牛霸王

营业中

休息中

在觀塘工廈林立的街角，藏著一間讓食肉獸瘋狂的平民餐廳——這裡沒有華麗裝潢，卻以實惠價格和足料美味征服了無數街坊的胃。招牌牛肉薯餅絕對是必點之作！外層炸得金黃酥脆，咬開瞬間湧出熱騰騰的濃郁肉汁。混合了洋蔥粒的牛肉餡料鮮嫩不柴，與綿密的馬鈴薯形成絕妙口感，沾上特調茄汁更是畫龍點睛。不少食客專程外帶回家，就為了一口接一口的罪惡滿足感。驚喜的是，這家肉食天堂竟藏著軟雪糕這顆彩蛋。新鮮製作的牛奶雪糕質地細滑如絲，奶香濃郁卻不甜膩, 吃完重口味的牛肉料理後，來一支冰涼雪糕，簡直是味覺的完美平衡。其他亮點還有份量驚人的「和牛漢堡飯」，但最推薦的吃法是：牛肉薯餅配雪糕，再加一杯凍檸檬茶，就能享受雙重美味。下次逛APM逛到腿軟時，不妨轉個彎來這間街坊食堂，體驗觀塘人才懂的高CP值滋味！

最近去咗觀塘一間小店，叫做「牛霸王」。呢間餐廳位於樓上鋪，環境唔錯，讓人感受到本地小店的用心。服務員都非常友善😉首先，我哋試咗手打和牛漢堡扒丼飯👍🏽真係好有驚喜！漢堡扒做得非常嫩滑，肉質鮮美，食完碗底有驚喜😍😍我哋中咗送一客小食，真係開心！我哋試咗招牌牛肉壽喜燒🐮🐮上既時候係生肉，自行決定牛肉煮到幾成熟😋😋牛肉味道濃郁，搭配甜甜的壽喜燒醬😊好味！可以感受到牛肉的鮮美，搭配蔬菜，營養又美味😘小食叫咗雞皮餃子，餃子皮薄餡靚，雞皮的口感非常脆，一個字，正👍🏽仲有叫左個甘栗紫薯餅，餅外皮酥脆，內裡嘅紫薯同甘栗混合得恰到好處，帶有自然的甜味，好味😋飲品方面，我哋點咗蜂蜜綠茶同柚子蜜🍊蜂蜜綠茶清新可口，唔會太甜，正好可以解膩；而柚子蜜則帶有一點酸酸甜甜的味道，令人感到非常清爽。🙂整體來講，「牛霸王」嘅菜式味道好，服務態度友善，真係一個值得推薦嘅小店。

呢間上樓小店係朋友推薦，佢話環境簡約，料理亦非常有誠意，值得一去再去！日式和風沙律~份量比想像嘅多，菜葉亦都夠脆口，呢個脆嘅程度，保證新鮮！加上以半均勻的醬汁，略帶酸口，非常開胃！手打芝士安格斯漢堡蘭王蛋飯~手打嘅漢堡口感果然唔同，結實得嚟感覺較為鬆化，仲可以保留到肉汁，兩面煎至金黃色，配上其他配料簡直頂級享受！蘭王嘅蛋黃色澤夠曬奪目，一切開，蛋黃汁緩緩而下，配埋溫暖嘅白飯，蛋香四溢，令人食指大動！食到最後，每一隻碟都會有特別嘅字句，溫暖入心。日式慢煮豬軟骨飯~睇餐牌標榜咗係慢煮五小時！用慢煮嘅方式可以保留到肉嘅質感同時夠曬軟，重點係非常入味！我會稱之為精緻嘅烹調方式！

牛霸王📍成業街19-21號成業工業大廈1樓26號舖一直好想帶朋友到觀塘工廈入面食牛霸王🐂，今日終於放假有機會啦😆😆重要咁岩撞正有活動，叫和牛漢堡飯可以抽獎，正呀😍😍＊＊＊＊＊主食＊＊＊＊＊手打和牛漢堡扒丼飯 $148.0我地就簡左配秘製漢堡汁同日式泡菜，一上枱就見到成個賣相都好高質，好適合打卡📸雞蛋係用蘭王蛋，蛋味非常香濃🥚和牛漢堡好重牛味，啖啖肉汁，最驚喜嘅係原來抽獎係碗底，今次抽中左加1蚊多一塊漢堡扒😍😍好Happy😆😆❤️推薦指數：10/10招牌牛肉壽喜燒 （1-2人用） $228份量同配料都幾多，有蔬菜、大粒冬菇、金菇、紅蘿蔔、豆腐，驚你唔飽入面重有粉絲添，牛肉都有好多片👍油脂豐富，唔會好韌，食完好滿足😍推薦指數：9/10＊＊＊＊＊＊小食＊＊＊＊＊＊炸日本菜肉餃子 (5pcs) $48菜肉餃子即叫即炸，一口餃子，食落口脆卜卜熱辣辣，好食👍日式和風沙律 🥬🥗（大） $38沙律菜好爽口，食落好Fresh，份量都足，我同朋友都食得好開心😆推薦指數：9/10＊＊＊＊＊飲品＊＊＊＊＊我地叫左一杯蜂蜜綠茶（凍)同一個白桃烏龍 （熱），白桃烏龍又有驚喜，用茶壺裝好有儀式感，味道好濃郁，適合中意

又跟朋友去觀塘工廈搵食佢話呢一間近排做緊抽獎活動 佢仲話呢間好食過挽肉與米 所以就特登帶我過嚟呢度試吓咁我朋友同我都係牛魔王嚟嘅 同埋佢講到呢度既手打牛肉漢堡好優秀所以我哋都嗌咗牛肉壽喜燒同埋 和牛漢堡飯首先就嗌咗個和風汁沙律 🥗啲蔬菜同埋蕃茄都好新鮮同Juice 酸酸地嘅醋汁都唔錯 食完都好開胃招牌牛肉壽喜燒火鍋其實都係幾抵食 佢嘅配料 豆腐蔬菜菇類都已經好多另外仲有好多牛肉 而且都係好同壽喜鍋專門店個湯碗底都有得揮佢仲有蛋黃 芝麻醬 同埋醋俾你配牛肉 一口芝士外脆內軟 然後配埋沙律醬 一嚿接一嚿食都停唔到口手打和牛漢堡蘭王蛋飯橙黃色嘅蘭王蛋蛋黃 蛋味超濃郁和牛漢堡，超級Juice 仲有好重嘅牛味配埋個醬汁一齊食 蛋香同牛味溶係口中真心好過其他牛肉漢堡店最後我哋碗底抽獎 抽中咗多一杯飲品 🤪

見證隔離檯係觀塘工廈大食和牛霸王餐！入到去坐低冇耐就見到隔離大叫中獎，原來食招牌手打和牛漢堡蘭王蛋飯($128)清晒後碗底可以開獎，中到「免費請你食」就堅係霸王餐 我地得「送你小食一客」哈哈🥩 手打和牛漢堡冇想像中油膩 配埋蘭王蛋撈飯冇得輸🍚 夜晚唔想食飯咁邪惡可以叫牛肉壽喜燒($228) 大大煲有好多片牛肉蔬菜菇類 湯頭清甜唔會好膩 另外仲跟個蛋黃比你沾牛肉食🍲 另外小食雞皮餃子($58)咬落去唔小心爆到成條褲都係汁⋯🥟 甘栗紫薯餅($28)唔會太甜做甜品一流🌰🍠

觀塘工廈一向都出名多野食，今次嚟到觀塘依間牛霸王食手打和牛漢堡，喺成業工業大廈一樓。最近仲要出咗個碗底驚喜活動🌟，食完碟飯記住望下有咩驚喜。🍴招牌手打和牛漢堡蘭王蛋飯和牛漢堡勁厚身，煎到表面有微焦嘅感覺🔥，上面嘅蘭王蛋輕輕一拮，蛋漿慢慢流落個和牛漢堡同飯，感覺好治癒🥚。食落和牛漢堡肉質鮮嫩，咬落好多汁，肉味香濃，和牛漢堡上面配上泡菜估唔到都幾夾，酸辣嘅味道配上和牛漢堡一齊食幾特別😯。記住有碗底驚喜嘅活動，我個碗底就寫住$30有30罐可樂，唔知算唔算好彩呢😙。🍴招牌牛肉壽喜燒牛肉份量都好多，附送左兩個蛋黃同兩set醬汁，牛肉沾埋蛋黃一齊食，令牛肉更加滑嫩，蛋香同牛味加埋好夾😋。配嘅醬汁係麻醬同個有柚子味嘅醬油，柚子味醬油好清新，食完好解膩🍊。壽喜燒湯甜甜地味道仲幫食材嘅鮮味昇華，配菜款式都好多🥕🥬，每款都索曬壽喜燒汁，好鮮甜。🍴牛肉薯餅薯餅打到好綿密，食落唔洗點咬都食到🥔，外皮好香脆，味道好足，作為小食啱啱好。🍴雞皮餃子一咬落去，啲肉汁就飛曬出嚟。外皮焦脆香口，餃子好彈牙，肉質好結實🥟，一啖食落去，口感好滿足。

呢間嘢呢招牌菜就係手打和牛漢堡蘭王蛋丼飯！限量供應，用心用打製作，使用澳洲和牛！好睇又好食😘 漢堡扒好厚身，上面仲有泡菜、蘿蔔蓉、蘭王蛋😆 最底係飯同甜味秘制醬汁，日本米粒粒飽滿，撈埋橙紅嘅蛋食視覺效果好好 ，味又甘甜，同一般生蛋撈飯唔同，特別有蛋香味✨食到碗底有驚喜 好開心呀😆而牛肉壽喜燒份量足，夠2個人share ，入面都好多配料！呢度嘅小食都好出色，雞皮餃子煎到雞皮脆多汁，餃子餡好足！一口芝士炸到皮薄薄地，入面芝士微溶，好香好好食😋雖然在工業大廈，但環境都唔錯，氣氛日系，適合朋友、同事聚會，店員服務都唔錯，係值得過嚟一試的🩵以下是圖中菜式及參考價錢💵・　手打和牛漢堡蘭王蛋丼飯 ($133)・　招牌牛肉壽喜燒 ($228)・　一口芝士 ($58)・　雞皮餃子 ($58)・　Coke zero (+$5)・　蜂蜜綠茶 ($15)

聽到有間餐廳推出呢個日式丼飯盲盒，咁有趣既事而且仲係本地小店，當然黎支持下🐮手打和牛漢堡扒丼飯 - 秘製漢堡汁 + 韓式泡菜$133（配飲品）漢堡扒肉質細膩多汁，口感紮實卻不乾柴。搭配的泡菜微辣爽脆，中和了漢堡的厚重感，再配上蘭王蛋賣相更靚更添滑順口感。另外岩岩遇上佢哋碗底挑戰，食到大獎‘’免費請你食‘’所以呢個丼飯就免費啦🤩🤩好開心🐮凍蜂蜜綠茶綠茶茶香淡雅🐷豚肉壽喜燒 $188經典的日式壽喜燒風味，豚肉片薄嫩入味，壽喜燒湯汁濃郁卻不死鹹，配料有豆腐、香菇、白菜等等🐤雞皮餃子 $58雞皮炸得金黃酥脆，內餡多汁，帶有雞油既香味🐮日式牛肉薯餅 $32薯泥混合細碎牛肉，口感鬆軟中帶點肉香🐮熱柚子蜜 $15柚香清新，甜度適中推出活動後好多人都會叫丼飯，體驗下盲盒既樂趣。當中不停聽到有其他人中半價戓其他獎品。覺得小店好用心🥹令到我哋唔會浪費同時又增加好多樂趣，整體氣氛歡樂

🍔手打和牛漢堡扒丼飯 $128呢個真係必試！個和牛漢堡扒質感超Juicy，加埋嗰啲秘製漢堡汁，成個飯底都吸哂啲精華，簡直係靈魂所在！配埋蘭王蛋🥚泡菜同蘿蔔蓉，加添酸辣味，更加豐富💯🥘豚肉肉壽喜燒 $188呢個份量真係啱啱好，兩個人Share都夠。豬肉片薄身但唔會煮到乾柴，壽喜燒嘅湯底偏甜，煮菜就最啱🥳🍠甘栗紫薯餅 $28咬落去好香栗子味，加埋紫薯嘅甜香，內餡唔會太膩，炸皮少少脆，唔錯！🥔日式牛肉薯餅 $32牛肉薯餅個餡好香濃，牛肉味幾突出，外皮炸到金黃香脆，熱辣辣咬落去真係好爽🤣📍牛霸王 (觀塘)觀塘成業街19-21號成業工業大廈1樓26號舖

最近我去咗「牛霸王」，一間主打和牛嘅本地小店🫶🏼！入到去，環境靚靚❤️裝修比較日底，氣氛好輕鬆，啱晒同朋友聚餐。首先，我試咗佢哋嘅手打和牛漢堡飯，真係一大驚喜！🤩漢堡排份量好足，牛肉餡厚實，咬落去時，肉汁瞬間爆出🤌🏼鮮嫩得嚟又帶有一點牛脂香，諗番起都流哂口水！佢哋用嘅和牛質素超高，油香撲鼻！飯上嘅生蛋黃配上和牛漢堡，令到味道更昇華😍唔會愈食愈油膩！宜家仲做緊碗底驚喜活動🤑食完和牛漢堡飯會見到碗底有唔同嘅字，做番對應嘅任務就可以有唔同嘅獎勵！真係好正！接住就係招牌牛肉壽喜燒🐮呢個鍋都幾大份，配菜都幾多！牛肉片好厚，係壽喜燒汁湯底煮完後有一絲絲甜味👍而且肉質鮮嫩，忍唔住勁快就清哂啲牛😂😂各種新鮮嘅野菜煮完都吸收哂壽喜燒汁，除左菜嘅清甜外仲有好香醇嘅壽喜燒味！最後係雞皮餃子🤩🤩會話呢個餃子係最Surprise 🤌🏼餡料調味做得好，唔會太咸。咬下去嘅時候，雞皮嘅香氣瞬間撲鼻而來🔥配上少少沙律醬，咸香得嚟又唔膩，真係超滿足！平時鐘意食雞皮嘅話一定要試試！✨

想試呢間嘅手打和牛漢堡好耐，今日喺觀塘附近食晚餐，所以就嚟咗！佢最近有個碗底任務，可以搵吓個碗底有冇特別字眼，會另外有優惠或者折扣🤣 手打和牛漢堡丼飯 $133面上係蘭王蛋，蛋味香濃，另外可以揀醬汁同埋配菜，個手打和牛漢堡都幾結實，牛味濃郁！😋 豚肉壽喜燒 $188 份量都幾大，有好多蔬菜，娃娃菜、冬菇、豆腐、芋絲、金針菇等等，壽喜燒湯底甜甜地，豚肉半肥瘦👍 另外小食都幾吸引，叫咗紫薯餅$28同埋牛肉薯餅$32 ，兩個都炸得幾香脆，入邊餡料都唔少，尤其紫薯餅比較驚喜，成口紫薯，仲有粒粒栗子喺中間，好滿足🥳

今日再去食久違了的牛霸王，由於我減肥中，所以點了漢堡扒沙律再加一個小食一口芝士 。餐廳由4月1號起開始玩遊戲，逢係叫牛嘅飯或沙律，碗底會有隱藏驚喜！！我嗰日係打電話講我愛你 ！！只要打電話去畀任何一個人講我愛你，我就可以有半價！！！問返餐廳職員，原來其他驚喜有免費食一餐，有恭喜你升職加薪，有免費飲品等等 (仲有其他唔記得)! 好好玩！下次再玩！我覺得如果你唔大食嘅話，食沙律再加一份小食都好夠飽， 真係減肥恩物！ 蛋好有蛋味，係個漢堡唔係好夠熱。

充滿期待食蘭王蛋漢堡飯，17:30到達我見我2個人拎住4袋野當時仲未有客人，我地食完就快走我問店員我可唔可以坐四人枱？佢話全部有人book晒。。。我就同朋友講，我食完佢應該都仲未有客焗住放2袋喺地下個籃，一人攬住一袋食全場得我哋一張枱，完全冇諗住比多個籃/凳你放嘢😂食得勁辛苦見佢有「碗底驚喜」蘭王蛋漢堡扒丼飯，同蘭王蛋芝漢堡扒丼飯，一於叫芝士試下，有得選擇多飯/小飯，多汁/小汁。不過嚟到就睇到無論你選擇乜嘢份量都係一樣😂😂😂個飯整好嘅時候，放咗喺度，掛住吹水傾偈，仲要我提佢俾我，佢先識得出餐。。。。。$118蘭王蛋芝士漢堡扒丼飯，一個人食都唔會飽😂正正常常冇咩特別，唔會令你有嘩嘅感覺，亦唔會想再嚟交智商稅😂樓上餐廳$68都食到。。。。碗底驚喜，送你飲品一杯，仲要係下次惠顧主食先送比你😂好心啦，本身已經唔值，仲想用一杯飲品吸引你食多次，不了😂走嘅時候18:00都仲未有人嚟，唔好意思話滿座😂上咗去6樓再食雞，人哋就真係滿座喇🤣

觀塘工廠區成業街開咗好多新嘢食，最近去咗試位於成業工業大廈一樓嘅牛霸王，食物質素十分出色我哋叫咗一個日式和牛漢堡扒丼飯，和牛漢堡肉汁豐富，唔會過熟過硬，配上秘製嘅漢堡汁、蘿蔔蓉同芥末酸瓜，酸酸甜甜，為丼飯添加咗另一種風味，越食越開胃，仲想嚟多一碗。店員都會喺丼飯上添加一隻生蛋，蛋漿流出嚟好澎湃😍最近仲做緊一個碗底驚喜，聽聞如果食晒之後，見到「請你食霸王餐」，就會免單。我就冇咁好彩啦😂餐廳仲做緊一個牛肉壽喜燒，壽喜燒湯底甜甜地，配上芋絲、野菇、生菜等，用料好豐富，量都好多。另外都仲叫咗兩個小食，一個紫薯甘栗餅同埋雞皮餃子。紫薯甘粟餅炸得香脆，仲食到原粒嘅栗子；雞皮餃子咬落爆汁，仲有五件咁多😆總結而言，呢間丼飯小店食物質素高，值得推薦。