影片
港铁尖沙咀/尖東站 B1 出口, 步行约6分钟
继续阅读
电话号码
35792992
开饭介绍
柔和燈光營造舒適寧靜氣氛,面積寬闊,適合開私人派對，地板均木製，有數間榻榻米房可供派對用.店鋪裝飾集新派餐廳與傳統韓國居酒屋一身,可包場作特別活動用途(可致電與負責人查詢).
继续阅读
特色
庆祝纪念日
营业时间
今日营业
17:00 - 03:00
星期一至六
17:00 - 03:00
星期日
17:00 - 02:00
以上资料只供参考，请与餐厅确认详情
有关奖赏计划
相关文章
同朋友一齊嚟咗呢間樓上韓國🇰🇷餐廳食晚餐🤣狎鷗亭洞 係 首爾江南區轄下嘅一個分區，得名於15 世紀朝鮮王朝高級政府官員韓明澮 (Han Munghoe) 創建嘅庵號。狎鷗亭近年發展成為首爾其中一個著名住宅+高檔潮流購物區，當然亦都有好多高級餐廳，不過 affordable 嘅食肆亦都有唔少，主要購物街係 Apgujeong Rodeo Street，我都係呢區都留低唔少足跡🤣坐低冇耐就嚟咗6碟泡菜，全部都好味喎🤣$148 Frozen Lemon 🍋：大大一 Jar 沙冰，夠晒甜，有幾清新嘅檸檬味，飲得好開心🤣$168「芝士雞蛋卷」：煎雞蛋卷上邊再加咗啲熱溶咗嘅芝士，好似係 mozzarella，有鹹香🤣；雞蛋卷裏邊有切碎咗嘅洋蔥紅蘿蔔等🤣$108「韓式麵豉湯」：典型韓國🇰🇷麵豉湯，味道濃郁，裏邊有豆腐、大蜆、蜆肉仔、金菇菜 等，仲可以加入白飯一齊食，好味🤣$258「辣炒八爪魚(麵)」：八爪魚新鮮肉質爽滑，加咗啲洋蔥紅蘿蔔辣椒醬一齊炒，味道鹹鹹哋甜甜哋辣辣哋，幾開胃，就咁食又得，撈埋麵線一齊食都得，得咗🤣食得飽飽嘅一餐🤣
继续阅读
呢幾日不停落雨， 搞到冇哂心機， 一於去最愛嘅韓屋居酒屋鼓勵下自己。去食成日都掛住嘅米腸。🍭辣牛🐮腩湯🍲本來都係要常點嘅牛骨湯🍲， 見到隔離枱叫咗牛腩湯，佢哋食得好滋味🤤， 問過原來可以減辣🤭， 所以就試吓少辣版牛腩湯。唔！🤩湯頭濃郁順口， 少少辣味將惹味度升級✨， 湯料十分充足，湯料伴飯好正👍。🍭蒸米腸之前响韓國🇰🇷食過，回來後試响找餐廳食返呢款小食， 原本唔係好多餐廳有賣， 就算有， 都總覺不太對勁🙂↔️，餡𥚃面嘅粉絲成日都散哂😬 ， 都係失望多😐。呢度啲米腸就好👍， 腸內嘅粉絲完全唔散🤩， 腸衣有𡁻勁，而且用蒸煮更原汁原味💥🍭醬烤雜錦🥘（燒雞，牛，豬）呢一款雜錦🥘最適合選擇困難症嘅人， 一碟有齊豬🐽，牛🐮，雞🐔， 亦係啱鐘意食韓烤但又怕搞到成身味道嘅人 ， 唔需要動手就可以享受美食， 仲唔洗怕燒唔熟啲肉， 簡單直接又好味👍。
继续阅读
居酒屋成日去，韓式嘅都係第一次☝️ 呢間喺香港開咗好多年，由韓國人主理，用英文溝通，食物款式眾多，而裝潢設計風格頗有特色，榻榻米座位，古舊圖畫，適合同朋友仔嚟小聚一下。前菜有六款，可以無限任添，有泡菜、菠菜、芽菜、甜魚仔、茄子同薯仔沙律。個人喜歡後三者，超級開胃，完全停唔到口，等緊菜上嘅期間已經Refill咗幾次，未開始食已經飽咗一半哈哈。店員推介生拌牛肉，據說係招牌菜。自問腸胃唔好，其實有少少怕，好在食完都無事。牛肉入口即化，超級嫩滑，調味適中，伴上梨絲同蛋黃，真係幾好味，絕對值得一試。香蔥炸雞好大份，雞翼、雞鎚、雞胸樣樣有齊，外層炸至金黃酥脆，唔油膩，夠乾身，咬落脆卜卜，咔咔聲、肉質有嫩有嚡，正常發揮。值得一讚嘅係個醬汁，鹹甜度啱啱好一定要點住食😆牛筋湯上枱時熱辣辣，湯底清甜，建議落鹽，牛筋份量比想像中多，口感偏軟嫩，骨膠原十足。飲品方面叫咗杯Highball，酒精度唔高，凍冰冰咁解渴又解熱，下次試埋其他款式。
继续阅读
《狎鷗亭居酒屋 - 尖沙咀》講起韓國餐廳，一定不得不數呢一間位於諾士佛臺既陀地韓國餐館，事關呢一間餐廳無論係店員、老闆定抑或食客，大部份都係講韓文的，當晚我同朋友大約晚上十點去食宵夜都仲係見到好多韓國人喺度飲燒酒食飯，可能因為佢哋開到凌晨三點既關係，坐到十一二點都仲係見到人流不絕😉可見佢哋喺尖沙咀區嚟講都算係極具人氣，呢一度都算係我喺全香港其中一間最鍾意去嘅韓國餐廳🥰因為啲嘢其實都幾大份，兩個人叫兩到三樣野絕對夠食，唔好唔記得仲會附送泡菜俾大家，食完仲可以叫佢添加架💁🏻♀️One Piece 炸八爪魚雞(醬油味) $288其實我次次同呢個朋友都會叫炸雞，今次佢就推薦呢一個炸八爪魚雞，入面有四隻勁巨大嘅炸八爪魚，再加埋醬油炸雞，個醬油口味甜甜地，炸粉做得幾薄，但係又食得到脆卜卜嘅口感，炸雞仲保留咗肉汁，食落好鮮嫩，嗰四粒炸八爪魚真係好巨大😎要叫店員幫忙用鉸剪剪開先至方便啲食，味道鹹香，而且爽口，我覺得三個人叫呢一個八爪魚雞嘅份量就剛剛好啦💁🏻♀️辣醬烤豬肉 $188辣醬烤豬肉會拼埋生菜同蒜片，食落其實唔係好辣，不過好惹味，相信配白飯會十分之下飯😝原來用生菜包住嚟食都幾好，唔使食咁多澱粉之餘仲可以解膩，可以夾埋泡菜一齊食就最正💁🏻♀️水冷麵 $108我一向都喜歡水冷麵嗰種煙煙韌韌嘅感覺，個湯底係用咗雪梨汁去調味，可以再另外落啲醋汁同埋芥末醬一齊食，入面有青瓜、雪梨、醃蘿蔔等食材，全個麵既口味清爽彈牙，十分適合夏天食呢🥰💁🏻♀️細蜜桃米酒 $168每次嚟必叫嘅蜜桃味米酒，今次得兩個人，所以我哋叫咗個細嘅☺️米酒入邊係用咗真嘅蜜桃果蓉調配，米酒嘅酒精含量唔會太高，啱晒唔適合飲咁高酒精嘅女士們，記住飲之前要攪勻佢，如果唔係啲果肉同埋冰沙就會沉晒喺底㗎啦🫶🏻解渴必點
继续阅读
諾士佛臺有無數間酒吧，但如果想靜靜地搵個地方，食下野、飲下酒、傾下計，真係少之有少。今次俾我發現呢間隱秘韓國餐廳，晚上仲要開到3AM，環境舒服安靜，服務員都係OPPA、阿珠媽，超韓，有置身韓國食野FEEL！一試小菜就知呢間韓國野好唔好威，6款小菜款款都好食，最愛牛蒡仔同小魚仔，未上菜都先食大半！🎎生拌牛肉 $258 💫8.5/10韓國最掛住就係呢個菜式，但香港唔係間間都做得好食。呢到超爽可以食殘廢餐，影完相打卡，店員會幫手撈均生牛肉、雞蛋、梨絲！調味幾好，唔會過咸，食到有梨本身嘅甜味，一啲都唔膩！2個人都絕對清得哂！如果可以有埋紫菜提供就更完美可以包黎食！🎎辣牛肉八爪魚鍋 $398 💫8/10叫左小辣，整體都好唔錯，一上枱超大份，有幾種菜、大量牛肉、八爪魚、粉絲，真係超滿足，飲埋馬格利，爽！有GAS爐不斷煮佢，食落熱辣辣！湯底甜甜地，蔬菜、粉絲勁入味，八爪魚好爽彈！不過份量多，3個人食會更好！🎎醬油蟹 $248 💫8/10叫左一隻蟹再加左錢要埋 BIBIBAB $58！店員會幫手將蟹蓋嘅膏撈落個飯度，賣相滿分，有埋生雞蛋、蟹籽、紫蘇葉、蔥，再撈埋蟹膏，幾豐富，但個飯太大，叫得一隻蟹蓋撈有啲唔夠喉，但紫蘇葉個味道令到個飯有畫龍點晴作用！醬油蟹有膏唔會太咸，幾鮮味。🌟總括：價錢唔算特別平，但份量大，幾個人Share都冇問題。我見仲有幾張榻榻米座位，可以落簾，超級韓式，下次同朋友都可以試下。
继续阅读
您可能会有兴趣的...