牛奶冰室 (廣田商場)

营业中

休息中

病咗幾日，留喺屋企，今日見好喲，落街攞速遞，順便食少少野。幫襯咗一間喺屋企樓下，開咗幾年的冰室。牛奶冰室 (廣田商場)📍藍田碧雲道168號廣田商場地下2號舖胃口仍然麻麻，點選了餐肉蛋治🥪，餐肉厚切，蛋味香濃，三文治免費烘底。飲品點選了熱冷壓檸檬🍋茶多檸檬，飲落啖啖檸檬肉，感覺上增加了不少維他命C。呢間餐廳有啲驚喜畀到我，三文治可選兩塊麵包或三塊麵包，可選烘底或不烘底，$31包熱飲，對得起價錢有餘👍🏻👂🏻聽到隔離枱點厚切午餐肉半焗流心蛋飯蔥油飯，也是有免費升級三蛋🤩，店員主動問客人，真心覺得服務貼心❤️見到隔離枱啲雞翼好靚，忍唔住打包叫了三隻$12🤣一向覺得我住的附近冇啖好食，今次有意外收獲。

外賣自取炸雞髀薯條，落單後20分鐘落到去，等多十分鐘先有，有個堂食等到唔耐煩取消咗，我等多一兩分鐘外賣到咗，哥仔拎住我個外賣去到收銀處個陣我已經同佢講號碼表示呢個係我嘅，佢擺底係外賣處用手指指住個外賣，又唔拎俾我，收銀入邊仲企住一個人，2個都唔拎出嚟，想點？

普通落街食個飯既街坊冰室味道當然一般雪糕紅豆牛奶都大杯餐具有用心都精緻跟既多士厚身如果再烘脆啲就正啦薯條就似用黎吸油粟米都還可以啦是日唔使排隊落街食個快飯係可以既

我8點40分諗住同屋企人趕係9:30前食晚餐。然後呢度個男侍應係我一坐低果刻就叫我快啲嗌，我地用左三分鐘落單。一到8:58就係樓面大叫兩分鐘咋…呢位男侍應不停睇錶…收餐牌…行黎行去…在座仲有客人係度。仲有啲叫外賣客，男侍應都話仲有一兩分鐘問其他樓面同事接唔接，其他樓面侍應都好好話仲有時間可以堂食埋都得。一到9:00呢位男侍應就行埋黎話hello幫我埋張單。唔該都無聲。最後我地9:15分就已經離開總括而言準時收工係必須，但係唔使做出面呀嘛，客人睇到好大壓力囉，亦都食得好唔舒服。希望呢位男侍應修飾下想收工既態度。

朝早係藍田藍體育館打完波過左去廣田食lunch 見到呢間冰室唔洗等位就入左去 大概11:30 左右裝潢幾新 幾乾淨 用apps 落order叫左一個番茄汁雞排蛋飯 雞排煎得香脆 幾大塊 肉汁仲保留到 個蛋好滑 整到蛋包飯咁 應該加左牛奶 番茄汁好濃 配上日本米 份量都剛剛好 最特別係杯凍檸茶 落單個時已經覺得懂 原來係用檸檬汁加落茶底到 第一次飲 發現幾特別 比一般檸檬茶酸 反而打破對一般凍檸茶既概念 一個餐六十幾蚊 算唔錯 不過地方比較偏僻 唔近地鐵站

麻甩專員無論快餐定連鎖店都會照食，今次帶大家去呢間連鎖店冰室食lunch專員見最近個天氣有濕有熱，叫左個麻酸辣魚片頭炸響鈴米線($55)連熱飲諗住可以開下胃口大概等左13分鐘左右先上餐以賣相黎講，碗米線都算有合格嘅分數，魚皮頭份量多，另外有兩條炸響鈴(但可惜其中一條上檯時已經浸左入湯)以味道黎講，湯底未見有突出，酸味過多但又唔見有酸菜(應該係加左醋?)，辣味以死辣為主，食唔出有層次嘅辣味魚片頭可以，一碗有6粒算係幾多但可惜響鈴唔應該放入湯到，如果分開上就會比較好，因為未開始食嘅時侯已經淋晒另外湯內佐料應該有一堆炸大豆? 並唔係花生。配米線一齊食嘅感覺顯得有少少奇怪，食唔出特別之處。麻甩專員係到提醒大家食米線都係去返食米線專門店好d不過當然下次有機會可以試下叫其他食物食啦----------------------------麻甩專員評分區店內環境: 6/10食物外觀: 6/10食物味道: 4/10整體分數: 6/10翻食指數: 5/10 ----------------------------

裝修咗好耐，終於開業了。拉絲菠蘿包皮夠酥脆 配芝士拉絲 好食黑糖西多士 內有花生醬 瑞士汁雞翼撈面餐面不是瑞士汁，似豉油撈面滑蛋好滑 幾好食蒜蓉多士 好香脆下次有機會試下食早餐先

呢間餐廳最近新開 其實同之前嗰間係同一個集團 不過裝修完改咗個名.星期日朝頭早諗住去食個早餐 我哋一行三個人 點知啲員工係咁安排俾啲後面兩個人既入去 見到入面明明有連住兩張枱都唔俾我哋三個人 安排10分混亂 要我哋等咗大概35至40分鐘先入到去 真係嘥我時間.入到去發現餐廳比以前光猛左 每張枱亦都細咗所以位置多咗 .餐廳係用QR code落單 但係我覺得唔太user friendly 如果係老人家可以舉手叫員工幫手.沙嗲牛肉即食伊麵 （$32）$32只係有一碗麵同嘢飲 如果想要蛋同多士就要另外再加$8沙嗲牛肉不過不失 即食伊麵你平時食開嘅公仔麵彈牙火腿濃湯通粉 （$34）通粉就包牛乳炒滑蛋同蒜香牛油多士個湯底係奶白色 飲落都幾滑 有少少奶味但係入面加咗啲菜心粒 煮得唔夠林 食落好硬 同冧冧嘅通粉唔係好夾熱咖啡都係一杯普通嘅咖啡 咖啡唔係太香 但係都滑既

屋企樓下新開業來試試,中午1:00左右全店滿座厚切豬扒勁香蔥油飯真係好正,豬扒夠厚, 夠香, 夠霖,蔥油勁惹味,勁力推介凍鴛鴦走甜都好味下次想嘗試""蒜香蜜汁叉燒蔥油飯""