牛角Buffet (好運中心)

营业中

休息中

【沙田區】【牛角Buffet】其實呢間嘢我相信大家都食過，不過同之前壽司郎一樣，我驚如果我唔再寫吓，新嘅讀者又會以為我未食過，哈哈。不過又咁講，沙田好運中心開咗呢間分店之後，我都真係第一次食，所以「未食過」呢個講法都錯唔晒嘅，咁我係第一次食呢間分店吖嘛。而沙田嘅任食日式燒肉本身選擇都唔多，好運中心裝修咗之後就加入咗呢間「牛角Buffet」，都幾受歡迎。今次我係同兩位舊同事自費食 $438 嘅「嚴選美國和牛燒肉放題」，叫晒啲靚肉返嚟係咁食，任食就係有呢個好處，想食嘅話就即管狂叫，唔使留力。牛角嘅肉類一向都有質素保證，所以味道就真係唔差。不過自己年紀大咗，好多情況之下嘅任飲任食都已經食唔得多，除非真係狀態好好。三個人連埋會員折扣優惠，埋單 $1148.3，食個飯嚟講就真係唔平，不過講緊嘅係有質素嘅任飲任食日式燒肉，算啦。。。（地址：沙田橫壆街1-15號好運中心3樓3078-3079號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店（雅蘭）：1am0208深水埗區分店：1am0210油尖旺區分店（美麗華）：1am059

一進店就覺得店鋪沒有味道（烤肉店，沒有烤肉味）還以為是通風好加上人少。結果上來第一碟肉就吃得我懷疑人生，怎麼會有這麼沒味道的肉？口感差就算，它的肉完全沒味道！沒有任何肉的味道，聞著完全不香，吃進口更是，沒有味道！！！！！雖然我點的是Lv 1（怪我沒有點高級啲嘅？）但Lv1一個人也393的價格了難道不配吃有肉味的肉嗎？至少我在其他牛氣牛陣沒有遇到過這麼差的情況。可惜花了錢，又餓得要死，還是忍著難吃吃下去不少（嗯就是每一款試過都難吃）

Lunch食 定食飯題$96連加一 任食雪糕 咖哩飯 甜品生果 沙津 今期更新左menu 仲有龍蝦湯我點左個雞肉 估唔到下晝$100唔洗都有燒肉食 裡面抽風好勁 食完成身都無燒烤味

點了午市放題， 但感覺比起之前幾次吃，食物質量變差了好多， 都不怎麼好吃，肉質很硬 總之和之前幾次吃 明顯感覺食物素質下降了， 不知道是分店的問題還是店家品控的問題希望可以改進。。

今日兩點半度去到..餐廳冇乜人..但接待員工都要望下比咩位我地🙃最後比咗張門口位嘅卡位我地門口位完全冇冷氣..之後我地希望坐入啲職員先願意拆咗裡面啲枱與枱嘅屏風 比左張四人枱我地😅去到自助水吧 眼見有兩隻烏蠅喺度嬉戲🙂🙂🙂去汽水機㩒咗杯無糖可樂 望一望杯嘢係透明冇汽嘅最後唯有轉飲可樂啦☺️食物方面 真係有待改善 唔知係咪未試過牛角buffet 我覺得我下次都係會去番牛角食單點唔食buffet 了🔸推薦指數 ⭐️🔸環境衞生 ⭐️🔸員工服務⭐️🔸食物質素⭐️

本身3個人滿心歡喜黎食晏。食到一半，佢地既員工，執隔離枱嗰陣，佢手拎住一盤食地食過/飲過既野，正在放上車時，唔知鬆手定點，將人地飲過既野，潑曬過黎。係到頭淋嗰隻！！！！！！！！事後，出黎同我講，free我地2個人。完全不能接受！！！！！你而家係將人哋食過飲過嘅嘢淋曬落我度。仲要我俾錢？以後都唔會幫襯！！！！！！！！

和家人打算早少少食晚餐，見到好運中心呢間牛角，不過評語話佢哋超差，個心都打咗個突。當日一行4人最終都係決定試吓，比個機會佢才再作評論。食SS-2餐，所有肉類都OK，沙律、飲品及雪糕都幾好食。至於評論話服務差，老實講我真係唔覺喎。不論男、女店員都有禮貌，而且點餐都好快上菜。食100分鐘，到了80分鐘有店員遞上帳單通知，就如其他食放題的食肆一樣，當時已十分飽了，所以沒有再點餐。真心評論：可以再食嘅店。

我都係想好好地食餐飯啫真係咁難嗎？我哋一行2人係餐廳門口就已經要我哋點定食咩餐，位都未坐低就已經開始計時喇！咁職員都好快就帶我哋去咗一張有兩個爐的4人枱，但餐廳竟然將4人枱夾硬間為5人枱，最後隔離嚟咗兩個大人加一個小朋友，之後她們都覺得太迫頂唔順要求調位，職員先將張枱還原做返4人枱，咁我哋先之唔洗迫住咁食咋，但最離譜係我哋明明仲有7分鐘先夠鐘，有位男職員已經態度勁差呼喝我哋話夠鐘，要我哋走！但我睇返張單點餐時間明明係18:27，揀咗100分鐘嘅餐，應該可以食到20:07吖，但嗰位男職員20:00就趕我哋走，如果佢當時客氣啲話仲有幾分鐘就夠鐘，感覺會好好多囉！食物又唔係特別好食，價錢又唔係平，不會再幫襯了！

抵食又超有質素的午餐👏🏻🤩今個午餐超有驚喜人均85 就食到半自助餐重要樣樣新鮮好食👏🏻羅馬生菜沙律好甜，牛油果勁新鮮😍珍珠米飯，配咖喱牛日式野菜咖喱❤️定沖繩豚肉牛肉汁都好好食👏🏻😍再配埋佢個紫菜好好味變咗燒肉只係配菜😂自助吧先係主菜🤣北海道牛乳雪糕加埋Tiramisu雪糕勁正🍦仲有關東煮海帶湯其他甜品，好多好多都未食飽到呢😂❣️大家一定要多多支持香港飲食🥹🫶🏻唔想咁有質素嘅餐廳買少見少寫食評人系我老婆

星期六晚行開新城市，睇下有咩食，就諗住試下牛角自助燒肉，拎飛排隊，2人，拎飛行開唔夠5分鐘返黎，見個飛號已到，但就話過左要等下一張，過30分鐘先安排入去，以為好多人full 哂，點知入到去睇到有幾張空枱(2人），但一路唔叫飛。食物及種類麻麻，自助bar得飲品及少量蔬菜無乜野食。總結體驗麻麻！，下次唔會再去！！其實睇之前d人既評價我都唔信，心諗試吓啦，可能d人專登差評，點知原來係真係差到甘，唉！真劣評！

一早book 定位，所以準時入座 。因為朋友唔食牛的關係，所以平平地吖左個LV 2 ($4xx/位) 。之前同家人黎食LV 4 ($6xx/位)，所以以為今次都係食130mins！原來LV 2 只可以90mins ！(埋單至知)當我地又叫到一枱野食的時候，經理走黎叫我地埋單！話夠鐘了. 係我唔啱冇睇清楚時間！但乜你地唔係應15-30mins 後通知食客夠鐘嗎? 根本會燒得切！但我地照繼續燒 (主要唔想浪費食物) 佢只有不停趕我地走同趕我地走！(最後當然燒唔切啦)以為出面好多客喺度等？錯喇！係一個都冇！個場仲要大把吉位！怪不得你地越做越少客啦！上次同屋企人食$6xx/位，其實我可以去同區酒店食buffet 4小時！ 你個價位$482，但只有90mins！ 根本冇可能燒得切！冇乜事我都係走返去石門食韓燒！至少間韓燒唔會催我地走！而且只需要$2xx/位！

昨晚去牛角諗住食佢地限時優惠晚餐， 大約6點攞飛， 諗住最遲8點應該有得食，點知等到9點幾都未得，出面等位嘅客人開始鼓噪， 一路都有向櫃檯查詢， 過左的3個小時，都有零星客人離開，詢問下才知佢地的安排非常垃圾，客人過左限時100分鐘，係吾須要立刻離開，佢地只是截單，客人係可以繼續坐，食出面嘅熱食同雪糕，中途仲可以比佢嘅金會員插隊，呢個安排認真垃圾囉！裏面客人繼續吹水，出面客人一路吹風，到九點半終於安排出面所有客人入座， 佢地有講未必食得足100分鐘， 但已經9點幾周邊所有餐廳都關了門， 都冇嘢可選擇食用， 都等左咁耐， 都照樣食，但佢地都吾好咁過份，10點半截單，11點關門，出面所有熱食雪糕都開始收哂， 上半場夠鐘可以吹水食雪糕，下半場就比人趕走，真係超級10級垃圾。

今日18:13攞飛，結果等到21:30先有得坐。原本個餐係食100分鐘，那麼正常人都會唸我第一轉輪唔到我，那下一轉最多115分鐘清場，應該有啦！ 點知原來哩間垃圾係會不斷比飛所謂嘅 VIP 打尖，好似我張飛竟然會比20:15分先攞飛嘅所謂vip 打尖入座先。之後追問下，店員再講佢地係唔會叫夠鐘嘅客人交枱，佢哋只係唔可以 order 食物，但又好離奇地可以繼續去自助 bar 取甜品等其他食物，繼續吹水， 不需額外收費，那攞左飛嘅未入坐客，繼續係外面吹風那對於攞飛嘅客，係咪好不公平。冇可能如此安排混亂囉。其實，好似酒家分2段時間嗰啲，我都知道第二round 會到我啦！ 唔會唔叫客人交枱囉～好啦，終於排隊到我啦，進食時間又變左少過100分鐘，仲要準時23:00離場關門，那對客人十分不公平

今日大約5:30去攞2人枱飛，我攞嗰張飛同當時只差9個號碼，但到7:30都未到我張飛，我覺得佢哋按排入座好有問題，成日安排vip同3-4人枱，最終我哋都係放棄咗…..

這幾個月在這家吃過幾次lunch，感覺水平下降嚴重。1） 價格偏高但肉質偏差，午餐的set，去到200元水平（D餐）也只有少量美國牛，亦不是什麼靚部位。既然是set，還給這麼少的份量，性價比實在不足。近期剛漲價，漲價前還好，但現在漲價幅度過大了，食物同價格不對等。跟其他品牌連鎖店相形見絀。（某些店100+ 已有日本和牛食）2） 沙律吧質素較差，僅有罐頭水果，沒有新鮮水果。3） 最大問題：所有杯碗 都沒有洗乾淨，全部帶有一種怪味，好似洗碗抹布味道殘留，十分破壞食慾！ 尤其是金屬杯，摸上去還帶油。4） 進門時，就一定要讓人揀餐，有d人喺門口睇餐牌睇好耐，仲要幾個人討論一輪，都不會安排下一個，後面人點解要排隊等佢想清楚食乜？中午本身都趕時間，就不能考慮優化一下機制？唯一亮點，只是鹽醬，點肉確實好味。燒肉汁都淨係咸味，不好吃。不過這是個人口味因人而異。除了門口排隊體驗差，食嘢過程中侍應態度尚好，隨叫隨到。但這些已經無法掩蓋上述缺點帶來的負面體驗，若不改善，以後恐難再幫襯。