犀牛犀牛 (Wetland Seasons Park) (已結業)

工作時，經過天水圍路，午餐食唔飽，去到4點幾已經餓。見到有台式吐司，特別係芋泥肉鬆就即刻想試下。加埋佢個裝修都唔錯，好啱打卡。$35個吐司份量都夠，做Tea做Lunch都得。如果加台式手搖杯飲料，都係$50幾。芋泥甜度剛剛好，肉鬆唔會好咸，又香又酥，質感全部都係碎，唔會突然有粒大嘅要你𡁻。啲肉鬆係我食完兩個鐘之後，都仲有陣肉香味係口入面。真係唔錯😘略嫌個蛋餅有啲薄。個吐司話係湯種麵包。我唔知同普通麵包有咩分別？🤔整體來講真係好好。下次試下啲野飲。

.《犀牛犀牛Rhino》Chill Fat推介：🌕🌕🌕🌕🌑（5🌕最高）今晚無飯之夜，悶悶地碌下 Deliveroo睇下有咩食，發現原來附近開咗間新餐廳轉賣台式吐司小食，一於就訂嚟試吓，唔使15分鐘勁快脆就送咗過嚟…芋泥肉鬆蛋吐司$42芋泥甜度適中口感好綿密，配埋肉鬆同蛋一齊食勁有台灣嘅感覺，吐司好軟熟不過因為係外賣嘅關係所以脆嘅口感已經冇咗，如果芋泥多啲就好啦。呢個配搭我相信好多人一聽到就知道係台灣嘢…香香雞塊$24脆卜卜又夠乾身，送到嚟個紙袋都唔會油淋淋，證明佢查得好好同埋有做到隔油，好味！伯爵奶茶$30勁香伯爵茶本身獨有嘅茶味同香味，即使揀咗正常甜度都唔會太過甜！入口好順滑…茉香蘋果$26勁香茉莉花味之後Aftertaste就係淡淡嘅蘋果味飲落去好舒服，食完啲比較飽腹感重嘅或者有少少油膩嘅嘢食，飲返一啖好解膩！重點係兩杯飲品嘅紙杯嘅花紋係超級靚青花瓷咁樣同埋杯上面除咗有餐廳嘅logo之外，仲有一啲提醒香港人嘅說話！值得一試！因為係夜晚所以懶得出街先叫外賣，我相信堂食應該會仲家好食同埋價錢應該會比起喺外賣平台上面訂嘅平，不過唔使出門口就有人將嘢食送上屋企俾你，真心嘆！

新開不久既台式蛋餅店舖，好懷念蛋餅既味道，仲有烘三文治，一解思念台灣既中情。叫左鮪魚嘢玉米($40)，薯泥培根蔬菜蛋餅($37)，花生醬培根起司蛋餅($32)。蛋餅拎上手好重，每個蛋餅既餡料都好足，由頭食到最後，依然好多餡料。蛋餅唔乾身，好香唔算好油膩。其中，薯泥入口滑，鮪魚玉米量多，湧出黎一樣。全部都熱辣辣，等大約15mins，值得。可以加錢變成set，有飲品、沙律及小食。雞柳大大條肉嫩，外皮炸粉完全唔厚。芝麻醬配雞柳亦唔錯。另一款沙律配芋泥，芋泥帶甜，食唔慣甜沙律，但加入乳酪醬食，還好。如果芋泥係蛋餅既餡，會好好多。雞柳有2大條，同沙律既係一樣，所以食雞柳沙律都幾抵。雞塊肉嫩juicy，炸得脆身，加錢變套餐配小食唔錯。飲品揀左白桃烏龍，走甜果然冇揀錯，因為白桃粒咬開之後，就好甜，而烏龍就中和左。另一杯黑珍珠奶綠都係走甜，黑珍珠用黑糖製作，所以都帶甜，杯身有黑糖花紋，隻杯上面仲有字句。整體，雖然冇枱for堂食，但有座位俾人坐係到得外賣。當日有好多人都買外賣and外賣速遞員添。支持，抵食。

見屋企附近開左間新野，雖然無咩人流，但望落去好似都ok咪諗住試下，點知一試就中伏叫咗杯黑珍珠烏龍奶茶，$30價錢都算正常，但一飲落去真心真係好難飲，未試過飲啲咁難飲既奶茶，啲珍珠又淋又黐埋一堆，個口感都唔係食緊珍珠，奶茶得個甜字，完全無茶味，好似飲緊啡色糖水加啲嘔心珍珠，杯野飲左一兩啖即刻扔左，再飲都唔知會唔會肚屙以後都唔會再幫襯呢間野，啲野飲咁難飲啲野食都唔方好得去邊，奉勸大家唔好嘥錢幫襯，唔係真係會後悔呢間野真係好唔掂，希望唔好再有人中伏

一早起身唔知食咩早餐，成日沙嗲牛肉麵真係唔掂！咁岩行過呢間鋪頭，見到佢d 野食好似幾正，入去試一試佢！果然有驚喜，我嗌左個培根芝士捲餅配杯黑糖珍珠奶茶！捲餅即叫即做，熱辣辣咁傳到我隻手到，一試真係好好味喎，d珍珠又好食，仲要甜度適中😍😍😍大家真係要試下，我都忍唔住返轉頭買多兩杯俾老細飲