爸辣小館

营业中

休息中

位於葵涌的爸爸辣小館，店舖內十個座位左右，門口鄰近是4人檯，中間是圓檯，靠牆有四個坐位。店舖的招牌是酸菜魚米線同口水雞米線。或者有自選麵餐，首先粉麵可以選米線，薯粉，烏冬同米粉。湯地可以選麻辣，酸辣同清湯。店舖好貼心，唔太食得辣既朋友可以選BB辣。跟住可以選配料，配料分左A欄同B欄。A欄多數菜類，同丸類。例如生菜，菜心，冬菇，特別推薦是麻辣蓮藕，十分爽脆。丸類可以選貢丸，牛丸，墨魚丸，或者打邊爐會食既魚腐，芝士腸，魚皮餃。呢間店的水餃是手工包。可以試一試。B類可以選腩肉，雞翼，肥牛。我會建議選手撕雞，因為沒有骨，好滑同埋炆得好淋既牛根。選好就等15分鐘左右上檯，上檯前會放好爽口的酸菜粒，十分美味。

呢間爸辣小館每逢中午都超多人等，行過都聞到好香，今日見到外賣app 都有就可以先落單再去拎。Menu 都有好多選擇，可以A+A+A 或者A+A+B 揀唔同餸。我揀左墨魚春卷，豬軟骨同豬皮酸辣米線。豬軟骨好大舊，炆得夠淋入味。酸菜唔枯寒，大大粒，好鐘意🥰食曬成碗仲飲埋啲湯，都唔會太口渴。

今日中午試咗葵興爸辣小館嘅酸菜魚米線，佢哋係用幼米線，米線夠淋，魚同豆卜份量算多，唯獨是唔鍾意酸菜係甜，整體上幾抵食，好好味！自取外賣價錢$59個人口味總評分：8/10地址：葵涌青山公路葵涌段450-454號名賢大廈地下A舖#爸辣小館 #酸菜魚 #酸菜魚米線 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

最近愛上咗撈撈撈"""天氣開始熱啦，唔想食D熱辣辣嘅米線，要食番D凍野降下溫，又要飽肚，咁最啱就係食涼拌喇，最緊要係唔會食到滿頭大汗！而且個價錢真係夠哂抵食早幾日嚟食咗個麻辣撈米線，不過唔記得咗影相趁今日放假就再嚟食，試咗個撈薯粉本來諗住食番米線，不過見早幾日先食過，好奇心想試吓撈薯粉，今次係第一次食涼伴薯粉，點知係出奇地好食喎！凍凍地又夠辣，D薯粉煙煙韌韌，雞肉都幾多不過薯粉就比米線頂胃咗少少喇，食到一半多啲已經好鬼飽，但最後都係忍唔住食埋，好味唔嘥野！

店舖雖小，但食物款式都唔少，lunch時段經常都滿座要等位。午市時段有：兩餸麵$35三餸麵$40仲有麻辣涼拌撈米線、酸菜魚米線、雜錦米線、口水雞米線等其他款式。湯底，麵底，辣度均可自行選擇：湯底：麻辣湯底/酸辣湯底/清湯湯底麵底：米線/薯粉/烏冬除此之外更有15款小食：小食：麻辣皮蛋/麻辣雲耳/拍青瓜/自製泡椒雞腳/麻辣手撕雞撈青瓜/麻辣牛展/口水雞/炸鯪魚球等。三餸麵份量唔少，好足料，湯底濃郁但唔會過咸👍🏻口水雞都幾辣下，好入味，肉質結實唔鞋口，惹味之選。豆漿係個比較健康嘅選擇，清甜之餘豆香十足；當然呢度仲有其他汽水選擇。小店經營，店員都比較親切友善，亦手快腳快，始終午飯時間人太多，要耐心等候。

朋友仔話葵涌開咗一間食麻辣米線，佢話都唔錯價錢都好親民，我們就打電話叫定外賣自取！佢有好多選擇真係好難諗，咁我們就每人選兩款食物就可以互相試下😜😜我們大家也是選了酸辣米線，酸辣味道也適中！餸的份量也不會大少，大家也可以支持小店👍🏻👍🏻

上open rice 見到屋企附近有間新開無奈的麻辣粉店，鐘意食辣既我就當然要試下，去買咗外賣食。叫咗一碗$35兩餸既麻辣大辣薯粉，食蘿白加牛筋。首先個湯底辣唔得正宗，唔係重慶/四川的辣味，睇唔到有花椒八角，湯底得個麻字，無好多辣的感覺，成碗都係紅油。然後蘿白係入味的，夠淋身幾好味，但個牛筋係硬的，煮得唔夠時間。薯粉又係偏硬身的，煮得唔夠淋同入味。蘿白同牛筋都分別有4舊，我覺得咁既價錢是抵的，但口感、味道就一般啦。仲叫咗份$18炸札肉，一份有9舊，味道咸咸地，口感都唔錯幾好味總結：價錢係偏便宜抵食，但薯粉同餸就口感一般，小食都唔錯值得一試

有日經過見到呢間麵店新開張、因為好肚餓就走咗入去想食返碗麵、間舖頭地方細細原來食物選擇都幾多、湯底有清湯、麻辣同酸辣。餸嘅款式都好多、啱哂貪心嘅我！仲有好多小食揀本身無辣不歡、加上天氣凍、食返碗熱辣辣嘅麵真係啱哂啊！我哋揀咗酸菜魚米線同爸辣什錦米線。酸菜魚米線只係小小辣、唔太食到辣嘅人都應該食到、湯底好夠味好香、魚片又滑，我仲加咗大腸，好有驚喜啊！麻辣什錦米線入面包羅萬有最愛墨丸、水魷同牛丸、大大碗好足料。我哋仲點咗幾樣小食、都讚不絕口！炸潮州扎肉、正！好香口中間爆汁、點埋醬好惹味。秘製燻蹄個醬甜甜辣辣、肉質新鮮彈牙👍🏻👍🏻👍🏻麻辣皮蛋最愛！好入味好滑、皮蛋流心！食完好滿足！味道好、一定會再嚟試埋其他野！

經過呢區，見到間米線舖，門面都ok，入左去試，覺得不錯！叫左碗麻辣薯粉，好惹味，薯粉好煙韌！尤其鍾意個牛筋！軟硬適中！朋友叫左碗酸菜魚米線，魚超滑！湯好清，飲左半碗！！小食不得了！炸潮洲扎肉大愛！麻辣皮蛋必試！出面好少見倒有咁流心！麻辣牛展ok啦，椒鹽豆腐小朋友KO哂！湯粉食開麻辣嘅可以叫中辣或以上，初次嘅小辣都可以接受！總之值得一試！星期六中午黎，等左一陣就有位！大家可以試下，真心支持本地小店😁😁