕾的極致享受。美國安格斯封門柳，其肉質緊實鮮嫩，富有嚼勁卻不失柔軟。烹飪後，肉香醇厚，肌理間的油脂，獨特的口感；澳洲和牛 M7 牛板鍵，雪花紋理均勻密佈，油脂含量恰到好處。烹飪時，肉香與脂香交織，入口即化。荔枝牛肩胛串串，呢個啱哂我呢個鍾意食荔枝嘅牛魔王。鮮嫩的牛肩胛肉與清甜的荔枝串連。牛肩胛肉緊實彈牙，荔枝的果香清甜沁人。經烤制，肉香裹挾著荔枝的獨特香氣，甜鹹交織，口感豐富。蒜蓉牛油烤帆立貝，新鮮肥美的帆立貝，在蒜蓉與牛油的雙重加持下，烤制後，帆立貝表面金黃誘人，一口咬下，汁水四溢，蒜香、奶香與貝肉的鮮甜完美融合。將個蒜蓉牛油撈埋飯食好正好開胃。最後點少得叫主

今日同老公去到天后呢間日式燒肉店食晚餐，原來餐廳新推出了120分鐘燒肉放題，啱晒我哋食肉獸。120分鐘可以任食多款牛肉，豚肉，雞肉，海鮮，特別嘅係仲有榴槤放題同埋Häagen-Dazs雪糕任食，性價比高。荔枝牛肩胛串一咬驚艷，牛肩胛肉裹著清甜荔枝果肉，熱火逼出肉汁與果香交融，爽脆與柔嫩雙重口感，解膩又開胃。美國安格斯封門柳油花細密，烤至五分熟時肉汁爆破，濃郁牛香。澳洲和牛M7牛板鍵油脂遇火即化，肉質柔軟，油香十足，咁多款牛肉，我最喜歡這款。醬汁洋蔥牛肉醃製入味，洋蔥絲烤到焦糖化時與牛肉捲著吃，再用生菜夾住吃，甜鹹交織。蒜蓉牛油帆立貝超驚喜，好大隻，燒熟咗都冇縮水，蒜香牛油在烤盤上滋滋作響，鮮味十足。泰式生蝦新鮮，唔食生嘅話可以放響帆立貝上面啲牛油度一齊燒熟，另一番風味。厚切果汁黑豚同雞肉，肉質Q彈不柴。熟食都有幾款選擇，炸蝦，炸雞，餃子及薯條等。我哋就試咗炸蝦。甜品時候有榴槤任食，馬來西亞D24榴槤果肉無限供應，超creamy 香甜。另外，仲有榴槤薄餅，自己動手烤薄餅皮，然後包住超香濃的幼滑榴槤蓉，超美味。Häagen-Dazs雪糕唔可以錯過，今日有Cookies and cream味

正值榴槤當造季節，位於天后嘅燒肉屋推出燒肉+榴槤放題，肉類 、海鮮同燒炸物款式多達三十款，包埋飲品同雪糕，當晚有揀到嘅肉類包括✦荔枝牛肩胛串串: 牛味幾濃，同荔枝一齊食有新鮮感，有𝗲𝗻𝗰𝗼𝗿𝗲 ✦精修牛舌芯: 有啲厚度，好香好爽彈，有𝗲𝗻𝗰𝗼𝗿𝗲 ✦醬汁洋蔥牛肉: 有啲似日式牛丼上面嘅洋蔥肥牛✦澳洲和牛𝗠𝟲𝟳牛板腱: 黑椒鹽味幾香，簡單調味帶出肉香✦美國安格斯封門柳: 用生菜包住食會增加口感✦爽脆豬頸肉: 厚度比較易燒得焦脆，要小心唔好燒得太熟✦蒜蓉牛油烤帆立貝: 帆立貝肉厚彈牙，帆立貝吸引晒滿滿嘅蒜蓉牛油，有𝗲𝗻𝗰𝗼𝗿𝗲 ✦泰式生蝦: 生蝦肉質結實彈牙，原來點韓式豆瓣醬都幾夾，𝗲𝗻𝗰𝗼𝗿𝗲 左三輪✦馬來西亞𝗗𝟮𝟰榴槤榴槤放題係今次嚟嘅重點！食落好似奶油咁棉滑，仲有少少牛奶糖嘅香味，仲會滲出陣陣餘香，滿足！𓄢燒肉屋 天后清風街𝟭𝟬號清風大廈地舖

天后呢間燒肉屋，可以一次過滿足鍾意食牛🥩同榴槤嘅你！而且只要$348 就可以120分鐘，任飲任食多款燒肉、5款前菜、馬來西亞D24榴槤、häagen-dazs杯裝雪糕、罐裝飲品/啤酒🍻前菜有好特別嘅麻醬牛舌😋 牛舌爽口，無限任叫！另外有多款肉類、海鮮：雞肉、雞軟骨、肥牛、牛舌、五花肉、豬頸肉、扇貝、泰式生蝦🍤仲有紫菜蛋飯🤤 當然唔少得有甜品，除左有häagen-dazs杯裝雪糕，最吸引嘅係無限任叫嘅D24榴槤，粒粒都勁甜勁多肉😍😍😍總括嚟講呢間燒肉屋性價比幾高，快啲同朋友一齊嚟試下啦！

餐廳主打日韓燒肉任，環境寬敞明亮，座位舒適，適合朋友或者家人聚餐。除咗可以單點之外，仲有特色 榴槤加燒肉放題，選擇特別，適合喜歡新鮮感嘅人。燒肉＋榴槤放題 $348（120分鐘）放題套餐選擇夠多，牛、豬、雞、海鮮、熟食、前菜同甜品一應俱全。生菜可以無限添加👍🥩牛肉類有澳洲和牛牛板腱、荔枝牛肩胛串、牛五花等，肉質厚切，有油香。醬汁洋蔥牛肉配搭生菜好好食，🐷豬肉方面有爽脆豬頸肉、厚切果汁黑豚、五花肉等，全部切片厚薄適中，燒起嚟唔會乾。🐓雞類、雞軟骨用香腸都有提供，選擇豐富。海鮮有蒜香牛油烤帆立貝、泰式生蝦，仲有燒翠玉瓜、燒粟米同燒菠蘿等。熟食區可以揀炸餃子、吉列炸蝦、炸薯條等小食，仲有月見紫菜飯，十分適合配燒肉一齊食。榴槤方面，放題套餐會供應 馬來西亞D24榴槤，肉質香甜濃郁，有獨特榴槤香氣，適合榴槤迷。甜品區有 Häagen-Dazs 杯裝雪糕，食完燒肉再來杯雪糕，幾滿足。飲品方面，罐裝飲品、啤酒任飲，選擇多，可以輕鬆歎番杯。整體嚟講，燒肉屋嘅放題選擇夠多，肉類新鮮，配搭榴槤放題夠特別，適合鍾意創新組合又食量大嘅朋友聚會。

今晚同同事去咗呢間燒肉放題，真係要早啲book位，晚市好full！一入去就聞到陣陣燒肉香，仲有濃郁榴槤味，原來係燒肉+榴槤放題，幾特別❤️QR code落單好方便，上菜快，店員又nice。食咗幾款肉都好正🥰美國牛五花油脂香濃, 個醬汁仲好好味安格斯封門柳, 切左條, 好有咬口M7和牛板鍵牛味最出牛舌芯爽口彈牙, 忍唔住叫左成礏蒜蓉牛油帆立貝鮮甜又好香蒜蓉味特別鍾意佢哋嘅炸餃子，入面包住雞軟骨，脆脆地幾過癮。當然仲有主角榴槤啦！味道濃郁，鍾意食榴槤嘅一定會like☺️整體來講，$300左右任食呢個質素算抵食，最啱一班人放工聚會。不過建議早少少去，避開最旺場時間就唔使等咁耐😆

燒肉屋 🔳日式居酒屋嘅格局裝修，菜式就融合咗日韓特色🌏 五款無限refill嘅韓式前菜同包肉嘅生菜🥬 麻醬牛脷更係招牌之一😛舖頭雖然唔大，但每個角落都有設計🎏 以為吊落嚟嘅單純係掛飾，原來係紙巾袋🧻 慳位又就手！燒肉榴槤放題🈵馬來西亞D24榴槤🇲🇾
榴槤平時街買都要百幾蚊一個，仲要殼重肉少，重到連個殼都計落去🗿 呢度正宗D24榴槤任食🤑！ 果核雖然唔細，但果肉夠厚，綿密滑身，有淡淡奶香，凍凍地食，似足雪糕咁😻貓山王榴槤醬燒薄餅😸淨係食榴槤肉就夠喉🤡 榴槤煎餅同樣好出色💯 記住一上枱就燒，因為塊餅一溶就超難夾同會黐底🫓 大概30秒反面，酥脆又熱辣辣，加上凍冰冰綿滑嘅榴槤果蓉，熱冷交融🤤豬牛雞同海鮮樣樣齊嘅拼盤 🎡 牛舌芯厚切加上七味粉💥 荔枝牛肩胛串串肉質帶筋位，加上荔枝嘅果香🦴豬頸肉爽口又易熟，蜜糖燒雞翼貼心開半設計🍯大大隻殻付蒜蓉牛油帆立貝，火候控制得好會啖啖汁🧄 仲有泰式生蝦都係任食架🦐爐頭雖然偏細，一次放兩隻帆立貝就冇咩位，但火候夠猛🔥 加上舖細上菜快，唔怕等又唔怕餓🎯 主食仲有辛辣麵🍜 胡麻醬冷烏冬，或者白飯加入生蛋、紫菜同芝麻，撈勻後香氣滿滿🍚飲品櫃入面有 Asahi、啤酒、

話說最近經朋友推介，去咗天后的燒肉屋。佢主打「燒肉＋榴槤放題」，$348兩個鐘任食，仲有無限罐裝飲品、啤酒同Häagen-Dazs/Dreyers杯裝雪糕，聽落已經覺得抵玩，再加埋個環境清爽舒服，真係好難唔試！一坐低，先嚟五款日韓式前菜，如泡菜、海帶、蓮藕等，清新又醒胃，幫你準備好胃口應付之後嘅燒肉狂潮。一場燒肉美食1. 牛舌芯 牛舌係我嘅必點，呢度嘅牛舌厚薄適中，紋理清晰，燒到微焦，外脆內嫩，口感彈牙得嚟帶少少膠質感，夾埋檸檬汁食，清新又解膩。2. 澳洲和牛M7牛板鍵 呢款和牛真係夠香！油花分佈得好靚，燒到微微焦邊，有種入口即化嘅感覺，脂香滿溢但唔過膩，真係每塊都想細細咀嚼品味。3. 荔枝牛肩胛串串 呢款係驚喜之選！荔枝嘅甜味滲入牛肉，燒過之後甜香與肉汁完美融合，口感層次豐富，帶少少燒焦嘅焦糖香，真係幾特別。4. 蒜蓉牛油烤帆立貝 帆立貝鮮甜多汁，蒜蓉牛油嘅香氣滲入每一絲肉質，燒得啱啱好，唔會過火而變韌，成個口感滑溜溜，好滿足。5. 黑椒鹽五花肉 五花肉肥瘦比例啱啱好，黑椒香氣撲鼻，鹽味適中，燒到微脆嘅外層包住內裡嫩滑嘅脂肪層，食落極度邪惡，但又忍唔住一塊接一塊。

位於天后的「燒肉屋」，員工有温度(好似韓燒咁😂) ，有親切感！雖然是小店，座位間距完全沒有問題，都坐得好舒服，員工招呼周到有禮貌。先講燒烤器具，餐廳捨棄了以往的明火，冇咁大油煙，都會坐得舒服好多。燒爐分別有格仔網同鐵網，可以自己揀，我就發現格仔網好用啲，唔黐底。$348 兩個鐘任食，性價比係幾好，亦有好多選擇，最誇張竟然可以食到和牛！😋牛舌芯切得厚薄適中，超級嫩！口感彈牙，非常重嘅牛味，不斷encore；美國安格斯封門柳油脂分布均勻，肉味濃郁，輕輕一灑海鹽就已經好夠！特別要叫荔枝牛肩胛串串！香氣四溢，甜中帶d煙燻味，估佢唔到咁夾。澳洲和牛M7牛板鍵Juicy，油脂分布算係入口即溶，鎖住大量肉汁。海鮮方面，蒜蓉牛油烤帆立貝鮮味十足，香氣撲鼻；泰式生蝦就酸辣開胃。最緊要食得衛生！食完生嘢都冇事！任飲啤酒配上任食榴槤，真係有啲飽，差啲食唔落🤪最後仲有2盒Häagen-Dazs雪糕收尾，實在完美。同場有客人慶祝生日，播埋生日歌！

辛苦咗成個星期，要解放自己就同老公去咗食燒肉放題！放題好在唔駛就住就住咁叫，食得盡興就ok! 加埋book位時話係榴槤都係任食，真係興奮咗幾個晚上！餐廳係一間日式居酒屋，好有氣氛，油煙唔大！坐低嘅時候侍應嘅招呼都非常之熱情，先上幾碟小食俾我哋開開胃😙燒物嘅選擇貴精不貴多！唔會多到眼花撩亂，但最想食嘅都會應有盡有，有水準唔求其，上菜速度都好快！重點推介嘅係又厚又Juicy嘅牛脷心、特色五花肉、牛肩胛肉、豬頸肉同雞翼👍🏻👍🏻消耗之後加埋秘製醬汁，食兩轉已經回本啦！而我哋嘅重點就放咗喺我最鍾意食嘅大大粒帆立貝配埋牛油蒜蓉一齊燒，絕對冇得輸重頭戲係我哋期待已久嘅榴槤呀呀呀！每次上嘅榴槤呢都好出色，唔係乾包都無生水！三百幾蚊就已經可以食到一個燒肉放題，仲要有埋榴槤任食又有雪糕又包嘢飲！今時今日真係好難得，要支持吓香港飲食業！

🍽 All you can eat Korean BBQ💰HKD 348This all-you-can-eat Korean BBQ is a feast for the senses. The smell of grilling meat fills the air as beef, pork belly, and skewers on the hot grill. Each bite is smoky, juicy, and packed with rich flavors. Then comes the surprise—durian. Known for its strong smell and creamy texture, it seems out of place. Also they served Thailand raw shrimp served with a tangy, spicy sauce made from lime juice, chili, and herbs. Lastly, they served unlimited Dreyer's and H

夏天嚟到就好想食榴槤，但係出去買又好貴，所以想搵間餐廳可以任食榴槤。上網搵有邊度可以任食榴槤嘅晚餐，俾我search到天后有一間，榴槤加燒肉放題任食。因為我細佬好鍾意食肉，所以放題食燒肉今次我捉埋佢去陪我。間餐廳喺天后地鐵站，行大概5分鐘就搵到，好方便嘅佢叫做燒肉屋，見到佢最近有個promotion係任食榴槤同埋燒肉🥰。間餐廳內籠充滿日式嘅風情，掛住好多嘅燈飾，牆上亦都有啲日本風景畫，好有日本居酒屋嘅感覺，加上黃黃地色嘅燈，真係好有feel。店員一開始就遞上幾款前菜，有泡菜海帶芽菜仲有麻醬牛舌等等，全部都係開胃菜❤️。我仲叫咗個泰式生蝦，佢係刺身級別，加埋個泰式醬汁超級好食開胃。細佬話超級肚餓要食好多肉，我哋睇睇任食個Menu，唔錯喎，好多選擇，有好多款嘅肉類亦都有海鮮仲有啲炸物。細佬叫咗佢最愛嘅牛舌心，澳洲和牛，仲有我最愛嘅海鮮帆立貝。上到枱好靚仔，睇落好新鮮啲肉亦都係鮮紅色唔係出面變曬色既肉😎牛舌心好厚身，燒完之後好Juicy好好食，澳洲和牛佢可以揀唔同嘅汁今次我哋揀咗蔥蒜，燒出嚟加埋個蔥蒜汁超級夾，再點埋餐廳特製嗰幾款醬汁，真係要添多幾碗飯先得。帆立貝都係好大隻，佢另外加多一小嚿牛

啱啱嘅母親節我地book左呢間餐廳,諗住食晚飯慶祝下啦,但食完感覺大失所望⋯⋯一入到去,個侍應安排左我地坐對住一垏牆嘅連坐位,我地要求換位,但見到佢果d兩個對住兩個嘅位幾迫下,仲有其他長枱嘅位都俾人book哂,咁我地唯有坐果個連坐位,最多食得尷尷尬尬咁。但我真想講:既然你間餐廳唔夠位又迫,咁一開始就唔好接咁多booking啦,然後人手又唔夠😡然之後我地order左幾份牛肉、一個飯、仲有一份海膽, 牛肉冇牛肉味,其中一份叫燒汁牛五花嘅竟然變左冰鎮牛肉,幾塊牛肉結成冰,未完全解凍就俾客食,我地用鉗想分開都唔得,打落d肉度都仲有聲🤯最後我地只好一野放佢落燒爐度算期間我地食完前菜,想追加泡菜,同侍應講左,侍應話ok,但我地之後等左好耐都冇,然後我地又問多次,原來個侍應以為自己俾左⋯⋯除左呢個等左好耐,其他食物都唔好得去邊。我地食完d肉同飯仲見到有海膽未上,咁我地問返,應該係漏左單。等左幾個字左右,佢終於上左⋯⋯最後呢餐飯要食成1500幾,但牛冇牛味、食到冰鎮牛肉,仲有漏單,希望之後好好改善一下