牛角日本燒肉專門店 (又一城)

营业中

休息中

今天來了又一城這邊，突然很想吃烤肉，就決定試試牛角的烤肉午餐。這裏的午餐有平有貴，最平的不用$100 ，貴的也可以吃到和牛。我們點了兩客便宜的午餐，每一份都有兩種牛肉可選擇，每款四件，加上一碗白飯、湯、飲品和沙律，也足夠飽肚了。我們還追加了一客牛油帶子和一客牛油廣島蠔，好吃！我們覺得四款牛肉都不錯，也不一定要吃和牛才行的，有時候反而覺得和牛太油膩。最後埋單時問侍應有沒有付款方式有優惠，他說沒有特別，但明明記得門口有個微信支付優惠，桌上沒有放出來，店員也不知道。到我們付完款出去的時候再看一下，的確是有個QR code掃了可以減$20！但已經太遲了，只限特定商戶，又沒有特定商戶的list所以不知道怎麼用。整體來說這家吃午飯很不錯，好味！

Happy Friday响九龍塘實在難搵食，小妹實在大鄉里從未食過牛角，今日等咗個幾粒，真係無話值唔值。第一次咩都唔識叫咗個信用卡套餐咩都有啲，作為一個大食妹真係唔係好夠食，但單點牛量唔多價錢又唔平，再唯有加幾個小食同一個壺漬牛肋肉，3個人啱啱好，睇到幾枱客都叫同一個飯（牛角飯），忍唔住跟單叫一個嚟試下，又真係唔錯喎，唔怪得人人叫啦。不過呢度服務就麻麻地，只係問佢要多一隻杯，侍應生答你佢哋無咁多杯俾唔到你，真係無言以對⋯⋯總體來說，未食過可以試下，但下次要諗諗

第一次嚟食牛角嘅午餐，揀咗82蚊嘅套餐嚟。 分量就有以下咁多。食材都幾新鮮， 但分量嚟講算少，未必夠飽。 影漏左沙律，細細一碗，但奇怪是在燒肉期間才奉上。因為見飯枱上面無提供油，所以 我都係直接將肉放上去燒，但就會形成好痴個網。火力夠強，唔使兩三分鐘就熟。 豬頸肉食落去都好爽，燒落去亦唔會太油膩。牛肋肉就冇想像中咁嫩口，牛肉味亦唔突出。燒肉汁方面，味道偏淡，所以都唔會搶咗食材嘅味道。大約兩點嚟食，輪候時間十分鐘內，而且價錢在此區不算貴，值得再嚟。

今次飲品等左好耐，食物食左一半先到，催左兩次先到。始終都係佐賀和牛盛合最好食一分錢 一分貨辣油豆腐好食燒雞有雞皮嘅油香。。。正！今次試左新嘢金錢肚燒真係幾好食下次要再叫

去完美食展，想食日式燒肉補返能量，即刻係Apps拎定位2個人食叫左柚子醋海蜇沙律做、三味牛舌、三味牛肋肉、蒜味噌腹胸肉、壺漬牛肋肉，仲有最重要的牛角冷麵。 因為太肚餓，所以無影好多相...三味牛肋肉，好似未融哂雪，但都食到牛味。蒜味噌腹胸肉燒完出黎仲係好軟熟，蒜味噌令牛肉更加惹味。對呢個壺漬牛肋肉好失望，雖然軟熟，但無味仲有渣。BIG NO NO食燒肉一定要叫返碗牛角冷麵，仲要落多少少醋，可以令肉冇咁漏之外，仲可以幫助消化。

超礦物海藻野菜沙律 – 清新!野菜亦好新鮮!  沙律仲加埋骨膠原, 食沙律有埋護膚功效! 哈野菜盛合 – 普通蔬菜盤, 沒有什麼特別.牛角冷麵 – 冷麵唔夠凍, 可以再好D.牛角溫泉蛋飯 –整體唔係特別出色, 但珍珠米加上爽脆紫菜同滑溜既溫泉蛋, 得出來既化學作用咪就係滿足既感覺嘞!王樣豆腐 – 唔夠滑, 同無咩味但都過得去啦.牛肋肉 – 平平無奇, 只係知道自己食左...

每次食牛角都好開心 因為真係每次都係高質肉最鍾意係下午茶時段食 因為真係好抵 有8折大概100蚊就有日本肉食喎 各款肉嘅牛油香都唔同 但真係識回香 係個口到徘徊好一陣子先捨得吞不過大家記住唔好燒太耐 每塊都啱啱好就夠

一向覺得牛角肉好吾錯 所以朋友話想係九龍塘搵食 我即刻就諗起依到下午茶有成七折！所以梗係即刻帶埋朋友試下啦一入到去就即刻同朋友推介左個f set 因為我真係好鐘意食牛舌 而依個set又有薄牛舌 又有厚燒牛舌 真係好正肉到啦 牛角啲肉望落好靚 脂肉均勻 份量作為一個high tea真係岩岩好開始燒嘅時候 望住佢慢慢變熟 反轉仲有啲格狀紋真係好療癒 食落口雖然吾算入口即融 但係真係好有牛味 啲肉汁juicy到爆 再加埋燒汁入味 真係好正最後奉上牛角飯 大家知咩事啦牛角係又一城黎講真係抵食加好食 如果係又一城翻工翻學相信就會明我講咩

好耐冇食過牛角lunch set 覺得冇咁好食我叫左腹胸肉同豬扒 都得冇咩肉味普普通通咁 不過呢個價錢又唔可以要求啲咩過下想食燒肉嘅癮算🤷🏻‍♀️同埋d職員態度唔係幾好 有待改善不過佢個雪糕又幾好食 雲呢嗱雪糕但有黃豆粉同黑糖

放工後去左九龍塘做facial，另一半放工後直接去左九龍塘同我會合，時間差不多21:00，又醒起HSBC呢個月有優惠，所以一於去食牛角啦😆其實我地只會去日本先食燒肉，因為質素及價錢都係第一，總覺得香港食唔到日本既味道！我地叫左6樣食物：牛角嚴選特上5品燒肉盛盒 (2人前)和牛牛肋肉6片 (鹽醬)雞翼 (辛味醬汁)海蜇柚子醋沙律牛角冷麵牛角飯2人拼盤包含牛、豬及雞，但我通常食燒肉只食牛，所以另點一份相對比較靚既牛肋肉！燒肉拼盤還可以，相比下當然係單點既牛肋肉較優勝，肉質相對比較多汁，口感又比較好🤗呢餐食左約$600，扣埋HSBC既優惠只需$400，即刻抵左好多👍🏻

訂咗枱9點鐘⏱企到9點半先入得去，ok fine，我哋人多多，等大枱係慢啲我接受，但係啲侍應態度係最大問題囉......食物食晒又唔上菜，上菜又唔收走吉碟，放到成枱都係🙄🙄🙄最過份係我哋嗌咗6杯生啤放題🍺，叫佢refill次次都等足半個鐘，仲要三催四請先有，撳個掣啫，乜好難咩？啲侍應行來行去，淨係執啲冇下一round嘅枱，偏偏死都唔肯同我哋refill，喂大佬，一餐飯食嗰1個半鐘2個鐘，下下等半個鐘先有得飲，你叫乜嘢放題呀😡😡😡最搞笑係，最後其中一個侍應放低一句「麻__煩」之後，鬥氣式咁一次過上咗10幾杯啤酒，咩玩法😑😑😑咁嘅態度咁嘅效率，唔會再去囉！

同老公係又一城睇完戲都7點幾，佢話想食燒肉，又唔想出返油尖旺，行過見到牛角就更係入去食啦！當然先叫個牛肋肉四品食吓先啦！牛肉非常新鮮，呢個四品可以試到唔同既牛部位，另外網燒一口牛及厚燒牛脷都係我每次都會必叫既食品之一。另外叫左佢地其中一樣皇牌之撰，就係王樣！腹胸肉（鹽味）呢個牛腹胸肉燒完仍然有好多肉汁，口感先嫩。佢地主打係牛肉但其實豚肉都好味美，由其是黑胡椒蜜糖豚肉，燒好入口都好有焦香味而所有燒肉再配合牛角飯一齊食更顯得美味。

今日一行三人去左又一城， 上次試左温野菜， 今次試下牛角， 估唔到初六， 仲要星期六，都有信用卡優惠。三個人叫左個二人餐， 再加左一碟肉， 同一個飯。 下面就係二人餐包既食物。沙律都幾好味， 明太子好味。蕃茄都幾甜。不同的肉， 牛當然好味， 豚腩都幾好味。海鮮盛合有5款海鮮。 菇都好多款。

完全冇諗過午餐時段可以食到燒肉，今日有同事提議到又一城牛角，這裏有午市套餐，都值得一試。店內環境都舒適，有卡位，只是燈光暗了一點，而家周圍都係電子化，呢度用notepad 點菜。午市燒肉套餐包括昆布湯、雜菜沙律、兩款肉、一碗飯及飲品。個白飯可加$18轉牛角飯，好大碗，上面鋪滿紫菜，非常可口，很喜歡。飲品有多款選擇，冷/熱也可，柚子茶、咖啡、檸茶、汽水等等。肚餓嘅同事先點左一個午市燒肉套餐，她不吃牛，揀咗丹麥皇冠豬扒及雞腿肉，雞肉連皮非常肥美，豬扒賣相也不錯。我自己選擇丹麥皇冠豬扒及牛肋肉(4片)，新鮮肉類上枱時已經很吸引，燒熟之後當然非常美味，豬扒有肥肉很香，牛肋肉豐富肉味，不要太熟，否則會乾。另外兩位同事都點了最貴嗰餐，選了牛肋肉及肩脊肉(牛)，共八片，都非常可口。網燒牛肉真係好正。除了這個燒肉套餐，另有一個三合一餐，柚子沙律、一款肉及牛肉飯/雞肉飯/炒麵，也包括飲品。原來午餐都可以食到燒肉，不需要花太多時間，很滿足呢！

今晚一家三口去又一城食晚飯，呀仔堅持要去食燒肉， 所以隻腳就自動行咗去牛角， 去到大約六點20分左右， 當時人唔太多，可以直接入座。由於阿仔話好肚餓的關係，所以我哋一家三口叫咗好多野食， 擺到成枱都係……我們點了:厚燒牛舌黑糖牛油蕃薯牛油本菇壺漬牛肋肉牛角沙律豬頸肉青瓜墨魚咀 石斑魚柳原味牛油帶子另外牛角最近推出美國和牛系列， 阿仔身為和牛fans, 我哋分別叫了六件美國SRF和牛肋肉 及日本和牛肋肉比較, 當阿仔食第一件美國和牛時， 他就吐了出來， 然後再試日本和牛， 食完叫我哋成碟畀曬佢食， 結果顯然易見，日本和牛勝！另外要讚下服務員的服務態度， 忙碌中仲會同我哋傾下偈，講下牛肉嘅質素， 一眼能關七，抵讚！