燕萍越南餐廳 (已結業)

牛油雞翼必食!!!椰青d肉好清甜!!d 湯粉既湯底好好味!仲有好多款越南小食,好特別,價錢又唔貴.but人客太多,會趕你走

今晚睇拉闊之前,同男友0係度食晚餐~可能仲早,大概6點15分啦,人客都唔係好多,其實原本唔係想食越南0野,但睇完貓仔經過,阿姐同我地推介牛油雞翼好正,於是就試下啦~我就叫0左個蟹肉湯檬($29),男友叫香茅豬扒檬($27),另外叫0左4隻香辣牛油雞翼($30).埋單94蚊.個蟹肉湯檬好食呀~好香蝦味同蟹味,個湯已經用0左蝦蟹去整,好濃~又有好多蟹肉食.男友個檬都好食,不過生菜青瓜絲好似少0左dd,個魚露我就覺得唔夠酸,男友就話岩岩好~而d豬扒都醃都好香~好食.到個雞翼上場喇,30蚊四隻,初時覺得有d貴,但一上桌就覺得一d都唔貴喇,4隻雞翼係好大隻...雞中翼加雞翼尖,都好長下,而且本身隻雞應該好大隻,d翼都超大,我同男友差d食唔哂.佢炸到好香口,食時唔覺好油,只覺好食.佢醃得好入味,隻翼咁大,但入面d肉都好有味呀!!!好食呢~不過似港式食品多dd~我唔知越南0野有冇呢一度菜啦,但佢整到好香口,好似港式椒鹽食品咁~呢間食0野真係唔貴,個價錢好公道,而星期六日及夜晚先加一囉~地方都算大,員工都有禮貌,食物食具都ok乾淨,唔錯呢~

visit that restaurant pretty often.... good food for that price range.. cannot think of any EXCEPTIONALLY good viet-noodle place... ok la... but is full most of the time, have to leave real quick!!!~~

星期六同老婆來吃晚飯，七點未夠客人也不算是十分多。我們坐在近門口的位置，單睇外觀又估唔到原來裡面係幾大的。如其他朋友所提到，呢兩間餐廳的拉客情況絕對係奇觀之一，但感覺上呢面係無清亭咁無所不用其極，人客亦比隔離少人。叫了生牛肉湯金邊粉、烤豬肉撈檬、炸雞翼同蝦檬卷。生牛肉湯湯底幾濃，唔算好淡，難得的是食完也不覺特別口渴﹝咁少少梗有啦﹞，牛肉半生熟都幾嫩滑，要了加大，所以幾夠份量，食完一定夠飽；烤豬肉撈檬都唔錯，烤豬肉雖然唔熱，但好香香料的味道，都幾有特色；炸雞翼是四隻雞中翼連翼尖，熱辣辣，應是即叫即炸。牛油味香濃而又不太油膩，有水準。但比起清亭我們還是比較喜歡後者，因為較香口；蝦檬卷是粉皮包蝦及檬，清清地，但蝦沒有味，一般，可能叫烤豬或牛肉檬卷會好食D。連兩支33啤，埋單180蚊有找，都算幾經濟。

好耐都冇食過牛油雞翼，所以嗰日同個朋友去食飯我就帶佢嚟試吓。一如以往牛油雞翼一定叫，跟住重叫咗個春卷，蝦餅同埋咖哩海鮮炒飯。嗰牛油雞油好熱，好香，咬落去唧時候D肉汁流哂出嚟。而且隻隻雞翼都好大隻，我同我個朋友食食吓都要休息吓因為隻雞翼實在太重食到手軟，但係真係好好味。春卷同蝦餅就冇咩特別，蝦餅都唔太好食，口感唔太好。最後個咖哩海鮮炒飯都幾好味，少少辣而且炒得幾乾身D海鮮都幾好味！

今日lunch去食, set lunch一個小食, 一個粉或飯加一杯drink或糖水,$42,算平.三個人去, 小食有豬頸肉(好多塊,但有d硬)粉卷(無咩料,唔夠熱)同炸蝦餅(大塊,但薄得滯,無口感)另order咖喱羊腩(ok)咖喱牛肉(ok)咖哩雞紅湯粉(雞紅好滑,正)三個咖喱都一樣味, 好明顯係煮同一個咖喱,之後再應order加上材料便上菜,同快餐店無分別......三個咖喱的味道都太淡!!另order了招牌"牛油雞翼"($30四隻),好大隻剛炸起,好熱, 正!!糖水係"椰汁粟米糯米"好味道,可能隔離清亭勁"拉客"的關係,燕萍service好好, 所以話呢"有競爭先有進步"

係呀,我都覺得佢地兩暗拉客拉得好誇張,我試過行過去睇d貓貓,清亭就會叫我唔好行前,前面燕萍唔好食架...做生意做到咁都几過份,所以我會行過對面食麵囉...哈哈

其實對燕萍同清亭呢兩間舖頭，最深印象o既並非食物，而係嚮門口拉客o既情況~~今晚o黎開餐；兩口子叫o左個生牛肉河($23)，豬脛肉乾檬($40)，越式炸春卷($24)，一杯三色冰($18)同椰青($25)。食物水準其實只係一般：生牛河湯底唔夠濃，乾檬太乾身，唔夠爽。不過豬脛肉幾香口入味，春卷熱辣辣，都唔錯。但同區o黎講，唔計清亭，小妹覺得都係香河好食D~~Service唔錯，員工都幾有禮貌。相中就係乾檬，春卷同椰青。

前晚再訪燕萍﹐唔知咩事﹐食物水準大跌﹐唔知係大廚放假定換左人主理﹖首先個茄汁牛肉飯﹐兜茄汁牛睇落就好正常﹐但一夾起D牛肉就發覺下面水汪汪﹐水浸芽菜﹐兜汁(水)根本唔適合要黎撈飯﹔碟椒絲腐乳通菜就夠大碟﹐但係好難食﹐碎濕濕﹐條條都係細細的菜葉﹐想找一條似飲管SIZE 粗幼的都找唔到﹐味道亦唔得﹐無辣椒味(椒絲只得幾條)腐乳味亦不足﹐亦係水汪汪﹐老實講﹐我自己炒都肯定好過呢碟濕炒通菜。。。碟雞翼仲神奇﹐一向食開一客4件都係2隻中翼連翼尖﹐2隻翼脾(即係兩隻雞翼斬開四件)﹐但今晚居然4件都係中翼﹐有無搞錯﹐而且又唔夠熱﹐過份﹐而且連一個普通的荷葉飯亦做得乏味﹐當晚真係唔知咩事了﹐如果以當晚水準計﹐我係絕對唔會再幫趁﹗不過﹐一向食開都唔係0甘差﹐我會找一日再試多次﹐如果水準一樣地差的話﹐我就唯有蟬過別枝﹐食第二間越南菜去也~(其實連服務都差左﹐我同朋友入門口﹐就叫我地坐近門口﹐但因為隔離檯煙霧彌漫﹐我就話想坐入面﹐然後個侍應就俾面色我睇﹐仲細細聲吱吱尋尋﹐真係﹐唉。。)

清亭我未食過﹐燕萍就好似係食過3次食物平均水準都算唔錯的﹐有兩樣菜我會必點﹐一係牛油雞翼﹐真係好大隻好肥美﹐炸得又脆又熱﹐不過有時炸粉略嫌厚了一點。第二樣係炒牛丸﹐其實炒法無咩特別﹐牛丸的質地亦唔係話特別好。只不過出面好少見到有餐廳會炒牛丸的﹐食落又幾香口惹味﹐送飯一流﹗食呢兩樣野﹐我一定會叫多個鹹檸梳打。如果唔係食完個喉嚨一定“KAM KAM”聲。最好食完再去飲多杯涼茶添

ordered pork roll, curry chicken w/ french bread, small rare & cooked beef, fried vegetables, one lime soda and lime coke. The foods are ok (but the curry chicken is a bit over-cooked), the price is reasonable ($180). Very suitable for people that is in a hurry because the food came out pretty fast. The environment is too crowded ...

這間比"清亭"少好多人我食完出o黎見到另一間排晒長龍這間仲有位....下一次食埋另一間sin因為有好多款野食,choose 左好耐tim....叫左1.牛油chicken wings 4ps($30)---一般啦,但好熱2.curry chicken ($29)---無叫煲($50),估唔到幾好食,但又係wings law...5ps,所以叫左碗rice,一流3.炸軟殼crab($30)---1ps,ok啦,比小巴黎好食,但唔及老趙好食共$106唔明無service要收加一....無人加水...

7月10日晚上約10點去到食飯，雖然唔洗等位，但都有九成滿。兩個人叫左細生熟牛河、香芧豬扒飯、春卷、4隻牛油雞亦。牛河都幾細碗，得兩塊約2寸咁細的牛肉再加三片類似牛展物體，不過D湯真係好甜，好好飲。香芧豬扒味道唔錯，不過炸到過左火好硬。春卷好脆，不過$24切開得四件好似貴左少少。個牛油雞亦就真係無得頂，隻雞亦勁大隻，炸得好香脆而D肉又好滑。不過食完呢真係好熱氣，喉龍好快就有少少唔舒服啦。

間餐廳好逼,但幸好唔太多人,如果唔係會有'排排坐'的情況出現....二人吃生牛肉河粉($23),札肉河粉($23),蝦餅($27),牛油雞翼($3x)....樣樣都熱辣辣和夠味....蝦餅就似煎多過炸,都好味.......飲品有青檸梳打,都係咁啦........如果唔多人就一定會再去!

牛油雞翼好好食, 都幾大碟架.但係就油左dd~~ 不過都平!!