影片
营业时间
今日营业
12:00 - 16:00
17:00 - 23:00
星期一至日
12:00 - 16:00
17:00 - 23:00
以上资料只供参考，请与餐厅确认详情
🔥超人氣既火鍋放題，任何時段入座都係爆場！🫨 今次揀左2號餐，星期一至四每位$298另收加一。💰👀 無論係熟食﹑丸類﹑新鮮蔬菜﹑飲品﹑甜品等等都超多選擇，仲有乳鴿﹑麻辣小龍蝦放題任食！👅====—====—====—====—✦ 肉類 ✦🐂美國極黑和牛片﹑美國安格斯牛板腱﹑封門柳﹑美國牛肩胛片﹑巴西牛脷托﹑🐑澳汌羊肉片﹑🐖西班牙豬五花片﹑美國豬梅肉片⋄✦ 海鮮 ✦🦐海蝦﹑帆立貝﹑沙白﹑🐟脆鯇魚片﹑🦑爽脆墨魚﹑海蔘⋄✦ 熟食 ✦🐓花雕醉雞翼﹑醬爆糍粑﹑芝麻雞翼﹑燒乳鴿🕊️⋄✦ 其他✦美顏花膠﹑台北鴨血﹑鮮雞子﹑🐸田雞腿﹑🥟手包蝦肉雲吞﹑台北燕餃⋄✦ 熟食 & 涼拌小食 ✦🦞麻辣小龍蝦﹑台灣波波腸﹑炸魚皮﹑🥩午餐肉﹑響鈴﹑炸芋頭🍠🐟涼拌魚皮、雞翼尖、中華沙律等等⋄✦ 蔬菜 ✦🥬冰菜、皇帝菜、羽衣甘藍、蟲草花、豆苗、菜心、生菜、娃娃菜、金菇、紫蘿蔔、海帶結、淮山等等🌽⋄✦ 飲品 ✦🍶清酒、梅酒、汽酒、白酒、果酒、🍻啤酒、汽水、🧋珍珠奶茶、冷泡茶⋄✦ 甜品 ✦🍨Häagen-Dazs雪糕﹑MEGA雪條﹑脆皮朱古力雪糕﹑大量韓國雪條﹑🍰芝士蛋糕﹑各款布甸及奶凍🍮====—====—====—====—📌店名：牛站 麻辣火鍋放題📍地址：銅鑼灣駱克道463-483號銅鑼灣廣場二期11樓
继续阅读
天氣轉涼，夜晚放工諗唔到食咩，就去左銅鑼灣牛站打邊爐。夜晚人都多，但因為閒日加上銅鑼灣店夠大，唔使等位。今揀了SRF美國極黒和牛2小時任飲任食！眼見基本上個個都係點呢個餐，因為以300蚊有找的價錢，個SRF和牛質素真係好好！湯底揀了冬瓜瑤柱豬骨和招牌的麻辣。然後到自助區拎飲品及蔬菜。自助區，飲品豐富，無論凍飲、熱飲、鮮搾飲品、清酒，當然仲有珍奶！蔬菜、菇類好新鮮，仲有各種丸類、麵食、炸物和餐前小食等，呢度可以令人餐前都食夠3成飽！仲有各式甜品雪糕和甜點，每樣整齊排列，睇到都好開心。拎完蔬菜飲品返黎，點單美食已經上枱！美國極黑和牛SRF、美國安格斯牛板腱，大大塊，肉花均勻，而且入口肥美又不失肉味！牛舌彈牙爽口、encore左4轉。麻辣湯底配咩肉都夾，但一邊都要淥菜，所以清甜的冬瓜瑤柱湯就啱晒。必食仲有海鮮，海蝦好新鮮，隻隻彈牙。大蜆、花膠、脆鯇片、墨魚仔、海參仲有大大粒帶子，啖啖肉。魚皮、響鈴、都係打邊爐佳品，呢度啲魚皮大大塊脆卜卜，就咁食都好好食!! 響鈴入面仲有紫菜，真係無得輸，邪惡之極，但唔食又唔得!!!最後係食菜，翠綠的菜係邊爐佳品，食完一輪肉，食菜係最適合不過，金菇、豆苗、生菜、芥蘭，完全係食菜自由!!!最後食甜品，布甸、芋圓、tiramisu，仲有必食的紅糖糍粑!!!食埋2杯雪糕收手了。滿足滿足。
继续阅读
餐廳位於銅鑼灣二期好方便，已經再度二訪🤣一如既往有三款套餐，接近10款湯底選擇，有各種套餐選擇，分別美國精選牛套餐，美國極黑和牛套餐，特上牛小排🐮今次揀叼美國極黑和牛，肉質靚性價比高🤣上次喺其他分店試過蕃茄湯好食，今次試吓椰子雞湯味❣️🪄美國極黑和牛SRF、美國安格斯牛板腱、美國特級肩胛肉眼 個人推介極黑和牛😛肉質有油脂香，而牛板腱肉味多啲高質，其他配料仲有牛舌、封門柳等🪄其他火鍋配料台灣直送好似蛋餃，仲有烏冬、王子麵等等，各種菜類個人推介皇帝菜，仲有滷肉飯、小龍蝦🦞🪄飲品🍸提供3款較特別嘅酒類如燒酌清酒等，個人推薦自家製茶類，桂花烏龍冷泡茶，仲有各種台式飲品，鴻福堂支裝飲品🪄甜品🍧有 Haagen-Dazs杯裝已經值回票價🤣食多杯好快回本😎士多啤梨🍓最推薦，仲有其他甜品好似糯米糍，超級大滿足@beefstationcwb 🚩 牛站(駅)麻辣火鍋放題 (銅鑼灣)銅鑼灣駱克道463-483號銅鑼灣廣場二期11樓#addifoodie #addifoodie銅鑼灣#foodie #hongkongfood #香港美食 #吃喝好去處 #週末好去處 #goodfood #周圍食 #情侶美食 #HKcouple #foodiecouple #美食 #香港美食 #香港餐廳推介 #香港好去處 #香港餐廳 #香港餐廳指南 #銅鑼灣餐廳 #香港打卡 #打卡 #銅鑼灣美食 #香港打卡好去處 #hkfoodie #香港探店 #akoya #日本菜 #銅鑼灣日本菜 #銅鑼灣 #牛駅 #銅鑼灣打邊爐
继续阅读
今晚過左黎呢間人氣度幾高牛站，之前食過觀塘分店已經覺得幾好，今次咁啱喺銅鑼灣行完街天氣又凍凍地就上左黎打邊爐放肆一下。一上到黎牛站其實已經有一個好乾淨好舒服既感覺，坐位又夠闊，整體環境都好好。食物方面，首先最欣賞呢道酒既種類真係好多，有真露清酒梅酒啤酒等等，淨係黎飲酒都已經可以輕鬆回本，其他飲品都係勁多選擇。食物方面，Level 2都已經有得揀美國SRF和牛都真係好抵，又有濃厚既牛味再加上和牛既油脂味質素真係好高，淨係食呢個SRF和牛都食到停唔到口，呢一隻牛板腱又係勁好味，叫得牛站果然d牛真係特別出色。另外海鮮其實都好正，海蝦大大隻肉好爽，仲有帶子蜆脆肉脘好多選擇。最後特別要提下熟食乳鴨係必叫，燒得好好味又係食左好多隻。Last點少得一杯Haagan Diaz一杯Mövenpick呀
继续阅读
餐廳環境同服務：乾淨企理，坐得舒服 銅鑼灣牛站（駅）麻辣火鍋放題位於銅鑼灣廣場二期11樓，地點超方便，港鐵銅鑼灣站D2出口行1分鐘就到。餐廳環境光猛乾淨，座位寬敞，坐得舒服，最啱同朋友一齊打邊爐吹水。服務方面，店員反應快，上菜速度合理，完全冇漏單，值得一讚。 晚市放題2號SRF美國極黑和牛片套餐：性價比爆燈！ 今次試咗晚市放題2號SRF美國極黑和牛片套餐，每位$298（另收加一），真係抵到爛！SRF美國極黑和牛片肉質肥美，油脂分布均勻，入口即溶，牛味濃郁，絕對係必點之選！另外仲有美國安格斯牛板腱、封門柳、西班牙豬五花片等多款肉類，啱晒食肉獸。 胡椒豬肚鍋湯底：暖胃又惹味 湯底揀咗胡椒豬肚鍋，湯底濃郁，胡椒味香而不嗆喉，豬肚煮得軟腍入味，飲完暖笠笠，啱晒冬天打邊爐。如果想試多款湯底，可以加$48轉鴛鴦鍋，一次過試兩種口味。 大頭蝦任食：新鮮彈牙，性價比超高！ 重點推介！餐廳全新推出大頭蝦任食，每隻都爆膏，肉質鮮甜彈牙，絕對係海鮮控嘅福音！以$298嘅價錢可以任食大頭蝦，真係可能係全香港最平！另外仲有帆立貝、沙白、墨魚仔等海鮮，擺盤精美，味道鮮甜。 其他配料：款式多樣，質素唔錯 除咗肉類同海鮮，餐廳仲有超多火鍋配料選擇，包括： - 丸類：手打墨魚丸、龍蝦丸、芝士牛丸，彈牙又入味 - 蔬菜：金菇、冬菇、生菜、娃娃菜等，新鮮乾淨。 - 豆品：炸枝竹、凍豆腐、百頁豆腐，吸湯一流。 - 麵類：烏冬、粉絲、出前一丁，飽肚之選。 每款配料都處理得乾淨整齊，質素對得住價錢，絕對唔係求其擺出嚟嘅貨色。 Movenpick雪糕任食：甜品控嘅天堂 除咗Haagen-Dazs，餐廳仲有Movenpick雪糕任食！Movenpick嘅士多啤梨味同雲呢拿味都係人氣之選，口感幼滑，食完火鍋再食雪糕，簡直係完美嘅結尾！另外仲有韓國雪條、芝士蛋糕、布甸等多款甜品，甜品控一定滿足。 總結：抵食、足料、性價比高！ 銅鑼灣牛站（駅）麻辣火鍋放題絕對係性價比之王！$298就可以任食SRF美國極黑和牛、大頭蝦、Movenpick雪糕，仲有多款海鮮、肉類、甜品選擇，環境乾淨舒適，服務貼心，真係冇得輸！無論係同朋友聚會定係家庭聚餐，都係一個超值嘅選擇。
继续阅读