影片
电话号码
67577767 (WhatsApp)
附加资料
歡迎WhatsApp外賣自取
营业时间
今日营业
16:00 - 03:00
星期一至日
16:00 - 03:00
以上资料只供参考，请与餐厅确认详情
呢間漢堡包店向屯門都算有啲名氣都聽過唔少朋友介紹，除左漢堡包好食，連朱古力都係好飲，今日終於到我試到啦。辣雞漢堡 - 一大塊雞扒非常juicy，最欣賞佢嘅秘制辣醬，唔算太辣但非常之惹味，夾埋蕃茄同生菜食非常好食。貓霸 - 兩大塊牛肉中間夾住一塊菠蘿，菠蘿同個漢堡都係超級juicy，個包大到一啖係咬唔哂成個，佢個蜜糖芥末醬都好食。薯條 - 雖然外賣返到屋企已經淋左啲，但欣賞佢會落啲黑椒碎，所以都唔錯。凍特濃朱古力 ＆ 凍貓毛朱古力 - 個人會比較喜歡貓毛多啲，佢嘅朱古力味香濃得嚟唔會覺得太漏。
继续阅读
見到好多人都話好好食，今日終於有機會試店員話貓霸同貝羅菇漢堡最好賣試左貝羅菇漢堡 49蚊，加15蚊跟餐薯餅加可樂認真呢個價錢真係冇得頂仲要嘅質素都好高，個包有焗過，牛肉仲好Juicy 個黑松露醬好明顯係自己整嘅，非常濃郁，作為黑松露愛好者，依個醬值90分以上CP值好高，一定有返頭
继续阅读
💙貝羅菇漢堡大大塊磨菇，一咬好香菇味，好夾個黑松露醬，成個配搭一流🤤🤤 跟餐可以配薯條，係粗薯條，個人好鍾意☺️💙貓霸漢堡有兩大塊漢堡肉，夾一塊菠蘿，中和一下肉汁既味道，跟餐配左薯餅，外脆內軟，碎碎既薯粒幾香👍🏻💙OREO朱古力奶昔呢杯有OREO，想像到既OREO甜味，但唔會死甜，奶昔口感唔錯！💙香港人朱古力超濃郁既朱古力，少少偏苦，鍾意食黑朱古力既人一定要試下，難得有一間小店飲到咁濃既朱古力🍫🥰🥰
继续阅读
屯門巨型足料漢堡包🍔貓霸漢堡套餐 $57份量爆棚嘅漢堡一啖真係咬吾晒！有兩大塊牛肉🥩菠蘿🍍蜜糖芥茉醬🍯配搭一流無得輸，牛肉同菠蘿都燒過夠晒惹味，一口咬落去肉汁juicy超好味，再加上蜜糖芥茉醬簡直完美嘅組合！🍔丼丼肥牛漢堡 $47超多肉嘅一個漢堡！入面全部都係牛肉同肥牛 唔同口感嘅肉撞埋一齊 層次感即加up🆙再配上惹味嘅將軍醬 真係食吾停～加$15轉套餐 包括薯餅或原味薯條，及飲品一杯全部都係新鮮熱辣炸出嚟！薄荷朱古力 （+$12）Oreo未古力沙水 （+$14）最出名嘅就係朱古力！薄荷朱古力薄荷唔太濃，唔會好似牙膏味碎碎嘅Oreo沙冰夏天飲酒透心涼解渴～可以WhatsApp 落定單貓毛 (屯門)屯門青棉徑3號好勝大廈地下低層1B-1C號舖
继续阅读
最近有住係屯門嘅朋友介紹虹橋有一間好好味嘅🍔🍔身為漢堡迷嘅我一定唔會錯過～～1見到個招牌就覺得好特別好搶眼🤍🤍我同朋友點咗兩個餐 漢堡包份量驚人🙀食咗八成都已經覺得好夠飽～🐱貓霸 $57 漢堡主要特色搭配左牛肉、菠蘿、蜜糖芥茉醬。呢個組合創造左一種獨特嘅味道平衡，十分推薦大家去試🤩🤩牛肉質地嫩滑多汁，一食落就感受到好濃郁嘅肉香口感，並且同菠蘿&蜜糖芥末醬汁非常之夾🫶🏻🫶🏻🦁加菲漢堡 $55 呢款漢堡配搭咗豬肉，芝士以及將軍醬。豬肉烤得好出色，香口多汁，肉汁非常之Juicy，再配埋濃郁嘅芝士&將軍醬襯托，令口感更加豐富～～套餐可以揀薯條或者薯餅 堂食熱辣辣 兩樣都好香脆🍫貓毛朱古力 係佢哋嘅店舖首選推介口味 好軟滑嘅口感 甜度亦都適中 啱晒鍾意飲朱古力嘅我🍫香港人朱古力（60%朱古力） 就比較濃啲 會有少少苦澀嘅朱古力味 若果唔鍾意太甜 都係一個好好嘅選擇
继续阅读