牛一香港仔魚蛋粉專門店

营业中

休息中

食了一個火車頭,根本同我喺屋企用滾水淥啲牛肉冇分別,終於明白為何現在的人要北上吃東西因為普遍喺香港求其食一間嘢都可以非常難食同埋價錢係中上貴,條氣真係會好唔順,牛一真係好難食,食一啖就抽一啖涼氣。仲有成日郁啲枱櫈插啲地下嘈冤巴閉,如果你心情煩悶真係會畀佢搞到更燥底😩

不過不失，舖頭乾淨，員工態度好，嘢食平同口感好，不過冇乜味。五香牛腩麵$38冇五香味，不過牛腩夠腍，河粉正常，湯得個鹹字。聽過有人介紹識佢嘅飯同粥好食，應該可以試下🤔lol ̵̨̗̼͈͓̘̘̗̥̼̟͔̲̒͂̃̍͐̂̎́̿̾̅͆̇̃̏͒̋͋̊̀͊̓͐̀̀͗̆̈͑͂̌̇̒̔̕͘͘͝ ̵̨̗̼͈͓̘̘̗̥̼̟͔̲̒͂̃̍͐̂̎́̿̾̅͆̇̃̏͒̋͋̊̀͊̓͐̀̀͗̆̈͑͂̌̇̒̔̕͘͘͝ ̵̨̗̼͈͓̘̘̗̥̼̟͔̲̒͂̃̍͐̂̎́̿̾̅͆̇̃̏͒̋͋̊̀͊̓͐̀̀͗̆̈͑͂̌̇̒̔̕͘͘͝

今次嘅食遊帶領大家嚟到一間大埔嘅食堂，一入門口就覺得熱鬧好有氣氛。要數最先打入我心房嘅，當然唔少得嚟辣！佢哋嘅小辣椒牛腩麵，呢個辣得嚟唔係普通嘅辣，係嗰種辣到你心口都暖笠笠，食完靠，個人都精神晒。接住講，牛腩既腍又juicy，啖啖肉嘅口感好過癮，啲醬汁滲進牛腩纖維度，真係又香又惹味。至於麵條，鬼振振又爽滑，每條麵都似嚟得跳噏舞咁活躍，食落去咬落之間都感受到佢哋嘅頑皮。另一個撼動我味蕾嘅，一定喺呢碗時鮮湯粉絲。湯底清甜，飲落去對著熱辣辣香港嘅天空都唔覺得燥熱。粉絲滑溜溜嘅口感，加上鮮彈嘅海鮮，啲味道簡直七彩繽紛，喺嘴巴裏面拉風啊！當然，有食有飲，嗰杯凍檸茶就嚟扮演解辣解膩嘅角色啦🍋。微苦微甜，加上一把冰，飲落涼哂過冰涼水。行過路過，唔好錯過，下次再點雙球草莓霜淇淋同埋焦糖熔岩蛋糕，未食就已經期待晒！耐唔住要再嚟轉場食喇🍜🌶️✨。

上幾次堂食過只是一般，環境狹窄，未至於好乾淨，但一定唔係整潔企理。只不過2200時過後，大埔得返呢間越南嘢。所以今日（2023-5-27）去幫襯，起初落單外賣，個收錢阿姐呼喝唔好嘈佢，因為佢要落單，等佢搞掂，語氣不太好咁落左我張單。佢服務態度差到一個極點，外賣已多收兩蚊，叫佢加啲汁又話收錢，問佢平時堂食都係咁加又唔使收錢，之後個阿姨知衰但無認錯，又話加汁上去唔同另外俾，仲罵返人轉頭無話加汁上去。所以我即刻退錢走，以後永不幫襯。唔好食又要受氣，大家唔好再幫襯，除非你犯賤，喜歡俾人罵！如果個阿姐唔係老闆，真心建議該店老闆炒走個阿姐，相信生意會更好，因她不是做生意，而是趕客。

今次食麻辣手撕雞淮山麵睇落份量唔多，不過其實雞肉份量都多，肚餓可以叫加底(食食吓見到有人叫蒜辣，個呀姐問係咪加底，應該熟客嚟)其實都嚟過好多次，有時係late dinner/宵夜之選，話晒都冇乜食店會開到3AM 見前面有啲食評話佢態度差，so far去過十次八次，無論係呀姐定呀叔，態度都幾好，有街坊街里feel最鍾意佢蒜辣/麻辣手撕雞，個人覺得有辣嗰啲惹味過無辣嘅蒜香/鹽焗麻辣手撕雞淮山麵 $43熱奶茶 +$7

#20230101 💛📍 牛一香港仔魚蛋粉專門店 大埔運頭街75-87號永和樓地下——————————————————#越式魚片頭喇沙河粉 $38💭喇沙幾香，唔重椰奶味反而🐷幾鐘意，有得配平時港式粉麵啲餸麵幾新穎，魚皮頭彈牙唔散，魚味就唔敢話有🐟不過絕對對得住價錢啦.#清湯蘿蔔 $15💭真心清甜！而且份量都好多！係香港要食到無根既蘿蔔好難，佢都唔完全係，不過都係果句啦，$15比咁多舊仲要高高地質，有賺喇👍🏼.#五香牛腩麵 #35💭叫得牛一，梗要試下佢啲牛啦🐄食港式粉麵第一件事飲下啖湯，飲得出湯底熬左好耐，牛腩唔算好多好大舊，不過淋身易咬，麵質爽口無鹼水味.#香茅豬扒 #27💭其實🐷唔係好識食得出，究竟係無咩點用鬆肉粉，定係完全無落呢🤔總之就好淋，連住骨果啲位尤其好食😋juicy唔會好柴口.#手拍青瓜 $20💭又係好大份，呢個價錢有咁既size都嚇親🐷，食到同睇到佢啲青瓜係真係拍，唔係切，差好遠架🫣汁都夠味，不過應該收到order先淋上啲青瓜度，所以唔係幾入味.#大埔美食 #大埔黃店 #🐷_食

大家唔好嚟幫襯 ，唔怕冇生意做咁個員工喺度打邊爐個老闆娘入去整嘢食嗌佢要比杯熱水個員工眼超超望完一下就唔理我我叫咁多嘢食，佢哋見到有客人都唔招呼，仲要喺度打邊爐，橙色衫嗰個先至係員工，入面嗰個係老闆娘🙄老闆娘個態度又係差，同佢加單，佢叫我等吓先🙄明明舖頭得一台客同後邊一枱客

嗌左外賣自取，到既時候問個店員領得未，個店員答我：「我唔知」，唔緊要見佢地忙緊，我等多一陣，等多15分鐘之後一直都有其他外賣單，但係都無嗌我果張，之後問另一個店員可唔可以幫我睇下，佢答我：「我唔睇啊，你問入面啦」，入去問多次，個阿姨仲鬧話邊度有我張，結果原來個外賣已經放左係張枱半個鐘，其間啲店員完全無嗌過number，領到返屋企個外賣凍左一半😅🙏🏻野食好好食但係啲店員可以更好😅😅

第一次食個陣，朋友問我「食牛一手撕雞好冇？」然後我心諗牛一唔係打邊爐架咩？唔通佢出咗啲午市套餐係手撕雞飯🤔 原來係講緊大埔獨有嘅呢間牛一🍚 💛麻辣海哲手撕雞飯 ($50)雖然呢個配搭冇喺餐牌出現，但都可以咁樣嗌架🤣略略一講就係堂食雞嘅份量好似冇變，但外賣就會比起之前明顯少咗，但仍然係夠食，一啖飯一啖肉😋 雞就明顯好食過之前，我覺得佢係滑咗同埋入味咗，佢飯同雞係分開擺，我就習慣倒曬啲雞落飯上面一齊食，因為啲汁都可以撈飯😍 但如果嗌麻辣，又唔鐘意太麻嘅話就可能要就住倒/直接分開食喇🤣 呢間啲海哲都入味，我已經心滿意足🥹 細個試過啲薯粉舖頭嘅麻辣海哲係冇味架🤯食唔到辣嘅🐡話佢係食唔到成碟嘅，但平時食開辣嘅就可以一試😍 💛鹽焗手撕雞飯($45)🐡：鹽焗嘅精粹係鹹！夠鹹👍🏻 啲雞油好香呢個手撕雞飯送紫菜湯，個湯比之前嘅濃味咗，但唔係味精味，係真係好飲咗好多👍🏻 但我表示有臭茜😅🐡覺得個湯太濃😂 所說睇個人口味～💭張收據present 嘅同我哋落單個陣有啲唔同，我哋驚佢mark錯，所以問翻。店員話因為落單食物嘅價錢一樣，所以係冇落錯，而最後嚟嘅時候都冇錯單👌🏻 所以你哋可以睇下有冇需要同店員dou

今日食lunch嘅時候冇乜特別胃口，於是就簡簡單單諗住去食個雲吞麵！所以就揀咗啲燈平時都有食開嘅雲吞麵餐廳！入到去嘅時候當然要食呢度嘅招牌雲吞！呢度嘅雲吞真係皮薄餡靚，而且呢一度嘅外皮真係非常之薄，入面嘅鮮蝦同埋豬肉比例都啱啱好，非常juicy！加埋個炸魚皮一齊食，真係一個非常豐富嘅午餐

單看餐牌就見到呢度供應嘅食物有幾多樣化，除了一般潮州粉麵，仲有魚麵；想食濃味d，可選食喇沙；想食清d，可選越式；仲有不同口味嘅手撕雞飯，鹽焗、麻辣、蒜辣、蒜香，最特別嘅係坊間比較少嘅健康選擇--淮山麵。最近更推出埋燉湯，真係各式各樣嘅都有。最喜歡食這裡的手撕雞飯，每碟飯都會跟個紫菜湯，但有時店員會忘記遞上，要主動問。手撕雞大大件，老實講肉質不至於很嫩滑，但完全唔會鞋，配上不同調味，送飯真係一流。紫菜湯😅其實真係好鹹，不過跟飯送的，算係足料，每次食都有很多紫菜。這裡食物質素唔算高質，價錢在大埔墟食肆嚟講都稍高，但這裡人情味濃，家庭式經營，見過有次有個學生食完先發覺自己無帶銀包，店員完全無要求學生擺底任何證件/物件，就簡單一句叫學生下次俾返錢。這裡食到的是人情味，但如果食物味道都可以再提升一點會更好。

見到有人話呢度牛丸墨丸做得好好，專程過來試一試。唔好意思，食食下先記得影相😂雙丸麵，牛丸加墨丸。牛丸爽口，有彈力，裏面加咗少許冬菜提升味道，都幾獨特。墨丸有粒粒墨魚，咬口煙韌，都有鮮味，都不錯。幼麵潤滑嗰隻，不是爽口彈牙，各有各好；可惜略嫌去鹼不足，有鹼啲水味，需要改善。湯底一般，可能比鹼水味遮蓋，食不到鮮味。熱奶茶水準一般，顏色比較深，茶味不夠略為淡口，不是我杯茶。整體合格以上，有進步空間。少少補充，下午時段，樓面收錢只得兩人，略為人手不夠。

大埔地膽介紹嚟到呢間離大埔墟站不遠嘅粉麵小店，原本只係諗住簡簡單單食碗麵，點知驚喜無限，念念不忘朋友一坐低，先問有冇魚麵，原來好多時都會提早賣晒，確認後就二話不說叫咗個牛腩魚麵，見佢咁決絕，一於跟！其實冇試過出街食魚麵，唔係好知係咩嚟，仲諗住好似蝦子麵嗰啲魚蓉麵。點知碗麵嚟到，啲麵原來好似上海粗炒咁嘅樣，仲要超級香噴噴！一食落去超彈口，好香魚味，其實就好似食緊好多條狀嘅魚蛋咁，雖然啲牛腩都夠林好好味，但係其實就算唔單食魚麵都已經好好味

以前讀U果陣經常流連大埔街頭，今日舊地重遊，幫襯番好多年都無食過嘅牛一。今次嗌左蒜香手絲雞撈淮山麵，好味。以前淨係識配飯，第一次食麵，唔錯，易入口，有湯可濕下啲麵。配埋野飲都係50蚊有找，抵到爛。

呢間粉麵店位處大埔墟，純粹交通方便先食吓咁啱當日入大尾督先喺大埔搵食見到主打係越式同潮州粉麵諗住魚蛋粉快靚正可惜真係稱唔上好食，係得手撕雞可以入口雖然係黃，但味道都要改進一下先得鮮蝦雲吞麵$32 麵底鹼水味重，湯底都係豬肉鮮蝦雲吞有啲雪藏味只係價錢平，要嚟飽肚而鹽焗手撕雞撈淮山麵 $40 就較可以入口淮山麵雖然略潺滑，但整體比較乾味道亦好淡，需要沾麵般沾上熱湯食先有味手撕雞有麻辣、蒜辣、鹽焗、蒜香可擇基本上手撕雞相對較香口雞肉嫩滑，變成幼絲，有芝麻香，撈埋椰菜絲有爽脆感不過手撕雞出唔到雞油，雞味唔算濃如果雞油溢出，可以同麵底融合，會更惹味