影片
营业时间
今日营业
12:00 - 22:00
星期一至四
12:00 - 22:00
星期五至六
12:00 - 22:30
星期日
12:00 - 22:00
公众假期
12:00 - 22:30
公众假期前夕
12:00 - 22:30
以上资料只供参考，请与餐厅确认详情
呢日友人帶咗我嚟青衣城打邊爐，呢間台式火鍋做緊”日本JA全農和牛嘉年華”有買一送一優惠😮 仲送500g嘅日本和牛，真係好抵呀😻 呢個套餐除咗日本和牛，都有多款肉類提供，牛魔王一定會鍾意😉鍋底除咗恆常有嘅八款鍋底之外，亦有推出期間限定鍋底😆 我哋試咗台南清香椰子雞鍋，喺打邊爐之前我試咗一啖湯底，真係好清甜，入面除咗有烏雞之外，仲有蟲草花、杞子同埋椰子片🥥肉類“日本JA全農和牛嘉年華” 除咗有額外附送嘅日本A5和牛之外，其他嘅肉類餐點係等於”美國極佳牛肩胛肉晚餐”，所以買一送一嚟講，其實價錢幾抵食🤩 500g嘅日本A5和牛令人好滿足呀，因為佢嘅雪花勁靚，入口即溶🐮 呢個套餐仲包括其他豬、牛、羊同埋雞。當中嘅美國極佳牛肩胛肉牛肉味道幾濃郁，而且淥完都幾嫩滑。海鮮海鮮方面，呢度有兩款鮮魚片、海蝦、墨魚仔、墨魚滑等等。個人幾鍾意佢嘅墨魚仔，食落口幾爽彈🦑火鍋配料有台灣嘅鴨血同埋蜂巢豆腐，兩款都好適合火鍋🍲 可以喺QR code落單之餘，外面仲有個排列整齊嘅自助吧，有大量丸類同埋蔬菜🥬 咁就可以均衡飲食啦，又有肉又有菜。熟食區台式嘅熟食都有好多種，除咗有常見嘅台灣腸之外，個人鍾意佢嘅藥膳雞腳同埋台式滷豬手，兩款都炆得好入味🐷 餐廳仲增設咗一個台式小菜任食嘅區域，我比較遲先發現到呢個區，位置喺餐廳入口附近。台式小菜非常受歡迎，見到好多客人都食得好滿足😗甜品甜品方面，除咗有雪糕雪條任食之外，喺自助吧嘅一旁仲有個甜品區，入面有DIY台式仙草芋圓同埋西式嘅芝士蛋糕🍰 呢個芝士蛋糕食落口好綿密，雖然比較飽肚，但係都推薦大家試吓，我仲用雪糕配埋芝士蛋糕一齊食添呀🤪飲品餐廳提供嘅汽水居然有人氣產品 生 百事🥤 另外亦都有店舖自家製嘅無糖茶，比較特別嘅係見到白桃烏龍茶嘅茶包入面有啲白桃粒粒，落去嘅白桃味好清香🍑 另外亦都有啤酒任飲。而家餐廳做緊買一送一優惠，約埋朋友一齊嚟食就啱晒啦💛
继续阅读
同屋企人經過青衣城， 突然間好想打邊爐， 遇到呢一個和牛嘅優惠買一送一， 598買一送一真係幾抵所以即刻試下餐廳環境好舒服， 有一張好大嘅卡座鍋底 我哋揀咗椰子雞， 入面又有烏雞，感覺好有誠意足料嘅和牛質素好高， 牛肉嘅雪花好靚，食好有牛肉味， 入口即融勁正因為囡囡好鍾意食蔬菜， 所以特別留意， 見到佢哋嘅蔬菜全部都好新鮮， 又多款式所以好開心仲有好多款台灣地道嘅熟食， 款款都唔錯去到放題最關注嘅環節都係雪糕🤣🤣 其實有häagen-dazs雪糕我哋都好滿意所以呢次用餐經驗非常好，報告完畢☺️☺️
继续阅读
平日的午市一個人找食🤔⋯⋯$98，再加一，有 數片豬肉、四件雞件，任食的有火鍋配料：菜、粟米、豬皮、丸類、腸仔、木耳、豆腐、菇類等等，選擇不少。還有炸物，如：炸牛奶、炸芋泥球、南瓜。烤腸、小籠包子、肉燥飯等等。我覺得呢個價錢性價比高，職員亦常留意食物枱周邊的清潔及收碟，也主動問加湯，服務態度好👍🏻。原本這個餐只有60分鐘，如果大食，是有少少趕的，但今日免費升級，有75分鐘，絕對足夠。今日也可不用急著食。這店食物質素不錯，豬肉片不感鞋口。小籠包子皮薄，好味。雞件煮完都很滑，非常讚😋👍🏻。
继续阅读
隨著寒意漸濃，一班朋友約了到青衣城的「犇殿」，享受一頓豐盛的火鍋盛宴。我們選擇了$398的套餐，時限為120分鐘 ♨️😋一進入餐廳，服務員便引領我們入座獨立房，環境寬敞舒適。套餐包括多種肉類，最讓人期待的就是澳洲M9和牛。這種和牛以其極高的油花和鮮嫩的肉質聞名，確實沒有讓我們失望。每片肉都切得恰到好處，放進鍋中涮煮後，肉質依然保持著柔軟和多汁的口感 🥩👍🏻👍🏻除了和牛，套餐還包括新鮮的海鮮船，其中的鮑魚和扇貝尤為出色。自助區的選擇也讓我們驚喜不已，二十多種台式小吃如涼拌豆腐、麻辣木耳等，為這頓火鍋增添了不少風味。熱葷方面，除了火鍋的食材，還有蒸水蛋、鹵水拼盤和黑椒香腸等。較深刻是藤椒魚皮，十分爽口開胃～🌶️🤭不過，這次用餐甜品區讓人大失所望🍦首先Movenpick的雪糕有限，幾乎沒有補貨。此外，DIY的台式糖水雖然看起來吸引，但芋圓應該放了很久、又硬又粉，口感不佳，影響了整體的用餐體驗 😣🥺總的來說，「犇殿」的火鍋品質頗高，特別是肉類和海鮮的新鮮度讓人印象深刻。雖然甜品的表現有待加強，但整體而言，這裡的用餐體驗還是相當愉快的。與朋友們圍著熱氣騰騰的火鍋，分享美食與喜悅，正是這個季節裡最美好的時光 ❄️🔥
继续阅读
吃到飽・90分鐘放題套餐：美國尚品黑毛雪花牛（$388）星期一至四晚市時段，惠顧此套餐，只需帶多一位朋友同行，會員即可享免費優惠。（加一加原價，折實 $465.6，除開每人$232.8）湯底有八款可以揀，要咗藥膳紅燒牛骨鍋，味道濃，藥膳味唔出。有四款牛肉可以任食・美國尚品黑毛雪花牛，四款牛呢款最好食，有牛味，食落嫩，唔多肥膏。・澳洲特選牛肉，都有牛味，但比較多肥位。・美國牛板腱，有肉味，但偏嚡。・上選安格斯牛肉，肉味唔多。除咗牛肉，仲有豬羊雞，海鮮有鯛魚片、蝦、蜆、墨魚仔，呢啲係用QR code落單。試過幾款都係普普通通，而且主要都係以食牛為主，之後都無再叫。出面有自助火鍋配料，都係一般嘅丸、菜、菇、麵、等等。另外仲有一啲台式熟食，滷三寶、鴨血、台灣腸、等等。最後就係飲品及甜品，飲品選擇唔多，得十零款；甜品有台式芋圓、涼粉、雪糕、雪條。
继续阅读