牛響度麵館 (Aeon Style)

营业中

休息中

🌖沙茶鮮牛熱伴麵 $59鮮牛份量都幾多，厚薄適中又無筋，不過有摺疊嘅部份，可以處理得更仔細，令沙茶醬更平均地沾上；伴麵嘅醬汁可選拾香椒麻、招牌蔥油、培煎胡麻，今次揀左拾香椒麻，食落香麻適中，辣味唔重，重口味者可以一試。🌗沙茶牛雜湯麵 $54點估到food court 竟然有牛雜！雖然無左啲鉸剪chop chop 聲，但有時癮到，喺food court 就止到癮係幾方便～牛雜份量都幾多又大件，有牛肺、牛粉腸、牛肚、金錢肚、牛膀等，個人最鍾意牛肺，如果有埋芥辣同甜醬就perfect 😬。🌖牛面頰 $38牛面頰係冷盤黎，份量唔少，滷得都幾入味唔會太鹹，如果想食熱嘅可以放入湯麵中。🌖黃金雞球（配蜜糖芥末醬）$38一碟四件，雞球唔肥啖啖肉，外層無乜炸粉炸漿，炸得唔錯，唔油膩又juicy；。🌖洛神花樣 跟餐+$12味道酸酸甜甜好開胃～🌗白桃冷泡茶 跟餐+$12味道較甜，一枝可以開兩支飲，夠曬抵😆。#soso_foodie2025 #soso_hk2025 #soso_50至100元 #soso_牛響度 #牛雜 #黃埔想睇同區食店介紹？可以參考👇🏻👇🏻#soso_九龍 #soso_紅磡 想睇同類食物

💖 牛響度麵館 (Aeon Style) (紅磡)✨紅磡黃埔天地第5及6期Aeon Style地庫1樓WP08號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️每一次去親黃埔AEON買嘢，都會見到呢一間餐廳好多人幫襯，Foodcourt嚟講佢都算係幾出名!!😏因為佢嘅牛骨湯真係好得🤤，好濃郁❤️-鹵牛面頰湯麵🐃 $52呢碗湯麵真係好有水準😋，牛面頰煮得軟嫩，入味十足，湯底濃郁又有香氣，唔會過於油膩🥳，配上彈牙嘅麵條，令整碗面都好有層次感。牛腩湯麵🐄 $52唔好以為牛腩就冇特色‼️呢碗牛腩湯麵嘅牛腩肉質同樣嫩滑，湯底濃郁，搭配啲蔥花同芫荽，增添咗香氣😌粟米豚肉小雲吞🥟 $29呢個小雲吞用咗新鮮粟米同豚肉，口感滑溜，雲吞皮薄，咬落去有驚喜👍🏻孜然雞翼🦴 $24雞翼經過孜然調味，香氣四溢😍，炸到外脆內嫩，勁多肉汁好Juicy😙糖心蛋🥚 $12糖心蛋煮得恰到好處，蛋黃流心🤩，搭配醬油。洛神花樣 $12洛神花樣酸酸甜甜，清新可口。御翠烏龍茶 $12御翠烏龍茶嘅香氣濃郁，喉韻悠長，係一個好嘅搭配，幫助消化。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇

先講佢哋嘅份量真係好足料大大碗！呢餐真係牛魔王🤓我哋叫咗蘿蔔牛筋腩飯❤️蘿蔔入口即溶，無渣清甜！牛筋軟韌得黎有咬口，牛腩較瘦，但食落一啲都都唔係，仲好入味😬邪惡牛雜飯❤️ 金錢肚 大腸 細腸 牛肺 牛傍 草肚，鍾意食牛雜嘅你必點！呢碗真係大滿足😌慢煮牛脷湯❤️牛骨湯底 刀削麵！刀削麵都幾掛湯汁，口感實在，牛脷一啲都唔韌仲好好咬😄汁煮肥牛飯❤️ 燒汁鹹鹹甜甜夠晒開胃，如果肥牛再多啲就更好啦😄呢餐真係啱晒牛魔王嘅胃口

同朋友尖沙嘴睇完戲，慢慢由海旁行吓兜吓，不知不覺行到紅磡，索性去埋Donki 掃貨。買到一袋二袋，又行左咁多路，諗起呢度有個foodcourt，咁就去果度唞吓，順便dinnerFoodcourt食物都有好多，Burger、日本菜、泰國菜、麵檔等等……最後俾呢檔嘅大電視介紹吸引到，想食佢嘅刀削麵。朋友揀沙茶牛雜湯麵、我就要慢煮手撕雞湯麵，再揀埋小食一齊開心Share沙茶牛雜湯麵，朋友評語係：牛肚、牛肺、牛腸、金錢肚、牛膀都有齊晒，煮得入味夠腍，係個湯太濃味。慢煮手撕雞刀削麵，幾鍾意刀削麵嘅口感，有一點點韌度、厚薄適中，能索湯。估唔到手撕雞嘅份量有好多，而雞肉都ok，唔嚡。湯底都幾好，清清地，帶少少肉味。炸邪惡鹵豬大腸，整份晚餐裡邊最出色，脆口、入味、脂肪唔會太多，入口唔會覺得肥膩，真係好正！而流心紅糖糍粑則驚喜欠奉，唔難食嘅，味道ok，口感煙韌、軟綿綿；流心嘅紅糖漿甜度適中。Foodcourt嚟講呢度坐得好舒服，坐位夠寬敞、亦光淨光猛，個人感覺比坐茶餐廳還要好，起碼食物選擇多，唔會有催迫感。

估唔到黃埔竟然有咁高性價比嘅餐廳！✨原來就係藏身喺黃埔AEON大船地庫嘅小food court～今次試咗呢間叫「牛響度」💥聽講佢哋佐敦仲有分店，主打濃郁牛骨湯底同辣湯底🌶️，真係一試難忘！ 今次叫咗👇🏻： 🍜「牛筋湯麵」配刀削麵（$54） 湯底超濃牛骨香，牛筋軟腍入味，刀削麵煙韌有咬口！ 一定要講嘅就係佢哋有部即叫即制嘅刀削麵機！！可以睇住佢整刀削麵嘅過程！！🦐「鮮蝦豚肉小雲吞」10隻（$35） 皮薄餡足，蝦肉彈牙，豬骨湯底清甜～ 🐔「慢煮手撕雞」配胡麻醬（$38） 雞肉嫩滑，芝麻香好突出，撈埋醬汁超開胃！ 🥢「蒜泥白肉」（$32） 蒜香撲鼻，肥瘦均勻，唔會膩～ 🍢「邪惡魚蛋」10粒（$16） 彈牙爆汁，加辣汁仲正！ 黃埔地段算好抵食😍！食完仲可以順便行吓AEON，完美週末行程～ ✨支持本地小店，發掘隱世好味！

🍜紅磡隱世麵館驚喜大爆發！牛魔王同麵癡注意～呢間「牛響度」專賣熱辣辣拌麵，啖啖濃香仲有超足料牛三寶，食完即刻想Encore！今次試咗幾款招牌，真心想同大家share吓🥢🔥【沙茶牛三寶熱拌麵】 牛魔王必點！牛腩、牛筋、牛肚三兄弟浸滿沙茶醬汁，腩肉鬆化、牛筋啫喱咁Q彈、牛肚爽脆無渣，掛埋刀削麵啲坑紋真係超惹味～沙茶香得嚟唔會死鹹，食到底仲有微微蒜香，正到想舔碗！🌶️【拾香椒麻刀削麵】 麻香控尖叫！刀削麵厚薄均勻，咬落煙韌有麵香，椒麻汁嘅麻感慢慢滲上舌頭，唔會辣到噴火但夠晒過癮。加埋炸菜碎同花生粒，口感層次爆燈～🐔【慢煮手撕雞蔥油拌麵】 驚喜位係雞肉！慢煮出嚟嘅雞絲嫩到似食緊雞髀菇，蔥油香得嚟帶少少甜，撈勻刀削麵食簡直停唔到口。怕膩嘅可以加少許辣椒油，醒胃程度即刻+100！🍗【黃金雞球】 邪惡但停唔到口！雞球外層脆卜卜，咬開爆出流心鹹蛋黃漿，鹹香濃郁到好似食緊迷你版黃金蝦～記得趁熱食先有拉絲效果！🍑【白桃果冷泡茶】 食完濃味嘢飲呢杯超refreshing！白桃果香清甜，茶底完全無澀味，仲有粒粒桃肉咬下，解膩一流～

吾經吾覺，每次來到黃埔行街，吾知食咩我都會到food court 的牛響度麵館醫肚，皆因呢度性價比高之餘，食物岩曬口味😊呢度主打牛肉湯底/豬骨湯底既美食，配搭麵食，不同菜式，又或者冷面，拌面，湯麵都有，雲吞亦都係我既至愛，今次就點左幾款必食推介：1. 粟米🌽豚肉小雲吞浄食20 粒 （豬骨湯）$482. 韭菜豚肉小雲吞浄食20粒 （豬骨湯） $483. 蒜泥白肉 $384. 慢煮手撕雞熱拌麵（培煎胡麻，刀削麵） $525. 黃金大麥茶跟餐$12 小雲吞一口雲吞，容易入口味道👅又好食😋，特別呢個豬骨湯底都好夠味，雲吞來講係出色的，20粒真系好夠飽小食蒜泥白肉就偏辣，好似湖南辣果個辣味，建議真系食得辣先好點😅手撕雞熱拌麵就好好食好開胃啊，胡麻醬真系無得輸，刀削麵也彈牙，不錯選擇😋這裡的冷泡茶也是我特別推薦，解膩之選啊😊

呢間餐廳價錢好平，因為開響food court入面所以好抵食，位置都係自己揾位，先落單後取餐既，環境都幾闊落，餐廳選擇都幾多，呢間主要係食牛肉既。牛腩，牛內臟都有，我地叫左一碗鮮牛肉飯，牛肉份量都幾多而且飯量都大碗仲配有味素同埋粟米食落更有口感唔會太dry。另外叫左一份牛腩同牛雜，牛腩既肉全部都好厚身同大塊配埋巨型切好左既蘿蔔粒加埋牛腩汁岩晒，牛雜就有牛肺，粉腸，金錢肚等等。小雲吞細細粒清湯底一啖一口。

終於等到佢地有飯餐！！！我地今次叫左蟹黃醬拌飯❤ 配胡麻醬青瓜❤ 麻油雲耳❤ 車厘茄❤ 飯粒粒粒分明，煙UN香口，如果蟹黃醬再多D就更滿足了～ 口感厚實，味道鮮濃，好快成碗飯就食哂。。。配菜開胃可口，一個人食就岩岩好。沙茶牛三寶飯❤ 金錢肚❤ 牛筋❤ 滷牛面頰❤ 配菜仲有蘿蔔， 牛味十足，味道香濃，最中意牛筋軟冧好入味胡麻醬慢煮手撕雞❤ 底下有好多青瓜絲，食起黎幾清爽，雞絲唔嚡口。food court好處，慢慢坐慢慢食，係我地其中一間飯堂。

好友約我去行 Aeon，順道去位於紅磡黃埔天地第5及6期 Aeon Style 地庫1樓 WP08號舖1的《牛響度麵館》食刀削麵，食街型式經營，先購票，再自己找座位。我地點左：🥢沙茶牛三寶（金錢肚、鹵牛面頰、牛筋）$128🥢一囗韭菜豚肉雲吞湯刀削麵$49🥢黃金大麥茶$12🥢洛神花樣$12沙茶牛三寶份量不少，午筋軟腍，一咬即溶，金錢肚好食，鹵牛面頰牛味濃郁，有咬口，湯底濃都好味；一囗韭菜豚肉雲吞湯刀削麵係清湯底，雲吞餡料好味，刀削麵煙韌有噬勁；兩款冷泡茶清爽好飲。

紅磡AEON Food Court有間主打牛嘅麵館，除咗有湯麵拌麵等亦有飯類供應，下午茶更可用優惠價加配小食，性價比甚高。若想外賣返屋企嘅話旁邊亦有預先分配好嘅外賣餐，老少咸宜。蘿蔔牛筋腩份量十足，跟飯嘅話會分開上，十分貼心。牛筋軟嫩，牛腩大塊，蘿蔔吸滿湯汁，配飯一流。小食方面有黃金雞球，外層夠薄，啖啖肉好滋味、牛骨湯牛味出，無味精，值得飲。熱拌麵採用刀削麵，每日新鮮香港製造，咬落Q彈可口，私心推介。上面會搭配溏心蛋、青瓜絲、油蔥酥、蔥花同芫荽，拌埋一齊令到口感更豐富。刀削麵有三款調味選擇，個人喜歡蔥油口味，又香又唔膩。而配料方面都有幾多選擇，慢煮手撕雞超嫩，越食越上癮、粟米豚肉雲吞都唔錯，內餡足，一口一粒方便食用，各有千秋。

和媽媽在黃埔aeon選購火鍋食材是，見美食廣場內的食客正吃著刀削麵，看樣子還津津有味，最後我們亦點了來試。這家小店價錢不貴，麵食更分了熱湯及熱拌兩種，除了麵食還有小食及飲品選擇。牛筋牛骨湯刀削麵 牛筋份量不少，口感軟淋入味，有滿滿的黏黏膠原感，而牛骨湯有肉香，掛在煙煙韌韌的刀削麵上，非常好吃。沙茶牛雜刀削麵 牛骨湯底配有溏心蛋及時菜等配料，而牛雜的份量挺多，分別有牛肺、金錢肚、牛膀、牛大腸等等，個人最愛金錢肚，口感煙韌入味。炸邪惡鹵豬大腸 豬大腸炸香後，口感酥脆，沒有異味，相反，有濃濃的五香及孜然粉味道，一點都不肥膩，讚。韮菜豚肉小雲吞(8隻) 小雲吞每粒都是細細隻，漲卜卜，炸至金黃色後，口感香脆，蘸上酸甜醬，一啖一口，非常滋味。泡椒魚皮 魚皮Q彈有嚼勁，味道酸中帶辣，與青瓜絲一同放進咀裏，能中和辣味。

食咗$200我哋兩個人食嘅絕對係自費去咗紅磡食附近好近樓下就已經到啦，唔使等好耐就有得食價錢適中嗰啲米線好好味絕對係香港正宗老師好嘅米線好好食呀好入味佢啲水餃好好食大大粒好新鮮好味道食完之後超級開胃我哋又嗌咗個飯個飯都勁大碗，佢啲豬肉真係好好食㗎價錢真係好食中我哋仲配埋嘢飲啱晒解渴呢間唔使等好耐已經有得食喺food court有得坐，所以我都幾鍾意幾方便價錢平平哋同朋友行吓食吓，我覺得都會揀呢間㗎我覺得唔錯

以前居住在紅磡，經常來到黃埔的AEON逛街，不過自從搬來紅磡之後就已經很少來到。今天下午在附近按摩，便來到這裏吃過下午茶。慢煮牛脷拼牛丸麵，經過慢煮的牛脷，軟腍可口，沒有喪失牛脷的獨有味道。牛丸爽口彈牙，牛肉味道香濃，面質沒有較為爽口大牙，如果面質再爽口一點會更好。油菜，配合牛腩汁的濃味，令到生菜的味道層次更加豐富。慢煮手撕雞，可選擇蒜泥或口水醬，口水醬香辣可口蒜泥味道香濃，雞絲軟硬適中，非常惹味。百香果冷泡茶，冷泡茶加入百香果果汁之後，酸酸甜甜，非常開胃。

我食咗佢個刀削麵真係超級無敵好食佢個牛脷配上特製嘅麻醬好好食唔會好鹹亦都唔會太過辣，然後佢好足料再配上啲青瓜健康晒呀即刻份量啱啱好食完勁飽飽佢亦都有好多小食例如係炸地瓜我哋食咗勁多粒即叫即整入邊仲有香芋味真係好好食六粒$26我覺得係合理嘅仲有啊佢哋亦都有炸雲吞佢嘅炸雲吞真係好好食佢煮打湯麵佢有好多角色各類型嘅湯麵俾大家揀又有豬手又有牛舌又有牛腩我覺得好啱每個人鍾意食麵嘅朋友仔價錢適中喺黃埔就已經有得食啦，好鍾意