豬屋日本料理

营业中

休息中

想想食日式便當，個人推介豬屋，在北區運動場對面、鳳鳴居等人氣餐廳附近，同屬街坊小店，環境乾淨舒服，布置有日本風味，可惜是次店出面泊唔到車所以揀左叫外賣，有超多款日式便當選擇！薩摩便當 $108香濃日式咖喱飯，配上燒得剛剛好的鹽燒安格斯封門柳、帶微辣的七味燒豬頸肉，再加上鮮味十足的粒粒蟹籽加州卷、味付螺肉，份量多配料豐富又滿足，每一格都有味覺驚喜！濃厚龍蝦味噌湯拉麵 $108先來三文魚蜆肉味噌湯暖暖胃，然後有蒜香牛油珍寶皇帝蟹棒及蒜香牛油帆立貝，好惹味，拉麵配龍蝦味噌湯底，超級濃郁，最後仲有甜品卷蛋作結，大滿足！照燒脆骨雞肉丸子 $40/2串口感獨特，脆口加上肉丸有彈性，香甜照燒汁完美滲透到肉丸內，豐富了口感層次。

入到上水搵嘢食見到呢間幾精緻嘅日本嘢就入去試吓入面面積唔大，但係坐得好舒服叫咗個豬軟骨拉麵豬軟骨炆得夠晒腍 大大嚿 份量都多 都有4-5件拉麵麵質軟硬適中 湯底唔係話好驚艷 但唔係死鹹嗰隻仲叫咗最普通嘅咖喱吉列豬扒飯豬扒數量好多好大塊 無骨啖啖肉亦都炸得好香口夠哂飽肚都冇乜可以挑剔嘅位最後加埋四件壽司 正常發揮造型好精美 睇到都想食最吸引係側邊兩塊海苔 脆卜卜好好食豐富咗成嚿壽司嘅口感所有嘢食都好有心機，一啲都唔Hea下次會再嚟試其他

今日忽然想食日本野🍥🍜🍣, 差唔多3点去到, 自己揀左個卡位, QR code落單, 又想食烏冬🍜又想食魚生🍣, 叫左個迷你吞拿魚三色丼🍣同烏冬🍜配茶碗蒸🥚另外有碟螺肉, 等左一陣, 茶碗蒸🥚送到, 亦有螺肉, 螺肉味道都ok, 不過d醬我個人覺得太多, 茶碗蒸🍥🥚食落都好滑, 亦有蛋香味, 唔錯, 烏冬湯底🍜應該是壽喜湯, 覺得咸左少少, 烏冬質素也可以, 再之後送來迷你吞拿魚三色丼🍣飯, 擺得幾精緻, 吞拿魚好凍食落也ok, 甜蝦🦐食落也新鮮, 再加少少蟹籽🦀, 另外自己加d豉油和芥辣撈飯食, 算係唔錯, 服務態度也不差, 不過星期六日另外有加一服務費, 大家要留意😊

🚩豬屋日本料理粉嶺人又來介紹身邊嘅寶藏小店啦(≖ᴗ≖๑)餐廳就喺上水運動場對面 ((鳳鳴居同一行主要都係做街坊生意｜好多熟客仔〰️〰️〰️〰️〰️〰️〰️〰️〰️〰️〰️〰️〰️🌈高尾山便當 $68蜜糖雞翼｜脆骨雞肉丸｜蟹籽粟米沙律｜螺肉有冇人同我一樣好喜歡食便當每樣都有少少|可以食到好多款式脆骨雞肉丸有驚喜 ʚ •͈˽•͈ ིྀɞ ‎偏紮實唔會好淋好似泥🌈大崎便當 $75吉列雞扒｜牛肉薯餅｜圓蔥魚餅｜螺肉依款對比起第一款就更加飽肚雞扒炸到皮脆肉嫩|唔會好厚粉牛肉薯餅亦都好綿密|一啲都唔油膩( ˶’ᵕ’˶) 🌈七味豬頸肉拉麵 $50依個年代$50仲可以食到拉麵簡直就係太瘋狂了吧 =͟͟͞͞( •̀д•́)總共有五大件豬頸肉|外焦內嫩配料都好豐富 *ˊᵕˋ*🌈香炸軟殼蟹拼田園沙律 $55超愛依啲滿滿沙律醬嘅青瓜沙律食落清爽得黎又好食略厭軟殼蟹唔夠厚肉(๑- ༥ -๑ )

呢間餐廳真係好食到不得了，如果鍾意日式料理，日式便當，一定要幫襯呢一間啊，因為都好多人捧場，好受歡迎，我真係好推介佢哋嘅蟹棒蟹子粟米沙律，比想像中超級大飯，超級多沙律醬，分量十足，同朋友分享都得啊，而且我都好推介佢哋嘅秋田便當，賣相非常精緻，而且有唔同嘅刺身選擇，有三文魚，帶子，仲有甜蝦，佢裏面嘅份量真係好多，豬軟骨都係好入味，炸豬扒都係外脆內軟，油炸得唔會過火，唔會太熱氣，真係頂呱呱，而且鋪埋個咖喱飯，甜甜地，真係好開胃呀，仲有我都好推介佢哋嘅沖繩便當，一樣都有刺身錢財配搭，今次佢呢個主菜係吉列千層芝士豬扒，仲有金菇肥牛卷，真係好好食呀，真係一次過滿足晒所有胃口啊，而且呢度都好啱一家大細過嚟啊，衛生程度好高，而且裝修都唔錯，食嘢都好有空間感，有私人空間，都非常正嘅環境食飯啦，而且食物真係好抵食呀，仲有佢哋嘅日本忌廉蟹肉薯餅，都係好脆卜卜，非常好食😋

今日搵到一間性價比好高，使唔使質素好高嘅餐廳，位置於上水站附近，叫做豬屋日本料理，佢哋係主打唔同嘅便當，同埋日式料理，壽司，呢一度嘅價錢經濟實惠，而且份量十足，非常豐富，如果經過上水嘅朋友，一定要黎試吓，呢一度出名嘅便當組合真係非常豐富，有咖喱飯，有燒汁飯，仲有佢哋嘅豬頸肉多啲啦非常好食，外肥脆內軟，配埋個咖喱飯真係絕配呀，而且佢哋嘅孩子加州卷壽司，都好好食，全部都係好足料，睇得出廚師好有心思為客人準備食物，而且我都推介佢哋嘅福岡便當咖喱飯，裏面有日式炸豬扒，炸餃子，仲有未付螺肉等嘅配菜，份量好多，每次都可以食到好飽，同朋友分享喺一流呀，真係好開心可以識到呢一間餐廳，而且環境都好舒服，好有日本風味，而且環境衛生都好乾淨，真係非常方便呀，如果鍾意食日式便當嘅朋友，一定要嚟產呀！

呢次喺上水區試咗一間叫「豬屋」嘅日式餐廳，佢哋主打各款便當同日式料理，即刻分享一下我哋呢次嘅體驗。首先，我地點咗薩摩便當咖喱飯（$108.00）。遇上了期間限定，成個組合非常豐富，有咖喱飯、鹽燒安格斯封門柳、七味燒豬頸肉、蟹籽加州卷同味付螺肉。豬頸肉煎得非常出色，外焦脆內彈牙，再配埋香濃既咖喱飯真係絕配；鹽燒安格斯封門柳口感嫩滑多汁，好入味；而蟹籽加州卷每件壽司都有足夠的蟹籽，一啖落肚非常爽快清新。整體嚟講，呢個便當無論份量定係食材質素都值得推薦。另外，又試咗福岡便當咖喱飯（$82.00），內容包括日式炸豬扒、炸餃子、日式圓蔥魚餅，同埋味付螺肉等配菜。即使價錢較低，但質素並無減少，每樣食材都處理得非常好。其中日式炸豬扒外皮酥脆而且不會過油，非常適合搭配香滑的咖哩飯；炸餃子也是皮薄內陷飽滿，口感極佳；日式圓蔥魚餅帶有獨特的風味，再加上經典滋味的螺肉，使整個便當更加完美。甜品方面，我地選擇了濃厚抹茶蛋糕（$29.00）和福岡濃厚朱古力蛋糕（$24.00）。抹茶蛋糕入口即溶，綿密香濃的抹茶風味讓人回味無窮，而朱古力蛋糕則是巧克力控的不二之選，微苦中帶著絲絲甘甜，再加上滑順的口感，不管是視覺還

早排同屋企人去咗上水食一間日本料理餐廳，整體體驗好滿意，真係值得推介！和風燒汁飯係我最鍾意嘅一款，燒汁味道濃郁但唔會過甜，啱啱好滲入每粒飯度，配埋嫩滑多汁嘅雞肉或者牛肉，口感一流，每一口都好滿足，絕對係值得再試嘅菜式。蟹籽加州卷口感細緻又清新，牛油果同蟹籽嘅味道平衡得啱啱好，壽司飯仲帶有淡淡嘅醋香，十分新鮮，入口後層次感好豐富，俾人一種好舒服嘅感覺。龍蝦味噌湯拉麵就更加係完美收尾，湯底濃郁而香滑，帶有淡淡嘅龍蝦鮮味，飲一口已經覺得好滿足。拉麵吸晒湯汁，彈牙又入味，加埋湯中啲配料，整碗都好豐富，唔會覺得膩。呢間餐廳真係又有水準又抵食，每道菜都見心思，下次一定會再嚟試其他菜式！

好耐冇食過日本嘢，上網搵咗間日本餐廳見到評價唔差，就叫咗外賣返屋企食我哋四個人叫左四個樣嘢🤣北海角切雜錦魚生丼 $74魚生好鮮甜，有三文魚有魷魚等等，估唔到$74份量都唔好細七味燒豬頸肉烏冬 $53有好多湯底簡，我揀咗辛辣豬骨湯底。估唔到辛辣豬骨湯底都幾辣下，啱晒我呢啲鍾意食辣嘅人。👍🏻👍🏻👍🏻豬軟骨拉麵 $66豬軟骨好腍好入味，而拉麵都有好有咬感👍🏻仲有個奈良便當$80入邊有好多野食，有咖喱飯，咖喱飯好重咖喱味🫶🏻，之後有個炸雞，芝士漢堡，炸牛肉薯餅，估唔到炸麥外賣返去之後，仲係好脆口。👍🏻👍🏻👍🏻下次我都想試吓其他便當真係好多款🥰🥰

見外賣自取個價錢超級抵，咁就坐低試吓水溫睇吓掂唔掂檔先~🤭🍽️三色田園盛 $68茄子同翠玉瓜燒得好靚，翠玉瓜咬落口感唔錯，而且夠鮮甜。紫心香芋丸好特別，外皮脆卜卜，內裏軟心香芋餡料味道濃厚，煙煙韌韌好特別。🍽️福岡流心芝士漢堡扒拉麵 $69有幾款湯底可供選擇，今次揀咗豬骨湯底。豬骨湯底味道濃郁，拉麵煮得好彈牙唔會好腍身。流心芝士漢堡流心效果相當不錯，相當邪惡又滿足。🍽️秋田便當 $94除咗螺肉之外仲有三款刺身: 三文魚、甜蝦、帶子，帶子好鮮甜。吉列雞扒份量都幾大份，食落外脆內軟，完全唔難咬亦都唔會好乾身。豬軟骨好入味及腍身，配埋咖喱飯食唔錯。呢個價錢咁多款嘢食我覺得幾抵。🍹激爽手打鴨屎香檸檬茶 $18(套餐升級)最近好Hit嘅鴨屎香檸檬茶！鴨屎香檸檬茶茶底濃厚，配上香水檸檬嘅酸味好味又解渴，澀得嚟好好飲！.拉麵同便當都唔錯，下次再嚟！😆

呢間豬屋已經喺上水開咗一段時間，終於有機會食個晚飯試一試。入到嚟感覺環境幾舒服，帶點懷舊風嘅日式佈置。Menu上嘅選擇都唔少，有好多唔同款式嘅便當，非常吸引。🍺沖繩Orion生啤見到就覺得好吸引，挑起咗想飲啤酒嘅心情🥗鱈場蟹棒蟹籽粟米沙律沙律比想像中大份，超多醬！🦀日本忌廉蟹肉薯餅薯餅有兩件，好creamy🍱秋田便當便當賣相精緻，非常豐富同吸引。首先有三款刺身，包括三文魚，有頭甜蝦，同埋帶子，一啲都唔Hea。前菜有充滿童年回憶嘅味付螺肉。豬軟骨好入味，炸雞扒都幾嫩，幾juicy，唔會炸得過火。仲有甜甜嘅日式咖喱飯。正呀🍱沖繩便當同樣有刺身同前菜。而主菜就有吉列千層芝心豬扒，金菇牛肉卷。另外加咗$16，將咖喱飯轉辛辣豬骨湯拉麵🍜辣得好過癮一個便當可以一次過滿足你嘅胃口！

聽朋友介紹，係上水呢間日式料理，主打食便當同丼飯，便當價錢親民選擇又多，有我最愛的吉列千層芝士豬扒，要試一試💓薩摩便當 $108遇上了期間限定，咖喱飯、鹽燒安格斯封門柳、七味燒豬頸肉、蟹籽加州卷、味付螺肉，成個組合都幾豐，豬頸肉煎得非常出色，外焦脆內彈牙，好配咖哩飯啊💓沖繩便當 $98這個便當CP值好高，先有多到滿瀉嘅咖哩汁同飯，仲吉列千層芝心豬扒、汁燒金菇牛肉卷、三文魚刺身、帶子刺身、甜蝦刺身、味付螺肉，樣樣都好好食，刺身全部都好新鮮，吉列千層芝士豬扒外脆內嫩，我最鐘意食💓超級大杯水果茶 跟餐價＋ $36大大杯，粒粒果肉包括香橙、蘋果、青柑桔、青檸等等，非常之清爽解渴，好正💸平均每位消費 $120

最近放工好鍾意買呢一間嘅外賣返去做晚餐，Menu有好多選擇，最常叫佢嘅便當，一大盒有四樣嘢食，夠飽又抵食👍🏻秋田便當秋田便當係我最常食嘅，有大塊嘅吉列雞扒，汁煮豬軟骨，咖喱飯，螺肉，同埋刺身。刺身外賣會有個小小嘅冰包凍住佢防止天氣熱變壞，幾貼心。三文魚帶子甜蝦都好鮮甜咖喱飯係有少少辣度嘅，咖喱唔係得個甜字，成個便當有生嘢有熱嘢超豐富串燒拼盤呢個串燒拼盤有牛舌，鰻魚，雞串等等，鰻魚串係最最好食，鰻魚肉好腍，冇骨，調味適中，下次絕對要散叫多幾串鰻魚😋野菜拉麵通常食咁多肉都會配一個菜。炒椰菜好大盤，上面仲有木魚碎，撈埋落拉麵湯度食更Jeng😋🥲

人在上水區但唔熟上水區，就開OpenRice黎咗呢間”豬屋”🐷街坊小店，但入面空間唔小，座位闊落，坐得舒服好多ONE PIECE掛畫，同好呀喂～😂👍🏻坐低後就可以掃QR CODE落單，叫咗份”至尊惹味套餐”，有好多嘢食，加埋杯嘢飲埋單唔使二百蚊，經濟抵食！「三文魚蜆肉味噌湯 」上枱時平平無奇，一攞匙羹𢳂起就見到超多蜆肉同三文魚～「蟹籽栗米沙律」沙律份量幾多+ 「刺身3款」 (三文魚2件，帶子2件，有頭甜蝦1件） 刺身夠新鮮，厚切「香炸軟殼蟹」炸到金黃色香口無比+「蒜香牛油比目魚 」上枱”嘩”一聲，好大塊比目魚質地嫩滑套餐跟白飯一碗，我另外加錢改咗要「芝士咖喱撈烏冬」，好大碗呀！！烏冬配甜甜地鹹鹹地又唔辣嘅咖喱撈勻食好味！仲有甜品「福岡朱古力蛋糕」飲埋杯「芒果爆多多」飽到上天靈蓋～

親民日本料理，午市便當份量十足📍地點：上水🍽️菜式：日本菜💰人均消費：午餐 HK$100~120🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：方枱/ 卡位📝落單方式：QR code落單【薩摩便當】💰HK$110鹽燒安格斯封門柳,七味燒豬頸肉3件,粒粒蟹籽加州卷3件,咖哩飯,味付螺肉封門柳有肉味，豬頸肉燒得香口。加州卷多蟹籽，食落唔乾。咖哩汁鋪滿飯面，好送飯。【沖繩便當】💰HK$100吉列千層芝心豬扒1件，汁燒金菇牛肉卷2件,刺身-三文魚2件，帶子2件，有頭甜蝦1隻，咖哩飯，味付螺肉吉列皮厚度剛好，千層豬扒好特別，用豬腩片夾芝士卷成。金菇牛肉卷個汁夠惹味。個便當有相當份量刺身，頗抵食。.豬屋日本料理 🏷️上水馬會道170號地舖