影片
相关文章
利申，曾经帮趁过杭州店，6年亦帮趁过此店，绝对无问题，于是早一星期已经订位，一进入大门攞位，就有一个身穿西装嘅男人用很不屑的语气话带他去2号枱，我们莫明其妙的，第一次见面，无得罪佢，唔明白为何有这种态度。食物水平十分之普通，如一般屋村酒楼，但却收尖沙咀价钱！食套餐，花胶薄如纸，鲍鱼算细只，人参汤淡如水。焗蟹盖无蟹肉，只有蟹柳丝，有一味紫纱白玉，豆腐无味，连豆味都无。蟹粉小笼包蟹味其淡。唯一可以一赞系甜品，椰子雪粑。（应该系买返嚟）最最最差系服务，侍应们像游魂，自己倾计倾个不停，要牙签，攞左出嚟，不过随手放咗落隔离枱。开始等左二十分钟无嘢上，一上第一样野之后同时嚟鲍鱼同小笼包，咁自然先食鲍鱼，要求侍应留低笼仔个盖保温。五分钟后一个疑似经理操内地口音嘅女士，无厘头走嚟打开盖，我哋一齐望向佢，佢竟话睇吓你哋食咗未？如果食咗就收走。完全不合格的低水平啦！如果食咗就会打开盖.等你收啦！PS 张枱相当大，完全无必要急于收碟。结论：一班完全唔合资格嘅楼面侍应，随意地，胡乱地招呼，使食客啼笑皆非。个人就绝对唔会再帮趁！是见到facexxxxx 内广告才决定一试，结果非常失望，彻底破坏咗一餐节日午饭！如果评分有负分，呢间应该系负五星！
继续阅读
见到餐厅做promo, 有个九道菜lunch menu, 每人只需$138，好似好抵，所以去试。点知中伏。所谓九道菜，其实里面啲嘢好湿碎，烧卖、水晶粉果、腐皮卷每样一旧已经当三道菜，而且系唔好食，质素比外面普通酒楼差。唯一一道好食嘅菜系乳鸽。就连甜品嘅雪糕一食就知系买啲平价牌子，好似维记、雀巢嘅味道。完全系欺骗消费者。好心啦，做咩要做衰自己个名，你做唔起贵野都用心啲去做呀，唔好用gimmick嚟厄人。绝不推介。
继续阅读
/ 同事见到网上有王子饭店既下午茶点心套餐既订购优惠，即刻话要带埋我一齐去试试🥳！(真系超抵价，$99就可以品尝到王子饭店京川沪厨房既8款顶级手工点心，真系听到都心动🙈)佢个套餐包括挪威烟三文鱼沙律、招牌王子鸽、天下第一「包」、王子虾饺、公子烧卖、萝卜丝酥饼、春卷同埋即焗既酥皮蛋挞🤤首先一坐低，就即刻黎左呢个📍挪威烟三文鱼沙律💬个沙律汁酸酸地，好开胃，好好食😋然后就上佢地既📍招牌王子鸽🤩 (半只)💬本身已经好钟意食乳鸽既我地都食到停唔到口，好出色啊真系，直情想encore多一只外卖返屋企食🙈喺食紧乳鸽既途中，就黎左呢个好似人地出面食afternoon tea既架🤣，而架上面就分别有📍(上层)虾饺、烧卖(下层)迷你叉烧包、萝卜丝酥饼、春卷同埋酥皮蛋挞💬点心都系二人分量既⋯虾饺、烧卖就比较一般，无话特别好食，但叉烧包、萝卜丝酥饼、春卷同埋酥皮蛋挞，就真系好出色，好好食😋👍🏻最后食饱饱之后会收返加一($11.4)同埋茶钱$15，每人都系大概$130，我地都觉得好抵，同埋呢间餐厅水准都好高🥰整体上黎讲，呢个下午茶真系好抵食，性价比好高，而且都好够饱，环境都唔错，员工服务态度都好满意👍🏻，下次要黎encore啊🙆🏻♀️！
继续阅读
今次又系网上见到做紧晚市套餐，有鲍鱼、海参同花胶鸡汤，刚好父亲节就订个套餐带双亲去豪下。装修不用再介绍入正题。🥣生磨杏汁银肺花胶汤有杏汁香味，热辣辣味道就淡淡地都有益。🥢花雕滑蛋蒸围虾球滑蛋蒸得非常嫩滑，入口带啖啖花雕酒香，仲有只基围虾好爽弹。👍🥢六头鲍鱼伴鹅掌炆得入味虽不是糖心，但中间有鲍味，鹅掌都非常腍有嚼劲。👍🥢中山王子鸽雪鸽关系有点干身鞋口。🥢上汤浸时菜清新高纤维不算嫩但都可口。🥢黑松露炒饭饭底干身香口，粒粒分明越食越想食。可惜太精致了。🥢雪耳桃胶好滋润啊！二款材料都好有胶质，非常滋润。🥢生磨芝麻糕软滑细腻。👍🙄不得了茶介 $114 包括左茗茶 $60 四位，前菜二小碟 $36，王子 XO 酱 $18网上购劵 $1592 现场补多$285，即平均每位 $470 日本艺人「福山雅治」都有曾经到访。
继续阅读
有亲人告知有网站推出买一送一套票，以大约三百多元就能品尝八道菜式，仲可以喺1881度食，感觉很超值所以就即刻买咗。购买过程好方便，只需要选择用餐日嘅日期同时间，就可以唔使再打电话去预约，直接去到食就可以。餐厅侍应好有礼貌，唔会好急咁样放低晒咁多样嘢食，会见你差唔多食咗一道菜，先放得下一样而菜式，份量都啱啱好够饱，唔会因为价钱比较平而有所减少。而我最钟意就系食佢嘅灌汤饺，因为汤非常清甜，而且亦都有灌汤饺入面嘅材料亦都好丰富，乳鸽亦都十分之热辣辣同脆口，十分之推荐大家嚟食!
继续阅读