牛欄牛什粉麵

营业中

休息中

一諗到牛肉麵，真係山長水遠都要去食佢。佢個牛三寶麵真係好好食！揸車既朋友可以選擇依間麵店，因為鋪後街又有得泊車，勁多車位好方便。又平靚正，依家咁正既牛肉麵真係去邊搵！

最後一個小毛球都走了，人是渾渾噩噩的，小人漫無去處哭著四圍亂走……路經此地，反正都要填飽肚子，小人胡亂地來個豬手牛腩麵，豬牛兩溝。先喝口湯，雖然鼻子勁塞，仍然聞到牛香，不是很油，蠻不錯的。豬手好爽，充滿著骨膠原，香而不膩，啖啖肥美，是正貨。牛腩更是頂好之物，有肉香而沒有渣，肥美得勁掂，肉與肉之間是絲絲緊扣，卻又腍得一咬即開，應該是小人吃過最濃牛味的牛腩！下底的粗麵不過不失，欠些香蛋味。傷心要有止境，小猫兒多可愛都好，但小人實在不能再承受再一次的傷痛……

今日突然好想食麵，同同事來了這裏，叫左碗牛腩水餃粗麵，同事也是食牛腩水餃，但就食幼麵。d麵好快來了我的牛腩好肥呀，不過係好淋好入味的，份量也不少，好多葱粒，湯底也好香牛味，但太多油。粗麵好味，爽身又不會過淋，吸晒湯汁好味。水餃好大粒，入面有木耳，蝦同豬肉，好爽口，又夠鮮甜，呢個水餃好好味！！同事的牛腩冇咁肥。好淋好入味的。還是有好多選擇，價格亦好合理，所以都好多人的。同事也說上次冇咁多油的，亦不很肥。

店裡跟店外都很重牛味道叫了牛腩牛筋河跟淨水餃下午茶時間還送汽水或豆漿先喝口湯，味噌不重而且很重牛味牛腩很腍，完全不黏牙牛筋很爽，水餃又足料.門口又可以停車邊吃邊看車.

🐮牛腩麵 $36🐮係我食過最最最最好食嘅牛腩麵😍😍其實呢間好出名 蔡瀾同好多名人都大讚👍可惜地點唔就腳 但成日路過都好多打工仔/街坊食🙆🙆牛腩每舊瘦肥平均 大概7:3比例🐮🐮肥的部分油香濃郁 入口溶化 不會成舊肥膏 不膩濟☝瘦的部分亦不乾柴 一抿也會散開 牛味還不錯☝麵的部分超彈牙 條條分明有麵香🍜最上癮一定是辣椒油 非常香辣帶少麻 超超超愛😈😈同埋真係好平 有成7-9舊牛肉喎😱😱.轉湯河 是鮮甜牛肉湯 有蒜粒配襯 也是非常大推😍😍

黎到荃灣想食滑滑河粉，唔太諗到邊到有，咁岩去到一邊醒起有間叫牛欄既粉麵鋪！第一次試佢！同友人叫左一碗牛腩河，一碗牛雜河，係餐牌上頭兩款，黎到個樣係ok喎！碗粉唔算細，比出面一般既大碗，餸份量都唔會少。牛雜係幾靚，但牛腩更加出色，紋靚肉腍唔韌有趙口，又唔會過肥。但係都有敗筆，河粉只屬一般，唔叫得上滑。個湯味道不差，應該係落足料，但係肥左啲，如果可以隔走啲油，令個湯清純番啲，應該可以更上一層，令人回味。另外叫左個腐乳芥蘭，幾好，跟粉麵係優惠價11蚊(雖然出面再平都有)，爽口翠綠！環境企理。第一次黎食的話，推介試試牛腩，但唔好預河粉會夠滑。

Beef brisket was dry and stiff, almost like beef jerky.  Soup was spicy, not exactly sure why.  My friend said his curry was "weak." Complained to the boss on the way out, and he had the audacity to say "don't order it next time..."

邊年前睇報道…認識左【牛欄】…就即刻通知嗜牛雜o既姐夫去試食…佢一食就變左擁躉啊!!...但我哩個”介紹人”就遲遲未有機會走尼試…直至今晚約左大姊嚮附近…就讓著好想要自己試一試…都太耐冇坐低食碗牛雜耶!!...地點吾難揾…而且有【牛欄】大大两字o既光管招牌……只係果頭在荃灣哩講吾算係叫就腳…..最典型麵檔…大門口一邊就透視"基地”所在!!...師傅嚮度密密手灼粉麵切肉…大鍋牛雜在炆煮…中!!...一邊就設收銀檯…!! 環境光猛…地方枱櫈整潔…9成坐滿了!!...搭枱啊就!!目標明確…吾該來兩碗牛雜河啊!!...份量幾大碗啊!!...湯濃、牛雜豐富.....主要係牛腸、牛肚…..其次牛膀、牛肺各1件…河粉算幼滑而且都夠大份啊~...食晒一碗都好夠豐足!!...售$30一碗我覺得係良心價!我似乎對一切有個「腸」字的都吾抗拒架!!....…豬大腸、雞腸、粉腸、鵝腸、香腸、臘腸………….包括腸粉!!...都鍾意食!!... 而哩度最…最好味就係肥肥o既牛腸呀!!...牛肚亦好入味炆夠軟…唯一係件牛肺就特別咸o羅!!下次我尼…會想試牛筋or牛腩啊!!!佢地o既辣醬亦幾夠狠勁…喜歡的話可以買翻樽

因為工作地方近 所以經常來食聽講呢間老字號 我例牌叫開牛雜麵 牛雜同出面食份量都差5多 可以接受個人好鍾意食牛雜 呢間算唔錯牛腸:比較多肥脂 但我鍾意 因為我覺有口感同會香d 可惜呢次食有小小失準 因為有點苦味牛肺:爽口 合及牛膀:好正 5會太重果種臭味 好食牛肚:份量較多 亦都好食 小小軟 易咬而麵都算爽口彈牙 湯亦5太咸 5多油 成碗野都好好食 敗北地方我加左5蚊雲吞 雲吞d蝦5夠爽口 肉質都麻麻地 同我好似食到花生味 好95搭8下午仲有豆漿送 5太甜又夠味 👍但係!!!!環境實左太差 雖然舊式店有香港舊時代特色 但有蒼蠅成日飛來飛去 好鬼煩 仲企左我個豆漿杯內 搞到我索性5飲 衛生欠佳提埋有3部電視機 可以睇下電視休閒下 算幾好 價錢比市面都5貴 好合理

一個人的晚上唔知食乜好 正當苦惱中 行過牛欄傳來陣陣香味 唔洗諗啦叫外賣😂肥腩河 牛腩炆得夠腍夠入味 入口牛味香濃 有咬口又唔靭 正到無朋友😙重點係店家嘅牛腩並唔係一兩舊咁少👍🏼自家制魚皮炸得夠香夠脆 浸入牛腩湯再食 味道更濃蠔油芥蘭 夠嫩夠爽甜 👍🏼 溫馨提示 外賣嘅朋友記得拎秘制辣椒油 超香👍🏼

好像有人說過「元朗有勝利，荃灣有牛欄」，反正路經就來一試。一碗牛三寶、一碗牛雜 牛雜的牛腸，通得不乾淨，有點髒又太韌，太韌難以咬開，沒趣，不太好吃；牛膀較為不粉狀，不用吃得滿口糊粉，還好；牛肺爽身，味濃牛香，佳。牛肚亦是爽爽的不錯。牛筋最佳，又腍又化，軟身入味，化境一般的牛筋最讚，佳選。 河粉挺多，雖然兩碗均是牛底的麵，但湯底沒什麼味道，只好自行加荵加醋醮來吃，河粉較軟林，沒甚麼咬口。 凍奶茶比想像中濃香，真意想不到。但荃灣這麽多選擇，牛欄對我而言不怎麼特別美味，湯底普通，未必會再來。

某人最喜歡吃牛，碰巧路經此店便進內一試。店內格局與普通家庭式麵店一樣，幾張大圓檯幾個陌生人，大家圍在一起吃。店名叫得牛欄當然主打吃牛，另有幾檯食客點了燜蘿蔔和炸魚皮，看起來不俗，有機會下次來再嘗嘗。 牛雜河 - 滿足愛吃牛內臟的你！最愛牛腩肥瘦適中，其餘牛胃等亦挺好吃，但如果牛雜都能加入牛筋會更豐富。 肚牛筋米 - 牛肚爽口鮮味，牛筋不算突出，本人較為喜歡那些吃落黏口重膠質的牛筋。湯底清味不濃郁，但起碼不是味精湯，吃後會很口渴的感覺。

第一次食夜晚放工路過食宵夜，價錢都幾實惠，單拼28，牛三寶有齊牛腩金錢肚牛根都係32，一次滿足哂三個願望。呢度個腩汁係偏淺色嘅話，但味濃，牛切得大大件，全部都非常入味。自家辣油夠香夠辣，落少少已足夠。最正係個河粉底，爽口一啲都唔霉。食過荃豐新開同樣主打牛腩牛什嘅店，還是牛欄最好，而且唔會好似前者用哂即棄餐具咁無企業良心。

This place I used to eat a lot back in 2010, and recently tried again last year.  The place is still good.Atmosphere: 3/5Nothing special, a eat and go placeFood: 4/5They have fish balls and all sort of foods you will find in a typical noodle eatery place.  The best i find is 牛什.  The intestine is "ark" which i found very good.  Other portions are good and they taste fresh.  All those 牛什s taste good and the overall outcome you won't feel the bowl of noodle is hea.  Soup is a bit normal, can impro

午飯兩點鐘來， 人都唔少。 簡簡單單只叫了碗牛什河，牛什ok的，夠❝林❞, 河粉唔錯，都滑㗎！ 亞姐還好闊佬加了好多葱， my飛佛 整體份量算大， 食完夠飽！ 不過辣招油就一般， 唔夠香辣！ 美中不足。 最後喝了幾口湯， 感覺味精不重， 沒有口渴！ 讚！