牛極 (雅怡居)

营业中

休息中

牛極聽朋友講牛極既鐵板牛好好味性價比又高，於是一齊去試下，門口有部日本好多餐廳都有既買票機，真係好特別，點完餐之後入座就可以去拎海帶麵豉湯，沙律同埋飯。飲完湯，食埋沙律🥗個鐵板牛就到啦我地叫左牛柳同牛肩脊，第一次食真係唔知原來係外熟內生再慢慢燒到自己中意既熟度。兩款牛都好香口，牛肩脊真係好香好好味，燒一燒點個汁配埋白飯真係好正。牛柳都好好味，好香牛味又好滑。邊切邊燒真係好有特式，個感覺好似去左日本旅行咁，掛唔之得之前見咁多人排隊食啦。

今日去左深水埗間牛極食晏晝飯，點左兩份牛，分別係牛柳同牛肩排。依間舖好日式，因為有部自助售賣機，按照自己想食咩，俾錢出飛。依到湯同埋飯都係隨便任裝，我覺得好好啊，唔夠可以隨便出去裝多碗。今日既湯係牛肉羅宋湯，好好味，意想唔到d湯堅有牛味；不過既然日式，我會更加想飲味增湯！D飯好好食，珍珠米，粒粒都好煙韌，而且可以自由加d飯素係飯面，好正，就咁都食到一碗飯！牛柳同牛肩排都好大份，牛柳比較嫩；而牛肩排就有口感，兩塊牛扒食落都唔差！佢地都係係熱石上俾食客自己煎，熱辣辣好適合家下咁凍既天氣去！

開始入冬 緊係去日式鐵板燒店 燒一燒😚😚之前見介紹 終於去嘗一嘗😋😋日本和牛,牛柳,西冷,款款都係熱辣辣即食😍😍呢間係有自助販賣機的👉👉也有自取食物區 牛肉羅宋湯 沙律 檸檬水 同白飯都任裝架🙌🏾🙌🏾個湯落足料啊 同鍾意佢個沙津醬 大食嘅我食左兩大碗☺️🤭😳飯桶係我性價比好高 價錢又唔貴💕💕🙌🏾值得一試啊另外就簡左👉👉牛柳 200g ($110)西冷下的牛腰肉，係全牛最嫩的部份💕💕份量都好大 厚切🔪😋😋牛肩排 180g ($80)岩唒我😚鍾意偏瘦 重點係好扺食 塊牛同我隻手咁大啊😻自己燒最正 可以決定熟度

牛柳同牛肩排 2款都好好味早半年係荃灣食過好好味既鐵板牛😍今次食都係咁好味 牛肩排肉質好冧好易切，肉味都唔錯，加鹽同黑椒最夾，原本係一成熟，係石板煎一陣就食得，煎耐少少肉味會更出更好食。而牛柳肉質就冇咁冧但肉味會更加濃，同埋比較厚，煎一陣食最好，煎得耐d肉就會韌，除左鹽同黑椒，落燒肉汁都好夾。兩款肉都好食，牛肩排set好抵，$80已經食到，再加任加既湯，沙律同飯，CP值好高，真係好似去左日本咁。 門口仲有買票機❤️給你旅行既感覺。

係深水埗行到又倦又肚餓, 見到呢間食牛專門店, 首先在門口自助購票機買野食後, 便由店員安排入座, 店員介紹沙律、白飯同麵豉湯都可以自助形式任食, 沙律是用椰菜絲切到條條幼細，配埋車厘茄新鮮爽脆，另尚有胡麻沙律醬可點,  開胃之選, 麵豉湯是用海帶、冬菇&豆腐煮成, 煮得夠濃味.   牛扒放在石板燒上，生熟程度由自己控制，視乎個人口味。 -牛肩排 (180g)
牛肩排肉質雖然冇牛柳咁軟嫩，但相對扎實些, 食落爽彈有嚼口, 牛味香濃. 加配埋蒜片…調味料, 令味道更加升華!  -牛柳 (200g)
牛柳比起牛肩排冇咁肥膩, 但肉質非常柔軟肉汁豐富，牛香而且油脂分佈平均，真係幾好味, 唔夠飽加埋一碗珍珠米白飯, 夠晒滿足.  而且價錢好抵食!

終於去左一直好想食嘅石燒牛啦，今次又黎到深水埗搵食，呢間石燒牛最平$80都有！仲要包埋個min bar, 可以任裝沙津、湯、白飯，連醬料，仲有提供味素可以加上飯到！我就試下叫最平既180g 牛肩肉，睇下咩質素先！石燒牛放係石板上，一上台已經好香牛味，餐廳有埋圍裙供應，唔洗驚油煙彈上身到，可以放心食！牛肩肉幾嫰滑又唔會過淋，油脂分布幾平均，牛味突出，石燒比較快熱，大家可以因應自己想食幾多成熟而燒幾耐，呢個價錢來講絕對抵食！

近排都好多唔同嘅石燒牛出現，而深水埗呢間都係相對抵食! 最平$80 就有交易，仲要湯, 沙津，白飯都係任裝，一定夠飽!叫野食只要係門口買飛就得都都幾方便，今次就試左180g ($80) 牛肩排 同 200g牛柳 ($110)一黎到石燒熱騰騰都咪話唔吸引，牛味都幾香，仲有牛油紙係面插住唔驚彈到周圍都係油👍店內仲有圍裙提供，真係夠哂細心😉 不過石板真係好熱，如果唔想牛肉過熟就要快手啦XDD先講牛肩肉排，肉身有咬口，油脂分布都幾靚，牛味突出😚😚真係唔錯牛柳的話肉身會較淋，油脂更多，一口肉汁就彈哂出黎，牛味較牛肩仲重，好味!😍重點係牛嘅份量真係唔少，就算唔添湯同飯，其實我地兩個食肉都已經好飽，性價比真係無得輸😋

經開深水埗夜晚想唔食太多野，上網搵下有咩好野食，搵到附近有間食石燒牛的店好多人推介，一於入去試下啦🤩呢間有成8間分店咁多，入到去係用自助下單機點餐，之後就可以入去簡埋飯、沙律、湯和檸檬水和醬汁，鍾意拎幾多就拎幾多，我和老公就點左牛柳和澳洲牛肉眼🥩🥰睇下好唔好食先😆1️⃣牛柳200g $110之前都有食過幾間石燒牛的店，我覺得呢間的牛柳相對比較好食，夠哂嫰口，牛味比較重，點埋點醬汁一齊食好惹味😋如果配搭埋飯撈埋一齊食，味道一流👍🏼2️⃣澳洲牛肉眼200g $110之所以點肉眼扒係因為唔想食純牛肉扒咁寡，所以有少少油花的肉眼扒就岩晒，本身都驚佢點肉眼扒肥膏超多，黎到之後見到肥膏岩岩好，好有驚喜，肉質鮮嫩重牛味，唔會好似出邊食超大舊肥膏

呢間小店之前已經幫襯左好幾次，真心性價比高，今次我叫咗全場最平嘅餐牛肩排180g，都係$80⋯連沙律、牛肉湯、白飯，超級抵食⋯係自助售賣機點完餐就可以等佢哋送餐嚟啦。喺疫情之前，沙律、牛肉湯同埋白飯都係自助取，而家就係跟餐來。調味同埋水就自助取。放喺熱石嘅牛肩排成寸厚，大大件冇骨又冇根，而且好鮮嫩，切開睇⋯肉仲係紅色，可以自己控制熟嘅程度。職員仲話熱石唔夠熱仲可以換個牛肉湯真係超級好飲，我飲咗三碗，連湯入邊嘅肉都食埋，勁正

因早前腸胃炎搞到冇啖好食後，突然勁想出去食下嘢！今次好想食肉，所以去咗平民石燒牛餐廳 《牛極》開餐啦！都已經忘記咗嚟過幾多次了！因為依家潮流都興呢類平民扒房，一般只係百零蚊就可以食到飽飽！價錢超級親民！今次點咗一份200g 嘅牛柳，都只係HK$110蚊，而且個湯、飯同個沙律都可以添食的！塊牛柳切開仲帶紅，望落去都唔錯呀！食落都好嫩又夠肉汁，不過建議牛柳唔好留係熱石太耐，因為都熟得幾快，建議盡快切開同㷫一㷫佢就好上碟啦！個人覺得佢碗牛肉湯都幾正，我飲咗成三碗呀！真心好味又足料！以呢個價錢可以飲到咁濃嘅牛肉湯真係難得！食完超級滿足呀！

疫情下無得晚市堂食，唯有間中下午係外面食個飯！ 突然想食下肉，咁之前都食過牛極都覺得ok，所以星期六就去咗深水埗分店(不過我係長沙灣站出，比較近）去到等咗陣就入得。。。流程都同其他一樣，店員安排坐位之後買票！坐門口位。。個自動門經常又開又關。。。真係幾煩。。又熱。。。不過無辦法自助飯，湯，沙律收起左。。。由店員跟餐比 飲住湯等。。都幾多料個湯好快就送餐嚟了。。。點知見到無飯。。。好似話d飯未得？？ 咁都要等嫁啦。。點知都幾耐下。。。d肉都熟曬。。。再三追問店員先話d飯要再等5分鐘。。。下？ 咁我叫佢哋收番個餐等飯再比過。。。等個飯都等左10分鐘都有。。比番個餐一睇。。。d肉無比過新。。。全部熟晒仲燶咗 真係呢。。不過費事當面嘈，求其食完就閃。。。無下次！ black list

一路都知道牛極嘅石燒牛好出名抵食，今日去開深水埗買電腦零件就決定去品嚐下佢哋嘅石燒牛。😋入到去好似日本餐廳咁有一部自助售餐機😍，我哋就揀咗牛肩排🥩同埋牛脷。買完票交咗畀店員之後，石燒牛🥩就好快上枱。牛肩排燒得外脆內軟，入面燒到啱啱好粉紅色，仲好有牛味同埋好juicy，呢個時候食就最啱，肉質超級嫩滑，最緊要係油脂分佈平均。😍牛脷亦都好淋好入味，同埋都係一樣好有口感。提提大家呢度嘅沙律、飯同埋湯都係無限任添👍，食牛嗰時點埋佢哋嘅蒜蓉、燒肉汁同埋辛辣椒汁會將食物層次再推高，同埋絕對好有日本風味，鍾意食牛嘅朋友絕對唔可能錯過牛極！🥰

自助形式既石板燒牛扒🐂聽就聽左好耐終於可以黎試下一入門口右手邊就有部自動售賣機分別有6款唔同部位 唔同gram數既牛肉比完錢就將張票交比店員,就可以去自助吧到拎湯🍲 & 白飯 & 沙律🥗,另外 牛扒既醬汁都可以係度拎埋, 有燒汁, 蒜蓉汁 同 辛味燒汁除左雪櫃入面既飲品要另加錢之外,餐廳仲提供埋檸檬水🍋, 另外 好抵讚既係 為免比油脂彈親 除左提供埋一次性圍裙之外,上菜果時亦會先鋪上張厚紙巾而自己燒既好處係熟度可以自己選擇除左自助吧有醬汁,檯面都有岩鹽同胡椒粉等樽裝調味牛柳200gJuicy得黎啖啖肉 肉質較鬆軟鮮嫩牛肩180g厚度好足夠 加上少少岩鹽已經足夠提升肉既鮮味肉質彈牙 牛味濃郁

難得放假的一日，想食得開心d，所以決定encore燒牛排。今次揀左最平個款牛肩排（180G) $80 連餐湯、白飯、前菜。餐湯、白飯、前菜係任食既。餐湯係蕃茄牛肉湯，個湯蕃茄味好濃，牛肉都幾軟稔同埋湯有牛肉味。個牛肩排有手掌咁大塊，一上菜個時個熟石好熱，聽到燒牛排既吱吱聲，就知道係時候開始自煮牛排啦！打左個卡先，個境都幾靚嫁！注意，牛排上菜個時得一成熟，要自己切成一塊塊慢慢係熟石上煎。我鍾意厚切牛排，大家可以按自己喜好切成岩食既厚度，要注意牛肩排比牛柳難切少少。差唔多熟所以就拎左三種醬油（左起：辛味燒汁，蒜蓉同埋自家製燒汁）個牛肩排牛肉味都幾重，我比較喜歡點自家製燒汁中和一下味道。賣相唔錯我要開動啦！拎起一塊牛排，點完醬汁再餸飯，好正！呢個價錢算幾抵食嫁！下次要同朋友一齊黎再食過！

朋友介紹呢間石燒牛扒好正， 今日就同朋友一齊嚟試下! 一入到去，見到自動點餐機簡直係一個驚喜 ，用一為喜歡好似日本咁 ，喺自動販賣機選擇喜歡的食物。餐廳供應一成熟的牛扒 ，之後可以按個人喜好，將牛扒切成小塊，燒出心目中的熟成度。 我鍾意食六成熟，今次就試下睇下燒唔燒到先牛柳$110/200g油脂分佈均勻， 咬落很有油香。 揭開塊牛扒看到裏面色澤鮮嫩 ，很有牛味 。牛柳比牛肩扒有咬感， 加埋喜馬拉雅鹽同黑椒， 已經相當好食， 亦可以跟牛肉醬汁 提升味道。很喜歡這個自己石燒這個概念 ! 因為想吃生啲又得，想吃熟啲亦都可以自己控製到! 今次整六成熟都燒得不錯大滿足!另外有麵豉湯 ，白飯同埋沙律任裝， 麵豉湯好好飲飲完一碗都唔夠，要裝多 一碗先夠喉！ 喜歡石燒嘅我哋，一定會再幫襯!