牛の鍋日本料理

营业中

休息中

上菜效率稍慢，但仍然過得去之前喺銅鑼灣店試過，上菜基本係幾分鐘內就齊晒，但今次荃灣店，可能因為當日客人多，上菜速度稍微慢咗少少。不過，整體等候時間仍然合理，未至於令人覺得心急。加上員工都主動執枱，感覺服務依然保持到水準。比個like 佢～.三黃雞湯底夠鮮甜，榴槤最後加更啱味今次揀咗B餐，試咗佢哋嘅三黃雞湯底，雞肉好嫩滑，真係一個大驚喜！之前喺銅鑼灣店我試過榴槤雞湯，雖然幾有特色，但榴槤味同雞湯混埋一齊過於甜膩，飲多兩啖就會覺得怪怪地。所以今次我改咗策略，先用三黃雞湯底，最後自己將榴槤放入湯底煮，因為雞湯味已經煮得濃郁，所以後加的榴槤搶唔到雞嘅風頭，但係又有啲榴槤嘅特別香味，令湯底多咗一層清香，呢個做法絕對值得一試！.B餐升級食材：生蠔夠大隻，刺身肥美，串燒多花款B餐相比A餐，食材升級係好明顯。尤其係生蠔，一睇就知大隻好多，煮熟之後鮮甜滑嫩。刺身都有好多款揀，特別係蝦唔係一般好細隻嘅甜蝦，係有泰式嘅蝦同埋大隻的紅蝦，不過佢最好食係比較肥美的三文魚腩，只係第一次叫出咗之後都冇，唔知係咪隨機出。串燒雖然細細串，而且上得比較慢，但比較特別係有一口鮑魚串燒，鰻魚都比較特別。.甜品體驗：芒果綿綿冰

最近經過熊貓酒店就醒起上一次嚟尼度食飯嘅時候有呢個烤鰻魚🤤重要嘅係！佢嘅鰻魚係任食個囉！🤩🤤佢外脆内軟，肉質又勁鮮佢仲有勁多款冷盤小食比你，而且款色都啊唔係常見個啲咩螺肉啊，八爪魚啊可以實現雞腳自由真係好幸福🥰壽司都好新鮮，都無雪藏味，合格！🥰🤍🍣另外想讚吓嗰度有一個服務員姐姐，佢好有禮貌全部都會唔該前唔該後，而家香港真係好少見到咁有禮貌同埋服務質素嘅人，呢一樣係全餐入邊，我覺得最欣賞嘅，雖然唔知佢叫咩名，但係希望佢可以一直保持落去！激讚🤍🤍

最近又去翻呢間荃灣打邊爐嘅排隊小店牛之鍋😍估唔到今期佢哋竟然有新鮮本地手切切牛肉！🐄🐄🐄簡直食到停唔到口😜佢哋嘅任食新鮮本地手切騸古牛，肉質非常嫩滑，彈牙爽口，配上自己鍋煮嘅湯底，味道更加出色。你可以感受到牛肉嘅鮮甜，真係好好味！🐄🐄🐄好食到feel到d牛味係口入面留左好耐🤪🤪而家講講佢哋嘅海鮮部分，期間限定嘅乳山生蠔同原隻鮑魚都係必試！生蠔新鮮得無話可說，肉質滑溜，帶點海水嘅鹹味，配上檸檬汁更加提味。至於鮑魚，鮮嫩得一咬就化，真係好享受。🐟🐟再來就係三文魚刺身同大蝦刺身，三文魚色澤鮮艷，口感滑嫩，十分新鮮，大蝦刺身則肉質彈牙，鮮甜可口，食完真係令人回味無窮。佢哋嘅串燒亦都唔可以錯過，無論係雞肉、牛肉定係海鮮，燒得剛好，外脆內嫩，味道香濃。🐟🩵而且，呢間店用嘅食材完全冇雪藏味，解凍處理做得好好，保持咗食材嘅原汁原味❤️❤️❤️環境方面，餐廳嘅裝潢好有格調，音樂又舒服，真係好適合拍拖或者同朋友傾偈。職員嘅服務態度都好好，十分貼心，主動幫忙，反應速度快，❤️呢間出名嘅舖頭好唔好食？個個都知係冇得頂。🤣係就係成日都要排隊囉😜

上網揾到泥間有火鍋.刺身.串燒.一站式放題我地8個人但安排既坐位唔夠寬敞.而且兩個火鍋爐距離好遠.並且冷氣機有滴水情況.當時亦安排唔到其他位置🥲刺身新鮮夠凍火鍋爐有d細串燒選擇算多.仲有鰻魚

經過上次行街時諗反起牛之鍋嘅鰻魚，本身想再去食多次點知。。。去到先發覺已經無左尼個套餐。。🫠不過待應姐姐同我講原來佢哋呢排做緊任食新鮮本地手切騸古牛橫掂都嚟到，一於試一試先講本地手切騸古牛，即日即劏嘅新鮮牛角牛尾真係同雪藏牛冇得比🤪一食就知係正嘢😍😜😜肉質非常嫩滑，彈牙爽口，配上自己鍋煮嘅湯底，味道更加出色啲牛肉新鮮到好似聽到佢哋仲叫緊咁😂😂🤪🤪🤪另外佢哋期間限定嘅乳山生蠔同原隻鮑魚都係必試！🦪生蠔新鮮得無話可說，肉質滑溜，帶點海水嘅鹹味，配上檸檬汁更加提味🫨🫨至於鮑魚，鮮嫩得一咬就化再來就係三文魚刺身同大蝦刺身，三文魚色澤鮮艷，口感滑嫩，十分新鮮，大蝦刺身則肉質彈牙，鮮甜可口不得了🍣🍣🍣食材完全冇雪藏味，解凍處理做得好好，保持咗食材嘅原汁原味呢一方面真係keep住高水準真係唔講得笑下次一定再嚟

早收工同我女人一齊去左荃灣打邊爐呢間牛之鍋成鬼日都要排隊不過係真心正嘅😎😎今期咁cute 烤鰻魚，鰻魚烤得金黃香脆，肉質滑嫩，完全無腥味，咬落去好滿足。最緊要無骨！‼️‼️‼️最緊要冇骨！‼️‼️🤣最緊要冇骨！‼️‼️‼️重要嘅嘢講三次😬拼落去個邊爐湯底，直情係無得彈😜😜仲有三文魚刺身同大蝦刺身，三文魚新鮮，口感滑溜，配上少少醬油，味道更加出色；大蝦刺身則鮮甜多汁，真係食到停唔到口🤪🤪此外，佢哋嘅串燒都唔可以錯過，無論係雞肉、牛肉定係豬肉，肉質都彈牙爽脆，燒烤嘅火候掌握得好，外脆內嫩，口感一流。每一樣食材都好新鮮，真係好回味。而且食材完全無雪藏味，解凍處理做得好好，保持咗食材嘅原味。😚😚呢間店嘅環境非常舒服，裝潢有格調，音樂亦都好輕鬆，幾適合拍拖或者同朋友傾偈。職員服務態度非常好，十分貼心，佢哋都好主動，服務速度快，讓人感覺到賓至如歸。TBH, 如果你想嚟一個好舒服嘅地方食打邊爐，呢間牛之鍋主對主對唔會令你失望😎

慶祝生日，想食好啲，貪心啲。想打邊爐，又想食放題，又想食甜品。。。 思前想後，今次去牛之鍋。牛之鍋店舖空間唔算大，所以自選區唔多，只有火鍋配料，火鍋醬料，飲品，少量甜品＋蛋糕。所以大部份都係坐定定，用apos落柯打就得喇！火鍋配料同醬料區，冇乜特別，都係啲菜、蕃茄、蘿蔔、丸類、菇菌類。醬料都係啲普通醬料。飲品區，相對就有誠意好多喇！有三款玻璃樽裝汽水（可樂、 雪碧 、忌廉），仲有自家製手打檸檬茶、羅漢果茶、地們果汁、罐裝汽水、台灣罐裝飲品，仲有幾款啤酒。套餐方面分A, B, C 餐。A餐最平，相對少啲嘢食，只有肉類。B餐有海鮮，有燒鮑魚，相對CP值高啲。C餐貴多少少，就有燒蠔，當然肉類質素再高啲啦！今次揀咗中價位嘅B餐。刺身泰式生，甜蝦，帶子，三文魚，油甘魚，赤貝，八爪魚，仲有其他幾款魚類都算新鮮。我哋叫咗兩轉。火鍋牛肉有安格斯，牛肩胛，羊肩肉，雞件，特選豚肉。牛肉，豚肉無限call 真係食肉獸天堂。海鮮有鮑魚，海蝦，青口，韓國肥蠔，大白蜆，魚片。鮑魚，肥蠔，大白蜆超正。炸物芝麻雞翼，每人至少2隻。串燒絕對唔可以錯過，店內有爐可以熱住啲串燒，保證串燒熱熱地。牛舌，菠蘿，雞脾肉，五花肉，

中午時分，突然抽起條筋想打邊爐，但又唔想食咁貴，最終揾到間平平哋百幾蚊嘅自助火鍋。呢度其實有幾個唔同價位嘅餐選擇，不過中午時間，我又食唔落太多，就揀咗最平個餐，只有火鍋甜品，沒有刺身海鮮。呢度由十二點開始到四點，最盡可以食四小時，而且可以揀一個大鍋或一人一鍋。飲品選擇算幾多，最少有啲沖製茶類飲品。調味料就都係一般嗰啲，冇乜特別。湯底我哋揀咗蟲草花和麻辣，最有趣係個麻辣成塊上，非常（新鮮） 😅不過呢度啲牛肉算唔錯，有幾款揀，咁嘅價錢算還可以。反而最特別係呢度好多不同款式嘅甜品選擇。雖然一食就知唔係貴嘢，不過過下口癮都唔錯。百幾蚊，算係咁啦～

有打邊爐，加串燒，同日式刺身。用手機點食物（蔬菜、甜品飲、品都要自助的）打邊爐有海鮮（鮑魚，扇貝）都好新鮮肉類（有不用豬牛的部位）新鮮串燒因為檯上個爐唔夠火喉，所以麻麻地（佢係廚房預先燒好再送上檯，所以已經唔係好熱）款式算可以刺身大蝦，帶子，北奇貝，三文魚都新鮮整體價格都可接受有分成人同小童價

樓面職員個個行行企企傾計都唔會主動加湯,咁叫你自己行咗去攞湯壺自行加！又要收加一基本服務都冇態度差到冇人有,手機點了串燒坐咗一個鐘唔追都唔攞嚟,老闆及經理咁都唔檢討下?莫非生意好唔休做?

唔明點解咁多好評 啲肉又梅 叫元西皮蛋湯底皮蛋都係梅 肉差 水果不新鮮 都有優點既：飲品多 有手打檸檬茶工作人員收拾碗筷都快 勤力但係同等價錢下（785 3人 星期六）我相信大家可以有更多更好的選擇

昨晚難得可以約到三五知己一齊出來相聚，見到這間火鍋店星期一至四可以無限時任食［星期五六日就限時2小時］，係今時今日既放題食堂中好難得有無限時囉，（因為每次出來都有講不完既話題）所以決定第一次去試食吓先......因我們都係🐮魔王，所以我們選擇了C餐，C餐內有多款🐂選擇（除了牛之外，C餐仲有豪🦪任食呀，係放題中比較小見豪🦪可以任食，佢地有兩款🦪任食，一款係打邊爐，另一款係蒜蓉焗🦪，兩款都好好味，昨晚本人主打食🐂，d🐂好食到停唔到💋，攪到我昨晚好多好多其他食物都未試食過，所以一定擇日重賽要再去食過。

今次去到荃灣諗住試下依間，見上網又有人推薦好似唔錯咁。坐低落單啦，第一轉啲肉都正正常常唔錯嘅，之後就大鑊啦，啲肉全部差到不得了。甜品🍮選擇又唔多，上網睇到個啲都無嘅。明明上網睇又見到有榴槤甜品，又有焦糖布甸又有豆腐花，但係去到嘅時候好多都冇。咁啱影咗張相，大家可以自己參考吓，到底值唔值得去試，利申一開始第一轉啲肉係真係OK嘅，但之後嗰啲全部都係……….大家可以自行衡量一下未試過嘅建議唔好，想中伏嘅隨便。

呢間位於荃灣既放題店, 火鍋配料任吃, 飲品任拎, 刺身同熟食都係可以任食既首先揀既係牛骨湯, 牛骨味道做湯底, 煮咩都咁好味飲品就自己出去拎, 選擇都幾多, 一般既都有一入座就會送鮑魚, 幾鮮味的刺身都係好鮮味, 特別係蝦, 好易食得出係新鮮定係不新鮮, 而佢既蝦肉仲係有爽脆既口感牛肉好濃既牛肉味, 味道加埋個牛骨湯底好夾牛骨既湯底加上菜類既野食, 再有少少牛肉既味道, 超好味出面仲有甜品吧, 好多款唔同既甜食都有, 記得留肚食最後點左個甜品係仙草凍, 幾有水準!!

今次去咗荃灣食牛之鍋食左C餐＄368 星期一至四係無限時任飲任食！有好多款湯底去選擇，每人一鍋嘅形式牛肉方面有雪花牛小排同埋本地新鮮騸牯牛肉拼盤！牛味香濃，而且有唔同嘅部位！另外仲好似放題咁有刺身，刺身我哋試咗三文魚同埋帶子都好夠鮮！飲品亦有汽水啤酒冷泡茶等等！仲有近期大熱既手打檸檬茶！期間限定海鮮方面有生蠔 原隻鮑魚 原隻扇貝 鮑魚食落新鮮，而且鮮甜！每台都會有小火爐去擺串燒，多款嘅串燒擺出嚟很精緻，睇得又食得！串燒必定要食燒鰻魚同埋牛舌！鰻魚皮烤到卜卜脆，而且牛舌軟腍好好食！蒜蓉燒生蠔🦪也是其中亮點！最有驚喜係有好多特別嘅甜品！佢哋嘅甜品係即嗌即製！記得留肚食甜品啊！宇治抹茶芭菲仲有薑味超濃嘅薑汁番薯芝麻湯圓，食完呢兩個甜品真係大滿足！