牛丼家

营业中

休息中

上個月的其中一個城中話題，就是不少Youtuber都有介紹的香港牛丼爭霸戰，先有齊柏林旗下的牛丼家進駐，再有今個月的松屋再度降臨香港，與本來在香港多年的吉野家及Sukiya開打牛丼大戰。過了最高峰時間，我們終於有機會到牛丼家一試😂✏️位置（9/10）：通菜街街市附近，地點超方便✏️環境（8/10）：第一次遇到牛丼店有電梯，夠貼心，店內環境也不差✏️服務（8/10）：有自助下單機，亦有人手下單，不久就可取餐，有顯示屏方便各層食客自取✏️食物（8/10）：食物味道不錯，尤其牛肉特別出色🌟牛魔王飯配公仔魚套餐 - $57牛魔王飯是店家招牌菜，其實即是牛肉肉餅，厚身而肉質鮮嫩，配上特製的牛魔王汁，帶有和牛牛油的香滑及柚子醋的清香，酸酸甜甜很開胃，更能把肉餅的味道帶出。用$15加配了營養豐富的公仔魚及可樂，大滿足🥰🌟咖哩牛肉飯套餐 - $68太太點了咖哩牛肉飯，牛肉飯才是考慮牛丼店功力的主角，店家也沒讓人失望，牛肉相當嫩滑，完全不帶根，不會令女士有過多的油膩感，而且牛肉味夠香，配上香濃的日式咖喱汁及洋蔥，味道比在香港多年的牛丼店更優質。加$20配了炸雞套餐，炸雞有四件，啖啖肉，配合咖哩汁食很惹味🥰而套餐

知道齊柏林喺旺角新開咗呢間屬於香港人嘅牛肉飯店，好想去試吓～ 樓高2層，外牆好大個名！地下有自助點餐機，亦都可以上一樓搵職員落單，自助搵位，2樓亦都有堂食位置～ 餐廳開到凌晨2點，想食宵夜都好方便！睇menu選擇都算多，有牛肉、和牛漢堡扒、豚肉、雞肉、鰻魚飯等～ S size嘅牛丼只係$26，值得一試！而家仲有$100/4碗鹽醬汁豚肉飯或者照燒雞扒飯嘅套票優，好抵食！🔸牛魔王飯M $42試吓呢個和牛漢堡扒飯，比想像中更好食呀！漢堡扒唔會乾淨淨，仲係軟熟有肉汁～ 將牛魔王汁淋喺白飯上面，撈勻之後食，食一啖飯，再食一啖肉，都幾惹味！個汁加咗柚子醋，酸酸哋好開胃，食落都無咁膩～ 🔸咖喱雞扒飯M $48雞扒有啲驚喜！雞皮幾香脆，唔會淋晒，雞肉都算嫩，加埋微辣嘅日式咖喱，好快就食晒成碗飯！呢度嘅珍珠米都好軟熟好味！🔸套餐優惠加$10-$20可以配唔同小食同飲品，揀咗青菜同炸雞～ 炸雞有3件，都幾香脆嫩滑，如果有醬點吓會更好！飲品推薦揀佢哋自家製嘅冰紅茶，解渴又唔甜！

本地品牌熱狗店齊柏林，最近開設牛丼副線 ❛牛丼家❜！餐廳位於旺角，營業到凌晨2點，想食宵夜可以考慮嚟呢度🤣二樓嘅枱上放有電磁爐，睇嚟遲啲有火鍋套餐～而家做緊試業優惠，推出優惠價$100/5碗牛肉飯嘅套票，平均一碗只需$20，真係好抵！丼飯包括鰻魚、豬、牛、雞，而且有多款口味：原味、香蔥、雙重芝士、咖喱、溫泉蛋，最平$26就買到！🐂雙重芝士牛魔王飯(M) ($55)呢碗飯果然無改錯名🤣成個碗都鋪滿咗芝士，份量好澎湃😍開始食之前跟餐廳教學，將牛魔王汁淋落白飯度 (唔好直接淋漢堡扒)，再將飯同芝士撈勻，真係極邪惡呀！漢堡扒採用澳洲和牛，表面燒得有少少焦脆，咬落去好Juicy；值得一提嘅係個牛魔王醬汁，以特別提煉嘅牛肉脂肪、柚子醋等調配而成，整體食落甜甜地又有芝士香味，伴酸薑片解膩一流～🐓泡菜照燒雞扒飯(M) ($46)雞扒份量都幾多，而且肉質厚身嫩滑😍雞扒同白飯都沾滿日式照燒汁，食落甜甜地，成個配搭好夾，再搭泡菜一齊食不會太辣，仲非常開胃～⪢ 升級套餐 ⪡炸公魚仔＋飲品 (+$15)炸雞＋飲品 (+$20)🐓炸雞 炸雞有三件，外層炸成金黃色，內裏肉質鮮嫩～而且炸得幾乾身，食落一啲都唔覺得油淋

出開嚟旺角睇波鞋，咁就順便食埋飯先走啦，去到近地鐵站口附近，本來就想試下間茶記，不過見到呢間「牛丼家」，老友又話想試下，我食咩都無所謂，反正都喺一餐。上到上面一樓，有櫃枱可以落單，但如果排得人多，可以不妨利用晌地下同一樓嘅自助販賣機，呢度喺以快餐模式運作，落好單等嗌號碼籌，再出去攞嘢食。一樓地方無咁大，而且，啲人都喺會貪就腳，攞完餐就喺返呢一層食，所以，比較多人。其實佢哋仲有上面二樓一層，不過，就要行樓梯上去，但地方就大好多，亦相對少客啲，感覺會坐得比較舒服。丼飯嘅選擇，以大類就分為牛肉、漢堡扒、豚肉、鰻魚、雞肉，再細分就可以揀配溫泉蛋、香蔥、雙重芝士、咖哩汁……等等，此外，仲有多款小食供應；另外，有加錢升級轉套餐優惠，加$10就有青菜配飲品，加$15就有公魚仔配飲品，而加$20就有炸雞配飲品。晌櫃枱落單期間，仲見佢旁邊棟住個$100/4碗嘅優惠套票，不過，就只可選指定嘅兩款丼飯。取餐處旁邊有自助調味架，自由取用，再側邊放有餐具，亦喺要自己招呼自己。仲有，食完就記得幫幫手，自動捧番啲餐具、托盤出去「返却口」。牛魔王飯+公魚仔+冰紅茶 $57朋友就揀咗呢個組合，因為佢見啲漢堡扒寫明用和牛

以前最中意食齊柏林既野食， 最近聽講佢旗下開左一間主打牛丼飯既日式餐廳， 咁緊係要捧下場😋 地理位置好方便 ，就係旺角通菜街。岩岩新開張都幾多人撐場，價錢黎講絕對係抵， 最貴都係$75一個大丼飯。 今次帶埋男朋友黎食， 中意食牛既佢就簡左「雙重芝士牛魔王飯」，而我就簡左「鹽醬汁豚肉飯」。 仲可以加錢升級套餐， 我就加$10要青菜套餐配味噌湯；而男朋友就加$20要炸雞套餐配雪碧。🐮 雙重芝士牛魔王飯（$55）：一拎到手真係嘩一聲 。 真係滿滿都係芝士🧀🫨🫨🫨好震驚既多。 真係啖啖芝士味😋😋 中意食芝士既朋友真係岩哂🫢 個牛都好大舊 肉質鮮味有牛味😋 夾埋芝士勁大滿足感☺️🐷鹽醬汁豚肉飯（$38） ： 豚肉彈牙多汁， 個鹽醬汁好入味，味道岩岩好！仲要幾大塊， 真係超抵食。 🐔 炸雞套餐+味噌湯：其實一個飯加$20就有。 飲品除左味噌湯，仲可以簡汽水/白桃汁/ 冰紅茶。 炸雞有3舊，肉質鮮味又林🤤味噌湯味道比想像中淡身 但整體唔錯， 岩哂唔太喜好濃味既人飲🥬青菜套餐+雪碧： 味道唔錯👍唔會太油/太清淡

之前睇YouTube 介紹牛丼飯，啲留言都話要試下牛魔王飯，所以去開附近就過嚟食下。可以係地下點好食物先至搵位，都有兩層所以都易搵位。⭐️牛魔王飯加配炸雞、冰紅茶我地叫最普通個款牛魔王飯，眼看都好多人叫呢款。仲有特別食法，啲汁要淋落啲飯到，唔好淋落啲牛到。牛肉好香牛味，都要有勁多肉汁，超正超推薦。炸雞外酥內嫩，唔錯，記得係自助位加醬汁。⭐️咖哩豚肉飯加配炸公魚仔、白桃汁咖哩煮得好濃郁，豚肉軟嫩，正。炸公魚仔炸得好脆。如果係學生仲有優惠。唔係學生都可以買套票，糧尾岩用。

最近在網上看到牛丼家在辦全民學生優惠的活動，只要出示學生證，不論是多少年前的都可以有套餐減$5的優惠。看到這麼有趣的優惠讓我都忍不住翻出舊時的學生證去體驗。牛魔王飯配搭自家製的牛魔王汁，漢堡扒充滿肉汁，牛味香濃。醬汁以和牛提煉的牛油、柚子醋及其他秘製醬料製成，令味道昇華，另有薑片作配菜，非常開胃。桌上有教學說明，讓食客不會錯過最佳享用方式。辛辣牛丼的牛肉份量充足，辛辣配料放在上方，讓食客可以自行選擇拌勻的辣度分量。套餐的小吃味道亦不俗，餐飲冰紅茶和白肚汁大杯且甜度適中，整體讓我們都非常滿意。

今天再到牛丼家吃午餐。上次和女兒吃，知道用學生証優惠 (就算畢業了，只要出示舊的學生證，就可以減優惠$5）今天我們出旺角，就再去吃美味的牛肉飯。星期天的中午時份客人很多。上到一樓後，滿滿是食客。我們購買食物後，很快就可以拿食物了。牛魔王飯仍然是最好味的飯餐。那厚厚的牛肉餅十分鮮嫩，配上特製的，充滿了牛油香和柚子清新味道的牛魔王汁，口感極佳。牛魔王汁酸酸甜甜的，將醬汁全部倒進白飯裏撈勻，酸甜平衡，非常開胃滿足。我們加配了汽水和青菜，實在是一個很豐富的套餐。辛辣牛麻辣的味道非常惹味，配合着嫩滑的牛肉，沒有多餘的油膩感，肉味濃郁。我們也加配了$20的炸雞套餐，四件炸雞外脆內嫩，熱騰騰的，配着辛辣牛飯一起吃，相當刺激好味。這間牛肉飯專門店雖然選擇不多，但是味道好，價錢平，實在是一間性價比高的牛肉飯專門店。

之前一講起牛肉飯只會諗起嚟至日本嘅代表，而早排就開咗一間屬於香港人嘅牛肉飯，牛丼家！🍛咁就一定要試下佢喇🌈牛魔王漢堡扒飯：呢個漢堡扒非常厚，燒到啱啱好，而配牛魔王飯嘅燒肉汁就非常之香😍！仲有少少醃薑，解膩一流！辛辣牛肉丼飯：呢個辛辣牛肉勁正🔥，麻麻辣辣嘅，食落去真係相當刺激！牛肉片嫩滑仲有洋蔥嘅甜味，配埋辣椒碎，好惹味！鍾意食辣嘅朋友，呢個一定啱你哋口味！🌶️唐揚炸雞：炸雞外皮脆卜卜，咬落去入面嫩滑多汁，鹹香味道同麻辣牛肉好夾，係一個好正嘅小食🍗！油麥菜：呢個油麥菜清炒得啱啱好，係幾好嘅配菜🥬。南瓜湯：南瓜湯香甜滑溜，帶有淡淡嘅甜味，食落口感好creamy，開胃得嚟又暖胃🎃。味噌湯：呢個味噌湯鹹香適中，湯頭濃郁，配呢餐飯啱啱好，暖笠笠嘅好舒服🍲。總括嚟講，「牛丼家」嘅餐點真係夠豐富！每樣都好有心思，特別係牛肉嘅部分，好啱鍾意食牛肉嘅人～地點方便又抵食，下次去旺角可以試下呢間餐廳！👍

平日晚餐吃什麼好呢？就來旺角這家吃牛牛啊！就在地鐵口附近，B出口就幾分鐘。位置在樓上，味道和價格都是很划算，CP值超高的！牛魔王飯有個大大的牛肉餅喔！靈魂醬汁加上，甜甜的醬汁，牛肉味道超級濃烈，每口都好吃！而且一點點都不柴，好嫩的！米飯也好好吃，配上醬汁，👍咖哩豚肉飯最喜歡的就是日本咖哩，甜甜的咖哩，好送飯，單單這個醬汁都可以吃很多飯！豚肉是調味好的，也很下飯，味道👅👍套餐：青菜/炸雞還要再說一下這個炸雞！真的很Juicy，新鮮炸的，很值得一試～

今日黎左旺角覓食見到呢間類似吉野家甘餐廳位於旺角中心 有成兩層有饅魚，牛肉，豚肉 揀 牛肉漢堡係即叫即整 等左大概十分鐘左右厚度十足 對得住呢個價錢我地叫左兩個套餐 一個咖喱豚肉飯套餐 日式咖喱 甜甜地不辣配飲麵豉湯 炸雞肉 （3件） 一個牛魔王飯套餐 牛肉煎得唔乾 連埋個柚子汁好開胃 配 青菜+自家製冰紅茶 size M都夠曬飽 仲有S,L可以選擇見佢有個餐係$100 四個套餐 好抵食🌟Cp值:🌟🌟🌟🌟👩🏻 回頭指數:👩🏻👩🏻👩🏻👩🏻📸打卡比分:📸📸 📸📸

齊柏林由熱狗做到去日式丼飯，梗係要繼續支持啦！招牌牛肉飯（份量S）最平 $26有得食，可以話係平民飯堂，而且營業時間由 7:30am 到 2:00am，食埋個宵夜先返屋企都係一個好選擇！丼飯有三個 size 俾大家揀（S/M/L），適合唔同食量嘅朋友，仲有得加 $10-20 轉套餐有小食有野飲~ 食飽飽之後記得自律擺返去餐盤回收處 😉😋 牛魔王飯 ~ 和牛漢堡扒厚度適中，内層煎得好軟熟，而且入口鮮嫩多汁有牛味，仲可以選擇咖喱汁加車打芝士，配埋特色牛魔王醬汁，雙重口味！😋 當家牛丼 ~ 牛肉份量十足，撈埋招牌牛肉醬汁，真係啖啖滋味啖啖肉！店舖有兩層，上層專做火鍋，見到餐枱係一人一鍋嘅設計，但仲未有火鍋供應，期待冬天過嚟打邊爐！

位於旺角通菜街呢家餐廳提供咗多款平價丼飯嘅選擇✨大概價錢都係三十幾至四十幾蚊👌🏻真係兩餸飯嘅價錢就可以食到牛丼飯😍Cp值夠哂高🍽️**溫泉蛋牛魔王飯（M）**漢堡牛扒牛味都算濃搭配滑溜的溫泉蛋食落口感到充滿濃厚肉味加埋溫泉蛋的加持令成個飯更加滑順真係對得住呢個價錢✨👌🏻**炸雞套餐**外酥內嫩的炸雞炸至金黃香脆，肉質鮮美🍗**溫泉蛋鰻魚飯（M）**鰻魚鮮嫩，湯汁豐富不過鰻魚較細條搭配溫泉蛋的滑嫩口感，唔錯呢間丼飯以咁嘅價錢嚟計表現都不俗仲可以選擇外賣，晏晝食lunch夠曬方便😛牛丼家旺角通菜街123號盛世酒店1樓及2樓

🐮牛魔王飯 ＄42漢堡扒牛肉味濃郁 夾開滿滿肉汁湧出非常juicy！ 配自家製 用和牛提煉的牛油 再加上柚子醋 及其他秘製醬料 而成牛魔王汁 享用 味道清新 冇咁膩👍🏻👍🏻🐮咖哩牛肉飯 ＄48咖哩 牛肉 洋葱都好足料 白飯用珍珠米 富米香日式咖哩甜甜地適合不太能吃辣的人 帶點辛香 🐮+$20 升級炸雞套餐酥香脆的外皮 下面就是充滿醬汁香氣的鮮嫩雞肉😋🎃萬聖節限定南瓜湯金黃濃郁的南瓜湯😋甜美又健康🤑畢左業成10年😂拎返張學生証出嚟仲有得減套餐-＄5你唔尷尬尷尬的就是…… #GYUDONYA #牛丼家 #GYUDONYA牛丼家 #牛丼家gyudonya #牛丼 #牛魔王飯 #牛魔王汁 #丼飯 #豚肉 #和牛 #咖哩 #辛辣 #麻辣

去到牛丼飯梗係要叫一份佢哋最熱門嘅牛魔王飯啦佢嘅牛魔王飯基本上係一個牛肉嘅肉餅，然後呢仲會配搭佢哋特製嘅醬汁，醬汁撈飯真係非常之惹味，配牛肉亦更加夾我另外仲叫左一份辛辣牛丼，辣度適中，啲辣椒味道好香濃。牛肉煮得夠入味，唔會太柴，真係一碗讓人回味無窮嘅辛辣牛丼。而且只需要加少少錢就可以升級做套餐，我就揀咗炸雞同埋菜作為套餐配搭，而且仲揀咗冰紅茶，冰紅茶甜甜地幾好飲。而且佢哋仲有學生證優惠，就算畢咗業都可以照用㗎