牛角Buffet (美麗華廣場1期)

营业中

休息中

本身好中意個關東煮，天氣凍食夠暖身，點知今日去到，見到setting 唔同左，都覺得奇怪了，諗住自己多心啦。點知，個湯底完全唔同左，連個蘿蔔都可以冇味🫠覺得連donki 都可以好食過佢牛肉昆布湯得肥同咸兩個字牛五花over 70% 係肥，even 燒完之後，一入口，都係全口油叫埋單叫極都冇人理之前通常都係weekday 食，第一次weekend 食，希望只係因為太多客先係咁（但其實都唔係旺），唔明點解會差左咁多😮‍💨

一直都係牛角嘅忠實fans佢轉咗咁多次Menu 其實肉已經越轉越差，咁我唯有再食高一個Level，點知今次嚟到揀到咁貴啲肉都大不如前🥲真係好傷心，以前好期待黎牛角食燒肉，而家諗起已經唔敢再幫襯，真心希望可以改善肉嘅質素

一行7人book左枱同朋友慶祝生日，一開始店員話比兩張4人枱當佢帶我地入座果陣，場內另一店員嗌機話果枱客未走，要等多陣，前後等左大概5-10分鐘先可以入座，感覺間野溝通不良咁因為我地有帶蛋糕，帶位依個店員都幫我地雪住蛋糕先用qr code點食物，有部分漏單都算了，一路食一路點，係冇人收碟！！一隻空碟，唔收兩隻空碟疊埋，唔收野食一路黎一路有空碟，張枱冇乜位剩，都唔收最搞笑其中一次送完食物黎，睇住佢想收碟，但下一秒縮返手！！！即係點？收？唔收？收？唔收？？最後要專登出聲表示張枱就黎冇位擺野先肯收碟埋單果陣，我地又表示有兩個蛋糕，想上埋先，同埋想執一執枱前後叫左3-4次，單就埋左，枱又冇人執，蛋糕又冇拎黎…到過晒用餐時間先執枱同拎兩個蛋糕黎！今時今日飲食業人手唔夠都唔洗咁樣下話，服務費收左，但連基本服務都欠奉！差！！

美麗華呢間牛角應該係我食過最舒服，服務最好嘅一間分店因為呢間舖樓底高，抽風系統都做得好，入去基本上無嘜油煙味，而且呢度職員執碟都好快手，出面自助區都好乾淨，食得好舒服可能今晚係平日，唔係好多人，落左單基本上一分鐘內就出菜俾你，我地有一碟牛肋肉好靭，收碟個時叫職員收左淨低個兩舊，我哋都唔係投訴或者有要求換，點知好快就有個應該係經理嘅男仔，好有禮貌咁拎左兩舊新嘅肉過嚟應該係收碟嘅員工有同經理反映有客人有咁嘅意見，之後經理就解釋點解之前個兩舊會韌啲，其實我哋當時都已經食飽，不過經理好誠懇咁話新嘅兩舊部位會好啲，叫我哋再試下如果再有咩問題可以揾返佢，成個過程都係有禮而令人覺得受尊重，而事實上佢送黎個兩舊又真係軟淋啲今時今日嘅香港，好需要有呢啲良好嘅服務質素去留住客人，下一次食燒肉我都一定會想再黎美麗華牛角

食過好多間牛角buffet 我最鍾意le 一間因為佢樓底高鋪面又大覺得佢個通風做得最好入到去食最唔焗同埋唔會一浸味出返嚟好多選擇揀而家仲做緊特價餐，價錢平啲，但係都係任食所以一定食得飽

今日突然間心血來潮想食燒肉，決定又食牛角buffet🤣佢期間限定做緊$5xx一個人，就有國產牛和牛食，我地一於就試試佢🤣🤣啲牛又ok喎，唔會好韌好鞋，薄身，油花都ok，同價錢成正比👍🏻👍🏻👍🏻

如果你是個愛吃牛肉的人，那麼牛角是一個必去的地方！這家餐廳以提供高品質的和牛燒烤聞名。他們的牛肉鮮嫩多汁，每一口都帶有濃郁的肉香。此外，他們還有各種別具特色的燒烤選擇，如牛舌和牛肩脊。餐廳的氛圍寧靜舒適，適合與家人和朋友一同享受美食。服務員也非常專業和友善，使整個用餐體驗更加完美。如果你想要品嚐到高性價比的牛肉燒烤，這家餐廳絕對是你的首選！

適逢小妹生日，想食好小小，經過牛角buffet，見佢唔洗等位，就決定食佢啦🤣當日我地叫左Level4，由於當日有2隻國產牛既肉都冇左，所以免費升級左去和牛😆😆好好食2個人埋單承惠12xx(15%off)，食左130分鐘食得好滿足👍🏻

食牛角，最鐘意去美麗華，因為可以自己唧雪糕，雪糕控最愛🤤牛角飯又可以自己調配，想食d飯，又唔想食太多，食唔曬浪費，又可以自己加好多紫菜。仲有洋蔥同翠玉瓜，又有湯，又有沙律。好多款式，任睇任揀任拎，不過最重要係唔好浪費食物，食得曬先好拎。

其實唔係第一次食牛角，食物係點都唔太需要評論，食開都知有咩食同食物質素、價錢如何。但今次特登寫食評係因為餐廳中兩位男職員實在太好人，我同家人食緊時，店中有兩位穿恤衫嘅男職員已經非常殷勤服務。隨後離開後發現爸爸唔見咗把日本買嘅縮骨遮，爸爸立即返回尋找，兩位男職員幫佢搵枱搵凳搵地下，出動埋手機電筒周圍照，但都冇搵到。之後可能爸爸個樣實在太愁，高高瘦瘦嗰位男職員竟然提出可以幫我哋睇CCTV，睇到坐低後，爸爸把遮喺個袋邊，之後真係唔知點解不翼而飛。職員幫我哋睇晒成段CCTV ，都搵唔到究竟把遮幾時唔見，但就表明佢哋收店後清理會再搵一次，如果搵到就打返俾我 (book枱時有留電話)。本來都唔抱咩期望，點知夜晚11點幾真係收到職員通知，話搵返把遮，叫我哋有時間返去攞！爸爸真係喜出望外，雖然只係把遮，但因為佢喺日本自己精挑細選買，超輕便，佢非常鍾意。真係非常感激兩位職員咁盡力幫我哋搵把遮，講真呢啲真係額外嘅服務🙈，只係小小一把遮，但因為爸爸嘅難過樣佢地就咁幫忙，真係好感激！是次牛角套餐選了Level 2，包括美國和牛及王樣，和牛肉質非常鬆軟多汁，而且脂肪分佈平均，王樣腹胸肉整塊沒有脂肪層，但肉質軟度

牛角是我食過buffet還可維持到佢的水準😏、跟叫餸食飯一樣、特別是佢的牛角飯、十分出色、每次去都會叫一份、加上佢的牛肉燒烤、牛肉肉質鮮嫩可口、多春魚也是不錯的選擇🌝

對上一次食揀了lv4, 開年期間當然豪氣少少揀lv5.lv5 日產和牛 只有3款 牛西冷 咬好耐都咬唔開 最終果斷放棄幸好 其餘2款 牛肉眼 及 牛肉眼貝肉蓋 係好好味 對得住呢個價錢另外lv5 既醬油帆立貝 都係必食燒完唔會縮到好細粒 而係彈牙有口感 完全無雪味 朋友燒到恰到好處 回頭下單率upupup以前牛角好似無提供生菜包肉食 依家自助吧有提供羅馬生菜 值得讚揚 可以解油膩飲品方面 果汁 蘋果、菠蘿都好好飲 唔會死甜 朋友話雪梨太甜lv5 價錢只可比你試一試日產和牛 如果你主打要食日產和牛都係建議去其他專門店

每次食燒肉都令人好期待，為了食得更多，會刻意留肚。已經係平日訂位都好爆，只剩返18:00 同20:00選擇，由於未試過食20:00，所以試試。選擇Level 4，限時100分鐘。🔖前菜好多種類，有沙律，有醃製食品，最難忘就係泡菜，爽口、酸辣甜度味剛好。🔖肉類🥩肉質嫩，入口即溶，又juicy。🔖海鮮虎蝦、扇貝，帶子，魷魚都好正，新鮮大隻。🔖炸物章魚燒，忌廉蟹餅好食，要再encore。黑糖番薯烤出嚟除了有賣相，而且仲好好味。🔖甜品蛋糕、窩夫🧇、pancake、雪糕、雪條，雪米糍。🔖飲品汽水、果汁、茶、麵豉湯。食物好豐富，亦有質素，每次都會有意猶未盡嘅感覺。

好耐冇食過牛角buffet，今日終於可以拉男朋友過嚟食揀咗Level two個套餐 點知原來呢個套餐有和牛，但係冇蛋😹仲諗住叫粒蛋放喺牛角飯到唔通日本蛋重貴過和牛？😹😹😹每人食左兩大碗牛角飯 可以加爆啲蔥 紫菜勁開心 過癮🥹🥹Lv2啲肉已經有好多選擇 好彩我地大食 每款都食咗好多碟 記得要嗌埋蒜頭 燒完脆卜卜加落碗飯度直頭去咗另一個層次食咗兩個鐘啱啱好飽到反艇返到屋企去到凌晨都重好飽 點知第二朝都仲飽緊計返好抵食😹😹😹

哇哇哇，这次来美麗華新開的這家牛角，知名的国际烧肉品牌，在全球有將近700間門店喔！牛角家有独特的8种烤肉配料，山葵醬油漬（我最喜歡這個，有點Wasabi味道），和牛脂肪，辣油，山葵醬油，和月見汁等等，每一种沾肉都有独特的味道！🤤菜品:重点推荐：「日本九州黑毛和牛」的肉較為扎實，且擁有平均的霜降脂肪以及濃厚的風味，味道真的绝了，一口吃下去滿口油香實在是太满足了！「澳洲和牛」也是超好吃的，牛肉中的“爱马仕”，一股甜香的牛油味道，口感嫩滑，入口即化，在嘴里溢出香浓的汁水！「美國SRF安格斯和牛」我真的太爱了！肉質柔軟多汁，入口鬆軟之餘亦能嚐出牛肉的濃厚香氣！😋这里还有雪糕🍦甜品🍮和沙律等任吃喔！服务:工作人員服務態度真的yyds，从入座点餐蹲式服务，經常幫忙更換餐碟，全程吃的很开心~吃肉真的会有幸福感！沒什么事情是吃一顿牛角解决不了的事，如果有，那就吃两顿！冲冲沖！