犢食 (已結業)

上星期去左觀塘，睇一睇手機，有咩黃店，發覺原來工廠大廈入邊都有間叫犢食。反正路過就試吓佢啦。上到去覺得個裝修其實都幾特別，幾有日式風格，舖頭唔算話好大，大部份嘅都係高櫈，不過入邊裝修都幾骨緻，牆身填滿左店主鍾意嘅CD，都叫幾唔錯。今次叫咗佢嘅招牌牛肉飯同埋湯咖哩，仲有啲小食添。先講個牛肉飯，同坊間嘅唔同，佢本身係配有薑，薑味都幾濃烈，食唔關嘅朋友可能會覺得佢遮蓋左牛肉本身嘅味道。我自己另外加咗豉油糖心蛋，配埋牛肉飯食其實幾正，不過我自己都麻麻哋啲薑哈哈。至於湯咖喱方面，個人覺得味道偏淡，不過佢配有好多蔬菜，我估都係想營造一種清新嘅口感。漢堡扒都幾好食，不過如果可以流心嘅話就更加好。講吓啲小食，個人覺得個炸豆腐做得幾唔錯，外脆內軟，而且加埋柴魚片，更有和式嘅風味。總括嚟講，觀塘區嘅黃店有好多都成為左大家嘅滄海遺珠，如果經過巧明街，不妨上去試吓呢間！

炸雞井夠大份，女仔會食唔曬😂我最鍾意食埋嗰個蛋沙律，好好味另外叫咗個牛肉井轉烏冬，我覺得烏冬好好味，湯底好鮮，係牛肉汁咸咗啲啲唯一一樣唔係咁好嘅，係叫「走餐具」都依然放咗入去（雖然佢對筷子好精緻）

食物質素冇問題，服務質素有問題。為何要不把茶杯蓋蓋好才放入袋？成杯茶倒晒，差D食茶漬飯! 有圖有真相呀，真係成杯茶倒晒，就算趕出單都可唔可以嘥幾秒睇清楚先出？拜託!

放工唔想煮飯，就去咗呢間喺網上都幾出名嘅黃店食個dinner。佢係喺觀塘嘅工廠大廈入面，比較隱世；而佢係一間日式嘅餐廳，我個人真係好中意食日式便當，所以對佢期望都幾高。入到去佢牆上貼咗好多文宣，仲有啲文宣貼紙同名信片可以俾人攞走，又有唔同嘅嘢寄賣，好值得支持。大阪燒牛肉丼 $68 佢係牛丼上面加咗個大阪燒汁、沙律醬同大量鰹魚碎；佢牛丼嘅牛煮得好淋好入味，洋蔥索晒啲汁好甜好好味，就咁食已經好好味！加埋大阪燒令佢成個牛丼層次同口感多咗，兩樣加埋好夾！白飯方面，佢用咗珍珠米，軟硬適中，同時佢吸收咗肉汁令佢更好食！柚子與大根 $16柚子大根爽脆、清甜，食落開胃、解膩，好食！關東煮(雞肉丸子+雞蛋) $16關東煮個湯鹹鹹哋但唔會太濃，雞肉丸子係煎香再煮，肉質紮實又多肉汁；雞蛋就係用日本蛋，煮完吸晒湯汁，唔錯！玄米茶跟餐送熱玄米茶，清清地又有玄米咬下，好飲！今次食嘅幾樣嘢都好高水準，以佢價錢嚟講真係唔錯！佢仲有唔同款式嘅飯同咖哩，同有好多小食，下次一定要再試下。

去觀塘買烘焙材料就順便食lunch，在ig看到相就立刻決定來吃南蠻炸大雞丼😍😍除了炸雞丼，為了健康？我又加了蘆筍茄子和溫泉蛋，炸雞丼上來真是超吸睛！霸滿整個碗口的大！雞！扒！🤤🤤外皮香脆內里juicy，不油不膩調味也剛好，厚度都好有誠意👍👍下面還有椰菜絲碎蛋沙律可以拌飯同吃，不過米飯我就覺得有點硬，於是機智？地把溫泉蛋倒入飯里拌勻，再加雞扒一起吃，就是一份超好吃的親子丼了😂😂茄子也很好吃，蘆筍就正常發揮，店員都好nice，整個店也是黃到金🙈🙈南蠻炸大雞丼 8.0/9溫泉蛋7.5/9蘆筍7.0/9茄子 8.0/9OVERALL 7.5/9據說他家的湯咖喱也很好吃，有機會再來試試😃😃

午餐.- 犢食牛肉丼 $52初嘗用openrice落單外賣自取都是黃店都是牛肉飯但這間的整體感覺比之前那間好用手機下完單 在預定的時間可以取到餐 已經贏晒☺️上到餐廳 店內已擠滿人堂食和外賣的客人都有看來此店也頗有名氣食物味道不錯雖然看起來小碗 但份量充足還附有味噌湯

自家製芝士漢堡扒湯咖哩定食 • HKD$72湯咖哩味道還好，唔夠香漢堡扒好大舊，但食落覺得冇乜牛肉味頭幾啖覺得好濃芝士味不錯，不過好快會覺得膩整體味道不過不失，份量就有點多～犢食牛肉丼 • HKD$52牛肉好多，而且好有質感同大塊，食落亦幾濃牛味不過牛肉飯唔夠汁，好乾，食到一半都有d頂唔順好彩加左杯培茶都幾好飲，邊食邊飲就好好多每個飯都跟個漬物，我嗰次係一個菇黎，都幾好食另外，餐廳全部採用即棄餐具同器皿，環保之友要留意返～

今日收工就係公司附近呢間犢食買外賣返屋企食～平時lunch經常黎呢到幫襯，呢到主要都係食丼飯同湯咖喱，我都係食開丼飯多～味道唔錯～呢到餐具🍴都好靚，鍾意呢d日式簡約風格👍我地叫左溫泉蛋牛肉丼飯&豚角煮丼飯，可以免費配茶/味增湯，茶係玄米茶👍幾好飲所以我地2個都揀左茶～溫泉蛋牛肉飯個配色好靚，超級多蔥，鍾意食蔥嘅朋友有福了😂牛肉好有味，配流心溫泉蛋～豚角煮有3塊豚肉，仲有半隻糖心蛋，秋葵漬物，小許椰菜絲，堅魚碎～豚肉燒得好香，肥瘦適中👍唔會油膩，秋葵好食，如果可以再多d秋葵係完美啦🥰

今日又係獨自喺觀塘揾食嘅日子。記得之前同朋友嚟過嘅呢間新開嘅黃店💛 之前食豚角嗰個飯覺得好正🤤🤤 今次嚟想試下另一款～今次挑戰呢個大雞飯！！！本身都知係好足料好大份，俾啲勇氣挑戰😤😤我算係偏大食嘅女仔 但都好難先食得晒🥺 但係好好食！！ 雞肉好juicy 味道偏重同飯一齊食啱啱好🤤炸得好脆 炸衣唔係鬆脆嗰款 但有少少實有啲口感嗰款 我好中意😍不過會有少少heavy 一定一定要飲野!野飲都算多選擇 個人想飲得健康啲飲無調豆乳

觀塘高質黃店係工廠大廈裏面，都容易揾，但店舖不是太大，未能容納大量食客，很多人會來外賣🥡店舖主打丼飯和咖哩湯飯温泉蛋牛肉丼♨️蛋是流心效果牛肉數量也挺多，佈滿在面頭，牛肉保存得幾多汁，而且滑而且味道絕對好食過”吉x家”配菜有洋蔥🧅蔥花、紅色的是酸菜，挺開胃飯是採用珍珠米，比較有口感洋蔥🧅炒得幾甜價錢$56還配漬物/玄米茶/味噌湯可加$10轉烏冬加$15 蜆肉味噌湯因為漬物7點已經冇曬了，所以叫了玄米茶靜岡綠茶🍵可樂幾特別，因為係市面上幾難買到不過其實味道屬於綠茶+7喜，而且茶味不濃店舖設計主要係簡單為主、文宣亦周圍可見💛💛唐揚炸雞，炸粉薄，肉質仍然很嫩炸豆腐-配木魚汁個人最喜歡呢個小食-南瓜餅🎃

觀塘工廈出名係尋寶嘅好地方今次去咗間朋友介紹嘅日式餐廳 - 犢食餐廳係工廈嘅二樓，門面簡約風小小的餐廳提供五至六張檯環境十分清靜，適合情侶或朋友間的小型聚會餐牌選擇唔算十分之多，主打係丼飯同埋湯咖哩另外有唔同嘅小食，同埋有幾款好特別嘅飲品可以揀，Wasabi薑汁汽水、綠茶可樂等，市面不常見因為實在太耐冇食過牛肉丼飯啦，所以特登叫左溫泉蛋牛肉丼。犢食牛肉丼 - $52牛肉調味恰到好處，完全吸收左醬汁嘅味道。將半熟嘅溫泉蛋弄穿，蛋汁佈滿每一塊牛肉，味道更上一層樓。牛肉亦不會韌，輕輕一咬就分得開。牛肉湯咖喱定食 - $62咖哩湯與烏冬分開上，避免左烏冬因浸定太耐而變淋。 烏冬煙韌，有咬口，我幾鍾意呢種有口感嘅烏冬。牛肉味道跟丼飯的類似，但因有咖哩汁所以更香。湯咖哩除咗牛肉，仲有唔同蔬菜搭配，十分足料！照燒魷魚串 - $18魷魚肉好厚，而且肉質彈牙配上表面惹味嘅照燒汁，好食每張檯都有一個意見收集兜，收集顧客意見，十分貼心！埋單2人合共：$155

因為今日要出來觀塘區拎包裹🎁泊車係APM要等十五分鐘先有位😫之後係等泊車期間睇下附近有咩好食唔揀APM食係因為lunch time 好怕多人觀塘區出名工廈係美食天堂所以就揀左呢間黎試一試一入到鋪因為lunchtime 小店座無虛席幸好有人岩岩食完就有位啦！坐低左就一人揀一個丼再加兩樣小食分別係溫泉蛋牛肉丼配麵豉湯南蠻炸大雞丼配熱玄米茶芝士漢堡扒帆立貝埋單$154 都算抵食！而每樣野食既味道都叫唔錯但因為鋪頭冷氣比較大令到d野食好快凍 😫下次再幫襯或者選擇外賣就唔怕咁既問題啦！

位於觀塘工業大廈裏面ge 一間日式小店，舖頭座位唔算多，都係一d高櫈高枱，主要提供丼飯同埋湯咖喱，重有小食。全部均配飯，漬物，玄米茶或者味噌湯。南蠻炸大雞丼🐔 $62炸雞扒又厚又大塊，入口又脆又Juicy，好好食好正，上面重有D蛋沙律🥗同紫菜碎，重有醬汁撈飯，飯都算多，如果可以多d醬汁撈飯就更好la！估5到咁好食😋牛肉湯咖喱 🍛 $62湯咖喱🍛有什菜，有西蘭花🥦，菇菇，粟米芯🌽，當然重有主角-牛肉🐮，飯係另外一個碗比，份量算正常，咖喱湯係日式甜咖喱🍛果種，甜甜，帶有咖喱味5辣，用黎撈飯一流，食哂d飯都重有好多咖喱湯剩，真係名副其實ge湯咖喱🍛！下次想試埋佢嘅自家製芝士漢堡扒湯咖喱，蠻炸大雞丼都一定會返兜😋。

朋友仔推介，咁就去一探究竟位置，唔算難搵，官塘地鐵站🚉 一出沿大馬路行5-10分鐘就到，工廈搵食嚟講，唔算難搵環境好啱心水，枱同枱嘅距離合理，唔會迫沙甸魚咁，雖然無乜豪華嘅裝修或裝飾，但好有一種舒適很chill gei感覺，同佢播緊嘅歌十分配合環境方便，唯一一樣唔滿意(但其實係因為我個人問題)，小妹真係太細粒，佢得高櫈，我真係全程腳仔fing fing呀🤣Menu 方面.. 選擇都還可以啦丼飯4款；咖哩5款配搭返啲小食會無咁單調如果單計一個餐嘅價錢其實都合理嘅不過加埋小食就貴少少🤏咁囉如果大家係學生哥就抵食好多(可惜我只有學生嘅身形，無學生嘅身份😛)不過宜家有IG 優惠，我都唔執輸，加咗個魷魚串試下😍其實我本人唔多愛吃豬肉，不過老闆推介我食呢個炙燒豚角煮丼，我就俾下臉啦😁 仲用優惠價加咗個小食：魷魚串🦑又真係真心好食架喎，衰鬼好嫩滑得嚟個肉味好出，唯一敗筆，個飯唔夠汁囉.. 飯底係一般日本米，一定無輸，但個汁咁好味，用沖嚟撈飯好正，不過佢俾得好少呀！下次encore 一定會叫佢加汁其他配菜都好新鮮，唔馬虎，秋葵😋 溏心蛋😋 好味好味呢串嘢... 唔可以話佢唔好食..其實係ok gar,

之前嚟過呢間餐廳一次，發覺食物質素幾高，今次放工再嚟試吓店舖嘅裝修好簡潔乾淨，裡面放咗好多文宣，有興趣嘅朋友歡迎攞去睇下而食物方面，今次揀咗出名嘅湯咖哩，就係自家製芝士漢堡扒湯咖喱定食，上菜速度好快，賣相吸引又分量充足，湯咖喱嘅味道唔會太辣，用咖喱汁去撈飯一流除咗有好大塊嘅芝士漢堡扒，肉質結實，值得一試，最欣賞嘅就係配有大量蔬菜，尤其係菇類，而且仲有茄子、粟米仔、薯仔、西蘭花等等，營養均衡，味道一流配上熱嘅玄米茶可以解膩，玄米茶好香，飲完一杯再想飲除咗定食之外，仲叫咗燒魷魚，燒得好香，個人認為唔需要沙律醬已經夠好味仲叫咗個紫薯甘栗可樂餅，用料充足，真係食到一粒粒栗子肉，甜度適中，炸得香脆發覺呢間小店做好多外賣，喜歡嘅朋友一定要支持下