狂潮美食坊

营业中

休息中

此店以前叫狂潮，現在已轉名叫做新狂潮。2時正，下午茶時段，疫情下人客疏落，一個人坐卡位，舒適下午茶的選擇 $36-$40，時間為2:00-5:30PM選擇了干炒豬扒烏冬配凍檸茶$40+$2=$42不用十分鐘熱騰騰有鑊氣炒烏冬上枱，實物豉油色澤比相片淺色，豬扒份量約一件，切成數小件，肉質軟淋，唔乾柴，烏冬軟硬度剛好，吸收豉油味，但又不會太咸，芽菜應是後下，依然爽口，炒得有鑊氣。凍檸茶少甜有三、四片檸檬，做到少甜要求，但茶味不足。水準合格，有機會試下晩飯小炒。

過完個農曆年假又係時候收拾心情，第一日返工同事話出去食開下年，咁就去聯和墟啦。點知想食嘅幾間舖頭都未開，一路行直至見到狂潮，見佢個店名咁有霸氣，一於試下先。新春無特別加價，午餐$40起，一般茶記價位ok啦。阿姐好快送上例湯，紅蘿蔔煲豬骨，無乜味，但至少唔係味精啦。凍飲加$2，要左凍檸茶同凍奶茶，好大杯，夠凍，茶味仲好濃添。雪菜肉絲炆米（$40）好大碟，多雪菜又多肉絲，味道偏鹹少少，整體ok嘅。油鴨脾飯（$50）同事要左油鴨脾飯，哈哈，佢話好耐無食過臘味喎。飯勁多，鴨脾一隻已切件，鹹就梗㗎啦話明係臘味，鹹得黎都有鴨味，都幾好食，但50蚊就好似貴啲喎。新春都無加一算係咁。

朋友請食飯，居然茶餐廳居然有海鮮食，仲要好好食添，真係估唔到茶餐廳可以食到酒家嘅水準！尤其是個班頭腩，超好食😍保證好食個流浮山西貢嗰啲⋯⋯蛽介靚魚球都好好食😝雪菜肉絲米粉很彈牙而且一啲都唔油膩👍🏼朋友話只要之前同老細佳哥講好幾時想食同想食啲乜，就可以😋朋友話平時晏晝或者晚飯都會去呢間茶餐廳度食飯，因為呢間茶餐廳啲老火湯好好飲，冇味精，而且小菜價錢合理仲好好食添！我搵日都要去試吓！今餐真係食得好飽！好開心！

第一次入呢間茶餐廳係深夜01:00，啱啱收工鬼咁肚餓！求求其叫咗個我未食過又有啲特別嘅（蝦醬豆卜蒸火腩）加白飯，餸上到枱嘅時候嗰啲蝦醬味使到胃口大開！食咗2大碗飯。一個字掂！👍👍👍👍👍👍👍跟住成個月都有去幫襯，計有葡汁焗豬扒飯、就算豉汁蒸排骨都好食過大酒樓、仲有個出位嘅蝦醬豆付火腩煲、潮式蠔仔粥，最近仲食埋佢個麻辣水煮牛肉，有啲奇怪？點解茶記會有川菜呢？即管叫個試吓啦！因為都幾中意食麻辣嘅！去親川菜食店必點！話咁快牛肉上枱！見到都幾簡單！只有支竹、芽菜、牛肉同香菜！份量都多嘅！唔食由自可，一食唔停得！又係2大碗飯！喺食緊牛肉之餘見到格籬枱好似好香麻辣味咪偷偷哋睇吓人哋食啲乜，見到係大大煲嘅麻辣雞加蟹煲，仲有其他都食大大碟嘅餸！好似係福食，但睇見佢哋又唔似伙記，我估係老板自己食。覺得好特別，乜雞同蟹夾麻辣嘅咩？好奇心驅使下！咪問吓囉！佢哋話有麻辣雞煲，菜牌無嘅，佢仲話半隻麻辣雞煲$150蚊，你可以去街市自己買蟹叫大廚煮就得！咁第二晚就買咗隻肉蟹俾佢哋煮個麻辣雞蟹煲！一上枱香到無嘢講，即刻過對面7仔買2枝大啤隊餐飽！埋單都係$180包含$30蟹加工，抵食到死呀！好好味呀！👅👅👅👅👅👅👅佢哋