狀元麵館 (已結業)

四人行到麵館吃飯叫了一飯兩餸有湯也有飲品的$30多套餐以為好醒 這樣就有8個餸share 好多野食呀 真的高潮泆起 先來兩碟餸 還可以喇雖然我黑洞肚是不夠飽 一,一此時有人說 原來一碟入面有兩個餸 一一''''''我O咀的同時4碟8餸跟4菜飯都齊了 原來那個大菜飯才是塞飽肚的原素價廉也不能要求那麼高其實有很多其他粉麵小食 狀甚味美而且份量有夠大但我們反高潮才遭此報不過總結味道還不錯

狀元的麵食非常多元化, 有米線, 擔擔麵, 撈檬/湯檬, 喇沙, 沙釘玻璃Q粉及新出既磨菇蕃茄玻璃Q粉係列等, 而小食都好多款!我最愛他們的喇沙, 小食及特飲, 所以星期六放工同老公專登過一淌灣仔! 因為書展的關係人多擠迫, 鋪頭竟要等位, 真係第一次! 好彩只是稍候片刻, Menu多了小吃, 但就沒有了好味的蒜泥白肉, 有點可惜, 我地叫了2碗狀元喇沙, 椒麻牛脷, 四川一字排, 利賓納百果點子凍飲及綠茶jelly冰! 食過灣仔的"蝦麵店", 但我地真係唔多鍾意, 反而"狀元"係我地心中係喇沙No.1 !! 他們的味道十足星加玻的一樣, 但就是欠缺半隻蛋, 如果加上半隻蛋就係100%正宗既星加玻喇沙味道! 椒麻牛脷真係好四川, 食了就麻! 而四川一字排卻是酸甜的, 非常入味! d特飲更係good啦! 所以專登去食個Lunch都係值得的!!!!!!!

日期：2008年7月4日今日無帶飯既日子，咁就同玻璃同事出街八下有咩食，搵到間新開既鋪，當然又要試試喇！太多人係度食，所以就外賣自取哩．湯同餸係分開放，幾好啊！１．狀元喇沙（蝦，去骨雞肉，魚片及豆卜）HK$35：整體都唔錯，但就唔係好夠椰汁味，小辣．２．鴨Q粉（煙鴨胸，雲腿，冬菇絲，娃娃菜及芽菜）HK$28：Q粉好似透明既河粉，有咁既質感，幾好味哩！

最討厭標榜QQ口感的水晶粉，下了不少澄麵做得軟韌透光，卻沒半點米質可言，不是台灣人，不懂欣賞，是日無得選擇，對吃什麼都要唯命事從，一碗Q雞粉，一碟牛筋凍，就這樣的一餐。是雞湯火腿煮成清湯，配上不少雞絲及津白，亦有不少Q粉，湯底薄了一點，然而味道不差亦略帶雞及火腿的鹹鮮，少少味精是可以接受的，配些津白味道也很夾。雞絲部份是上髀肉，用上湯浸熟的，很嫩亦入味，不錯不錯，有機會一定要試這裡海南雞飯，新派的Q麵不說了，很討厭無米落肚的粉，吃過太子大記以純米做的粉，就知什麼才是粉。小吃牛筋凍是麻辣的，很辣很辣但不麻，說是牛筋凍，用牛筋熬成肉凍切成方件，很特別，但略為粉黏了一點，喜歡骨膠元又吃得辣的朋友，值得試試的。

前幾日偷懶去左灣仔同阿細食lunch, hehe.我地等到兩點食下午茶, 因為想食喇沙, 所以黎狀元 我點左蝦喇沙, $30送野飲. 佢地的喇沙湯底好好飲, 唔會太spicy, 食過一次就上癮, 成日心思思想返黎再食~~ 阿細點左個tea set, 有蕃茄湯底的豬排出前一丁, 同埋蒜蓉多士. 仲有一杯野飲, 都係$24. 一丁唔洗加錢ga, 好少有. 仲有佢豬排同麵分開上, 好細心呢~ 阿細話佢個蕃茄湯底當然唔可以同勝香園比啦, 不過都ok既. 但係佢最鍾意都係塊蒜蓉多士, 就係為左佢先叫呢個set ga, 哈哈哈!好想快d再黎食呀!!

2008年3月11日，狀元鮮菌雞串燒湯Q粉($28)：除了有冬菇同磨菇等外，重有旺菜、金菇同番茄等，哂我D鍾意蔬菜的人，串雞都OK，無乜雪味。Q粉其實都係有D似河粉，無乜特別。麻辣肚絲小鍋米線($23)：肚絲D麻辣味道去哂碗小鍋米線度，碗都幾辣。

昨日到這食店吃下午茶，點了煎雞扖配米線，但上桌的卻是煎豬扖，溫吞的半冷不熱。鄰桌點的菜過了很久，追問兩次後才到。奶茶不錯，但喝完發覺杯底有粒檸檬核──杯子洗得不乾淨。我的桌子也是，地下有灘水沒有人清理。夥計倒是好的，很勤快的樣子；鄰桌的小孩要黃色飲管，他每種顏色都給一支。

唔知點解近期好興蕃茄湯底，大快活打邊爐都係用蕃茄湯，唔食蕃茄既人點算？成個餐牌睇來睇去，好似好多選擇咁，其實不外乎雞串燒、牛展、鴨胸幾樣料再搭唔同既湯低同粉。今次叫左鴨胸蕃茄湯Q粉、雞串撈檬同加$5飲杯特飲，都幾抵。撈檬上菜既時候只會有一碗酸汁，僅僅夠撈。個q粉唔算好特別，蕃茄湯亦唔算濃。裝修算係幾光猛，應該幾受灣仔OL歡迎。

個酸辣湯底比起附近果幾間好得多點左個酸辣米線~WA仿佛麻辣GE感覺~~不過好好食WOR又>V<

2007年10月15日，狀元。有一個感覺，如果一間餐廳供應多國菜式，通常什麼都做不好。狀元有雲南米線、越南撈檬、四川擔擔麵、還有喇沙、Q粉等。這天叫了：四川一字骨擔擔麵：擔擔麵已經夠濃，四川一字骨又係一大pat醬，好heavy，太多醬太鹹了，頂唔順。麵質其實不差，這樣的雜牌軍小店，我想不要太認真要求“正宗”吧。椒麻牛小鍋米：侍應問我要酸辣還是麻辣，我要了酸辣，但吃起來還是麻辣味，可能是因為椒麻牛吧，但牛是甜甜地的，但出奇的腍和好吃。

叫了一份香麻牛肉菜饭．．毫无防备之下，　来了这一小碟的东西．．．大家看我的ＨＥＡＤＩＮＧ就知道这是顶顶大名的香麻牛肉．．．＂ＳＵＰＥＲ像我们平日食的牛肉啦！！＂又冻，　又硬．．好象牛肉干．．．叫店员可不可以换，因不ＥＸＰＥＣＴ一碟又冻及硬的牛肉．．＂不可以，　我们没问题，是你ＯＲＤＥＲ的＂　我说＂我无ＥＸＰＥＣＴ一个冻牛肉，　你的ＭＥＮＵ或ＳＴＡＦＦ无注明＂　＂无办法，　我不会换＂今时今日，　ＧＵＭ　样做生意．．．　

餐廳去到６：３０都係下午茶時段叫左個蕃茄火腿磨菇米通粉(唔肯定個名)配粟米磨菇炒蛋(侍應聲稱磨菇賣哂.所以加多d粟米代替-_-)成個餐. 奉送茶/咖啡(凍飲+$2, 原價$15特飲+$5)都係$22個餐.蕃茄濃湯底真係好好好好飲!又夠大碗.. 包食到你飽!不過d侍應既態度呢就真係..!!

其實早2個月前都黎試過, 酸辣米線我本人覺得好難食, 味道好怪, 沙嗲雞絲QQ粉, 好味, 好香唔太濃.今日我地食左個雞喇沙($28) 小辣, 味道幾好, 有魚蛋, 豆卜, 芽菜, 無骨雞肉~午市仲可以+$5 換特飲^^不過呢間舖有個侍應好無禮貎, 高瘦四眼金毛男>,< 唔係因為呢度D野幾好, 真係唔黎...

呢間野環境唔錯, 仲坐得幾舒服, 唔迫. 我叫個上湯鴨胸湯qq粉加多杯利賓納點子, 感覺好清, 好高級咁, 個鴨胸都幾鮮味,d米線就普通啦~ 杯野飲呢都okay, 不過d點子切得好求其, 有切唔斷ge一條條點子~

通常我一星期黎一次, 次次都叫麻辣二味米線, 麻辣好夠麻但不夠辣, 甚至叫大辣也不夠,我不算非常食得辣的人, 所以可以中肯咁講佢地的辣係唔夠, 若然真正嗜辣者可能未必過足癮。$23有兩味米線, $25有三味, 而每碗米線都standard落左辣肉鬆, 芽菜同豆卜, 肉鬆有d鞋口, 味道都可以, 而略嫌芽菜太少, 個人就喜歡腐竹多過豆卜. 每次食都覺得好多味精, 好咸, 面頭好多油, 但我就鍾意佢麻辣得黎又唔會辣到飛起.午餐通常可以加$5多杯野飲, 有利賓納加點子(即似啫喱點子), 綠茶蜂蜜點子等, 我就唔係幾鍾意飲佢地d點子, 唔好飲.灣仔$23黎講唔算好貴, 但同我食開的街坊店比較, 始終略嫌貴左少少.