犇道 Chef Ben- Cafe & Steak Bar (弦海) (已結業)

不知所謂 欺騙手段！#垃圾話說我男朋友之前已經去過呢一間餐廳，而我今日好想食牛肉。所以男朋友就建議嚟呢一間餐廳。因為地點唔就腳嘅關係，我同男朋友各自從屯門搭的士到呢一間餐廳集合。而出發之前我男朋友都特登打電話嚟呢間餐廳講明會有兩位大約15分鐘後到。聽電話嘅接待員就話「可以啊，餐廳好多位」當我哋去到嘅時候，侍應先通知我哋，佢哋餐廳已經從扒房轉成泰式餐廳。但都仲有一款肉眼扒可以叫。咁最後我哋都叫咗唯一一款嘅牛扒同埋半隻海南雞。海南雞嚟到，超級鞋同乾，完全冇雞味。d汁又好咸。肉眼扒我哋叫咗五成熟。而我都係上牛扒時同侍應(最年長，亦係負責帶位的）反映雞好鞋。但佢只係哦。幫你同廚房講下。但最後塊牛扒都係無味同好乾會切出肉絲的乾！就算佢佈滿黑椒粒喺上邊都係無味！最後埋單，我同負責帶位嘅女士講，點解唔可以喺我哋打電話嘅時候就通知我哋轉成泰菜。佢話可能當時太忙。我亦都有話點解唔喺OpenRice寫你哋已經轉成泰國菜，而不是扒房。因為我聽到佢同其他客人講講佢哋已經轉咗三個星期Menu。極度唔誠實嘅餐廳

體驗差到第一次寫食評，想去食西餐鋸扒，但去到變左食泰式野。食物份量超少，而且唔算好食，叫左個廚師發板牛扒，黎到塊牛扒薄到同去茶記差唔多，d 薯條又係超少，加48蚊多個勁垃圾既沙律同特飲，個價錢完全反映唔到。而且最致命係服務超差，比個牛扒你又唔比刀，點食阿。個男侍應問多兩句已經燥底，態度咁差，唔怪得有個錢都去外地消費，完全貼錢買難受。又無得比現金，完全係一間好差既餐廳。千萬不要中伏，如果你諗住一家大細或者帶男女朋友去食，一定激死你。救得一個得一個，千萬不要去這間，信我。

犇道由牛扒西餐轉做泰國菜但真係唔好食，而且定價好貴，無下次而且侍應態度好差，生椰無曬貨就俾說話你聽，其實講一句話無貨咪得囉海南雞啲肉好嚡海鮮冬陰功啲急凍海鮮無味，入唔到啲湯味個冬陰功湯唔好食，啲金邊粉又好像煮唔熟咁擺碟係靚，但做返西餐牛扒會好啲

之前食過一間西餐廳令我念念不忘，所以專登寫返篇post 記錄下叫左個special set 2人餐（星期六日公眾假期$338，平日$298)每人有湯有沙律有main courses 有飲品勁香濃既薯仔湯，飲落啖啖薯仔香味，味道濃郁至於沙律，蔬菜新鮮又乾淨，顏色鮮艷，口感清爽，高質沙律實屬難得廚師發辦牛扒7安士叫左7成熟，牛裙邊扒牛肉味香濃，切開唔會韌，食落好淋又多肉汁，配埋又粗又香脆既薯條好正，另外不得不提係連d配菜都好出色，蓮藕蔬菜都煮到好淋好入味，認真大大滿足感香煎深海石斑柳配白酒忌廉汁煎到個皮好香脆，有微微索索聲，魚肉香嫩香煎鮑魚蟹膏蟹肉意式燴飯+$98鮑魚上面放左美味醬汁同三文魚子，令到質地唔靭既鮑魚更顯鮮甜燴飯個汁較得剛剛好，唔會太鹹，每粒飯都掛哂汁，味道甘香是日梳打今日係荔枝梳打，有大大粒新鮮荔枝雙倍特濃朱古力+$24朱古力味道好濃郁，個泡沫口感特別，建議攪勻前同攪勻後都飲下，兩種唔同口感，好有驚喜又好味桂圓紅棗茶+$38見隔離枱茶類有個靚靚茶壼，價錢又唔貴，就試下上面茶壺下面茶杯一set 過端上枱，好有美感，飲落味道清甜，唔會過甜總結，環境舒適，望到海，好chill,座位

餐廳對面就係河，幾閑情雅致，好適合拍拖，我選擇左雙人298的套餐，入面有牛排還有炸薯條、鴨腿、沙拉、還有前湯、意面，兩份主食真的夠啦，加上小食完全無問題的，晚上就是小酒吧非常有氛圍，對面就是海挺有意境的。

今天是結婚周年，想選一間環境雅緻的餐廳，就來了這間有河畔景觀的西餐廳，我們自駕來到，泊車十分方便，進入餐廳，果然沒有失望，餐廳內佈置別具特色，餐廳安排了窗旁位置，大型落地玻璃，看著河畔和優閒的途人散步，遠離煩囂，心情都放鬆了。吃西餐，當然不忘試試牛扒，就點了主餐牌上的南美洲極黑安格斯肉眼牛扒10oz伴薯菜 $368，還可加 $48升級套餐，但因怕太多吃不下，所以這次沒有升級，牛扒選了五成熟，切開的時候完成沒有血水滲出，真的要大讚廚師技術，牛扒味道甘香，口感軟腍，肉質濕潤多汁，配上自家烹調的醬汁，非常有水準，薯條還可以免費添加。另外還點了一個晚餐E香煎鮑魚蟹膏蟹肉烩飯 $138，初時還擔心烩飯會被太多汁蓋過飯香，但完全和想像的不一樣，十分有驚喜，飯和汁的份量絕對是黃金比例，而且加上啖啖蟹肉，簡直是令人開胃，吃到停不了，魚子粒和鮑魚都相當新鮮，完全沒有腥味。晚餐還配上粟米忌廉湯，和巨杯檸檬茶，檸檬茶也可以添飲，十分滿足。 和最愛的另一半，一邊享受優美景色，一邊嘆盡美味佳餚，是人生一大樂事。

又係我同妹妹開餐既時候啦 餐廳位置闊落 有個大螢幕播住歌 仲有個落地大玻璃對住屯門河畔 晚餐有set dinner+$38可以有齊餐湯🍲主菜🍝🥩沙律菜🥗薯菜🥔粟米湯🍲沙律菜🥗薯菜🥔味道濃郁仲有好多粟米粒粒係入面 沙律菜份量好足😍😍蒜香橄欖油蜆肉大蝦意粉🍝意粉偏硬身 散發住啖啖既白酒香氣🥂 配料都好多 番茄仔都好甜安格斯肉眼牛扒🥩因為我地兩個人太細食 所以就嗌左150G既試試 我地叫咗5成熟 肉質嫩滑 食落好有牛味👍🏻 仲有薯條添啊👅BBQ蜜糖烤焗雞翼四隻🐥雞翼散發著烤焗嘅香氣 外表搽左層甜甜地既蜜糖醬🍯牛角窩夫鮮果雪糕🍦窩夫口感都好脆 雪糕係雲呢嗱味 仲有啲雲呢嗱籽 令雪糕好香 一啖雪糕一啖窩夫 係好正😊巨杯檸檬茶🍹一上枱 同妹妹都嘩左一聲 果然係巨杯檸檬茶 大大杯 仲有得添飲😋😋

今日放假約咗朋友去屯門行街食飯，佢帶咗我去一間西餐廳食物質素好好，餐廳仲可以望到個海邊感覺舒適，值得推介。犇道 餐廳位置喺屯門業旺路101號弦海地下，餐廳裝修好有格調，一大片落地玻璃望出去有好多花花草草，仲有河邊感覺好舒適。bbq豬肋骨 152元，bbq豬肋骨火喉控制得啱啱好，豬肋骨入口非常嫩滑，配上燒汁令到味道更加有層次。一啖咬落去仲好juicy。蒜香橄欖油蜆肉大蝦意粉 108元，材料豐富有大蝦蜆肉份量都好多，意粉煮到啱啱好，軟硬度適中，加上欖油令到意粉更加嫩滑，意粉有蝦肉同蜆肉嘅味道，鮮味十足。澳洲沙朗西冷牛扒七成熟配上黑椒汁，179元，西冷扒賣相吸引，size好大，邊位燒都有少少焦香，入口牛肉味香濃，肉質嫩滑，火喉控制得啱啱好將肉汁鎖住。配埋餐廳嘅燒汁令到牛肉味嘅層次更加豐富。牛角窩夫鮮果雪糕 68元，牛角窩夫又香又熱，入口鬆脆，配雪糕食真係有冰火嘅感覺，味道又唔會太甜，甜到適中。

以前成日笑屯門牛牛食物選擇少，今時今日已經開多咗好多不同種類嘅餐廳～今次我去咗弦海附近嘅犇道，有停車場方便泊車，景觀開陽望住河景食牛扒同海鮮，特別開胃😋首先，佢嘅牛扒火候拿捏得相當準確，我叫咗個medium ，牛扒切開之後，裏面仲好Juicy! 牛扒質地鮮嫩彈牙，每一口都好有牛味，淋少少醬汁係面調味唔會太鹹，真係令人食過翻尋味😍芝士焗大帶子絕對係海鮮控必點，帶子真係好大隻，鮮甜嘅海鮮配襯住芝士嘅香濃味道，上中下路可謂毫無破綻！而且可以用二人餐嘅點叫方式，用唔係太貴嘅價錢就可以食到兩道高質主菜😁係餐以外top up左白汁青口同心太軟，性價比非常高。青口有好多隻，個汁都開得好好味。而心太軟就更加係一個完美嘅甜品作結！心太軟入口即溶，加上雪糕球冰火體驗，口感豐富，兩者一齊食，真係令人食到欲罷不能。總括黎講，呢間位於屯門犇道嘅餐廳係屯門人嘅寶藏。佢地嘅二人餐價錢公道，2個人鋸扒食海鮮有埋甜品都係$500落到樓，推介大家不妨一試～

今次同朋友近近地去咗屯門河畔附近嘅一間西餐廳🍴晚飯時間都算多人，最好就book定位唔駛等太耐🤟🏼➷晚餐有set dinner📒有齊餐湯、沙律菜、主菜同埋薯菜🥔🪐 忌廉雜菌湯好濃郁嘅雜菌味🍄‍🟫濃稠質地飲起上嚟口感更豐滿，飽腹感較重🤰🏻§🪐 BBQ蜜糖烤焗雞翼有甜甜地嘅蜜糖風味🍯再加埋烤焗嘅香氣，就好似自己BBQ燒嘅一樣😋香脆嘅外皮配上啖啖肉，簡直係絕配👍🏼§🪐 BBQ加拿大保濕豬扒配薯條一聽到個名就決定揀佢🫵🏼因為有時會食到啲豬扒好乾身🤔但見佢寫明保濕，即係一定唔會乾爭爭😆不負所望，豬扒多汁又濕潤，肉質嫩滑，配埋個燒汁，口感更豐富🤤薯條外脆內軟，食完一條又一條🍟但係唔駛驚，因為佢地有免費添食，想食幾多都得😍§🪐 松露雜菌忌廉汁意粉食咗咁多肉，要叫返個素食黎清一清🫢可能我同朋友偏好食比較軟身嘅意粉，所以略嫌佢硬身咗少少🤏🏼意粉結合咗松露嘅香氣同雜菌嘅清香，配上濃郁嘅忌廉汁，非常掛汁👍🏼§🪐 焦糖嘉年華食完正餐，當然要叫個甜品作為美好嘅結尾😌吐司份量適中，啱晒我哋食唔到咁多但又想食嘅女仔🥰吐司面層放咗爆谷同雪糕，再配上焦糖醬，唔會太過甜，飯後食係唔錯嘅選擇😋§🪐 巨杯檸檬茶唔止薯條可以免費

位於弦海既一間餐廳$250免一個鐘parking; $500免兩個鐘環境寬敞，西餐廳裝潢，感覺舒適亦都適合打卡👍🏻嗰度都有個大螢幕會播放唔同嘅節目，今日系播音樂haha主食有不同的選擇我哋叫咗兩個主食，+38 變套餐有沙律菜、餐湯、白飯/薯菜、加杯嘢飲是日餐湯：甘筍薑湯薑味不是太重，主要係甘筍帶小小薑嘅香味，creamy得黎唔會太膩主菜：安格斯肉眼牛扒（5成熟）300g $238醬汁帶出香味👍🏻薯條新鮮，看得出用薯仔鮮炸👍🏻坦白說，牛扒就有點韌，可能邊邊 筋位較多但中間位置還可以的👍🏻主菜： BBQ豬肋骨⭐️⭐️⭐️⭐️⭐️必食肉質好鬆化 ，一切落去就知👍🏻👍🏻👍🏻👍🏻👍🏻BBQ醬汁好入味😙跟飯就岩哂 撈埋汁 好送飯檸檬茶/檸檬水可以任fill 但已經好大杯了haha夏天黎一流☺️

入左收藏list 好耐，薯條有得refill~就去試下去到已經轉左餐牌，要加18蚊先有得refill,每次refill 其實得十幾條，叫左2轉左右，第三轉已經等勁耐～20分鐘以上🤷🏼‍♀️仲要話用餐時間90分鐘，呢轉係最後一轉...講真。兩個人都加左36蚊去refill, 每次個量又唔係多，仲要睇臉色，其實唔想做refill 就不如唔好做喇～叫左個西冷同炸雞飯，個西冷好韌，個雞好咸，完全唔值。。。。唔會再食，下次都係去番市中心食beans , 價錢差不多

探朋友新居，順勢試吓樓下西餐廳-Chef Ben. 門面裝修同店內擺設都睇得出有心機。餐廳有二人套餐$298 ，價錢非常吸引，又有兩個主菜所以就試吓。主菜分別揀左廚師發辦牛扒🥩同埋班柳廚師發辦牛扒係-裙邊扒，超級嫩超級多汁，烤得啱啱好，食落好滑，味道好濃厚，有牛味！魚柳 皮脆肉嫩size 就細咗啲 但share 食就好夠。 薯條係任食，你鍾意食薯條唔夠食嘅朋友係可以任加！第一次食鮑魚意大利飯，估唔到個口感好夾，個飯偏硬但岩我！另外就加咗無骨雞翼，成晚就非常滿足最後不得不提，餐廳凍檸茶超級大杯都係任飲！

身為附近街坊，見有呢間咁多好評嘅餐廳，就邀請外國來港的朋友來食晚餐聚聚。餐廳細細地但幾好坐，我地食7:45pm，個場只係半滿。點既扒餐同甜點都水準ok，但成個過程都好趕同唔太人性化。例如手機落扒餐唔係個個扒餐有得揀扒熟度（可能系統有bug?)，甜品雪糕味道無得揀（職員送到來先知係咩味），而當大家食緊個主菜就有職員行來「提醒」大家8-10分鐘後就會上甜品（而唔係等客人話起先起甜品）。每隔2-3個字就會有職員來收碟比signal想客快d走咁。雖然我地book 7:45pm食90分鐘，而openrice上餐廳資料寫住間嘢收10pm, 我地食完主菜時其實場內無客而門外都無客，但就一直好有壓力坐耐d都唔得咁。同朋友呢餐gathering就趕趕趕咁完左。職員全程無笑容，非常cool，有d唔知點咁。身為香港人，香港其實好多餐廳本身好有實力，就硬係喺呢d根本唔需要咩cost嘅位比客人扣左分，真心覺得好唔抵。

喺附近探朋友，朋友建議食樓下呢一間西餐廳，喺呢區附近比較高質素嘅選擇餐廳喺河畔位置，景色同埋氣氛都幾好，星期一夜晚都有8-9成滿，所以最好book枱，同埋窗邊座位可以睇到河畔風景更加享受👍二人餐$298幾抵食，有兩款主菜，跟沙律同湯，仲有嘢飲，怕唔夠飽亦可以加錢跟意大利粉或者意大利燴飯。整體食物質素唔錯，特別推介油封鴨肶配牛肝菌意式燴飯，鴨肶煮得好好，肉質keep到鮮嫩，上面少少甜既脆脆好夾，我幾喜歡意大利飯嘅質感，唔會太硬，而且調味做得唔錯，呢度嘅意大利飯質素好好👍另外黃油雞同帶子都唔錯，份量足，配菜同薯條亦唔馬虎，有心有誠意👍心太軟同牛角包窩夫都值得一試，特別鍾意心太軟唔會太甜，焗到外邊有少少脆口，入面濕潤，甜品encore之選👍