玉葉越式料理

营业中

休息中

好日都唔寫食評 但今日食完呢間真係唔住要上黎打篇首先呢間餐廳既阿姐見你一入門口就呼呼喝喝叫你du安心出行，du完就自己走入去啦（任坐 原因自己諗）跟住叫野食啦，叫左個雙拼湯河 （牛丸+紮肉），碗野黎到得兩粒牛丸同一片紮肉，咁樣叫午餐，我相都費事影 唔想係手機見到碗咁既野影響心情，呢碗野收70幾蚊下午茶都嫌佢份量少。仲未講佢要加一服務費，我就睇唔到有咩服務啦。 總結野食味道無特別 份量少 價格進取，呢間野唯一好處你任何時間去食你都一定有位，不過我就其他餐廳搵唔到位都唔會再幫襯。

之前有聽過朋友講呢間越式餐廳幾好食 諗住試吓啦 咁前幾日就去咗試下買個外賣食啦 餐廳出面都幾多人下等外賣 到我叫嘅時候 個人感覺企係counter嗰個人禮貌好差 想叫野食佢就即刻好大聲講等一陣 我叫嗰個唔知咩優惠套餐 話有小食送 諗住叫三個餐 咁我以為可以寫咗主食先再去寫小食 點知佢好無禮貌同我講話要溢小食 開頭都唔知佢講乜 原來佢話要卡啦卡啦咁溢喎都唔知佢係唔係玩我 一定要卡啦卡啦咩？嗰陣已經燥燥地 因為佢全程都勁冇禮貌仲要勁大聲 好似講粗口咁 又成日無端端同我講等一陣見到企係佢隔籬嗰個經理定唔知員工個樣都好無奈 最後叫晒啦佢同我講要等15分鐘左右 但係都等咗好耐先有（都明白嘅我見好多人都有等外賣）總之佢俾人嘅感覺好似佢係茶餐廳啲夥計咁…不過啲嘢食幾好食 嗌咗個咖喱牛腩飯 兩個河粉 都幾符合個價錢 但係態度真係要改一改

成日聽人講將軍澳係美食湯沙漠我睇都唔係呀！🤣🤣🤣俾我搵到間平、靚、正嘅餐廳首先地點就腳一出mtr就到二嚟環境有啲植物同壁畫坐得幾舒服😏仲要啲嘢食大大碟價錢都只不過幾十蚊碟到百零蚊鬆啲咋第一次見魷魚昆布沙律呢個配搭原來係咁好味🦑🦑🦑🦑越式香草味強烈魷魚軟腍到不得了兼入曬味好值得一試小食拼盤製作認真尤其是魚餅🐟🐟🐟🐟厚厚的，又煙韌墨魚亦餅份外出眾咬開一粒粒墨魚清晰可見非常足料咖哩軟殼蟹亦唔輸蝕🦀🦀🦀放面頭果兩件已經好大件沾咗咖哩都無影響脆度點知愈食愈發現個汁入面仲有好多件軟殼蟹🥘🥘🥘🥘🥘啲汁真係香濃到要配個麵包慢慢蘸嚟食！🥖🥖🥖🥖🥖住附近嘅朋友我覺得呢間係絕對值得encore嘅餐廳！❤

食到火都嚟，點都要評價下話說諗住入下康城行下街食lunch, 見到尼間餐廳評價唔錯想試下，叫左两個lunch set同小菜試試。老公嗌咗火車頭湯麵，個湯冇味，最後加咗勁多醬汁。我就嗌左燒牛肉撈檬，d檬粉超碎，牛肉就食落正正常常。最後叫左個燒雞肉米紙卷，真係嬲到，$72既米紙卷，得四舊，d燒雞，細粒到雞軟骨咁。大佬啊，一係你件數多d，一係你做得好食d，收得尼個價錢。成餐飯，得d野飲好飲，真係唔明點解間餐廳keep住有人系出面排隊，伏過直升機，仲要唔平！

今日經過康城商場，突然好想食越式嘢，就諗起呢間玉葉，入咗嚟食咗個午餐⭐️⭐️⭐️😝😝香茅燒牛肉撈檬❤️牛肉一啲都唔乾，燒得好好食，個撈檬入邊有好多配菜，酸蘿蔔夾埋一齊好好食😝！不過份量多啲就好啦！香茅雞扒咖喱湯檬粉❤️ 香茅雞扒好夠味，亦都唔乾！值得一試⭐️泰式鳳爪：加咗$24試咗個小食，好鍾意食呢度嘅鳳爪，因為佢夠酸，都唔會太辣，好開胃🌻🌻叫咗個話梅柑桔蜜，另一杯加$12叫咗越式咖啡，入面係用煉奶沖嘅！都值得一試喎😋 整體來講質素都唔錯，環境亦都幾舒適😋下次都會再嚟食其他嘢，加錢買單大約$200！

去到日出康城睇完戲，搵地方食晚餐，經過呢間“玉葉”食越南菜，其實都唔知食咩好，就入去試吓啦⋯⋯先頭我以為呢間叫做王葉，因為佢個玉字個一點係用塊樹葉做一點😆睇到餐牌大致上一碗麵都要$70以上，價錢唔算平，我就叫咗兩碗試吓先和牛丸、扎肉、牛展湯濛牛丸真係唔知道係咪用和牛做，但好彈牙，都幾好味，扎肉都好好味，牛展走一般，檬粉好幼滑⋯⋯湯底都好好味雞扒撈檬雞扒醃得非常好味，而且煎得金黃色，色香味，檬粉好幼滑，其實雞扒份量唔少，所以呢個價錢其實係唔貴飲品都唔錯整體呢間水準唔錯，下次我會約朋友試其他款式⋯⋯應該有驚喜

一段時間冇入康城吃飯，原本諗住去 Outback，但眼見太多人排隊，不想浪費時間，沿商場行吓行吓見到 Jade Leaf 有位，而越南撈檬粉都係至愛，咁就行咗入去坐低試吓🤣中午吃飯，我首選都係先睇 set lunch menu，主要貪其高性價比，如冇乜特別先轉 a la carte menu，Jade Leaf 午餐選擇都幾多，而且仲配一杯飲品，冷熱都可，睇落都唔錯😉🔻香茅燒豬扒撈檬豬扒好大塊，燒得幾香口，撈檬都正正常常，$68蚊再配多一杯凍飲，絕對對得住個價👍🔻香茅燒雞扒撈檬同豬扒一樣燒得好香，肉質鮮嫩，香茅味突出，合格👍🔻西貢咖喱牛腩飯叫之前其實怕中伏，因為本身好鍾意食咖哩，見到有咖喱牛腩飯，但越南咖喱又真係冇乜試過，最後選擇搏一次，又有驚喜喎。咖哩香濃，牛腩亦燜得極林，加埋啲新鮮洋蔥好好味，不過牛腩份量就少左啲😅🔻凍話梅柑桔好大杯幾好飲，呢啲飲品單點都要廿拾幾蚊，而家跟餐上又唔使加錢，讚👍今次偶遇呢間店，午餐質素算唔錯，如果行過想食個快餐，但又唔想去連鎖傳統快餐店的話，不妨試試👌

呢間之前試過堂食，印象食物水準都可以。今次試咗叫外賣自取，落咗單15分鐘左右就有得攞，都算幾快手。今次叫咗香茅燒雞牛油果三文治，睇相見過賣相幾靚，好可惜今日冇晒牛油果，跟咗個青瓜同生菜。燒雞都仲熱辣辣，連埋醬同青瓜都幾好味，幾清新。平時比較少食撈檬，試咗個香茅燒豬扒撈檬，個豬扒都幾香口，可能外賣關係，唔係幾夠熱，但味道係幾好食。另外要咗個燒牛肉米紙卷，一份有四件，跟埋類似食乳豬點嘅醬，味道都ok喎。

偶爾。 偶爾是一個不經意，但又會潛意識去做的事。就好像尋找下一間餐廳，雖然不感到飢餓，卻盼望在餐廳裏找到那一份期許。 牛肉燒得金黃焦香，沿著紋路追尋肉汁。傳統越式的配料，為味蕾鋪上一條不平凡的道路。然而，配上一口酸爽的檬粉，心裏的鬱結都會一掃而空。 話梅柑桔略甜，但也會在頃刻之間，為生活的苦澀減卻了一半。 除了燒牛肉外，沒有其他更為驚艷的。 乍看之下，較多人品嚐經典火車河，和牛丸、生牛肉及扎肉等材料一湧而上。不過偶爾來一頓，也是不錯。

在open rice 見呢間餐廳好似茶餐廳咁，親身入到黎又別一番風味，成間餐廳燈光同牆身都營造到好光猛好清新的感覺，連啲凳都好有越南特色，幾好坐。唔知係咪平安夜的關係，餐牌全部都換掉，但……新餐牌推出，明明有甜品新推，當天想嗌黎食下，點知老闆講句：「個餐牌新的，甜品新推，以前無甜品的，所以今日無甜品供應」心諗：下，咁你第一日推出新餐牌，咁唔係有先拎出黎架咩，張餐牌只為左應節用新價錢？！所有野都係其次，食物質素先係重點，嗌左四樣野，越南野不外乎炸，不過呢間餐廳的炸食落的口感係好食的，但食完過後的幾個鐘內腸胃都係唔舒服的，油膉味超重，成晚都口乾口渴….. 炒飯就更離譜，每一匙羹飯都有油漬淨落匙羹上，洗唔洗落咁多油炒飯呀？！

每次想嗌外賣🥡都會諗起佢既香茅豬扒湯河，好岩香港人口味既越南餐廳，香茅豬扒味道一流，其次就係其次就係火車頭湯河，夢粉嘅味道口感都唔錯，不過越南凍咖啡稍為苦左啲，建議要揀嘢飲都係穩陣啲簡青檸梳打，整體感覺都唔錯👍🏻☺️

今次第1次嘗試玉葉，因為都鍾意食越南野，同埋價錢幾廿蚊包埋1杯野飲，真係抵1）西頁咖啡燒雞飯雞肉勁鞋口，雞髀肉都搞到好似食緊雞胸咁咖哩汁正常，唔太辣，大部分人都食得到2）春卷撈檬春卷好好食，新鮮炸起熱辣辣如果佢另上更加好，因為放埋一齊整淋左啲撈檬正常，份量都正常，佢有好多配菜，但食落去唔太香3）（熱、凍）蜜桃柑桔蜜桃味好香，本應係香甜，但加埋柑桔用左啲酸溝埋左一齊，成杯野又酸又甜，唔夾推薦指數：🌕🌕🌖🌑🌑以晚市幾十蚊，包1杯野飲，真係已經好抵

尋日一家大細入康城玩，去左一間服務態度同食物質素都非常好嘅餐廳—Jade Leaf一入餐廳，因為已經差唔多爆場，我同老公因為6位就一人坐一張枱，之前聽到門口有人話可以6人一枱，我起身問左個後生女經理，我地都有用App,可唔可以轉枱，佢好爽快應承，仲帶我哋入去後面卡位等咗差唔多20分鐘我啲朋友終於到齊，因為有兩個小朋友，所以我哋都叫咗頗多嘅嘢食，當值員工好似有四個，全部都係後生仔女，但係佢哋冇因為全場爆曬而忽略咗我哋最入嗰張枱，只要我一聲唔該，就會即刻有人過嚟應我，因為有小朋友雜物都比較多，仲會定時清走枱面上食完嘅餐盤，真係值得一讚成餐飯都食得好舒服，見到佢哋相處得好融洽，個女仔經理仲請我對小朋友食糖，一見到糖本身扭緊計嘅妹妹即刻笑返我哋叫咗生牛肉粉，小食拼盤仲好似有個沙律咁上下，全部都好好食，牛肉非常之滑，小食拼盤每一樣有兩件，每人平均分少少亦都唔會太飽，不過如果有埋甜品會更好個女仔聽到講甜品，就話之後會有甜品，叫我哋下次再嚟，我話你哋態度咁好一定會今次真係一個好愉快嘅經歷，見到佢哋幾個走來走去，又要包外賣又要送餐點，真係辛苦晒走嘅時候，我同經理講辛苦晒，佢答我應該嘅，最緊要仲笑住送我

今天下午和幾個朋友要去康城朋友家聚會，於是中午先到康城商場吃個午飯，現在商場多了不少餐廳選擇，中日西越等餐廳都有，我們選了越式料理，點了午餐精選，包一杯飲料。越式料理當然不少得香茅豬扒，由於沒有吃早餐，所以中午點了熱食湯檬。香茅豬扒湯檬份量也足夠，豬扒也有幾塊，味道香口，不會太韌，而且配料也非常足夠，配上爽口的洋蔥絲，吃上去很清新，口感豐富；至於飲料點了熱話梅柑桔，酸酸甜甜很開胃，冬天喝一杯真的暖透心。

第一次入去比起馬鞍山更加有資格做美食沙漠嘅日出康城打開openrice都唔知食咩好唯有轉個圈揀間合眼緣嘅餐廳經過「玉葉」 成個裝修都幾打卡able有個大玻璃望到入面Backdrop係襯返餐廳名有葉襯埋藤製吊燈同座位夠光猛 而且下午茶唔太多人 幾舒服下午茶時段無得叫返Lunch Set湯濛同撈濛都寫住Mini 怕會唔夠食見到隔離上枱都唔算太細先夠膽叫香茅燒牛肉撈濛佢哋嗰汁偏甜 不太酸不過都幾好食嘅仲有少少葱油撈埋燒牛肉估唔到會咁上以為係一片片佢都易分得開但如果切粒/切片上會更好ps唔食芫茜記得落單要走芫茜呀！！西貢咖哩牛腩飯咖哩汁夠多 啱啱好送哂成個飯雖然話係Tea Set 但份量其實都好多牛腩都夠入味側邊仲有啲醃蘿蔔 解膩～Tea Set仲會有嘢飲跟加$8蚊有滴漏咖啡或者凍咖啡揀