牛奶冰室 (麗城薈三期)

营业中

休息中

呢間連鎖店算長期幫襯。唯獨呢間分店服務水準特別差，已經唔止一次外賣等太耐。今次下午茶時段點了一個蔥油叉燒飯加杯熱奶茶。20分鐘未有追一追個店員，話未有咁快。okay我再等....期間我見都只有3-4份外賣出單。過10分鐘後再追，今之終於有call入廚房追單。5分鐘後有了！想講下，眼見到廚房最少都有4位員工。堂食都係10個客人左右，重要3點下午茶時間，可以一個飯加杯飲品要三催四請先有，有點過份。臨走時表達一下不滿，店只都係回應一句“太多單了，做唔切！”補足一句，之前都一樣外賣等過好耐，重遇過不禮貌冇耐性嘅店員。今日不是她算慶幸了，三次機會夠晒了，決定不會再幫襯呢間。

等一支唔洗沖嘅奶 等左我20分鐘 我先追 你地無唔好意思都無 仲要話你推我我推你 話有人霸住部機睇唔到漏咩 又話唔係你負責呢個位 我大大張單擺向枱 你唔睇我漏咩 機係死嘅 人係生嘅 變通唔識 等執啦 態度簡直無法接受的惡劣 不是服務行業應有嘅態度 難怪依家無人想留香港消費個個北上 就因為有你地呢啲甘嘅侍應 你忙唔緊要 我都等左 20分鐘啦 你地仲想我點 調轉要我同你地道歉嗎 我搞到你地忙嘅 漏左錯左就認 唔好甘嘅態度對客 香港唔死就有鬼 有你地呢班唔咩人做做代表

叫個早餐拎走，25分鐘都未有，員工手腳慢，我問個前台幫手睇下張單因為已幾個字，佢話「有就會拎出黎架啦」。全線都唔會再去，員工冇禮貌，浪費時間仲要受氣。。。。。。

我明白新年返工系吾gur ,但係有冇搞錯居然可以將成大塊豬扒完全整到一D 肉嘅纖維感都冇😖完全顛覆左我由細到大食肉的感覺，食落口等同食打邊爐淋哂嘅響玲一樣，真係有冇搞銀錯🤬我系度奉勸大家一定吾可以食成個荃灣麗城薈都係劣食🤮

早一兩年開張嗰陣時好好，之後係咁喺減食物材料，午餐等半小時後已經變成正常Standard唔夠膽再去，根本廚房唔夠人，公司有人都係咁cut啲食物budget。已經試過幾次，過咗一排諗住去有改善，一模一樣，不能接受我覺得只係可以接受到佢哋嘅早餐，午餐同埋晚餐一律不考慮。早一兩年開張嗰陣時好好，之後係咁喺減食物材料，午餐等半小時後已經變成正常Standard唔夠膽再去，根本廚房唔夠人，公司有人都係咁cut啲食物budget。已經試過幾次，過咗一排諗住去有改善，一模一樣，不能接受我覺得只係可以接受到佢哋嘅早餐，午餐同埋晚餐一律不考慮。

每次叫外賣，講明不要餐具，但每次都不聽指示，最叻係每一次都唔聽，唔係間唔中。今次又執漏咗食物，唔係每次咁得閒，為咗嗰啲食物又要特登返轉頭。唔知呢間公司係唔係請唔到啲醒目員工。如果冇就叫隔籬嗰間過去幫手。

今晚求其食，簡在最就近既餐廳，食左個蔥油雞扒飯，都幾咸下，蔥油唔知點解唔係平時食開果D，生生的，唔係太好食，雞扒份量都可以，但就乾身了少少，最後成碟飯食左一半左右！

第一次食個飯係辣到食唔到😂😂😂😂，味道係好味的，賣相又ok,但真係辣得過晒火，又麻，我已經算食得辣，但真係食左4份1左右都頂嚟順😭😭😭😭😭🥲😭😭

首次來這間茶餐廳食晚餐，雖然小菜的選擇不多，倆口子叫了兩個小菜一個燉湯。燉湯味道非常好味，後尾想在家單都已經售罄，至於兩個小菜份量都算多所以整體都滿意。唯獨係員工可能因忙碌，人手有不足，有需要注意，有需要改善的地方。

食晚飯叫左兩樣野，焗黑松露雞扒飯$62同鹹蛋芥菜湯飯$62。鹹蛋芥菜湯飯一嚟到發現有一條小昆蟲，於是換左牛肉湯河$48，店員話無得取消，要口頭上同佢order，仲提我個餐唔包嘢飲，我本身order有小昆蟲個餐都唔包嘢飲，點解要特登再講一次？奇奇怪怪咁。埋單時，男仕應負責收錢（可能係經理掛），佢計咗我哋原本嘅價錢，我哋同佢講返，你同事已經幫我對轉左另一樣嘢食，佢不禮貌地問我哋「轉左乜嘢呀」，答左佢，佢聽唔到又再用差態度問，我地好大聲講多之轉左牛肉湯河，佢唔出聲，我哋唔係用好貴價錢食嘢但唔該互相尊重。商場冇乜餐廳可選擇，但一定唔會再幫襯，本身間野開始嘅時候都唔錯，依家食物同人都越嚟越差。

諗住普通去過茶記食餐快飯，打開餐牌竟然有酸菜魚，咁就一於試吓啦😆😆🔥酸菜魚： 酸、辣、鹹 剛剛好，魚片份量不錯，佳之選！🔥鹹肉炒椰菜花🥦🥓：味道不錯但肉太少，食完仍然有點空虛😂😂但飯量夠一個大男人食🍚🔥常餐：正正常常規規矩矩呢個份量足我哋夠兩大兩小朋友食

最近去開荃灣做嘢，經過麗城花園，想搵早餐食！揀咗好多間最後見到牛奶冰室裝修幾靚，我決定試吓！嘢食唔差，食物速度算快，唯獨男同事服務有待改善，整體大致合格，欣賞用QR code落單！方便快捷，地點都幾方便於三期商場。豬扒比較乾身, 但份量都可以, 應該係用油炸, 如果厚度多少少會更好公仔麵🍜，麵身好似福麵，軟硬度適中！湯底略為普通，如加麻油香會更好！炒蛋唔錯，多士為乾身, 建議使用丹麥包會更好凍奶茶，平平穩穩！我覺得都合格

OK 下午茶今日去麗城有探人，順便睇下麗城商場個環境，又真系所有民生需要都有，行完搵間餐廳食下午茶，意樂食得太多，於是搵旁邊哩間牛奶冰室，後來至知道同意樂系同一集團，難怪質量有一定保證雪菜肉絲炆米（$43）4分- 雪菜吾鹹同份量都夠，系肉絲同所有餐廳一樣小得可憐，炆米味道甜中帶鹹，幾和味，又吾會太”淋”-熱檸檬水 哩個系最吾中意哩個集團的唯一地方，就系吾用真檸檬，而是用濃縮果汁加水。吾系哩個餐可以5分奶醬多（$29）2分- 份量有三塊方包，比一般多，奶比較多但無乜練奶味，花生醬雖然需粗粒，但無花生香味，多士邊系脆但個心就勒，估計系整定一批翻丁，吾系就吾知道乜原因。

❣️爆漿拉絲菠蘿包 $18邪惡嘅時候又來臨了😆😆😆大大個 兩個人食都得當早餐又得 3點3下午茶又得菠蘿皮脆脆 麵包嘅軟熟 流曬口水🤤凍左嘅話 叮一叮返 口感依然在🔥仲有‼️仲有‼️爆多芝士 切開一半留識得出黎🧀met開仲係會有拉絲效果芝士迷come come 必定要整返個歎下✨

買過幾次外賣早餐，其中一次俾少咗炒蛋多士，另一次就俾少咗餐肉，流心蛋就變咗熟蛋，買嘅時間又唔係繁忙時間，次次俾少咗食物，早餐價錢等於變相加價，多次發生這種情況實在不合理😡😡😡