牛角日本燒肉專門店 (元朗廣場)

营业中

休息中

突然好想食日式燒肉，就試吓打電話book牛角。點知打去時候，原來夜晚booking已經full晒，得walk-in，個staff提我地喺佢地個app到攞定飛先，去到就唔洗等位。一入到去就覺得個環境好好，好乾淨，無咩油煙味，通風做得好好，坐得又舒服。食物選擇都多嘅，樣樣都想試。set dinner有三款，我地兩個人叫咗要二百幾同三百幾個嗰餐，有雞有豬有牛有海鮮，再跟沙律，飯，前菜小食同飲品。上菜好快，一落單好快就上咗沙律，小菜同飯。柚子沙律好fresh！其實我好中意個白飯，粒粒分明，配燒肉真係好鬼正。佢仲有個牛角飯，姐係紫菜撈飯，都好食。不過啲小菜就麻麻地。所有肉類都好新鮮。我覺得啲和牛嘅油脂分佈得好靚，食落唔會太肥膩。其實我最期待佢個牛舌，係厚切㗎，好juicy，好柔軟，同平時薄切嗰啲好唔同。佢啲豬肉都好好食，係燒完唔會鞋烚烚個種。而雞肉就係雞肉，都無咩特別。最後仲有杯雪糕，我哋揀咗雲呢拿味。食完燒肉，再食杯雪糕refresh下，好滿足嘅！雪糕上面有焦糖醬同埋勁多黃豆粉，都有心機。最要讚嘅就係，燒完肉，啲衫褲無咩燒烤味👍🏻 好犀利！

因為公司近元朗廣場，所以lunch成日同同事地食牛角，近係近不過佢幾時都好多人等位。星期六諗住唔使好似平日咁趕頭趕命咁食，點知拎vip金卡去攞位都要等3張台，太crazy!四個人叫左四個午市燒肉定食，其中兩個係百幾蚊唔使加錢就有牛角飯既set,每次有牛角飯都一定會追加（為體內脂肪埋單🙈）唔食牛既我最中意佢地既豚肉同豬扒，雞腿肉因爲要俾心機燒，懶人既我都唔多中意～金卡會員係周未假期加一後可以享有85折優惠，所以呢餐飯四個人加埋400有找，係抵食～

我平時通常都會選擇牛角的午餐原來下午茶是非常抵食餐牌上的午餐，可以有七折，另外會員可以儲積分換食物！牛肉有不同的部位選擇，我最喜歡的就是蒜蓉醬料，雖然有少少鹹，但是很好味，再加多杯牛角特飲👍🏻👍🏻👍🏻

今晚由於好耐冇食過燒肉，就近近地去咗屋企附近間牛角食，咁都係我同朋友2個人食，叫咗一碟燒肉盛，一碟海鮮，什菌同一個石窩飯，先講肉類，厚薄適中，燒完鎖住肉汁，食落唔會好乾身，係幾好既，海鮮個人比較喜歡蠔同大蝦，蠔夠肥美，大蝦燒完肉質彈牙，啖啖肉！什菌有我最愛既雞脾菇，配上燒汁食，真係好食到停唔到！咁個飯就一航般，味道唔係好夠，不過 辣醬為佢添上一分色彩，但我最欣賞既都係店員既服務太態，好少去一間店食野，店員都係充滿笑容，會好主動幫你收野，相信好快會同家人去食，今次賣單都係500多啲啲，但已經食到我同朋友都好飽

今年的生日都是在工作中渡過，放工後，老婆想為我慶祝，於是決定到牛角吃燒肉。以往在牛角吃飯，一般都會點套餐，但吃得多套餐，都想試下其他菜式，所以這次決定散叫。燒肉6品盛共有6款燒肉，包括豚肉燒，雞腿肉，牛肋肉，牛舌，腹胸肉及豬頸肉。每款都有4片，兩個人食剛剛好。各款肉質一般，牛肋肉稍為有點韌，反而腹胸肉最有牛味，而且很淋身，有入口即溶的感覺。牛角飯上次在屯門店是很好吃的，不知為何這次在元朗分店的水準下降了，飯熱度不足，醬汁不夠。

今天和同事們到元朗工作，午餐時間在元朗中心找到日本餐廳牛角，開頭有同事話喉嚨痛又有咳嗽，唔想食燒烤，但是侍應姐姐非常有耐性，解釋很細心很清楚，還介紹我們除了燒肉定食還有石鍋定食及麵餐！石鍋定食有海鮮石鍋、泡菜豆腐海鮮湯飯，還有牛肉飯，大概＄85 ,我叫了一個雞腿肉香蔥拉麵＄59 ,每個午餐都包一杯飲品，天氣乾燥所以便叫了一杯熱柚子蜜，侍應還送上綠茶非常友善。呢度落單已經改用iPad點餐，開頭我們看不到，還揮手叫侍應，好彩侍應哥哥非常友善照樣為我們手寫落單。

再一次再一次嚟幫襯！第一次嚟食好即興，無book位排咗成個鐘隊不過價廉物美值得encore之後嚟食都book定位，唔洗排。地方寬敞（其實無去過分店）。食物質量好好，次次食都咁好味！今次食新出咗（應該係）嘅柚子汁海蜇沙律！好好味呀！柚子汁唔會太酸，啱啱好，好夾個沙律！海蜇都好爽口同啲蔬菜、昆布、唔知咩紫色好qq彈牙（蔬菜嗎？）好夾！畫龍點睛係咗好多紫菜！味道質感100分！大大兜，4個人食都啱啱好，仲要好似先68蚊咋～抵到？！？！

某銀行信用卡又做10月優惠，由2017年10月6日至12日，憑卡於晚市時段簽賬可享指定半價優惠。嘩嘩！嘩！我一聽到「半價」優惠呢兩個字話咁快乜都唔理即刻book位啦！今次半價只限以下兩個指定套餐：牛角2人前大皿燒肉套餐（正價$429元）極上2人前和牛大皿燒肉套餐（正價$515元）收費係套餐半價，另加一就按回原價計算。我地叫咗「極上2人前和牛大皿燒肉套餐」，加一後約$310左右。呢個燒肉套餐包括咗：羽衣甘藍沙律呢個除菜之外，加咗沙律汁，芝士粒同合桃在內，芝士粒比較鹹，而合桃就唔新鮮。果醋牛筋煮嘩 ！呢個一上枱，d牛腩汁都已經凍到浮左白色一片油喺面，果醋鹹得不得了！食咗兩舊要放棄！和牛牛肋肉（4片）和牛已經係全個餐最好食嗰四片，肉質都算鮮嫩，有牛味，不過不失。牛肋肉（4片）肉質韌，好普通。骨付牛肋肉（4片）同牛肋肉一樣只不過呢個帶骨。牛舌（4片）呢個都唔錯，還可以。豬頸肉（4片）非常肥美。丹麥雞胸肉（4片） 白色雞胸四塊，鞋到不得了，無雞味。塩味牛油帶子呢個又係好鹹，好似落咗成樽鹽落去咁。包兩杯$42元或以下飲品，飲品叫咗巨峰提子梳打含酒精，呢杯飲品終於都正常，同喺日本飲嘅一樣。另外追加左

同朋友共聚，請我食呢餐豐富的晚餐，好味，可惜我真係唔太識食，有部分容易入口，但有些都係un的。服務員都好有禮貌，都主動介紹好食的給我們。環境都幾好，約埋傾計係唔錯的，但我食一次已好滿足，因為太貴

星期日悶到飛起，本來去一哥點心食點心，但太多人在門口等。馬上用apps 訂牛角，幾張枱啫，點知等咗1小時！牛角沙律，改要油醋汁秘傳牛肋肉，0k啦，啲肉都係比較硬$136/6片 全餐最美味其它嘢，一般般囉！

是日係每星期一次三人行午餐，雖然我成日去呢間牛角食午餐，但我第一次坐私隱度比較高的位置(^_-)我們兩位女士吃得比較貴，男同事因為節儉，所以叫平餐，我們兩個女士會故意分些食物給他，始終男生比較大食^_^男同事的飯，賣相不錯~~我和女同事至愛，每次我們都叫呢個餐，而且會添飯成日覺得飲品太多會飲唔晒~~在牛角最開心係可以燒野食今次用會員電子券食魷魚~~~在燒的過程我唔識剪，有職員非常主動幫手剪，佢話最緊要客人享受和開心，有呢d友又為食客用心服務的員工，我覺得值得多d去光顧😊😊😊做會員最開心可以在生日月雙倍儲分優惠，而且有不同的電子券享用，期待下次跟同事到此用餐

今晚比平時夜左好多食飯，既然都咁夜就不如睇下有冇d宵夜時段先抵嘅食肆。8：45左右，牛角嘅店員見到我地望下望下於是俾左個宵夜餐牌俾我地，仲同我地講9點就開始有宵夜時段。平時我都好少食牛角，因為要食燒肉食飽確實係要叫好多碟先飽。見佢個宵夜餐本身都算多肉食，叫完餐仲可以半價嗌指定食物，一於就等到9點試一試啦！就到9點門口嘅店員已經問我係咪食宵夜，執好枱就放左我地入去喇！叫左個$258二人餐燒肉拼盤連兩杯飲品，仲可以平d嗌指定嘅野食，其實都有抵左。不過之後見到另一個DBS 做推廣嘅餐有埋沙律仲要再平d ...不過既然已經叫左就唔好理喇！燒肉拼盤望落都算係幾豐盛，不過就欠缺左碗飯，所以我地另外叫左碗飯！牛油金菇同埋牛油帶子係另外加嘅，有半價。我地仲叫左d半價野食，埋單4百蚊左右，食到飽飽捧住個肚走。佢地個老細果然無點人，人均果然係2百左右。

之前農曆生日要返工，所以約咗我個住家男人陪我到我office附近的牛角午餐，我個住家男人份正職係四圍走，好在當日係學生復活節假期，佢只係做完朝早間學校趕來陪我午餐其實我每次去牛角必定叫$109的餐，因為有紫菜飯，還有好多種肉，一定食到飽飽才可以走其實呢度的食物好與壞好視乎自己的技術~~~住家男人叫咗果個餐的沙律勁正~~~見到佢個餐我都覺得好飽@.@當日我乘機用會員電子券扣錢，因為我好少到牛角可以食夠$200~~~

如果冇AA制事件，我就冇留意哩間歺廰。下午茶時間去到，唔洗等位。點咗一個午市4式牛肋肉套餐，一客和牛牛肋肉，一客味噌豚肉，同埋一隻鲜魷。4式牛肋肉午餐響下午菜時段有8折，十分便宜，有湯有飲品，而且牛角飯可以任加任食。碟和牛牛肋肉有6片，超好味，又啉又滑魷魚肉厚味鮮，正

牛角相信很多人都十分熟悉，我也無謂多說，主力介紹兩款每次光顧必點的好西♡【王樣腹胸肉】我們是從它推出開始就深深愛上它了！還記得那時它是甚麼推廣套餐的一員，鹽+牛油一下鐵板就「炸」出令人食指大動的香氣！肉質軟稔清爽, 那種滋味簡直會繞「口」三日XDD是夜我沒睡醒手滑點了另一口味=蒜茸味噌其實吃起來較鹹一點，但配牛油就是更香了【丹麥王冠豚扒】這款是近期才愛吃的當然豬扒味道也不錯，不過重點是沒有在其名稱中呈現的「生蛋豉油」!!!! 一說到生蛋豉油馬上勾起我在大阪吃過的超高CP值燒肉店>>あぶりや，有機會也想介紹介紹w