牛大人台灣火鍋吃到飽 (偉華中心)

营业中

休息中

第二次食呢間邊爐！上菜速度好快喎！ 90分鐘午市放題時間真係唔係好夠！早30分鐘佢就會last order，咁我哋好難遇到其實同埋好快就會過咗一個鐘，等埋開爐整嘢拎嘢等佢滾，嗌咗兩轉已經要落order最後！佢上菜嘅速度好快，每一件食物除咗肉類牛肉即係，你點一份就會比兩件，好似醉雞件，一份就兩嚿，牛肚一份都係兩片！牛肚好好味呀，我哋嗌咗四份total出面有好多蔬菜拎，都幾新鮮！養生湯底其實係有啲雜菜少少藥材，但係唔係好食得出藥材味整體質素唔錯！好在臨尾去廁所見到有個雪糕櫃，唔係真係唔知有得食！不過最後冇時間佢真係準時叫你走！拎咗杯雪糕食兩啖就走啦！有個牛大人代理咗嘅一杯杯雪糕香芋味幾好味喎😍🤗埋單$188 +1一位

今日同朋友去開沙田行街，食飯時間突然間好想打邊爐。鍾意食牛嘅我於是就揀咗食牛大人。台灣火鍋喺香港都有好多選擇，我自己就特別鍾意食牛肉。最推介就係安格斯特選牛板鍵，肉質係有口感嘅牛肉，我就幾鍾意，朋友就比較鍾意五花肉。另外仲叫左牛五花肉，佢嘅肉質比較多脂肪分布，食落去比較鬆化，都算不過不失。但係我哋都係叫咗唔算多，因為都驚食完太漏，食唔落其他嘢😂其他嘢食同普通打邊爐嘅菜式都差唔多，冇乜特別，選擇相對比較少。

平時成日經過都見到好多人喺外面等位，今日終於有機會一試，而且唔駛企門口等位添！咁啱今日兩公婆可以早收工，約埋5點半入去食，平日walk in唔駛排隊，！第一次食就揀個$248美國特級安格斯餐，有多啲肉類款式選擇，如安格斯特選牛板腱、美國PRIME極級肩里肌等。我哋揀咗阿嫲養生濃湯鍋，湯底入面有紅棗杞子，滋補養顏，湯頭濃郁好好味！！唔講咁多住，落order先啦！叫咗新鮮海蝦、沙白，另外，牛、羊每款都叫咗啲，涮10秒即食，好！幾乎食咗一年嘅牛肉quota！即場做會員，仲即刻有9折coupon 迎新禮物！甜品係movenpick或哈根大師雪糕！！可惜120分鐘食得太趕，唔太啱我哋呢啲鍾意慢條斯理嘅人呢，哈哈！好好味，有機會再嚟大擦一餐！！

今日食個午餐，打單入座到上湯底已經用咗10分鐘左右，剛食咗十幾分鐘（即是打單計起半個鐘左右），職員就叫我哋埋單，搭正一個鐘就要我哋交枱，我睇吓隔離左右都有大把吉枱，問可唔可以遲少少，職員話公司規定冇計，咁真係唔夠人性化喇，下次考慮下先。

今日嚟食lunch好彩12:30前到如果唔係就攞唔到飛一入咗就即刻爭取時間叫湯底今次叫咗麻辣同清湯當然有叫佢嘅小食有台式腸！我叫咗三份！之後就狂食牛手嘅質素真係對得住佢嘅價錢平靚正最後一定要食王子麵同埋佢嘅芋頭雪糕！

同家人一齊去食，家人有腳傷拿住拐杖，等位時店員拎張凳俾家人坐，暖心，未食先加分。入座後，叫左養生湯底，好多滋補材料，如紅棗、杞子等，湯都幾甜、冇苦味。花膠，雖然厚身，和滋補湯底非常夾，但口感過黏，唔吸湯味，一般般。安格斯牛小排，唔算好厚，但亦唔係好薄，幾有口感，有牛肉香味，老人家同小朋友食都唔難咬。澳洲和牛M5牛肩卷，牛味係三款牛中最濃，但唔太鍾意佢中間一大片肥😜美國SRF黑牛，係三款中我最鍾意，牛肉夠濃香，油花較少，但肉質鮮嫩不靭，各方面都比較平均。麻辣鴨血，放入鍋後其實麻辣味已經近乎沒有辣味，不過仍然有麻辣嘅香味，只係唔辣，都幾好味。澳洲M9和牛牛丸，好香濃嘅牛肉味，但略為偏鹹。黑松露墨魚滑，黑松露味好香，味道都不錯，只係完全唔彈牙，食滑我都係鍾意彈牙啲。兩個鐘真係食到飽，嘢飲除咗汽水之外，仲有黑糖薑母茶、洛神花茶，選擇都尚算多。打完邊爐仲有雪糕或者甜品送。一家人都食得好飽、好開心，7:30前埋單離座，每位大人都係二百幾蚊，好抵食，下次都會再嚟😊😊😋

台式火鍋開到成行成市，仲要成日大排長龍今次同朋友就試左位於尖沙咀嘅牛品台式火鍋吃到飽喇！湯底有十一款選擇，各有特色，今次我哋就揀咗元氣養生雞湯鍋呢個元氣養生雞湯鍋好足料，雞湯同人蔘鬚味極濃 食物分為自助火鍋配料吧同手機落單上菜速度快, 亦無漏單自取區有唔少選擇，有多款新鮮蔬菜，包括有我哋最鍾意嘅萵筍，好豐富。食物種類齊全我哋今次就揀咗”晚市牛極品吃到飽套餐” – HK$279牛肉非常嫩滑，肉味香濃，油脂分佈平均西班牙粟飼豬梅肉and 豬五花好好食, ️就算煮過龍都仲係咁好食台式火鍋又點少得鴨血鴨血非常嫩滑，放入湯鍋內越煲越入味甜品除咗可以揀Haagen dazs 雪糕亦可以選擇台式仙草凍，有仙草、寒天、 愛玉、 西米、 椰果、 紅豆等好滿足飲品除咗汽水，台式火鍋又點少得冷泡茶呢？選擇有洛神花茶、桂花烏龍、白桃烏龍，打邊爐最啱飲白桃烏龍解解膩

細佬同fd飯聚完推我同我啲fd可以黎呢間飯聚，so be it8點有訂位所以去到等左2、3分鐘就入得要咗中間個放題set牛板腱比美國Prime肩里肌好食，味道中上成個體驗最差嘅位係食咗90分鐘叫我埋單，埋單就算啦，我俾paywave佢要我行翻出去俾，行出去門口俾就算數啦，佢要我擺低我手上嘅野食即刻出去埋，excuse me？我坐卡位埋邊，出去係慢啲噶啦，之後個waitress（probably經理）就企係度啤住我，大佬？係覺得我地四條女窮驚我地走數？係咪傻啊？係你度人均$320你連部portable嘅收款機都無就要我擺低完飯即刻出黎同你埋單？我覺得我個下冇鬧佢我真係好安九：）俾錢受氣，再也不見

餐廳外女職員完全極度無禮貌，問佢有冇位，佢就用極晦氣既語氣同我地講冇位，但之後轉頭就俾左另一邊既遲過我地黎既客人，我明白我地只係2位，人地4位，但該女職員態度極度惡劣及晦氣，完全唔明白我地得罪左佢d乜，以後都唔會再考慮幫襯😓

終於有機會試吓牛大人今日同屋企人噤啱中午路經牛大人，見唔使排隊問屋企人有冇興趣入去試吓，佢哋話冇所謂，一於入去試吓因為中午90分鐘任食放題，係要兩位以上先可以試到，坐低後待應就問食邊款套餐和湯底，我就負責用app落單，app入面有唔同嘅火鍋配料選擇跟據大家之前選邊款套餐就可選邊d配料，不在套餐內嘅就不可選，每次祗可落8碟，入左單可即刻再入，湯底未送到，我哋就出去睇吓有乜飲料、蔬菜、火鍋配料、熟食和火鍋醬料。未有得食火鍋之前，就食個滷肉飯先，飯和肉嘅份量都係自己話事，肉碎和個汁都幾好味台灣濃香蕃茄鍋：好多蕃茄，個湯好濃蕃茄味火鍋配料除左：豬、牛、羊、雞，還有唔同餃子、牛肚、牛腸、蔬菜、和丸類，食物質數都可以山水豆腐：一定要試，入囗好甜好嫩滑，好似食緊豆腐花台灣鴨血：淥幾耐，入囗都係噤嫩滑鹽酥雞、台灣小香腸、甜不辣和梅甘酥脆薯：全部都熱辣辣脆咯咯甜品：香芋味雪糕，入囗好香香芋味基本上食物質數和種類都可以，唯一係用餐時間得90分鐘真係唔係好足夠，淥完唔夠時間食還有好多食物未試，而且夠鐘前30分鐘就 last order唔俾再落單

一行七人，刚开餐时进场，场内无食客。服务员在听到普通话后态度明显变差，只让坐六人桌+单锅，并且在尚未落座时即开始计时并蛮横告知，颇为神采飞扬，潇洒放话“不想吃可以走”。😅可以说是长久以来在香港最差的一次就餐体验，服务员带有明显的个人偏见。其实带有个人的偏见和歧视是常见的，但服务行业人员如此素质，很难评价

一直見咁多人排隊，滿心歡喜諗住食餐好，但食完之後真係唔係好明白點解會有咁多人排隊🙈🙈諗住食個價錢貴啲嘅牛，應該質素好啲。但啲澳洲和牛又鞋口又多根😫坦白講食吉野家一人火鍋d牛仲好過佢，真係冇諗過會有咁嘅質素。冇下次🤮🤮最後埋單嘅時間，原來係計小朋友高度，小朋友只係多咗1cm，其實小朋友着咗涼鞋鞋底已經有2至3cm厚，問過經理堅持要收大人收費，問心出去食嘢咁耐從來未試過一個小二嘅小朋友要收大人費用，如果入座嘅時間前台講明係呢個規矩，我諗我唔會食。重點係澳洲和牛質素唔掂，完全唔值呢個價錢。

約個friend喺沙田食嘢，唔知食咩嘅情況之下揀咗間任食嘅打邊爐，見佢令腐皮，又有啲特色小食好似幾特別，不過食到最後先知原來甜品每人只可以揀一件同埋食到最後發覺又唔食兩個鐘真係唔夠，因為係打邊爐，所以要等嘢食，又要出去拎嘢食，每人淨係兩個人share一個豆，又要排隊拎晒，所以啲時間係好快過！成個過程高食物好似好急 加上點食物嘅困難每一款佢都俾得好少 食物質素就唔錯，不過其實咁樣食任食邊爐係唔太抵， 因為根本食唔得多

我最近去了位於台灣的牛大人火鍋店，試了他們的火鍋吃到飽。這裡的火鍋非常豐富，有各種口味的湯底可以選擇，我選擇了牛骨湯，食材種類也非常多樣，包括牛肉、豬肉、羊肉、海鮮、蔬菜等。其中最令我驚喜的是他們牛肉，肉質鮮美，口感滑嫩，非常美味。除了美味的火鍋食材，牛大人的服務也非常令人滿意。服務員非常熱情友好，不斷為客人提供服務，讓人感到賓至如歸。總體來說，我非常喜歡牛大人的火鍋吃到飽，他們的食材非常新鮮，味道也非常美味。如果您喜歡火鍋，我強烈推薦您到牛大人火鍋店品嚐一下他們的美食，相信您一定會愛上這裡的火鍋。

都去過偉華中心嘅牛大人幾次，每次都覺得唔錯。首先，佢嘅食材新鮮，質素都keep到。係牛大人打邊爐最好係可以揀唔同嘅餐，豐儉由人。價錢都唔太貴。食物種類都算多。有唔同嘅台灣小食，牛肉，仲有自助bar㨂。鐘意食台灣小食嘅唔好錯過。湯底方面，我最鍾意佢嘅麻辣湯底，辣味剛剛好，唔會太辣，但又夠味，真係好正！另外，佢嘅湯底款式好多，如果唔鍾意辣嘅朋友，都可以揀清湯、芫荽湯，酸菜白玉等等。可以揀1個湯底或者兩個湯底都得，不過兩個湯底要加少少錢。嘢食方面佢每次上嘅分量唔太多可以滿足食多啲款式嘅慾望，唔錯🤣。嘢飲方面好鐘意冷泡茶。次次好鐘意飲烏龍桂花茶。而佢嘅嘅服務都算係正常。每次落單都冇話漏嘅。次次去都食足90分鐘，食到好飽。