牛角日本燒肉專門店 (PopCorn 2)

营业中

休息中

🐮🐮超過半年冇食牛角，之前仲close咗一段時間。最近見popcorn商場間新店終於開咗，趁放假去朝聖下先。用咗手機遙距攞飛，響商場shopping一陣，預返時間就開餐。餐廳位置都算多，大部分座位都係近玻璃窗，餐廳出面嘅人都會睇得幾清楚。不過咁啱店員俾咗卡位我哋坐，有privacy又坐得舒服。假日嘅關係，set lunch逢平日嘅有少少唔同，價錢介乎$139- $259。我哋揀咗「極上四品燒肉」同「特選牛五品燒肉」各一，牛角飯或溫泉玉子飯，金菇或帶子及飲品。我哋仲加咗$12要埋必食嘅牛角雪糕。「極上四品」其中一款係和牛，就算另外幾款肉都高質素過「特選牛五品」，但對於鍾意食牛舌嘅我哋，牛五品確實係唔錯嘅選擇，只有呢個餐有牛舌，而其他牛肉質素都唔錯。👍🏼👍🏼最後食埋必食嘅牛角雪糕，鍾意佢嘅雪糕味道好豐富，好有層次感，食完先叫做完滿嘅一餐。🥰🥰

疫境中「牛角」新鋪,開張左幾日,擁躉當然唔少,午餐點幾鐘都要排八十幾個number,不過金咭會員排特快隊,確實有啲好處!坐低手機點餐好方便,燒肉店梗係點食燒肉啦,揀左「燒肉盛合定食」....佰幾至二佰幾蚊1 set。特選牛五品盛合....牛角豚雞六品盛合....定食包前菜沙律、昆布湯、飲品,重有牛角飯任食,都好吸引。加$12食埋佢個牛角雪榚做甜品,真係完美的一餐!整體黎講,地方整潔,服務殷勤,食物有質素....推介之選!