影片
开饭介绍
日式自助石燒牛扒店，牛扒有不同部位及重量選擇，均經過熟成處理，會由師傅先煎至一成熟，再放在攝氏300度的火山石板上，客人可按喜好自行用石板燒至理想熟度。牛扒餐皆附自助吧，可任食沙律及飯。
继续阅读
营业时间
今日营业
11:30 - 23:30
星期一至日
11:30 - 23:30
公众假期
11:30 - 23:30
公众假期前夕
11:30 - 23:30
以上资料只供参考，请与餐厅确认详情
-
网上订座服务暂停
相关文章
今日經過旺角，過嚟試咗呢個石板燒， 由於本人好鍾意食鵝肝所以嗌咗個鵝肝牛肩， 唔講好唔好味住， 一見到啲嘢食就 wa咗出嚟, 呢個價錢食到鵝肝都算， 仲要咁厚， 自己燒到塊鵝肝外脆內軟， 個牛肉又好重牛味，值得一試
继续阅读
牛極真係一間平民扒房，最平既牛扒餐可以70蚊就有找，仲要可以任食白飯、沙律同埋湯，所以我同朋友成日都會去食，最中意叫既係牛肩扒同埋牛柳，牛肩扒性價比最高，而牛柳就比較冧，不過最抵讚既都係佢地果個牛肉湯，好足料又有牛味。開心Share一下去牛極食野既隱藏食法😋#牛極 #石板燒 #牛扒 #石焼き牛タン #gyuugoku #gyuugokustonegrillsteak #日本火山石燒 #食玩 #吃喝玩乐任你玩 #yunmy #隱藏版美食 #隱藏版 #美食 gyuugoku
继续阅读
好耐冇幫襯過牛極，心思思呢排好想食牛肉，所以決定今日收工過黎一飽口福☺️俾咗錢之後，飯、湯同埋沙律係以自助嘅形式可以任食😍🔖牛肩扒配鵝肝 150g （$140）好少見可以配埋鵝肝，即刻嗌咗一份試吓。鵝肝煎咗之後油脂咇晒出嚟好香☺️用鵝肝嘅油脂去煎埋牛扒，連塊牛扒都有濃濃嘅鵝肝香味，超邪惡😈🔖亂切牛扒 300g （$160）如果男仔驚食得唔飽嘅，可以試吓嗌呢個亂切牛扒，份量多得黎，又可以食到唔同質地嘅牛肉，好正🥰湯係類似羅宋湯嘅口味，入面有蘿蔔，紅蘿蔔洋蔥同埋牛肉，勁足料🫶🏻沙律好新鮮，上面仲會包住一層保鮮膜，衛生之餘又唔會令生菜流失咗水份，所以食嘅時候仲係索索聲🤣飯就煮得麻麻，唔係粒粒分明有啲黐住一舊🥲不過有得加海苔，睇落賣相更佳👌🏻環境坐得舒服，但地下唔知係咪因為長期煎緊牛扒，變得地下真係好跣😥如果地下可以留意返多啲就好付款形式：有部機可以自助落單，如果想用Visa卡俾錢，都有個專for Visa卡嘅QR可以嘟。
继续阅读
當晚，我踩入呢家石燒牛極餐廳，氣氛啱啱好👌，人流湧湧但冇到嘈雜。一坐低，我哋就揀咗牛柳同牛肩排。牛柳正宗滑嫩，好似絲綢咁貼舌頭，肉汁自然而香濃，真係會嚟電呀⚡！牛肩排厚實得嚟唔失嫩滑，每一啖咀嚼都感受到牛肉嗰種鮮美。飯菜之餘，沙律菜配嗰胡麻醬清新得嚟又解膩，攪拌勻嘅醬汁仲有微微芝麻味，頂呱呱！用嗰石板滋滋作響，好有趣味，可以按自己口味調教熟度，真係話得手即搞掂。😄食物旁邊，自助區豐富嘅醬料仲可以配合個人口味去改味，蒜蓉同燒肉汁齊齊用，真係有種“開心到飛起”嘅感覺。底線就係，牛極呢家店提供嘅唔只係一道美味嘅食物，而係一個親手打造自家味道嘅旅程。負責任講，呢個晚上嘅用餐經歷真係一流，無論係環境、服務定係食物質量，都值得再嚟！🍴🥩👍
继续阅读
任飲湯任食飯同沙律🥗自助吧。店舖位於女人街，由旺角地鐵站行過去6分鐘左右。今次我就嗌咗牛柳鐵板燒，圖入面喺150g，牛嘅質素喺幾值呢個價錢，大概$150左右，就唔需要+1的！⚠️ 將牛柳佢切成細舊去燒會容易啲熟，同埋都會容易啲掌握成個肉嘅火候，因為始終佢上枱嘅時候你都會見到佢係完全唔熟，會有血。⚠️當個鐵板如果已經唔夠熱嘅時候都可以向店員更換一個新嘅鐵板，你只需要同店員示意想換塊鐵板，無需將啲肉放喺另外一個碟上面，店員就會自行幫你處理。⚠️同埋留意番整個用餐時間其實係大約90分鐘，始終店裏面嘅環境唔係好大，應該係為咗提高入座率，作為客人呢個都完全理解。
继续阅读