燒肉LIKE (圍方)

营业中

休息中

今日去咗間烤肉餐廳，一入到去就聞到陣陣烤肉香，真係香到流口水呀！望住個烤爐，上面嘅肉好似喺曬太陽咁，紅彤彤嘅牛肉同粉粉嘅五花肉，仲撒咗啲白芝麻，好似喺扮靚咁。牛肉睇落去質地好靚，雪花分佈勻稱，感覺就好正。烤嘅時候，聲真係好誘人呀！牛肉烤到半熟嘅時候，外邊有少少焦香，裡面仲係粉嫩粉嫩嘅，咬落去肉汁即刻爆晒出嚟，牛肉味超濃郁，口感嫩滑到冇得彈。五花肉就烤到金黃金黃，油滋滋嘅，不過有少少肥膩，食多幾塊就有啲頂唔順啦。佢哋嘅蘸料都幾多選擇，個醬油汁甜甜哋，好開胃；嗰粉就香口得嚟有少少辣，不過如果可以再辣啲就更過癮啦。總體嚟講，呢間餐廳嘅烤肉質素唔錯，價錢就中等啦，下次可以約埋朋友一齊嚟大快心

終於食到燒肉LIKE！lunchtime 用餐時間入座起計 1 小時要了 2 個 set lunch 1️⃣牛小排 & 牛板腱套餐 200g用已認證安格斯牛肉® 牛小排安格斯牛牛重牛味，油脂都好香餸飯一流2️⃣ LIKE 套餐 150g牛舌•牛五花•橫膈膜肉牛舌是燒肉必食！餐廳給了檸檬，再自己加d 鹽調味，好味橫膈膜肉厚身，有口感燒肉set 可以揀泡菜 / 沙律 🥗2 個人就可以揀曬 2 款用泡菜和沙律菜夾住肉來食，無咁油膩有多款醬汁可以沾肉來食海鹽 / 黑胡椒 / 蒜香豉油 / 辣味噌醬韓式辣醬 / 鹽味醬 / 原味BBQ燒肉set 的主食：飯飯, 可以自選份量：小 / 中 / 大我們都要了小飯食食下撈埋肉汁醬汁，就會想食多d 飯飲品要另外加錢，唔加錢可以要杯水落單 & 付款已經方便到全部 online 搞掂無電子支付就要去返收銀處俾錢全店抽風做得好店外和店內無油煙味lunchtime 1 小時用餐時間都啱啱好

好耐冇食燒肉咁啱喺附近做嘢做完嘢差唔多9:15左右Check咗見10:30 閂門即刻衝過去食燒肉揀好晒餐，俾咗錢就入座職員同我講9:30 last order即刻同男朋友揀好食咩俾錢加咗$15 要咗個溫泉蛋木魚飯套餐可以揀要泡菜定沙律因為有時鍾意韓式口味就揀咗泡菜 撈飯食都幾好味飲品就要另外加錢先有 食燒肉一定要飲有汽飲品 我要咗豬同雞嘅套餐豬肉都新鮮 鍾意又唔同配料鹽味醬汁配上豬肉同雞都幾好味原味BBQ就經典味道 配咩肉我都覺得啱味如果鍾意天然肉味可以用海鹽同胡椒粉調味

本來用餐感覺還算可以的，只是用餐時間得60分鐘好趕急，但燒肉燒到一半途中，冷氣機突然滴水，還不只一次，而是接二連三，頭及身也中招，真的不知所措，食物質素不錯，但坐位安排真的有欠妥當，難為了我的另一半

100g牛五花套餐:HK$45因為新店優惠有較大的吸引力，比較店舖的超值套餐會更便宜及全是牛五花。共消費HK$45，個人評價是有時間可以嘗試，不過要耐心等候，店舖很受歡迎。店舖不收取服務費。

唔想做外賣其實真係唔好做等外賣20分鐘合理，等完啲肉係凍嘅到底制作過程有冇諗過客人嘅食用體驗，究竟要幾求其先可以咁樣，由攞外賣到食唔超過3分鐘，$82一個凍燒肉，垃圾！

來自東京嘅日式燒肉店．遍布港九新界主打：美味．快捷．超值任何時候都坐滿食客抽風系統完善．無煙無味最近推出 新菜式配搭好吸引✨墨魚．牛五花．牛板腱配喇沙醬套餐墨魚肉質軟彈加埋軟嫩嘅牛五花同肉質結質嘅牛板腱沾上喇沙醬．味道出奇地夾非常惹味✨牛舌．牛五花．橫膈膜肉薄薄嘅牛舌．口感爽嫩配上牛五花 同 厚厚嘅橫隔膜肉享受到唔同部位同不一樣的口感套餐跟味噌湯．沙律 / 泡菜另外追加唔同口味嘅飯．豐富又滿足✨炙燒芝士咖喱飯咖哩飯面層舖上芝士味道香濃又夠汁✨LIKE牛肉飯米飯上面舖滿牛肉碎加隻溫泉蛋．輕輕搞拌令每粒米飯都充滿蛋香下次再嚟．一定再Encore呢個套餐

無論邊間分店，只要係晚飯時間經過，都會見呢間燒肉店好多人排隊。趁今日比較早（1730左右）唔使等位，就入咗去試一試🏃🏻‍♀️1️⃣ 坐低之後QR code落單，直接用網上payment付款，亦都見有人行去收銀處俾錢。2️⃣ 基本上就係唔同肉類有唔同部位、克數(gram)，唔同配料同份量咁去選擇。有插圖可以睇到賣相。3️⃣ 第一次食叫咗細份豚肉套餐（$88/150g），有五花腩、豬頸肉、雞肉各4片，幾好味。包埋泡菜/沙律，仲有一碗無乜味嘅湯😹個爐有幾段火力，如果校4-5，腩肉片快出油好易搶火，食到中間校3已經夠。4️⃣ 我揀咗海苔溫泉蛋飯🍚（$18/200g），入面應該有飯素。佢有好幾款醬汁，仲有海鹽之類嘅調味料，夾埋燒肉好好餸飯。5️⃣ 😈食燒肉又點少得啤酒🍺只得一款Asahi super dry（$38），罐裝但個蓋可以成個掀起，變咗隻杯咁飲。味道似乎同銀罐Asahi無乜分別（即是正👍🏻），但掀蓋要比較用力，所以都易整瀉。6️⃣ 餐廳整體感覺幾好，好適合一個人去食👍🏻👍🏻

唔使飛到日本，都可以享受到日式燒肉？ 肉食主義嘅朋友同我到位於大圍圍方，來自日本一人燒肉專門店「燒肉 LIKE」。 餐廳店內以木系為主，每枱均採用無煙烤爐，唔使擔心全身油煙味。 😋餐廳使用QR code點餐，是日選擇：1️⃣牛小排 & 牛板腱套餐🔸日式牛肉漢堡配生蛋黃（加配）🍽牛小排肉質柔軟，有一定嚼勁。牛板腱肉質軟嫩，濃郁牛肉味道。另外，只需要加29元就可以享受以 100%牛肉絞製而成嘅人氣日式牛肉漢堡。上枱個陣已經高溫煮熟，不過食之前可以再將漢堡加熱，可加少許黑胡椒，牛肉漢堡不單止可以保持豐富肉汁，啖啖肉，再配上滑溜嘅蛋汁同白飯，味道更豐富、更惹味！*日式牛肉漢堡除咗可配搭生蛋黃外，仲可以選擇芝士或咖喱汁，三種不同食法，等您有不同配搭。2️⃣豬三部合奏套餐🔸豬五花腩、豬頸肉、雞腿肉🍽豬五花腩肥瘦均勻，油脂豐富。燒烤後的豬頸肉帶點焦香。雞腿肉肉質嫩滑。3️⃣窩夫雪糕、蘋果汁🍽食埋飯後甜品，滿足嘅一餐！

嚟自日本東京嘅一人燒肉專門店「燒肉 LIKE」主打「美味、快捷、超值」，高質又抵食，好受歡迎！✨今次嘅目標係+$29加配嘅「日式牛肉漢堡」，係日本呢期勁興嘅漢堡扒熱潮！💗呢個推廣做到 4 月 23號咋，梗係即刻要試啦。😋牛肉漢堡以 100%牛肉絞製而成🥩，經高溫燒至熟透狀態上枱，保持豐富肉汁。「日式牛肉漢堡」可自由選擇配生蛋黃、芝士或咖喱汁,連同白飯一齊食~推薦食法：1️⃣先以 4 度火將芝士加熱 2 分鐘至融化,2️⃣再將日式牛肉漢堡沾上熱溶芝士，增加口感3️⃣撈埋生蛋黃一齊食厚實嘅漢堡肉味濃郁，肉汁爆發，肉質軟腍。一定要加配！😍𓆝𓆟𓆜𓆞𓆝𓆟𓆜🍴 燒肉 LIKE📍 大圍圍方 4 樓 426A 號舖——————————————————

食物份量一般，味道都一般，唔知點解可以成日都咁多人排隊，最差係個女服務員，叫佢攞兩個杯裝水，佢竟然真係比兩個吉杯我，用下個腦都知啦，我要兩個杯嚟做咩啊？點解唔識斟埋水，可能臨近收工就發脾氣，嘭一聲放系枱面，咁我唯有自己去斟水，佢就話係呢度唔係自助服務，咁點解比杯嗰陣時唔斟埋水呢，我係親眼目睹有兩pair人都係自己去斟水…如果啲客人要自己斟水，好明顯系你哋啲服務員唔做嘢啦，仲有資格話人哋咩？

同友人試咗期間限定推出嘅「近江牛套餐」$128（100g）。 呢個套餐有特選近江牛精選部位（肩肉、赤身、胸腹）同美國牛五花，近江牛整體霜花油脂分布平均，入口甘甜，肉香油脂味兼备，而美國牛五花則口感嫩滑。 餐廳提供多款調味料，可以因應喜好蘸汁吃。套餐跟配沙律/泡菜同丼飯， 豐富大滿足喔！

長期需要等位嘅人氣店，服務方面正常啦，都係清潔爐頭同帶位。落單同俾錢方便就QR code搞掂，自己用網上信用卡俾錢埋單，俾咗錢之後8分鐘左右先會上菜。牛肉嘅質素方便，叫咗個$148「日本產和牛肩胛肉&牛五花套餐 100g」、係好食嘅，但係可能揀咗日本牛嘅關係，有少少貴夾唔飽。另外，加咗$48試吓個「長腳蟹腳 2隻」，味道都算有鮮味，叫做對得住個價錢啦。食完晒之後，仲係覺得有少少唔夠喉，所以叫咗$122「半份美國西冷牛扒」試吓，西冷牛扒走正常質素啦，冇乜特別驚喜。最欣賞去過海苔白飯加生雞蛋💯💯💯，下次再嚟都係因為掛住碗飯，good good🥰🥰最後一個人食，埋單$300（如果唔使等位，真係冇得輸）

想食吓燒肉，但又唔想食放題，於是就嚟咗燒肉like😋我出門口前預先喺gulu攞飛，咁去到就唔使等咁耐啦～-呢邊係用QR code落單嘅，俾錢都係落單嘅時候一次過網上支付埋🤔我個人就OK嘅，不過可能未必個個都覺得方便，因為唔係個個人都有手機支付🤔不過我見如果你冇手機支付嘅，都可以搵店員幫手落單嘅👍🏻我叫咗個壽喜燒牛肉&牛五花套餐，配菜揀咗泡菜同生蛋，個飯就upgrade咗做溫泉蛋紫菜飯👍🏻個飯無論係大中細size，都係一樣價錢㗎！啲肉有200g, 再加200g嘅飯，對我嚟講非常夠食，好飽肚😋肉嘅質素，我就覺得正常，對得住個價錢嘅👍🏻食燒肉呢啲肥膩嘅，梗係要嗌返罐啤酒飲下㗎喇～呢度嘅燒肉有好多唔同嘅醬料俾你選擇，全部擺晒喺枱面，自己想要幾多就倒幾多。我今次就試咗蒜味醬油同埋胡麻醬，個飯就落咗啲鹽味醬落去撈，即刻惹味啲😋大家都可以試試-結論：最後兩個人埋單，食咗$391，我覺得都OK嘅～不過如果要排好耐就不了🫢大家如果想食就記得早啲拎飛啦~

星期日晚飯時間，後面台一家大細食完，得嘢飲系台，然後吹水，出面排隊排到殺，5點攞飛排到8點仲有40個好心啲人食完走啦，係一間快餐鋪吹水，仲要明明有時間限制，啲員工好似唔知咁。排三個鐘都未有得食，真係坐飛機去日本食仲快過係到排隊。唔該你地知繁忙時間就限制執行下用餐時間啦，比啲人係入面吹水，其他人係出面排隊。真係多人食起上黎啲員工乜7都唔理。一陣有人過黎又補飛，等左三個鐘都無十台埋單，用餐時間得個講，無實際執行。無下次，第二到都無排到咁過份