影片
港铁将军澳站 B1 出口, 步行约5分钟
继续阅读
开饭介绍
玉子造屋有多款日式蛋料理，玉子之盛典系列有十款蛋包饭，其中必试材料满满的火炙烧三文鱼旋风蛋包饭。另有铁板西冷、寿喜烧、熟丼、拉面、乌冬及意粉可供选择。
继续阅读
营业时间
星期一至四
11:30 - 21:00
星期五至日
11:30 - 21:30
以上资料只供参考，请与餐厅确认详情
嬲爆！嬲到想爆粗！超長文！！！話說平時好少去將軍澳區，呢次因為工作關係而去左～工作完成之後因為肚餓一個人諗住係附近搵食填飽個肚就算點知行左好耐popcorn又唔岩食，行行下就去左玉子造屋門前⋯由於太肚餓都無諗咁多，見餐牌正正常常6、70蚊一個午餐～心諗玉子、日本菜、定食，點都唔會伏掛？😂原來咁諗真係錯哂...😂😂😂門口企左陣一個員工都冇，但又見到有一台食客，所以膽粗粗入去...我覺得自己好似打搞到人咁🧐咦入到去又有店員指我去卡位坐喎！時間為2點50-55分左右，仲諗住下午茶時間，會陸續多人。一埋到去張檯非常多杯碗碟底既水印，唔係天然木紋黎下話？😂個水壺一睇就知無fill過，餐具就得返一隻湯匙同三把刀🤓仲有支污糟左既牙籤，喂大佬四人卡位喎？冇人fill返啲野既？🤔算啦得自己一個人，冇咩所謂淨係倒啲水黎浸下匙羹姐咁就order野食，叫左個午餐：咖喱吉列豬扒定食，咁簡單既野，點會伏呢？好快兩分鐘上哂湯、飲品同飯～犀利呀！除左杯凍檸茶本身係凍外...其他兩樣熱食都係凍架！仲要係難食架！😂仲衰過去超市買返黎自己叮返熱！🤪呢樣都唔算激氣，正當我攞隻湯匙羹準備開餐嘅時候...店員哥哥拎張單埋黎叫我埋單！😂😂😂心諗唔係啊嘛？我坐低10分鐘都冇叫我埋單？😀我有睇鐘架果時2:58分！跟住眼見其他檯食客都有埋單咁我照埋啦，$68我比$70，找兩蚊比齊頭好正常姐？嘩佢居然唔找錢喎！睇住佢來回找錢比其他客人但係冇找錢比我？！雖然兩蚊唔係咩野錢，平時都唔會拎比貼士餐廳...但係喂大佬啊兩蚊唔係奉旨俾貼士你啊嘛？仲要咁既態度？🤷🏻♀️都都都算啦，我冇問佢找返，諗住快快食完就走，反正冇下次。咦？其他客人走哂淨返我一個時先發現原來佢地要開餐！成班哥哥仔圍埋一齊食野，唔怪之得拿拿聲叫我埋單啦，原來費事食食下野要招呼我？🤷🏻♀️啲野擺哂哂係到無人去執檯，唔講以為我係員工之一～所以先唔去打理下環境、招呼下客人😂亦難怪成張檯都係水印啦～仲要好似偷聽到佢地話我入左黎，都冇辦法啦之類...喂其實你地3點就休息，點解2點50定55分我入黎唔截住我呢？原來冇截單時間？放左我入黎跟手叫我埋單趕我走？😂已經一肚火，到我走既時候我真係覺得自己係員工黎架！🤪因為門口拉左橫帶，有員工係門口梳化蓋被訓緊覺！🤪我真係覺得自己應該融入埋訓埋一份😂😂😂最後上網睇返原來好多人都負評態度差，仲要一直keep住差😎其實老闆經理究竟係支持班員工倒自己米吖，定係老闆經理都一樣係咁既人？咁既待客之道，環境同食物質素真係大開眼界😂簡直開發左我對伏味既新宇宙嬲得濟我都冇影食物相，不過咁差，影都費事🙂
继续阅读
二人餐完全係呃人錢 200幾蚊一d 都唔抵，蟹籽沙律超淡冇未，條蟹柳好次未解凍咁。 黑蒜豬骨湯感覺同出面嘅公仔麵冇咩分別。炸芝士波食左成舊粉咁樣。嘩，真係好失望，以為150幾個like 會唔差。點知...真係搞唔掂，見到個餐牌，寫住原價300幾，依家200幾，以為真係會有翻咁上下啦。點知，d 嘢一樣一樣咁上，我個心就一下一下咁受打擊。真係未見過200幾蚊食左值幾十蚊嘅嘢。佢俾人嘅feel真係超級唔抵。我唔知其他嘢食係點。但係點嗰啲真係麻麻。服務又麻麻。裝修好似幾好，但係入面就完全配合唔到囉。
继续阅读
呢間位於將軍澳中心最底層，比較唔顯眼，環境都比較寧靜，岩哂想系假日忙裏偷閑、享受寧靜嘅朋友！！店內佈置簡約，都可以打下卡既。呢個店舖入面主打係玉子，不過食左個牛舌飯之後裏決定要推介牛舌飯🤣🤣塊牛舌係超大超厚呀！！！而且咬落仲要勁「淋」呀！因為之前去過標榜厚切牛舌既舖頭試一試，點知咬落好似擦膠咁，所以之後對牛舌都驚驚地，但呢間絕對可以放心食！另外咖哩吉列豬扒蛋包飯都唔錯，蛋好smooth咁圍住啲白飯，豬扒都size都ok，可以一試😆
继续阅读
玉子造屋有多款日式蛋料理，玉子之盛典系列有十款蛋包飯另有鐵板西冷、壽喜燒、熟丼、拉麵、烏冬及意粉可供選擇菜式如下 香炸大雞脾配蛋包飯咖啡汁 原條燒汁鰻魚蛋包飯配沙律原隻生炸大雞脾個皮脆如薯片既口感非常正 蛋皮滑蛋入口夠滑溜 拌以咖哩汁,滑蛋飯一齊食味道豐富又美味 最正係雞脾大隻咬開肉汁豐盈啖啖肉原條日式燒汁鰻魚焗香伴以滑蛋飯 仲配泡菜加沙律菜 鰻魚肉嫩帶脂香,入口甜甜地 食起黎完全無骨 配埋滑蛋飯食都相當配搭份量超大碟幾乎食唔完 呢度既飯都係非常大碟豐富!之前開幕個陣仲誇張,而家已經調整左架喇!CP值高,食物有水準平均消費$150評分8/10將軍澳唐德街9號將軍澳中心地下B03C號舖
继续阅读
👧🏻👧🏻👧🏻👧🏻玉子造屋一聽就知係專食蛋嘅餐廳！但👧🏻今之並冇試佢嘅玉子系列產品，反而按自己喜好叫咗啲野食同大家分享下😚✧✧✧✧✧✧✧✧✧✧✧✧✧✧✧✧✧✧✧✧ 1）極上厚切牛舌丼 HK$85一落完單唔使3分鐘就上咗枱嘅極尚厚切牛舌丼，快到唔駛煮咁呀🤣說好嘅極尚、說好嘅厚切呢？！🥲總共得3塊唔厚嘅厚切牛舌，配菜仲多過主角，仲竟然用泡菜做配菜？！🤒牛舌好一般嘅茶餐廳牛舌質素，啲飯仲要痴埋一嚿嚿咁，完全唔值呢個價😅反而👧🏻一開始覺得最怪嘅泡菜先係最好食嘅🤣😍賣相：🌕🌕🌑🌑🌑😋味道：🌕🌕🌑🌑🌑2）Oreo曲奇熔岩醬班戟 HK$68梳乎厘班戟總共有幾款味，👧🏻今次最揀咗個夠睇落最正嘅Oreo味🙊賣梳真係唔錯😍啲cream加上雪糕同梳乎厘班戟嘅冰火組合從來都唔會令人失望👍🏼個班戟切開入面偏黃色，雞蛋味好重，👧🏻覺得唔錯😚但係出面HK$100鬆啲都有三塊嘅時候，呢到計埋加一成HK$70幾蚊嘅價錢得一塊班戟，就唔係太抵喇🤣所以建議真係想食梳乎厘班戟嘅大家都係去專門店到食好啲！🙊😍賣相：🌕🌕🌕🌗🌑😋味道：🌕🌕🌕🌗🌑總括黎講，玉子造屋嘅食物質素麻麻，唔係好對得住加埋一差唔多一嚿水嘅價錢😅真係可一不可再呀🙈✧✧✧✧✧✧✧✧✧✧✧✧✧✧✧✧✧✧✧✧ ✨整體評分✨（5分滿分！）🏠環境：🌕🌕🌕🌑🌑🤵🏻服務：🌕🌕🌗🌑🌑💲抵食：🌕🌕🌑🌑🌑💯總分：🌕🌕🌗🌑🌑➖➖➖➖➖➖➖➖➖➖🍽 玉子造屋 🍽📍將軍澳唐德街9號將軍澳中心地下B03C號舖☎️ 2395 8844
继续阅读