牛角日本燒肉專門店 (大埔超級城C區)

营业中

休息中

無意中發現原來牛角有下午茶午市餐牌七五折星期一至五 15:00-17:30折完之後大概$7-80就有個set有前菜沙律昆布湯一杯嘢飲一碟肉（雞肉&豬肉/ 牛肉）仲有無限追加牛角飯😍不過食咗咁多嘢之後，其實最多都只係可以食多半碗😂真係要有人share 先敢叫！ (如果唔係追加完食唔晒好樣衰）其實燒肉只係正常，我覺得個爐有d 易痴底所以好易燒燶嘢🫠如果同大埔另一間日式燒烤比肉同爐黎講係另一間win不過下午茶勝在抵食食完唔駛食dinner😂其他時段我會簡另一間

兩個人食，平日6點左右到，等咗10分鐘左右就有位🥢店內有三個套餐，包括滙豐信用卡優惠套餐，西班牙盛宴套餐同埋呢個黑毛和牛會員套餐基本上見到半間餐廳嘅人都係叫黑毛和牛餐會員價499 加正價加一沙律及前菜就唔多介紹啦，食開牛角嘅應該都食唔少燒肉盛合我哋就揀咗黑毛和牛🐄店員仲會幫手燒望落肉質唔錯，油脂分佈均勻極上海鮮盛合 好似正價都要$198，依家喺套餐裏面包埋的確幾抵✌🏻不過當日兩隻蝦⋯急凍蝦之餘，仲要解咗凍一段時間，肉質已經淋淋地😟其餘海鮮正常發揮友人夾咗幾塊雞腿肉落去燒😂肉嘅份量嚟講，絕對夠我哋兩個女仔食，男人就未必夠啦⋯厚切牛舌要讚一讚👍🏻厚度啱啱好，燒到紋格之餘又有保留肉汁，枱上仲有檸檬汁可以加兩滴食落去更正🍋最後嘅燒菠蘿更能一解燒肉嘅油膩🍍套餐連香蔥溫泉玉子飯都可免費選擇，我同友人二話不說即揀🍚呢個會員價套餐絕對會再去幫襯👐🏻多多支持留港消費嘛～兩個人埋單$600有找，都食到日本2/3嘅質素，算係去唔到日本都可頂下癮🥩

一心諗住2點半食下午茶平少少，點知初7未有。唔緊要照食午市套餐一黎到前菜係係幾舊青瓜加芝麻醬睇款都唔知擺左幾耐，一食仲苦苦地成碟…最後棄左到主菜食牛，雖則唔係話叫左好貴套餐，唔比靚肉。但出黎既質素都好好好普通，平平無奇。侍應又少，好似成間鋪都2/3個人返工做野感覺上比其他平價牛字頭既燒肉更差，下次都係食番牛角buffet，呢間就不了

牛角絕對係連鎖店最好食既燒肉之一!!!!!牛角溫泉蛋飯無得輸，配埋燒肉汁正🤤🤤🤤一定要食種類都算多，起碼海鮮類、肉類、蔬菜類、甜品類、飲品類都有得揀～用apps落單十分方便

约左朋友吃牛角，第一次去，比我感覺係普通及貴而不飽，比較食炑八韓燒，我比較喜歡炑八，炑八又送配菜，沙津，蛋，芝士粟米及生菜等，又可免費加添。牛角主食牛，但這和牛不似我在日本吃的和牛，入口即溶的感覺。五片牛舌$92，我覺不值。個海蜇柚子醋沙律，海蜇好咸。日燒vs韓燒，我like韓燒😊。還有牛角地方細，等位很久。會比會員入座先，那麼非會員咪有排等，這很不公平。待應不足，不會自動添水，服務麻麻地。不會再去了。🤔

牛角日本黑毛和牛海鮮二人餐我朋友指定生日飯要食呢個餐，見到個餐牌都幾豐富。兩個女仔一定食得飽，最重要係我哋嘅鍾意食和牛🐮 宜家和牛仲有8折的優惠添.🥗前菜-🍴脆紫菜豆腐 🍅忌廉芝士蕃茄豆腐辣辣地又香滑，忌廉芝士嗰醬就係我最愛。主菜🐮🐮九州黑毛和牛西冷-西冷囗感嬾滑，入口即溶。🐮黑毛和牛燒配月見汁，珍珠飯，個黑松露月見汁冇得輸，送飯超惹味，🐮鑽石切牛舌-平時最鍾意食開薄笑，今次第一次對厚燒覺得有驚喜，五成熟啱啱好，入口爽嫰🐷熊本豚梅肉，豚肉簿燒都好好味，再加上牛𧢲蒜蓉醬超夾。🇯🇵北海道帆立貝-加啲檸檬汁就可以提升鮮味🌿香草蒜香燒雞髀菇-極香，濃味嘅朋友最鍾意蒜香😉你懂的🍹飲品-牛角特飲-蝶豆花椰子梳打，果之盛夏紅莓藍莓檸檬紅茶，我自己就叫咗果之盛夏，超多生果，非常清新，食完燒烤解膩非常好🍦甜品-作為綠茶控，我就揀咗雪糕軟軟大福，陣陣茶香，唔會好甜。牛角雪糕就好有嘅味道。呢個餐食值得再叫👍🏻個人十分推介✅

上星期拍拖就去左牛角食正嘢💕 我地叫左2個前菜 2杯特飲(碟豆花椰子梳打 & 百香果菠蘿茉莉花果茶)同埋2個甜品 仲叫左🐂牛大盛 🐂極上黑毛和牛牛肋内 🐟燒花魚 🐖豬頸肉 同埋🍄雞脾菇🍅忌廉芝士蛋蕃茄呢個前菜真心好驚喜 忌廉汁好重芝士同蛋香味 同配埋落蕃茄度 成件事好juicy 仲好清新😍🐙日式凉拌小墨魚雖然呢個係前菜 但味道好出色 小墨魚好大條粒 口感爽脆彈牙 再配埋佢地獨家醬汁 食完好開胃🐂日本國產牛大盛呢個牛大盛有4片日本國産牛肩胛肉 2片日本國産牛座布團同埋6片壺漬日本國產牛肩胛肉 雖然係國產牛 但質素係極高😍 肉質好鮮甜 口感入口溶化 而且濃濃既牛香 真係食到停唔到口🐂 (鹽醬) 日本九州極上黑毛和牛牛肋内 (6片) 和牛依加仲做緊8折優惠!!!牛肋肉係和牛身上經典部位之一 肉質鮮嫩多汁 油花分佈平均 食落唔會好油膩 入口即融 牛味極重 口味軟嫩 燒到有d焦香帶著肉汁再加埋佢個鹽醬 簡直係味蕾藝術🐟燒田花魚一夜干 （配蘿蔔蓉柚子醋）呢個燒花魚一夜干 魚肉香味更濃縮係肉入面 花魚係白身魚 本身味道係比較清淡優雅 用一夜干煮法 增加左魚香味 再加埋大海既咸香 真係味覺享受 呢個燒

今次我地黎到牛角，佢7月開始就轉左個新menu，用平價燒肉做主題，我就揀左平日lunch時間黎試下🤓我自己本身都係一個牛角fans，有金會員，用左張券換個燒肉六品盛盒，一個A餐（$91），一個C餐（$128），同一個S2餐（$240），務求試曬唔同級數既牛肉🤪個餐同以前唔同既係，沙律之前係豐富d，有車厘茄，有粟米，同埋用胡麻醬撈既，依家就咁幾塊椰菜+柚子醬，差左好多👎🏻👎🏻飲品亦都選擇少左，同埋之前係有得揀唔用飲管就平$2，依家冇左呢個選項，餐飲變左要加錢🤷‍♂️到主菜就係d肉啦，感覺質素都係退步左，d肉既顏色可以見到絕對唔靚，唯一係S2餐既幾件貴價牛比較好小小☹️最後跟餐既牛角飯仍然係無限任添，我冇影到相，但呢樣算係保持到水準👌🏻總括黎講，牛角既新餐牌係有比之前平，但係質素比之前差既幅度相當大，平衡唔到個價錢，我寧願佢保持舊有餐牌同質素，好過平食劣食🥲🥲 希望牛角之後會改善，畢竟我都真係佢既fans🥺

牛角向來都係我嘅Favorite，而且豐儉由人，午餐又有抵食嘅套餐。雖然今次去食晚餐，冇套餐一定要散叫，但係因為會員星期一有額外5%優惠，變相即係八五折，咁都算抵嘅。我好少食佢嘅晚餐，今次因為同朋友敘舊所以食。單點咗個拼盤，摸落去啲牛肉仲未完全解凍，以為質素會爭啲啦，但係咁樣放落去燒反而唔會唔平均同埋亦都唔會黐住個網，大成功！另外仲有叫咗一啲係期間限定嘅日產牛肉，仲有個黑松露月見汁，都冇叫到飯就已經食到好飽。兩個人都係食咗六百幾蚊咋。

日式燒肉好自然會諗起牛角，除咗係集團連鎖店之外，重點係因為肉既質素同服務都有番咁上下保證。星期六日假期都好多人排隊，所以唔想排隊就download 牛角apps 去網上拎飛，咁就慳番唔少時間。拎完飛大概等咗60分鐘就叫到我個number 。入到去店員都會提醒用餐時間90分鐘。今次同朋友食就慳d咁叫，牛舌，雞翼，雞腿肉，五品盛合牛胸腹等等，肉唔會好鞋口，亦都唔係未解凍，雪到硬晒肉。如果想再食好d，可以叫日本極上黑毛和牛，不過價錢都相當會比較貴，所以係牛角食燒肉真係豐儉由人。

為了繼續成為金卡會員之一 🫢呢到成為左 每個月都要食既餐廳🤭🍴明太子櫻花蝦豆腐明太子醬真係無得輸😋多多都食得落🫢🍴牛油本菇🍴新瀉雞爽肉（辛辣味噌）🍴新瀉雞爽肉（柚子檸檬）雞爽肉真係好好味 😋帶有少少軟骨 爽爽地咁 一個人要食一碟😂辛辣味道重味啲 柚子檸檬就帶點清新各有各好味 每樣一碟就岩哂喇😌🍴牛角上級牛肋肉（原味）🍴肩脊肉（原味）🍴美國上級牛頸脊(原味）🍴厚燒牛舌（鹽醬）🍴特選燒肉六品盛合(原味）🍴香葱溫泉玉子飯加啲蒜鹽 撈兩撈 唔鍾意食飯既我 都可以食到兩碗🤭🍴黑糖牛油蕃薯燒香四邊 外脆內軟🤤🤤但今次啲蕃薯唔夠甜🥺🥺🍴活乳酸梳打飲管要+$10架！！記得要支持環保 ♻️ 慳返個錢呀每次食完牛角 都總係好滿足咁離開食物質素一直都咁穩定👍🏻所以下個月要繼續幫襯😌

💁‍♀️💁‍♂️🧑🏻👧18/1/2023(Wed), Dinner🍽辦年貨、買新鞋既晚上，買完都搞到接近10點，兩位小朋友👧🧑🏻不斷叫肚餓，但大埔超級城好多食肆都係收10點，最終搵到牛角係收11點，仲趕得切入座食飯🙌。而今晚我地order咗：🔆 御節團圓超特盛（$1,280）*期間限定: 13.1 ~ 5.2.2023*對於有選擇困難症既A先生嚟講，有set有拼盤之類唔使諗既選擇係非常之好既😅。呢個御節團圓超特盛上枱時就係用特製既圓形⭕️木盤裝住啲肉，上面足足有16款唔同既肉：1. 日本九州極上黑毛和牛西冷（4片）2. 豬頸肉（4片）3. 熟成龍蓋肉（1件）4. 日本雞軟骨（4件）5. 肩脊肉（4片）6. 日本雞腿肉（4件）7. 日本九州極上黑毛和牛一口牛（4片）8. 厚燒牛舌（4片）9. 日本九州極上黑毛和牛牛肋肉（4片）10. 豚肉燒（4片）11. 熟成牛板腱（1件）12. 熊本豚梅肉（4片）13. 美國上級牛頸脊（4片）14. 日本雞脊柳（4件）15. 牛角上級牛肋肉（4片）16. 牛舌（4片）印象比較深既就係日本九州極上黑毛和牛西冷，略略燒兩面，牛既油份充足，肉質軟熟，有種入口即溶既

難得放假，與女兒一起到大埔超級城牛角午餐。最初，我以為會有很多人排隊，因為經常見到很多人在門口等。可能12點左右，時間尚早，到逹後已經可以直接入去了。午餐選擇頗多，我們二人各自選了一份，二人都喜歡吃牛肉，所以所燒的肉全都是牛。我選的午餐包凱撒沙律及湯拉麵一碗，沙律份量頗大，我們二人一起也夠吃。拉麵份量剛剛好，味道很清不太油，好吃！另一份午餐是牛角極上四品燒肉盛合，很豐富，份量剛剛好，肉很好吃，還配一碗牛角飯，超級滿足！午餐包飲品，我們都選了乳酸飲料。結帳時，服務員還給我們差不多10粒糖，女兒十分開心。

好耐冇食過燒肉 想食肉肉的 油膩的就一早去拎位6點拎7點15先有得食見個套餐唔吸引 決定散叫雞腿肉（原味）幾滑 燒完幾香 雞皮好脆好好味 😋每邊燒左5分鐘就食得 日本九州極上薄燒黑毛和牛呢個不得之了無從入手唔識燒 好彩有職員過嚟幫我哋首先將牛油搽勻個網然後擺上去燒到變色就可以捲埋order咗要5成熟撈埋過生蛋醬 入口即溶油脂出晒嚟 juicy但係呢個太膩 食一塊就夠日本九州黑毛和牛牛肋肉一開始諗住牛肋肉好瘦冇乜脂肪點知嚟到 見到油脂分佈均勻 就知好好味 😋有啲厚身 但都好快燒熟食落比上面嗰塊更加膩要送埋飯先至食到 牛香味超重最後叫做牛頸脊可能食完上面嗰兩塊呢款完全比下去不過都係好食的 只係冇另外果兩款咁重油脂牛角 一向都係信心保證想食啖啖肉加 重油脂食牛角就啱晒

次次經過牛角都聞到超級香既烤肉味，今日見早早地，又吾太多人排隊，就去左食個早dinner。不過都等左半個鐘先入到。牛角既和牛真係冇得彈。非常juicy ，入口即溶！仲配埋必食既牛角飯，非常滿足。難怪次次都咁多人排哂隊啦！